اقتراح النائب سعدون العتيبي بمنح المتزوجة مكافأة شهرية 350 ديناراً

[كرستال 2008]

بصراحه خوش خبر للمتزوجه واللي عندها عيال عشان الواحد يتفرغ لتربيه العيال بدل ماهم عند الخدامه من الصبح للظهر والسبه حاجة الوظيفه وبعدين اللي مو متزوجه مايحتاج يحطولها لان القصد من هالقرار تربية الاجيال اما المو متزوجه ماعندها مسئوليه بالبيت عشان تتحمل همها ... وكل واحد له رايه ... انا مع القرار

 

[اكوامارين]

انا مع القرار وصج يابنات ترا موكل الحريم يقدرون يشتغلون مع اني أأيد الوظيفه للمرأه بما أني موظفه سابقا بس شسوي ريلي اجبرني اني أترك الوظيقه وأجابل العيال ووايد فرق بين الحالتين وصج ترا صعبه العيشه بمعاش واحد وترا المره لي قعدت بالبيت تكرف مسكينه اكثر من الدوام الحكومي ويعطيكم العافيه

 

[::كسرة عود::]

شفيكم قمتــوا عليــه بالعكـــس اقتراحه حلـــو....

فـي ناس أهم ما عندها تربيه عيالهـــــا...

ومشكوره عالموضوع...​

 

[روح الدنيا]

هو ما قال اقعدوا بالبيت .. قال اللي مو موظفه تاخذ فلوس .. ما قالو غير جذي .. اللي بتشتغل كيفها ..


يعني بالعكس جزاه الله خير والله .. بس لو يضيف عليها جميع انواع النساء هع المتزوجه و الغير متزوجه و الارمله و المطلقه ..


بس اقتراح حلو ..

و الحريم ظروف مو كل وحده تحب تشتغل ..


فلازم ما نكون انحيازيين .. بالعكس خلهم كلهم يستفييدون الموظفه و غيرها

 

[ليالي الصمت]

انا مع القرار
ولاسباب كثيرة ذكروها الخوات
وبعدين شنو هال 350 اللي بتقعد الموظفة في البيت
بالعكس المفروض هالقرار يكون من الحكومة مومن المجلس والمراة الكويتية تستاهل وخاصة في الغلاء المعيشى اللي انشوفه هالايام
ويعتبر مكافاءة لجهودها داخل عايلتها
هذى ديرتنا خيرها واصل كل مكان ولا سلمت من السب حتى على قنوات الفتنة اللي تبث من العراق واللي من سوريا
مع ان ديرتنا هي اللي مسمنتهم
ياليت خير ديرتنا لها ولهلها

 

[بنوته86]

اختي بنوتة
اتمنى منج احترام راي الاخوات العضوات وما تفسرينه على هواج
احنا فاتحين الموضوع للنقاش مو عشان احد يصغر او يجرح براي الثاني
ويظل الاختلاف لا يفسد للود قضية

اختي ممكن تقوليين لي شنو انا اللي قلته غلط وماحترمت رأي الاخرين .؟؟ وشنو الشي اللي فسرته ابهوااي ؟؟
وشنوو الشي اللي جرحته بالعضوات ؟؟؟
اصلا رايي اغلب العضوات امأيديينه وماقلت شي غلط...

 

[مطيريه ماركه]

على هونكم ترا ماراح نعطيكم من جيوبنا لو ردت علي بقول لاااااااا

وأهم شي أختنا الفرنسية حطت مواد الدستور وأهم شي هالبند

العدل والحرية والمساواة دعامات المجتمع ، والتعاون والتراحم صلة وثقى بين المواطنين .

وييين العدل ؟ لما اللي درست وتعبت وشقت وتوظفت وبهالحر والله يعينها على النفسيات تكرررررف يعطونها الراتب لا وفيه خصم بعد

واللي قاعدة فبيتها تنظف بيتها < أشك بهالشي

وتربي عيالها

ترا هذي مسؤوليتها هم نعطيها راتب

والله تذكرت المثل اللي يقول مايدفن أبوه الا بعرقه

خوش اقتراحات والله نبي اقتراح تنموي مو يدل على أنّ عالم ثالث !

