اقرو قصة ولادتي ولكم الحم على دكتورتي

[mrs.ls4]

ولادتي برويال حياة ودكتورتي ناهده العلي

انا كان موعد ولادتي 8/11 ورحت حق الدكتوره 30/10 فحصتني وكنت مفتوحه نص سانتي بس طلعت ايدها جان اتقولي لحظه
فجي ريلج مره ثانيه سئلتها ليش قالت بتئكد
زوجي كان قاعد معاي وشافها دخلت اكثر من صبع وقالت لا نص سانتي بس
رديت البيت وقعت وتشورت كالعاده صليت الفير وحطيت راسي ونمت الساعه 6 وشي الصبح
حاشني عوار بعزيزووي وهذا العوار من اول ما حملت لي الحين واهو فيني
قمت الساعه 10 الصبح تكرمون الحمام حسراااانه جان اشوف بقعه صغيره على الاندر وير شفافه جنها ماي
انا عبالي سويتها على روحي
لبست واحد يديد ورديت نمت قمت على 12 وشي حسرانه تكرمون هم شفت نفس البقعه بس كان عليها شي ابيض خفييييييف
مافيها ريحة تكرمون بول جان ابدل والبس واحد ثاني
الساعه 1 الظهر قمت من الفراش حسرانه بس قمت وقفت على حيلي نزل علي ماي خفيف يس دمر الاندر وير ووقف
دقيت على امي قالتلي يمكن هذا ماي نزل عليج روحي الطبيب وفعلا رحت وصلت 2 نزلت من السياره نزل علي ماي
بس وايد على طول دخلوني غرفة تحظير الولاده ركبواي ادرب ومافيني طلق بس الماي كل فتره والثانيه ينزل
حطو على بطني جهاز مال نبظ البيبي والطلق
شوي وتييني دكتوره فحصتني انا مفتوحه نص ستنتي جان اتقولي بحطلج حبه اتحمي الطلق قلتلها مابي
جان يودوني غرفه ثانيه وشوي وتييني نفس الدكتوره بفحصج وبحطلج الحبه قلتلها مابي تفحصيني ولا ابي حبتج
جان اتقولي لا لازم انتي قاعده اتنزلين ماي ومافي طلق ونص سانتي مفتوحه وموعد ولادتج طاف
قلتلها منو قالج طاف انا ولادتي 9/11 وهذا بجر عادي اعوشر
جان اتقولي اذا ماخليتيني افحصج واحطلج هالحبه راح انولدج سيزيريا اهني امي سفلت فيها قالتلها ليش اتخرعين البنيه
شالكلام الفاضي اهني شوي بلشت اطلق طبعا صارت الساعه 5 المغرب ودكتورتي ليلحين مايت وخليتها تفحصني وتحطلي
الحبه صارت الساعه 9 جان اتييني تبي تفحصني مره ثالثه قلتلها مابي جان ادق على دكتورتي اتقولها ماتبي تفحص وانا
بالفحص الثاني انفتحت سانتيين
كلمتني الدكتوره اتقولي يابنتي لازم تفحصج علشان انعرف جم انفتحتي وطلقج بارد ياماما نبي نطمن عليج قلتلها اوكي
وفحصتني مره ثالثه انا سانتيين والطلق صار كلل 10 دقايق
صارت الساعه 11 بليل ودكتورتي مايت
جان ادش علي نفس الدكتوره قالتي اشرايج تاخذذين ابرة ظهر ماراح اتحسين اب اي شي وراح نقدر نفحصج ونوسعج شوي من
غير ماتحسين
الطلق عواره كنت قادره اتحمله بس تعبت وقلت ابي ابره مابي احس بشي امي وزوجي حاولو يقنعوني ما اخذها الا اذا خلاص بالمره
ماني قادره اتحمل بس انا قلت لا مابي اتعذب واتحمل انا تعبانه وخذيت ابرة الظهر
والدكتور لمه عطاني ياها اطلعت روحي مت من البجي مت مت مت من البجي اهني جان تي الدكتووره الساعه 11 و40 دقيقه بليل
يت طالعتني وانا اطالعها دقيقتين من خذيت الابره الجهاز مال نبض البيبي قام يصفر والدكتوره اتصاره نفس ياماما اخذي نفس
وانا اتنفس وتصره اخذي نفس نبظ البيبي قاعد يروح اخذي نفسسسس واخذي نفسسسس وتصرخ باعلى صوت مت من الخوف


