اقتراح النائب سعدون العتيبي بمنح المتزوجة مكافأة شهرية 350 ديناراً

[magd_q8]

بنات ممكن تفهموني يعني شلون مافي مساواه؟؟؟
بالعكس انا اشوفه عدل ومساواه
الحين اللي بالبيت95% عندهم شهادات
لكن ظروف منعتهم من العمل او يبون يتفرغون لعيالهم وازواجهم
وثانيا اللي بالبيت
تقوم بواجبات كثيره تستحق هالراتب
لايكون بقلبكم غل على اخواتكم
خلوا قلوبكم بيضا الله يعافيكم



اخيرا وجهة نظري واتمنى اذا تطبق يكون للغير متزوجه بعد

 

[78MariMar78]

وجهات النظر لا تفسد في الود قضية

 

[C'est La Vie]

بنات ممكن تفهموني يعني شلون مافي مساواه؟؟؟
بالعكس انا اشوفه عدل ومساواه
الحين اللي بالبيت95% عندهم شهادات
لكن ظروف منعتهم من العمل او يبون يتفرغون لعيالهم وازواجهم
وثانيا اللي بالبيت
تقوم بواجبات كثيره تستحق هالراتب
لايكون بقلبكم غل على اخواتكم
خلوا قلوبكم بيضا الله يعافيكم



اخيرا وجهة نظري واتمنى اذا تطبق يكون للغير متزوجه بعد

حياج الله عزيزتي
رايج ونحترمه اكيد
بس ممكن اسأل عن مصدر هذي الاحصائية؟
واكون لج شاكرا

 

[مزونة]

ودي اضحك:krkrkr::krkrkr: احس اقتراح سخيف صار همنا بس الزيادة بلمعاش او نبي معاش للمراة غي:krkrkr:ر عامله فيه قضايا اهم :krkrkr:يانواب​

 

[magd_q8]

حياج الله عزيزتي
رايج ونحترمه اكيد
بس ممكن اسأل عن مصدر هذي الاحصائية؟
واكون لج شاكرا

طبعا مو احصائيه مدروسه لكن واقع الكويت لله الحمد والمنه مافي اميات الا بعض كبار السن
اقل شي تكون معاها شهادة درست حتى لو متوسطه
ويمكن تلقينها تركتها غصبا عنها وتقول ليتني كملت بس الظروف<<<هالجمله تتكرر كثير
ولاتنسين يااختي في كويتيات مطلقات او ارامل وعندهم عيال ماعندهم مايسد حاجتهم واعرف الكثير منهم الله يرزقهم


واخواتي الله يجزاكم خير حطو ببالكم مو كل من ربات البيوت مرتاحه وماعندها شغل بالعكس شغلها بالبيت يمكن يكون اكثر من الموظفه.!
يالمقااااااااااااابل مو كل موظفه او تشتغل وتتعب بالدوام يمكن موظفه بس مرتاحه كله اكل وسوالف.!



ملاحظه:كلامي على البعض مو الكل.

 

[عالية الشان]

بالعكس القرار وايد فيه انصاف فيي حريم تركض وتداوم وهاده بيتها واخر شي يجيلها صافي 300 وله 400

هذي 350 وبالمرتاح لامصاريف سيارة ولالبس دوام وولا تعب


خوووووووووووووووووووووووووووووووووش قرار انا معاه 100 بالامية

 

[++الود++]

سواء المؤيده للاقتراح بقانون او المعارضه00 لها منظورها اللي نحترمه وييقى الحكم انه راح يعرض في المجلس ويناقش ورايها هذا يمثله العضو اللي عطته صوتها لمعرفتها انه خير من يمثلها بهالراي0000 وعلي العموم هالقانون اذا وافقوا عليه الحكومه والمجلس ماراح يطلع بهالصوره على علاته حاله حال اي قانون يقر ويعالج وضع فئه من فئات المجتمع له ضوابط وشروط 000 فلا يعقل ان كل امراه قعدت بالبيت تستحق هالمكافأه فالناس مو سواسيه بالظروف وصدقوني ماراح تساوا بالموظفه لانها قريبه بالمساعده وهي ثابته عكس الوظيفه تماماً كلما زادت سنوات العمل حصلت الموظفه على تميز بوظيفتها سواء من ناحية الدرجه وامتيازاتها او العلاوه الدوريه000 وشاكره لصاحبته للتميز بالموضوع واتمنى تتقبلوا رأيي00

