اكاديمية الرشاقه<<< مجموعه طالب (لبنت الكويت(2))

[شمس وقمر55]

مشاركة: اكاديمية الرشاقه<<< مجموعه طالب (لبنت الكويت(2))

صباح الخير

وين الشطار الحلوين للحين نايمين؟؟؟

يالله قوموا لا يعيبون عليكم الصفوف الثانيه


يالله قوووومووووووووووووووووووووو وسجلووو حضور

،،،،،،،،،،،،،،،،،،

 

[أم حمودي]

مشاركة: اكاديمية الرشاقه<<< مجموعه طالب (لبنت الكويت(2))

صباح الخير

أنا خذيت الصبح الساعه 8.30 كوب كابتشينو

وبعدين الساعه 9.30 بالضبط (2)شريحة توست مع جبنة سلفايد مع كوب صغير شاي


وبعدين أكمل لكم يومياتي

أمس مسكت نفسي عدل ولاخربطت كلش كلش والله أحس هالمره فعلاً بنتصر على السمنه

ادعولي

 

[belle]

مشاركة: اكاديمية الرشاقه<<< مجموعه طالب (لبنت الكويت(2))

تسجيل حضور


اسفه ابله شمس ما ادري ان لازم نكتب يومياتنا




الصبح ماي

و بعدين منقوع حبه حلوه الووووووووووع الجبد طعمه

و بلاك كوفي

 

[belle]

مشاركة: اكاديمية الرشاقه<<< مجموعه طالب (لبنت الكويت(2))

بنات عندي سؤال حبه الحلوه وايد طعمها حلو ما تمتن ؟؟

و اشلون اتسوون المنقوع انا حطيت ماي حار بالكوب العملاق و حطيت 3 قفاش حبه حلوه و طعمه ظييييييييييييييييم


وع وع وع

اهوا جذي و لا الي عندي خربان
انا شريته من الجمعيه قسم البهار

 

[شمس وقمر55]

مشاركة: اكاديمية الرشاقه<<< مجموعه طالب (لبنت الكويت(2))

ام حمودي
هلا بالنشاط كله...والجد والحماس

الله يوفقج يارب ويتمم عليج



بيلي
صباح الورد...الحبة الحلوة من اسمها حلوووه ... وفائدتها تشيل الدهون من البطن...
حتى الايزيلاكس من مكوناتها الحبه الحلوة...يعني مفيده ومهمه للبطن..


يالله باقي المشتركات ما نبي بس اسماء

شدوا حيلكم ونبي التزام ...ترا ماعندنا كروووت صفرررررررررر <<<<<<< سيده كرت احمرررررر


,,,,,,,

 

[شمس وقمر55]

مشاركة: اكاديمية الرشاقه<<< مجموعه طالب (لبنت الكويت(2))

اعاده للائحة اسماء المشتركات<<<<<< والرجاء من كل مشتركه التقيد بالحضور والا ستفصل....

بنت الشمالي

ام حمودي

نجمة سهيل

ام عواشي

belle

سهارا

يسرا

...............................

 

[بنت الشمالي]

مشاركة: اكاديمية الرشاقه<<< مجموعه طالب (لبنت الكويت(2))

شموسه افا والله افا جذي تضيعوني للحين مستمره عالريجيم ومن يوم السبت قاعده ادور انا وين مكاني قاعده ادور بس مالقيت اسمي في ولا مجموعه ؟؟؟؟؟
شسالفه ليش واذا في مجال هني عندكم حطوني معاكم لانه الصراحه مادري انا وين ؟؟؟؟

 

[بنت الشمالي]

مشاركة: اكاديمية الرشاقه<<< مجموعه طالب (لبنت الكويت(2))

ويييييه قوبره توني اشوف مكاني وي وي وي ابييييه فشله هههههههههه من قلب فشله لانه انا شفت اول صفحه وماشفت فيها اسمي مسجل قلت اكيد انا مو موجوده .... احم احم >>>> لاتضحكين لابكوعي الحين لووول




امس ريوقي بس نسكافيه ماكنت يوعانه
وغداي همبرغر وعشى ماتعشيت

واليوم ريوقي توست 2 مع جبن سلوفايد مع شاي
وغدا مادري للحين ماقررت شنو اكل ........


الحين اعذروني بروح امتطي حصاني لوووول

 

[أم_عواشي]

مشاركة: اكاديمية الرشاقه<<< مجموعه طالب (لبنت الكويت(2))

السلام عليكم و سوري على التأخير توني يايا من الدوام
اول ماقعدت شربت كابتشينو فنيال صغير و الريوق توسته مع بيضه علشان ودي يكون عشاي جبن و الضحى بسكوته وحده مع عصير و الحين بشرب حبه حلوه و بنااااااااااااااااااااااااااااااام
و اذا قعدت بتغدا 2 همبورجر ياااااااااااي احبني و انا ملتزمه

 

[أم حمودي]

مشاركة: اكاديمية الرشاقه<<< مجموعه طالب (لبنت الكويت(2))

بنات أنا أخذت 12.30 حبة الحلوه
والساعه 1 أخذت الغدا (2) كباب لحم مشوي + بطاطه صغيره مسلوقه

وبعدين أبلغكم عن الرياضة

 

[أم حمودي]

مشاركة: اكاديمية الرشاقه<<< مجموعه طالب (لبنت الكويت(2))

بنات الساعه 4 لعبت رياضة
وأنا أخذت عشاي الساعه 6 والله كنت ميته من الجوع
فحرام أخربط رجيمي

وهذا تسجيل انصرافي بعد شوي بروح السوق
ألقاكم باجر على خير إن شاء الله

 

