اكلات لنفاس متنوع...........+

[عشق الوفا]

تسلمين ياحلووووووه بس ترا الجريش والفلفل الاخضر والاحمر ماهو زين للنفساء

 

[توته سعوديه]

غريبه حنا بالسعوديه مانحرص ع الجريش بالنفاس
عاد اناماجربت اتنفس هههههههههه بس اجهضت وكانت امي تسوي لي عصيدة التمر او بعد نسميها المحلى
وبعد المشروبات زنجبيل وحليب ودارسين قرفه وقشر قهوه ورشاد
والمطازيز والمرقوق
ومانحط كوسا لان الكوسا مو زينه بالنفاس
والمرقوق والمطازيز والعصيد زينه عشان فيها بر وتمر وخضار ولحم
ونسوي تمره باشياء مخلطه رشاد وخرابيط بعد
ههههههههههههههههههه ترا انا لمن اجهضت مااكلت الا محلى ورشاد
ايه والمسمنه نوع من البهار يستخدمونه اهل القصيم فوق الجريش لذيذ تقدون تستغنون عنه بالكشنه والزبده

 

[نهاوند]

الله يجزاج الف خير

 

[احلى مريومه]

مشكوووووووووووووووووورة الموضوع وااااااايد حلو

 

[هيونه.المزيونه]

يعطيج الف الف الف عافيه

ماشالله عليج كفيتي و و فيتي حبيبتي

جزاج الله الف خير

 

[Roty]

يعطيج العافيه

اب اب

 

[رد الجوري]

مشكورة

 

[DeeR_MusK]

يعطيج الف عافيه

 

[بحر القوافي]

يعطيج العافيه ماقصرتي

 

[باربي حلوة]

الله يوفقكم

 

[Om Badoory]

يعطيج العافية حبوووبة ............زز

 

[ديرتي الغاليه]

اكمل..............القبوووووووط

عجينة القبوط :

طحين أسمر حسب الكمية
ماء فاتر حسب الحاجة

حشوة القبوط:

لحم مفروم حسب الكمية
بصل مقطع خشن
ملح فلفل أسود وقليل من بهارات اللحم
كشمش (زبيب) مغسول ومنقوع

الطريقة :

1 -تحطين مقدار طحين بالوعاء تقدرينه حسب كميه المرق ..

وتصبين فوقه ماء فاتر شوي شوي حتى يصير متماسك وتعجين باليد حتى تصير

عندك مثل عجينه الفطائر و طبعا اذا كان العجينه لينه زيديها طحين ..

2 -نحمس البصل مع اللحم المفروم والبهارات وعند الاستواء نضيف الكشمش المغسول والمنقوع لمدة نص ساعه الى خليط اللحم المفروم .

3 - تبلين راحه ايدك بشويه زيت وتاخذين قطعه صغيره من العجينه تفردينها

دائره صغيره ( كلما كانت صغيره ورقيقه افضل وتستوي بسرعه والاهم شكلها احلى

وتحطين شويه من الحشو وتقفلينها نص دائره وبعدين ممكن تشيلين منها العجين

الزايد وبعدين تصكينها عدل مثل الكبه ..

بعدها تحضر مرق اللحم أو الخضار واللي راح تسقط فيه القبوط حتى يستوى ...

ملاحظات هامة :

هناك طريقتين لعمل القبوط :

قبوط بمرق اللحم وبهالحاله يحشى القبوط بمزيج من البصل المقطع خشن ني والكشمش المغسول والمنقوع فقط بدون الحاجه لعمل حشو اللحم المفروم .

في حال القبوط بمرق الخضار , يحشى القبوط بحشوة اللحم المفروم المعصج مع البصل الخشن والكشمش , وهي اللتي أفضلها .


طريقة المرق :

تحضرين مرق حسب طريقتك مع إضافة الخضار التالية ( جزر - بطاط - باذنجان - فلفل أخضر حار ) بدون لحم في حال اخترنا نحشي القبوط باللحم المفروم , أيضا ماننسى اللومي اليابس في المرق , وطبعا البهارات .

