اكملي القصة0000000

[أسيرة موني]

مشاركة: اكملي القصة0000000

لاااااااء

وتفكر منى و تقول

انا ماني رخيصه عنده حتى لو احبه واموت في ترابه الي يمشي عليه

العب باعصابه و اسويها وياه حرب اعصاب

و ترد تبطل الباب بكل قوة و تقوله :: ان كان في شي تبين تبي تقوله ,, عندك اخوي تكلم وياه

لؤي يحاول يتكلم لكن منى رقعت الباب بويهه <- قلللللللللعه جليل الحيا

ويرفع نقاله ويطالع رقم بدور ,, ادق ولا ما ادق ادق لو ليع ؟؟؟

جان يقرر انه يدق و بسمى بالرحمن و ضغط على ســند

ولا بدر يرد جان ...

 

[LaSt WoMeN]

مشاركة: اكملي القصة0000000

بدر يكلمه ابنفس .. و لؤي حصل له جم كلمة بس تحملها مثل ما تحمل الطراقات و التكفخ قبل .. لأنه يدري ان اللي سواه مو شويه ..
و فهم بدر بالسالفة كلها .. انه نتايجه اللي قبل ما كانت سليمة و قاله ان لو اي واحد ابمكانه راح يشك ابمرته ..
و اتفق معاه ان يقنع منى ترجع له .. و انه بيعوضها عن كل اللي صار و كفاية الهم و البعد اللي عاشوه ..
بدر اقتنع و حاول يقنع منى .. اللي لما عرفت السالفة - تحليله القديم - فسرت تصرفات لؤي .. و وافقت ترد له بشرط اييبلها رضاوة و اسم البيبي اهي تختاره .. و وافق لؤي ..

نزلت له كااشخه حدها .. ولابسه نفنوف حوامل .. و هو قام .. يتبوسم و يايبلها ورد جوري احمر ..
قلبه يدق يدق .. ولهان عليها ..
و اهي نفس الشي ..

لؤي : " منى .. "

منى : " لؤي .. " >> فاتن حمامة و رشدي اباظة هههه

و يتعانق الاحباب .. و يطلع يمشيها و يعشيها .. و يرجعون الى عش الزوجية .. عسى الله يهديهم ..

 

[lolly]

مشاركة: اكملي القصة0000000

بنفس الوقت .. وفي شقة هناء ..!!!!
د.محمد: تصدقين يا هناء .. امنه هذي انسانه تافهة .. مابيج حتى تغارين منها لاني مالي غنى عنج نهائيا .. وخصوصا القهوة التركية اللي تسوينها .. صج اقرب طريق الى الرجل معدته .. هاهاهاهاهاا
ويضحكون الاثنين ..
هناء: حاضر يا حبيبي .. الحين اسويلك اطعم قهوة من اللي تتمناها وما تقدر تستغنى عنها ..
وتقوم هناء تسوي القهوة ... وبقلبها تقول ..."اشرب يا حبيبي القهوة .. كل اللي ابيه منك انك تكون لي بروحي وتطلق امنة .. حتى لو كانت الطريقة الوحيده اهيا القهوة .. اهم شي تكون والد اطفالي وبهالطريقة اضمن الاقامه هني بالكويت على طول .."
وترد هناء لتقدم القهوة التركية لمحمد وابتسامه كلها حب ..
يبادلها النظرات محمد ويرتشفان كليهما القهوة .. مستلذان بطعم القهوة...

 

[LaSt WoMeN]

مشاركة: اكملي القصة0000000

قلب " العروس " آمنة يحترق ..
الساعة 2 بالليل !!
و تتساءل .......!

"ليش يخليني بروحي و انا توني عروس ؟!"
و على هذا الحال كل يوم ..

تشوف روحها بالمنظرة .. ما عليها قاصر..
طول وجمال ..بشهادة الجميع ..

عطور و تتعطر ... بخور و تتبخر ..
احسن لبس من ارقى الماركات تلبس ...!
و حضرة الدكتور ما يشوف ؟! و لا يهتم ؟

اي ليش ؟
آمنة مو فاهمة هالوضع الغريب جدا ؟!

و تنام العروس الحزينة

فقد سئمت من طول الانتظار......
-----------------

نعووووود الى شخص نسيتوه

انها ام لؤي - نهى - و زوجها المصون بو لؤي ..

ما دريتوا اشصاااااار عليهم ؟

بو لؤي حب زوجته بعد التعديل .. و قام يغار عليها ..
في البداية كانت طالبة الطلاق
بس لما قالها ان كل اللي كان يبيه " الوجه الحسن " والريج الحلو
قالتله ابيك تعاملني مثل ما كنت تعامل نهى قبل لا تدري ان آنا نهى
وافق وقال لها وابيج تعامليني مثل ما كنتي تعامليني و انتي نهى قبل لا ادري انج نهى
ضحكوا ..
و سافروا في شهر عسل جديد ..
و نسوا العالم من حولهم ..

 

[lolly]

مشاركة: اكملي القصة0000000

طبعا سافروا فرنسا .. لكن بولؤي هالمره صار له راس مال يديد وشركه خاصه فيه تكبر يوم بعد يوم .. يعني الله فتحها عليه صار عنده فلوس ..
بفرنسا .. نشوف حركات عط ويهالوا هههه ويصورون بعض .. ويروحون سينمات ...((خوش عندهم حيل على هالعمر))



.
.
.
.
.
.
.
.
لكن .. نروح عند محمد ..اللي كل يوم يروح عند هناء .. وصار اليوم اللي ما يروح فيه لهناء عشان يشرب عندها القهوة يحس بصداع قوي .. وان شي داخله غلط .. كأنه بيقطع نفسه اذا ما شرب هالقهوة ... مع ان امنه مثل ما ذكرنا ما ينقصها شي ... فقرر محمد انه يسوي تحاليل ..يشوف شنو المشكله اللي عنده .. شنو الخلل اللي في جسمه واللي يخليه على طول صداع بصداع ...!!!!