 

[@@نور الدنيا@@]

صراحة قرار فاشل

سوري يعني

ماعجبني




يسلمو

 

[سلمى الخير]

مــــــــــــــــــع



مــــــــــــــــــع



مــــــــــــــــــع



الــــقـــــــــرار


هذي الكويت وصل على النبي

رازه المرأه دايما عسى الله يخلينا حكومة صباح يارب ويطول بعمرها :ggdw::ggdw:

 

[الزمن ماله أمان]

وايد حريم أعرفهم قاعدين بالبيت لا شغل ولا مشغله ويمشيلهم معاش من شركات خاصة ما لايقل عن 500 دينار وفوقها هالقرار يعني 850 واهي قاعدة واحنا اللي نداوم ونكرف بين اليهال والبيت ونصير سوا ما يصير وال 350 شتسوي بهالوقت

 

[MiS_Queen]

انا مع الاقتراح
100%

 

[jasmine_flower]

انا مع القرار فى حالات خاصه جداً مثل

المتزوجه او المطلقه الى تحتاج تفرغ اذا كان ولدها من ذوى الاحتياجات الخاصه

او الى عندها ظروف مثل امها او ابوها مريض

او الى ما عندها احد يصرف عليها وله تقدر تتوظف بحكم السن او ماعندها شهادات

او يكون الزوج معاشه جدا قليل وما يلحق على المصاريف


غير هالاسباب انا ما اؤيد القرار ياجماعه الخير ترى العلم والعمل فريضه اسلاميه ومن اولى اوليات الدين

والله سبحانه كلف الانسان سواء كان امراه او رجل ان يكون خليفه ويعمر الارض

( قل اعملو فسيرى الله عملكم ورسوله والمؤمنون ))

(قل هل يستوى الذين يعلمون والذين لا يعلمون)

الايه واضحه وهى تكليف للبشر سواء كان رجل او امراه بالعمل

وانا اتحدى من يقول انه المراه فى الاسلام كانت حبيسه البيت فقط


القرار يه كتشجيع انه المراه تبقى فى البيت

امر غريب بدال لا اشجع انه المراه توصل لأعلى مراتب العلم واعلى درجات السلم الوظيفى احصرها باطار البيت

موحرام علمج ومهاراتج ونشاطج الى ممكن يفيد المجتمع يندفن فى البيت ؟

هذا اهدار لعقلج كانسانه وعلى فكره قرار النائب كان يقول بطريقه غير مباشره انج ما تصلجين اله للبيت

خلاص عيل خل ايكون تعليمها ثانوى بس مدام فى تشجيع انه المراه تقعد فى البيت

ليش ادشون الجامعات والمعاهد واتخصصوت شيفيدكم فيه مدام راح تقعدون فى البيت؟


والسالفه ماهى حسد وله غيره كثر ما هى مساله عداله

وين العداله بموظفه تشتغل وراتبها 350 دينار وترحع البيت تربى اعيالها

وبين من اختارت ان تقعد فى البيت وتاخذ 350 دينار بلا مجهود ؟

واشلون احلل معاش يوصلى ابلاش هل امرنا ربنا ان ناخذ معاش من دون مجهود

المضحك بالموضوع انه يسمون هالشى مكافاه

مكافاه على شنو على انه المراه قررت تقعد فى البيت بلا شغل وله مشغله

انا اعرفه انه المكافاه تنصرف على عمل على مجهود


بتقولون انه التربيه اهيه اهم وظيفه انا معاكم وهالشى مافى خلاف مافى اهم من دور انه المراه تربى انسان وتغرس فى القيم والمبادىء وينفع بلده فى المستقبل

بس اهيه مو وظيفه كثر ماهى دور فطرى للمراه ما تاذخذ معاش على شى فطرى ؟؟!!