جان اتقول سيزيريان فجت ريلي جدام امي وزوجي ودخلت البربيش مكان المثانه تكرمون جان امي اتقولها شنو بتحولينها سيزيريان
جان الدكتوره اتقولها اي النبظ قاعد يروح وتصررخ علي تنفسي ياماما تنفسييييييييي وانا اتنفس واشفط بهالاكسجين واهي تصارخ
وامي اتقولها البنت ماكان فيها شي شحطيتو بالابره شقلتيلهم شسويتو بالبنت
ووانا صج ماكان فيني شي طلقي والبيبي كان اوكي من خذيت الابره اتنكست
واقول حق امي انا ما اجازف بالبنت والبيبي
جان اتصرخ بويه زوجي اتقوله انت زوجها البيبي راح يمووت انا سمعت هالكلمه جان اطيح على. الفراش اطالع زوجي وهو يطالعني
وامي اتقولها اكو دكتوره اتقول جذي وهدتنا وراحت الدكتوره ودوني غرفة العمليات وسوتلي سيزيريان وفوق هذا كله شارطه ولدي بالمشرط
صوب عينه بشوي
يعني الله حفظ عين ولدي وماحاشته بالمشرط
ولي يومكم صارلي 10 ايام احس بتئنيب الضمير لاني كنت احن ابي اولد ولاني كابرت وخذيت ابرة الظهر ولاني ماسمعت كلام امي لمه قالتلي
لاتستعيلين على البيبي وخليه بطنج
اهمه من دشيت المستشفى محظريني سيزيريان بس ماقالولنا وسو هالفلم
لان مستحل يعطوني ابرة الظهر من غير تعليمات. دكتورتي الله يسامحها لان كانت اتقول بكيف منو عطيتوها هالابره وتصارخ
واااي صوتها واسلوبها وكلمتها شلون فاولت على ولدي ليلحين اترنن رننننن بذوني
واتذكر شكل ريلي شلون بغى يطيح من طوله لمه سمع الكلمه تخنقني العبره وابجي واحس بتئنيب الضمير
وبسسس هذا الي صار معاي ويارب مايصير مع غيري

 

[كتكوته حبيبي]

حسبي الله عليهم ليش جذي امبي والله قلبي طاح فبطني ماجووووره حبيبتي انشاء الله وربج مايضيع حقج كسرتي خاطري والله لايوري اي بنت الي شفتيه ولا يذوقها الي ذقتي انزين مافكرتي تشتكييين شنو هذا لعبو فيج لعب حسبي الله عليهم

 

[امنيتي الأمومة]

وااااااااااااااي الله يكون بعونج

عشان جذي انا اقول سمعوا كلام امهاتكم حتى لو تشوفونه غلط

الام تعرف وتحس سبحان الله حتى لو كانت جاهله

عموما شي مقدر ومكتوب وربي يسر لج وسهل عليج وقرت عينج

بشوفة ضناج

الحمدلله عالسلامه ومبروك ماياج

 

[Eng.Kokoro]

أخييييه امبييه شمسوين فيج الله كان بعووونج والله حفظج وحفظ ولدج
ويع ويع ابره الظهر حاطه عليها اكس مااابيها اخاااف بصراحه


وان شاءالله يارب الجرح اللي بولدج يروح ومايظل اثره و لا تحسين بتأنيب الضمير شي وعدا الحمدلله على سلامتكم *

 

[mrs.ls4]

والله يا خواتي اني ليلحين من ينام ولدي اجيك على نسمه ونبظه
خلاص صارة فيني حاله نفسيه
بس الحين وااايد احسن من خف الوسواس مني
بس لازلت اوسوس على ولدي