بدال مايعطون المرأة حوافز ويشيلون قصة هالراتب بالتقاعد ويعطونها اجازات ويلتفتون لها يشجونها عالرباااادة

ياحلو أمي والله تقول لو يقولون لي ردي توظفي رديت ولا قعدة هالبيت اللي تجيب الغلقة

وآخر شي بقول كلمة اذا ربي فرق بين الناس ( قل هل يستوي الذي يعلمون والذين لا يعلمون )

نجي حنا يالبشر نساوي البطالية بالعاملين !

وبس واللي يعافيكم لا تجي وحدة تقول حاسدتنا لأن اللي تعب ودرس مو مثل اللي قعد عالثنوي والمتوسط وغيرها لا وقاعدين بالبيت بعد ! لأن الحكومة ماراح تسويها ابداا أصلا لو صار ماصار الزيادة مالت غلاء المعيشة يشيلونها فلا تحلمون ويخلونكم تحلمون !

 

[دراهــم]

على هونكم ترا ماراح نعطيكم من جيوبنا لو ردت علي بقول لاااااااا

وأهم شي أختنا الفرنسية حطت مواد الدستور وأهم شي هالبند



وييين العدل ؟ لما اللي درست وتعبت وشقت وتوظفت وبهالحر والله يعينها على النفسيات تكرررررف يعطونها الراتب لا وفيه خصم بعد

واللي قاعدة فبيتها تنظف بيتها < أشك بهالشي

وتربي عيالها

ترا هذي مسؤوليتها هم نعطيها راتب

والله تذكرت المثل اللي يقول مايدفن أبوه الا بعرقه

خوش اقتراحات والله نبي اقتراح تنموي مو يدل على أنّ عالم ثالث !

بدال مايعطون المرأة حوافز ويشيلون قصة هالراتب بالتقاعد ويعطونها اجازات ويلتفتون لها يشجونها عالرباااادة

ياحلو أمي والله تقول لو يقولون لي ردي توظفي رديت ولا قعدة هالبيت اللي تجيب الغلقة

وآخر شي بقول كلمة اذا ربي فرق بين الناس ( قل هل يستوي الذي يعلمون والذين لا يعلمون )

نجي حنا يالبشر نساوي البطالية بالعاملين !

وبس واللي يعافيكم لا تجي وحدة تقول حاسدتنا لأن اللي تعب ودرس مو مثل اللي قعد عالثنوي والمتوسط وغيرها لا وقاعدين بالبيت بعد ! لأن الحكومة ماراح تسويها ابداا أصلا لو صار ماصار الزيادة مالت غلاء المعيشة يشيلونها فلا تحلمون ويخلونكم تحلمون !

تسلم يمين اللي كتبت هـ الرد

وربي ردج منطقي مليون بالامية

لكن منو يقتنع .. احنا صرنا ندور بس على الماديات .. وفوق هذا .. هـ القرار يساعد المرأة على عدم اكمالها تعليمها .. بتقول شلي اكمل دام اني آخرتها ماخذه معاش !!

 

[قوطي نيدو]

مشكوره

 

[ام فوااز]

والله ياريت يطبقونه
خراام في حريم ماعندهم شهادات وقاعدين بالبيت وعندهم ظروف خاصه مايقدون يشتغلون
والي تبي تشتغل خل تشتغل الله يرزقها

 

[C'est La Vie]

اختي ممكن تقوليين لي شنو انا اللي قلته غلط وماحترمت رأي الاخرين .؟؟ وشنو الشي اللي فسرته ابهوااي ؟؟
وشنوو الشي اللي جرحته بالعضوات ؟؟؟
اصلا رايي اغلب العضوات امأيديينه وماقلت شي غلط...