وهل تضمنون انه كل وحده اقعدت فى البيت اتجابل اعيالها

يا ما فى حريم قاعده فى بيتها وماتدرى عن هوى دار اعيالها

وياما حريم يشتغلون بس ابدا مايسنون اعيالهم ويربونهم احسن تربيه

طبعا انا ما اعمم ممكن يكون العكس صحيح هالشى راجع لكل ام وضميرها

وعلى سالفه الخدامه ترى الخادمه ضروره سواء اشتغلت المراه ما اشتغلت بس التربيه على الام مو على الخادمه الخادمه دورها فقط مساعدتها فى شغل البيت


وبالنسبه للبطاله هذا ذنب الدوله وسوء توزيعها على الاقل قرر الواحد يتوظف ويروح الدوام مو كل الوظايف الدوله فيها بطاله مقنعه

واذا كان فى موظفين يقعدون البيت ومعاشهم ماشى هذا من ردات الاداره لو فى اداره قويه جان ما صار هالتسيب
وغير جذيه الله راح ايحاسبه على المعاش وما راح ايكون فيه بركه وفى وزارات فيها رقابه على شغل وطلعه الموظف

وهذا مو معناته ان الغى شى اسمه عمل اساسا ، مثل اذا كان التعليم متخلف ما الغى التعليم ، مستوى الصحى تعبان ماالغى الصحه ، مجلس امه فاشل ما الغى المجلس

الدور على الدوله ان تصحح واتعدل

واتقلل من العماله الوافده فى الوظائف المهمه فى الدوله لن ماراح ينفع الديره اله ولد وبنت الديره


الحياه اخذ وعطى ما اهيه اخذ وبس ومثل ما الدوله مسئوله ان تعطى حقوق للمواطنين

حتى احنا كمواطنين لنا حقوق وواجبات للدوله

والحياه عمرها ما كانت نوم واكل وشرب وبس يا جماعه الانسان ما تكون له قيمه اله اذا نفع مجتمعه وبلده

و سامحونى على الطواله

 

[Stylista_Q8]

C'est

اذكر قريت بالجريده انه القانون حق المراة المتزوجة >> اللي ما تشتغل

يعني مو اللي يشتغلووون

وانا أأيد هالقرار لنه حرام في وايد ناس ما يشتغلوون و معتازين هالفلوس !!

يعني 350 تسوي شغل > اجار شقة و ماجلة و تعين ريلها وغيره فـ شي جميل بصرااحه

يعني المتزوجة و تشتغل already لها معاش اما اللي ما تشتغل والله يعلم بظروفها ما عندها فتستاهل مسكينة

 

[C'est La Vie]

شكرا لكل البنات اللي شاركو نورتو موضوعي
واخص بالشكر جازمين فلور
كفيتي ووفيتي حبيبتي

 

[رائحـة المطـر‘]

طبعا أنا ما قرأت و لا مشاركة لي ألحين لأني أدري إنه فيه مشاركات ترفع الضغط و بيقولون إنه كل أحد يعارض هالقرار أسبابه اهي الغيرة و الحسد و هالكلام اللي ماله معنى و سوء الظن أكيد بيكون موجود فيهم,:flower:

المطلوب شوية روية و تفكيــر بالعقل مو بالعواطف و راح يفهمون ليش فيه معارضين لهالقرار ..

أنا ماني داخلة بنية هالشخص و قايلة إنه عارف هالقانون ما راح يتم إقراره لأنه عندنا نواب واعين و اهو بس قاعد يسجل موقف للتكسب الشخصي بس بتناول مقترحه من وجهة نظر قاااانونيــــة - مو عاطفية لو سمحتوا و اللي تبي تناقشني بعواطفها اعتذر ماني رادة عليها - لأني أكيد أبي الخير لخواتي اللي قاعدين ببيوتهم بس مو بهالصورة المجحفة و المتخلفة..

أول ثغرة في الاقتراح ( حصر المكافأة على المتزوجات ) يعني اللي مو متزوجة أو مطلقة تاكلها !

