افكـــــــار لفترة التهيئــــــــــــــة واستــــــقبال اطفــــــال الروضـــــــــــة

[nero]

الحالمه


اففف حده لعب فيني .. امس هديت اللابتوب بسبته



منوره


زين فطنتوني على سالفة الالعاب بالصف .. انا كلش ما سويتها اللهم العاب تربويه وتلوين بس



زوزو


انتي الي مشكوره ياختي


توني عروس

القوس سويته ب 25 ... ايلج لي مكانج ايبلج البالونات ويسويه عندج
وحتى البالونات الهيليوم منه .. الوحده على ربع جنه

9292921

 

[عتوشه]

يعطييييييييييييكم العافية بنات صراحة افكاركم روعة
وياريت اخت انفاسي تحطيلنا صور الاجهزة والمسدس
اشفايدته وجم اسعارهم حبوووبة
اما انا العام سويت دسكات فيها عرض بوربوينت عن
صفي وصور للاركان وبصراحة استانسوا الاهالي حتى
الناظرة عجبتها الفكرة غير الهدايا للاطفال يعني

 

[nero]

عتوشه حلوه فكرة البور بوينت بس حلاته توديعه حق اخر السنه

ما ننحرم من افكاركم الحلوه يا مبدعااات

 

[انفاسي]

قوه بنات ترى انا عليميه بالنت ولا اعرف للصور لكن روحو للمحل احسن

 

[OM-FAtMa]

يعطيكم العافيه للاسف ما اقدر افيدكم انا مدرسة ابتدائى ما عندنا هاللويه كلها

 

[الحـــلوه]

انا مدرسة روضة جديدة بس ماني عارفه شلون طريقة التهيئه ويتحملون المدرستين اللي بالصف كلهم الشغل ؟؟؟

 

[ابيار]

واااااااي الله يعين على هاللوووووووووية

 

[nero]

ام فطومه

مشكوره


الحلوه

بفتره التهيئة تقسمين الوقت بينج انتي والي معاج على راحتكم
تبون تمشون ساعه بساعه والا فتره بفتره ما تفرق


ابيار

الله يعين الجميع

 

[مواهب متعدده]

حلو لى رجعه

 

[مواهب متعدده]

انفاسي

بليز دوري لنا العابك في هالسايتات

نبي الصورة

http://www.etoys.com/index.html?_e=48986&_v=4898695B7kANaA49C29B7A86


http://www.toysrus.com/shop/index.jsp?categoryId=2255956

http://www.educationaltoysplanet.com/

 

[nero]

مشكوره يالقبر يناديك

 

[انفاسي]

شوفي يالقبر يمه نكج يروع لا اتصعبين الشغله روحى لفانتسي ورلد تلقينهم حتى سنتر بوينت متروسه وعندي شغله ثانيه تصلح لنا موجوده بالمنتدى بالصور والفيديو اسمها العاب الظل ترى يا بنات سهله ونقدر انطبقها شغله كله بظل الايد انا عن نفسي بطبقها التهيئه

 

[nero]

تلوين للتهيئة

 

[يفداك عمري]

يعطيكم العافيه ماقصرتووو


انا توني ابله فرش بمجال الرياض بقراطيسي

ومتابعه موضوعكم

ونشوف تجاربكم وخبراتكم...........

 

[انفاسي]

انصحج انج تقعدين ابقراطيسج اذا فتحتيهم بلشه

 

[smily]

العام حطيت شخصية مهرج على الباب و لزقت فيه البالونات و كتبت فيه تهنئة و خليته طول فترة التهئية كل يوم اكتب فيه شي للأهالي ولين مسكين انكسر لول
و داخل الصف ترسته بالونات و الهدايا شريت لهم ساعات فلة للبنات و ساعات سبايدر مان للاولاد من المعلم الي بحولي و لي اخر السنة كل ما عطيتهم هدية ما تعجبهم يسالوني عن الساعات لووول

سويت لهم شعار خاص بصفي و انا بعد لبسته و كتبت اسمي عليه

و ناوية هل السنة ان شاء الله اعرض لهم فيديو

يعطيكم العافيه بنات و عساكم على القوة

وشكر خاص لنيرو لمواضيعها الحلوة

 

[منورة]

بنااااات عندي فكرة طرت ع بالي تنفع للصف عموما ولها فوائد لاتعد ولا تحصى <<<حشى خلطة مو فكرة



المهم دايم ببعض المحلات لادشيتي يطلع صوت اما طيور ولا جرس ولا واحد يسمي ويذكر الله <<<جني اوصف جني امحق وصف


مشواا معاي بس

المهم اهو عبارة عن جهاز صغير مرة لقيتة بمحل يبيع شغل ابو مية بس ما اعتقد سعر هالجهاز 100 فلس اكثر

لما قربت على الكاشير طلع صوت من الجهاز يسمي عاااااااااااد عجبتي الفكرة مع اني ماشفت الجهاز بس اسمع الصوت عاد انا ابعد وارجع بتاكد يعني <<شكلي يضحك

والحين طرت لي الفكرة وطريقة استخدامة بالصف




قنبلة يا بنات :dddds:


علقية على الباب منة يتعلمون الاطفال ذكر الله عند الدخول زين

ومنة اذا احد دش عليج تنتبهين الناظرة وربعها

ومنة اذا واحد من الاطفال حزة التهيئة ولا واحد مطنقر ومالة خلق ولة نية ينحاش وانتي غافلة عنة تنتبهين لة وتمسكينة قبل الفرار الاخييييير :dddds:

ومنة ومنة بس فكرواااا فيها مفيد


عاد مو تضحكون علي بس هالفكرة بطبقها عاجبتني :ggdw:


وثانكس

المايك للي بعدي هاتوا ما عندكم

 

[angelique]

حلوة الفكرة منورة

انا عندي جرس .. بس لازم تضغطين الزر مو بروحه يشتغل
اذا ضغطتيه يقول : السلام عليكم

 

[angelique]

في فكرة حلوة بس للنشاط
تسوون سينما ..
بالنشاط الصبح تعلنون ان فيه عرض الساعه 10 مثلاً او وقت اللاصفي الساعه 11
لازم يتجمعون بقاعة المسرح .. كل أطفال الروضة
ويكون العرض من خلال الداتاشو مع سماعات عشان الصوت


تحطون كراسي مثل السينما او على الارض عادي
ونفيش وبطاط
يستانسون اليهال .. احنا حطينا توم وجيري
قعدنا ليما الانصراف اليهال ماملوا منه

 

[نماين]

للاسف ما اقدر افيدكم لاني بالابتدائي


وعسى الله يوفقكم

للرفع