وتسلمون على مروركم وكلامكم ودعواتكم

 

[@سيدة نفسي@]

لاحول ولاقوة الا بالله

انا اللي مو بجرية بردت عظامي من الخرعة

شنوووو هذااا فلم رعب حسبي الله عليهم

يابعد عمري مااااجورة ان شاءالله والحمدلله اللي سلمج

وسلم وليدج ،، وهالدكاترة من كثرررر الزباين فقدوا أبسط

أساسيات التعامل مع المرضى صاروا يتعاملون معاهم

جنهم آلات مو بشر اللهم ياكافي..

 

[" ام حمود "]

واي الله يعينج والله صج قصتج خوفتني معني مو بجر
حسبي الله عليهم وان شاءالله مافيه شيء هذا المهم .. والحمدالله ع سلامتج
ومبروك مايااج ويتربى بعزكم ياااارب

 

[عروسة بيبي]

حبيبتي الف حمدلله ع سلامتكم وفعلا دايم يقولون لنا لاتستعيلون عاد انا من احس بشوية عوار اتدوده مادري شسوي واروح المستشفى ويكشفون ويقولون مو ولاده ... انا بجر وولادتي عند ناهده الله يستر يارب ... والله يخليلج ولدج حبيبتي ويسلمه لج امين .

 

[درة أهل الطولات]

حبيبتي الحمد لله على سلامتج

 

[عروسة بيبي]

حبيبتي بس بغيت اسالج انتي شايفه الغلط من منو الدكتوره ؟؟؟ قعدت احاتي وادري ان كل شي بامر الله وسهالات منه وكل وحده غير عن الثانيه بس صايره اقرا كلام وايد عنها بالفتره الاخيره يخلي الوحده تشك مع ان كلامها واسلوبها وطولة بالها بمراجعاتي لها تريحني واهي بنفسها دايم تقولي بصبر عليج وع الراحه لان انتي بجر ومالازم نستعيل عاد مو عارفه كلامكم شككني ):

 

[H&M love]

وااااااااي مت من الخرعة انا بجر و خايفه من الولادة و اخاف اتعسر

اناادري ان ناهده عليها سوالف
و سالفة المشرط حبيبتي مو بس ولدج حتى حمات اختي شقت راسه بالمشرط
اذا الدكتورة زاد عليها الكلام يعني صج مو زينه

الحمدلله على سلامتج حبيبتي و مبروك ماياج

 

[روحي ابوي]

حمدلله على سلامتج وسلامة البيبي ..الحمدلله ان ربي ماخسرج تعب اشهور اللي طافت يابنت الحلال .. وان شالله تجربه واستفتي منها.. وعلى فكرة الدكاترة ماتحب اللي تعند معاهم..لازم اطولين بالج لان روحج وروح البيبي بيدينهم.. وتصدقي على سلامتكم ..عسى ربي لايضركم بشي....

 

[جناش]

حبيبتي الناس حظوظ مع الدكاترة انا اختي ثلاث يهال ناهده امولدتها بس انا كلش ما افكر اولد عندها انا حملت بعد علاج قبل اربع سنوات وبالاسبوع السابع جان تقولي تنظيفات ماكو ياهل طبعا لاتشوفين حالتي وعطتني ورقه دخول مستشفى للتنظيفات بس سبحان الله قلت بتاكد سويت تحليل هرموني والحمدلله طلع الجنين مافيه الا العافيه ربي لك الف حمد وشكر اني ماطعت الدكتورة

 

["Om 3AzOoZ"]

حبيبتي والله حاسه فيج لانه الي صارلج صارلي جربة الطلق والتعب وحاله واخرها سيزيريان والمصيبه انهم كانوا عارفين وضعي بس معطيني على جوي وكانوا عارفين اني ماراح اول طبيعي يالله الحمدالله على كل حال.