بالإضافة إلى إن العالم كله يمر بأزمة اقتصادية عالمية و الدول كلها قاعدة تخطو نحو تقليل النفقات و زيادة الاحتياطي المالي عشان الظروف الطارئة اللي راح تخلفها هالأزمة ..
وخلال أي لحظة قد يصدر اقتراح تعديل قانوني لإلغاء قانون المكافأة الجامعية واللي ما تتعدى 100دينار هالمرة يتم الإعلان عن إقرار مكافأة للمتزوجات ربات المنازل و فوق 200 دينار يعني أكثر من الضعف و لعدد أشخاص قريب من عدد طلبة الجامعة و من الاحتياطي !!

أتمنى من الأخ سعدون يعيد قراءة أحكام الدستور مرة أخرى كل شي واضح بالدستور, وغافل و موهوم اللي يقول فيه نصوص دستورية تدعو لإبقاء المرأة داخل منزلها و تشجيعها على ذلك !!

توفير فرص العمل حق منو ؟ الرياجيل بس ؟ أكبر مخالفة واضحة و صريحة في هذا الاقتراح وما قصرت صاحبة الموضوع حطت لنا المواد اللي تنص على العدل و المساواة و الحرية احنا مو بالجاهلية عشان نفرق بالفرص الوظيفية بين الرجل و المرأة !

و اللي يئـن يا أخ سعدون مو ديوان الخدمة إلا الطلبة المتفوقين و المخرجات الأكاديمية اللي يقعدون اكثر من سنة أو سنتين يدورون وظايف و المشكلة ما تليق بمستوى شهاداتهم !

و لي ألحين لا أنت و لا الأعضاء اللي يوافقونك في هذا المقترح الغير منطقي لقوا حل للرقابة على الفساد اللي يستشري في المؤسسات الحكومية و يعرقل توظيفهم ما لقيتوا حل للواسطة و لا لشراء الشهادات من الخارج و لا الرشوة و لا التحيز اللي يمنع الشباب الكويتي من التوظيف..

إلا إنكم تشجعون على إبقاء النساء في بيوتهم !!



C'est La Vie يعطيج العافية و كثري من هالمواضيع النقاشية الحلوة :icon30:

 

[C'est La Vie]

الله يعافيج يا رائحة المطر
اهنيج على هالتحليل الراااائع :icon30:
تسلمين يا قلبي

 

[Čut!e Quèéи]

شوفي انا معاج تحليلج للاقتراح حلو وصح

بس صدقيني لا تعتقدين ان المرأه اذا قالوا بنعطيج هالمبلغ

معناته راح تقعد بالبيت الي عندها شهاده و طموح راح تكمل مشوارها وتحقق احلامها

اما الي ما عندها شهاده او زوجها يغار عليها ولا يرضى انها تكون موظفه او عندها عيال تبي تجابلهم وتعطيهم كل وقتها

والمعيشه صارت نار وشرار معاش الزوج الموظف الحكومي لو صار 1000 بعد ما يكفي على الاقل 350 تخفف عليهم اشوي نقول نخليها للماجله والبيت

شفتي اشلون تنفع بعض االمتزوجات الي جذي حالهم ؟ وياكثرهم ترى مو شويه محتاجين حتى الخمسين دينار واعليه

يعطيهم العافيه وياليت يوافقون عليه والله ماني منهم بس اعرف وايد حريم يكسرون الخاطر بحالتهم

بس لازم يخصصون نفس المبلغ زياده على الاصل للمطلقات والارامل والله هذيل حالهم حال يقطعون القلب

وحتى اهل ذوي الاحتياجات الخاصه او المعاقين بالاحرى

 

[عطر الورد]

اذا طبقوا القرارحلو

والوحده بكيفها اذا بتهد وظيفتها او بتكمل اللي يريحها تسويه
اما انا عن نفسي اهد الوظيفه واقعد اجابل عيالي وادرسهم

ثاااااانكس على الموضوع

 

[ii DareeN ii]

الموضوع اخذ حقة في النقاش