عزيزتي
مو معنى ان اغلب العضوات مع رايي ولا مع رايج هالشي يرجح راي وحده فينا
اهي مسألة آراء مافي شي اسمه صح ولا غلط كل وحده ولها نظرتها
وانا عتبت على ردج القديم يوم قلتي

امبيييييييه انا استغرب الصراااحه من اللي مو مأيده هالقرااار اقول له بسج طمع ونحس خل يعطووووون حق دييرتج اوله من الخمه اللي برا ومايبيييييين بعيووونهم ..

عرفتي قصدي؟
ومع ذلك تظلين اخت ونورتي موضوعي ياقلبي :tek:

 

[C'est La Vie]

اشكر كل البنات اللي ابدو رايهم وحده وحده :68_asmilies-com:
وخصوصا مطمط واااااي حسيت فيج قلبي متروووسة
ابي احلل تعب شهادتي
شرفتي موضوعي يا قلبي

 

[MyLittleBerry]

جان زين والله

تعبنا واحنا نبيع

ماعندها حل ثاني

 

[*أم*خالد*]

ضـد وبس لووول

 

[شووكولاته]

بدال مايوزعون على بره بنات الديره اولى المتزوجه والغير متزوجه

خل أمي مسكينه تستانس

يعني الوحده تترمل ولاتطلق عشان يعطونها ؟؟

 

[شووكولاته]

الي تقعد بالبيت موبطاليه محد طلع اجيال المثقفين الا امهاتنا الي بالبيت اتعبوا واسهروا وعلموا ما قطونا عالخدم


تستاهل الي تربي جيل الغد معاش

 

[fajer-85]

ضـــــد
ضـــــد
ضـــــد​

 

[ام الكتكوته]

الي تقعد بالبيت موبطاليه محد طلع اجيال المثقفين الا امهاتنا الي بالبيت اتعبوا واسهروا وعلموا ما قطونا عالخدم


تستاهل الي تربي جيل الغد معاش

تسلم الانامل الي كتبت هالكلام والله


وعشتي

وحبيت ازيد على كلامج واقول للاخت الكتبت هل يستوي الذين يعلمون والذين لا يعلمون

اكيد لا يستوي وعلى هالاساس انا احب اقول لج ان مستحيل معاش اي موضفه عندنا بالكويت وتكون كويتيه 350

وهم بعد الكل يدري ان 350 دينار مبلغ رمزي بالنسبه لهم وقا موضفه بالكويت معاشها مو اقل من500دينار وغير العلاوات والدرجات والترقيات الي توصل لها وتخليها معاشها يزيد تقربا بشكل سنوي

والي متنازله عن الي الي في 350 من معاشها تقدر تقعد بالبيت ويوصل لها مقسومها من الحكومه

 

[++الود++]

انا اتوقع ممكن يوافق عليه المجلس لانه كثير من الاعضاء تبنوه في الفصول السابقه لكن الظاهر اللجنه اللتشريعيه ما وافقت لكن لو قدم القانون بصيغه ثانيه يكون افضل مثل تكون مساعده اجتماعيه ويضع الوزير المختص اللوائح الخاصه بالحالات اللي تنطبق عليها000 وجزاه الله خير لاهتمامه بالاسره الكويتيه لان فيه كثير من الاسر تحتاج لعمل الام لكن في ظروف تمنعها 0000 واول الدول الي بدأت تطبق عمل المرأه في البيت هي امريكا بعد ماشافوا اهمية دور المرأه بقرب أولادها وهذا ما يمنع ان انطبق عندنا بالكويت هالشي خاصه ان فيه وظايف بالامكان تتم بالوسائل الالكترونيه الحديثه وما تشترط وجود المراه بالعمل0000 وكل قانون يمكن ينعدل ويشمل الغير متزوجه اللي ظروفها تشبه المتزوجه وترعى اسره لان الغايه من القانون هو الحفاظ على الاسره وليس ماذكر بالخط الاحمر لانه مو الصيغه النهائيه للقانون 0

 

[.jana.]

ضد ضد ضد ضد ضد لانه مافي مسواة