ادري انه حاشتج صدمه وخوف من الولاده انا من الصدمه والخوف حتى الحليب مانزل نشف :eh_s(14):

 

[mrs.ls4]

اشكركم كلكم على مروركم ودعواتكم

حبيبتي عروسة بيبي الدكتوره مايتلي الاحيييل متئخر ولا افحصتني ولا شافتني ولا حتى اصبرت علي
دشت علي ماسكه جنطتها ها بنتي شلونج اي جنج تعبانه ٥ دقايق جان اتصرخ من قمة راسها
والسسترات يركضون جدامي يمين ويسار واهي اتصارخ وانا انهرت من الخوف
اهي اصلا كانت تبيني اولد سيزيريان
بيوم الفحص عطتني ظرف قريته ولا الكلام الي فيه ان تحظير سيزيريان
ولمه رحت المستشفى السستر المصريه قالتلي وين الظرف الي عطج اياه الدكتوره قلتلها ما ادري بالبيت
انا الغلطانه الي فيرت دكتوري اخر شهر غيرته ورحت عندها
يريتني ماسمعت كلام الناس
اهي محظرتني سيزيريان
يايتي اخر الليل تعبانه من عيادها مالها خلق تنطر وتصبر علي اسهلها اتشق بطني
وفعلا شقت بطني وراحت بيتهم حطت راسها ونامنت
اصلا دكتوري انصدم قالي ولدتج وانتي توج بالاسبوع الثاني من التاسع
واهي اتقوولي انا دشيت العاشر

الغلط عليها لا اسلوب ولا تعامل
تبين اتولديني سيزيريان اوكي بس لاتسوين هالفلم
صح ولا انا غلطانه
انا بجر وميته من الخوف اتقوليلي البيبي مااات خلاص راح
وتصارخين اب ويه زوجي اتقوليلا البيبي راح يموت شالاسلوب
والفرق ١٠٠ دينار بين الطبيعي والسيريريان يبه اعطيج ٥٠٠ بس لاتسوين هالفلم

 

[موجة ~ بحر]

الحمد لله علي سلامتج وسلامة البيبي

 

[أم خديجة]

الحمدالله علي سلامتج وسلامت البيبي طلعي صدقه دفعت بلااااء وانسي الي صار وصدقيني كل شي خيره والخيره في ما اختاره الله قولي الحمدالله عداكم الشرر وهذي تجربه مره ثانيه لاتروحين هلمستشفى او نفس الدكتوره والله يخليلج البيبي وانسي الي صاااار ولاتلومين نفسج وقت الولاده الواحد يتوتر مايدري شلون يتصرف من الخوف والتعب

 

[ام فوااز]

الله لايخسر تعبج ان شالله والف لاباس عليج
ناهدة العلي واايد صار عليها كلام كلش مو زينه وماتيي الا اخر شي

 

[mrs.ls4]

بعد عمري تسلمون على مروركم ودعواتكم

 

[washwoshh]

حبيبتي حمدالله على سلامتج
واهيا سوت الي شافته صح يعني بتجذب نبضات الجنين قلت يعني بتصبر على شنو تبين ولدج ولا تولدين طبيعي وولدج مو معاج الله لا يقوله

انا هل الدكتوره مادري ما راتاح لها معنه اختي تموت عليها وصج اهيا من الضغط عليها تيي متاخر انا اختى عوشرت وراس البيبي فوق اخرتها سوت لها فتح بطن وثاني واحد صار فيها تسمم حمل على طول قيصيري

الي بقوله بنات
اهم شي صحه البيبي لا تقول قيصيري ولا طبيعي

اعرف ناس عيالهم ماتو والي صار فيهم تخلف وسبه تبي طبيعي وينطرون على البيبي لين يقل الاوكسجين ولا يشفطونه
الي الله كاتبه بصير لا تحسفين ولا تفكرين بشي حمدي ربج ولدج عندج بصحه وعافيه وعسى الله يخليلج وليدج وعلى سالفه انها جارحه ولدج يمكن كانت مستعيله بطلعه بسرعه لمن شافت نبضاته بتقل واني بجر خفتي اهيا ما صارخت الا من خوفها