بالنسبة للخضار أفضل إنها تكون مقلية نصف مستوية قبل اضافتها للمرق .

بعد ما يستوى المرق , نسقط القبوط فيه ونخليه على نار هادية الى ان ينضج ( تقريبا نص ساعه ) , وبعدها يكون جاهز للتقديم ...

المرقوووووووق ..........

المقادير

قرع احمر
فاصوليا

طماطم

كوسا

بطاطا صغيره

فلفل حار

أخذت طحين اسمر
وبعد العجن مددته حتى صار السمك ضعيف


وقطعته لدوائر بالقلاص حتى يصير شكله صغير

وتبعت نفس الطريقة والمراحل

حتى نهاية الطبخه

خليت فيه شوي مرق ثقيل

وهذه صوره تقريبيه

ويا سلاااااااااام يا بنات لو معاه فقع ..........عجيب لنفااااااااااس وهذا موسم الفقع .......

 

[ديرتي الغاليه]

البلاليط

المقادير
2 بيض
2 فنيال سكر
رشة هيل مطحون
كيس بلاليط
سمن ولا اي دهن
بصلة وحدة
زعفران وصبغه صفره
الطريقة
1. تفورين البلاليط وماتخليها تستوي وايد
وعقب تشخلينها وتحطين عليها زعفران
وشوي صبغه صفره.
2. نحمس البصل ويا شوي سمن ع النار.
3. عقب مايحمر البصل شوي نحط البيض والهيل ونحرك.
4.نضيف البلاليط والسكر ونتم نحرك.
5. عقب نخلي البلاليط تنطبخ ع نار هادية حوالي 5 دقايق.
6. نحط عليها قرص بيض "اختياري"

...............,,,,,,,,,,,,,,,,,,,,,,,,...........................

الحسو







المقادير


1/2 كوب حبه حمرا ( حسو )
مغسولة ومنقوعة بالماء لمدة 3 ساعات او اكثر


2 كوب حليب سائل ( ندى )
2 ملعقة كبيرة طعام كسترد
1/2 1 ملعقة كبيرة سكر او حسب الرغبة
1 ملعقة صغير ماء الورد - شوي زعفران

الطريقة:


نضع الحسو منقوعة بالماء على النار

نضع الحليب مع السكر في القدر
على النار حتي يبدأ يغلى




ثم نذيب الكسترد في بقية الحليب

ونضيفه على الحليب المغلي مع التقليب جيدا

ثم نضيفه الحسو المنقوعة بالماء ونقلبه بسرعة بالخفاقة اليدوية

ثم ضيفي ماء الورد بالزعفران وحركيه ثم طفي النار

ونحطه في الاكواب او البيالات.. زينيه بالقرفة المطحونة

وصحة وهنااااااااا

 

[om reem 86]

يعطيج الف الف الف عافيه وما قصرتي والموضوع متعوب عليه

 

[ديرتي الغاليه]

الله يعافيج ........... اي واله تعبت من التجميع انا وكريشتي ههههههههههه

 

[توته سعوديه]

يعطيج العافيه
مجهود واضح
الله يجعلها في ميزان حسناتج
صج مفيد فيه بنات ماعندهم احد كبير ينصحهم بس بعد موضوعج اهما يسون لانفسهم
مشكوره

 

[ديرتي الغاليه]

العفووووووو..........وراح اكمل <<<حصلت تشجيع اخخخخخ

 

[قلبين وسهم]

لاهنتي عـ الموضوووووع الروووعه حبيبتي

وجــــــزاج الله كل خيرر

بالتوفيــــــــج


​

 

[قلبين وسهم]

الله الله عـ القبووووووووووووط جان زين لوو تحطين الصحن جدامي والله انا الخدمه انظفه لج عدل ههههههههههههه


كملي حبيبتي عساج عالقوووووووه


بالتوفيـــــــج


​

 

[حرم_طيار]

مشكورة