[بنت الشمالي]

مشاركة: اكاديمية الرشاقه<<< مجموعه طالب (لبنت الكويت(2))

انا اتغديت الساعه 3 ..... 2 همبرغر مع بيبسي دايت

وماراح اتعشى وبعد شوي بروح السوق ماباقي شي على عرس اخوي ويمكن اشرب نسكافيه بالسوق
ومن الحين اسجل انصراف لانه راح ارد متليشه ومالي خلق اجابل النت
بايووون وبالتوفيق للجميع

 

[تفاخيه مبطوطه]

مشاركة: اكاديمية الرشاقه<<< مجموعه طالب (لبنت الكويت(2))

بنت الشمالي أهم شي صرتي بغرفه ثانيه هههههههههههههه

ناشبتيييييييييني على آلة المشييييييييي !!!!!!!

الحين على الأقل آخذ راحتي شوي وأشم هواااااااااا























لا تصدقين فقدتج

 

[النور الهادي]

مشاركة: اكاديمية الرشاقه<<< مجموعه طالب (لبنت الكويت(2))

اليوم يعني

لكن من باجر كله تمام إن شاءالله <<<<<<<<حفظنا الموااااااااال

 

[أم_عواشي]

مشاركة: اكاديمية الرشاقه<<< مجموعه طالب (لبنت الكويت(2))

السلام عليكم
انا قعدت من النوم مالي خلق آكل جان اروح السوق و بعدين كليت سلطه سيزر مع دايت الحمدالله و بس
و مشيت وايد بالسوق

 

[شمس وقمر55]

مشاركة: اكاديمية الرشاقه<<< مجموعه طالب (لبنت الكويت(2))

مساء الفل على المجموعه النشيطه

واااااااااي تهبلون .... شحلاتكم وانتم ملتزمين وتسمعون الكلااااام

بس تعااااااالواااا شعندكم عالسوووق؟؟؟ كلكم مره وحده طالعين عالسوق؟؟؟ لا يكون متفقين على نيه؟؟
هاااا ترا دازه وراكم مخبرين سريين
يا ام حمودي وشموله وام عواشي.....<<< ان خربطتوا او اكلتوا شي ممنوع بيوصلني خبره...


نجمه؟؟؟؟؟؟؟
ليه متى التخربط؟؟؟ شوفي مجموعتج شزينهم يالله التزمي معاهم وشدي حيلج عشان تصيرين نجمة الصف


الله يوفقكم يا بنات

صراااحه اليوم تشرحون النفس حضور+التزام+همه وحيويه ونشاااااط


استمرواااا والله يوفقكم اللهم امين

،،،

 

[أم حمودي]

مشاركة: اكاديمية الرشاقه<<< مجموعه طالب (لبنت الكويت(2))

صباح الخير أبله شمس وقمر 55
أنا أمس ماخربطت وماطلعت للسوق بعد شوي بروح السوق
والدليل على إني ماخربطت اليوم وزنت الصبح من باب الفضول انصدمت وزني كان بداية المسابقة 89.700 واليوم الصبح صار 88.200 قولوا ماشاء الله واي بنات بغيت أرقص بمكاني من الوناسة

وبدايتي الصبح كوب كابتشينو الساعه 7.30
وبعدها بساعة أخذت كوب شاي مع 2توست مع لبنه

بنات حبة الحلوه عامله عمايلها معاي بستمر عليها على طول

سجلت حضوري انتظروني بعدين أقولكم باقي اليوميات

 

[بنت الشمالي]

مشاركة: اكاديمية الرشاقه<<< مجموعه طالب (لبنت الكويت(2))

صباح الخير بنات

انا اليوم فطوري توست مع شريحة جبن وشاي
ومنيو غداي سلطه وبس
وعشا ماراح اتعشا

شموسه انا اروح السوق لانه عرس اخوي الاسبوع الجاي والفال للي ماتزوج
تفووووخوووه حره عندي حصان اركبه ويركض فيني بدال الة المشي مالتج الخربانه لووووول
بعد قلبي انا بعد فقدتج تعالي الا بقولج رفووووءه للحين تتعبث باغراضج ؟؟؟؟ ههههههههههههههههه
يارب ان شاء الله تضعفين

 

[أم_عواشي]

مشاركة: اكاديمية الرشاقه<<< مجموعه طالب (لبنت الكويت(2))

السلام اشلونكم شخباركم
انا شربت كابتشينو (( فنجان) )
الفطور خنصف خبزه سمره و فيها نتفه فول لاني ميته من اليوع و الفول اشبع ليمه العصر
و الحين بنام و اذا قعدت بتغدا بس ما ادري شنو


لا و الله ماخربطت و عندي 6 عروس الموسم الياي لازم اضعف
كله بالعرس انا امتن وحده !!!!!!!!!!!!!!!!!!

لازم اضعف

 

[بنت الشمالي]

مشاركة: اكاديمية الرشاقه<<< مجموعه طالب (لبنت الكويت(2))

ام عواشي ان شاء الموسم الياي انتي حديث العروس عن رشاقتج بس شدي حيلج لاتخربين تعبج




شموسه انا غيرت منيو غداي مابي سلطه لانه وراي سوق اكيد راح ايووع ف طلبتلي من نايف شيش طاووق مع بيبسي دايت ادري انه البيبسي مو من ضمن الريجيم بس شسوي مشتهيه وبعدين الاكل ناشف وانا ماحب اشرب ماي مع الاكل تلوع جبدي ف احب البيبسي الدايت .... اوكي ولا مو اوكي شموس