حمدلله على سلامتج
انا كنت بروح لها مرت اخوي تمدحها وتموت عليها والدة عندها مرتين بس مو في أول بيبي يعني ما كانت بجر
اما بنت خالتي تقول رحت لها من مدح الناس لها وهيا بجر تقول عذبتني وتصرخ علي وتقول يا لله اقري الزلزلة بسرعه وقعدت مع
ام زوجها تسولف وياها واهيا ميتة من البجي والعوار
وبنت عم بنت خالتي ولدت عندها بعد كانت فيها توم صبيان كانت باول اسبوع بالتاسع و فيها التهاب واصل الكلى تقول كانت تروح
الحمام وتبول وانتي بكرامة وتشوف معاه دم دقت على ناهدة قالت عادي من الالتهاب المهم ظلت على هالشيء فترة وكانت
الدكتورة ناهدة مقررة لها قيصرية وقت ولادتها والسبب ان فيها توم؟؟ عاد يت للبنت سستر باكستنية وقالت لها انتي فيج طلق بارد قالت لها راح اموت من العوار تعالي فحصي يوم فحصت والا السستر تصرخ تقول راس البيبي طللللللع وعلى طول يت ناهدة مع انها ما سوت لها شي كل شي واصلا تقول لها هذا مو موعدج شلون ولدتي
تخيلي كانت البنية طول الوقت اتولد وناهدة تقول عادي من الالتهاب تحملي !
بس الله فكها من القيصرية حمدلله كل يوم تقعد تشكر وتحمد ربها مسكينة
انا من سمعت جذي وانا غسلت ايدي وقلت يبا مابيها والحين ان شا الله اولد عند دكتورة رائدة الفضلي اخت عالية