ويروح مختبر زميل عنده .. الدكتور جاسم .. ويسوي تحاليل شامله .. وعلى طول من بعد المختبر راح لهناء عشان تعدله راسه بفنجان قهوة ..
اللي مستغرب منه ان هناء ترفض تسويله اكثر من فنجان واحد .. ليش؟؟ لهالدرجة تخاف على صحته وتحبه؟؟
ويقولون ان الكويتية انفع .. وان الرياييل ليش ما ياخذون كويتيه .. كاهو .. جدامنا الموكويتيات يعتنون فينا اكثر ويهتمون فينا ..

ومن بعد ما يشرب قهوته يرد محمد البيت ويلقى امنه تنطره بكل زينتها ..

 

[LaSt WoMeN]

مشاركة: اكملي القصة0000000

د.محمد طبعا ماله خلقها كالعاده .. كشت فيها و لا عبرها .. عطاها ظهره و نام ..
باله مع هنااء حبيبة القلب ..
!
و الحين اهم بالشهر الثاني من تزوجوا و الحال على ماهو عليه .. !!

 

[عاليا]

مشاركة: اكملي القصة0000000

امنه صابره وتحمله تجاهل محمد حقها موقايله لامها ولا لام محمد وماقصرت بحقه ولا بشي وكله تمدحه
جدام صديقاتها واهلها

طلعت التحاليل الطبيه للدكتور محمد
النتيجه فيه نسبة مخدرات في دمه
راح حق هناء مو عارف طريجه وهو يفكر اكيد القهوه الي تسويها علشان جذي راسي يعورني 00000

 

[lolly]

مشاركة: اكملي القصة0000000

اشوه ان سوا تحاليله عند زميله د. جاسم .. والا الموضوع فيه سين وجيم .. وقضية واذيه..

دخل شقة هناء .. وكالعاده
هناء : حبيبي ... مودي ... اشتقت لك
محمد: انا بعد ياقلبي ... (مابين لها يبي يتأكد من اللي في باله)
هناء: يا حلات اليوم عشان شفتك فيه
محمد: حتى انا .. وحتى القهوة اللي تسوينها يا حياتي ... صرت ما اقدر اعيش من غيرج يا هناء.. بس ياليت تسوي لي قهوة الحين وبسرعه.
هناء:حاضر يا قلبي.
هناء تروح بسرعه للمطبخ وتوس قهوها المعتاده .. في حين محمد كان في قمة الهدوء .. وشرب رشفة من القهوة .. بعدين تعمد انه يسكبها على ملابسه .. فركضت هناء تمسح له ملابسه .. لكنه رفض بحجة ان المضبغه ما يبون الملابس تنظف عشان يطلع منها الوسخ تماماً
وتأسف من هناء وطلع بسرعه يشوف البن اذا في مخدرات والا لأ؟؟

 

[LaSt WoMeN]

مشاركة: اكملي القصة0000000

عند د.جاسم ...
د.محمد بنطر نتيجة التحليل .. اذا القهوة فيها مخدرات أو لأ
من داخله كان يتمنى ان القهوة ما فيها شي .. لأنه من صج يحب هناء ..
يحبها وايد مو شوية ..
اللي خلا زوجته علشانها ..
و مفكر يطلقها و يتزوج هنااء ..!!
"معقولة .. كل هذا يصير .. انا مدمن ؟!
انا د.محمد .... اعالج الناس و انا مدمن ؟!!! "
ما كان د.محمد راح يشك للحظة وحده بس ان هناء تسوي جذي لو د.جاسم ما شك بالسالفة ..
لأنه ربط موضوع القهوة و حرص د.محمد الشديد على شربها من يد هناء بالذات ..
من هني بدا الشك في قلب د.جاسم ..
فطلب من د.محمد عينة من القهوة للتأكد ...

و النتيجة .. !
..............
د.جاسم : " د .محمد ...ثبت ان العينة فيها نسبة كوكايين ..مطابقة للي وجدت في نتيجة تحليل دمك "

دارت الدنيا في راس د.محمد ....
و سقط مغشيا عليه .....
و اخذ يهذي بإسم هناء !

-------------

في هذه الاثناء ....

كانت آمنة في منزلها .. منزل والديها ..
تحدثت بصراحه عن سوء معاملة د.محمد لها ..
و هجرانه .. و عدم اهتمامه بها و بمشاعرها ..
و فوق ذلك ..
خيانته لها مع فتاة اخرى .. !!

نعم ... لقد عرفت آمنة منذ ايام قليلة
بأمر هذه الخيانة ..
حين نادى محمد بإسم " هناء " و هو نائم
فثارت شكوكها ..
و هاجت ثم ماجت ..
و هرعت الى موبايله ..
و بحثت فيه ..
فانصدمت من هول ما رأت ... !!!!11
و سمعت ..!!!!!!

و لكن ..

بما ان ليس للحوار معه مجال .. منذ تزوجته
فلا داعي اذا لفتح هذا الحوار .. - هذا ما قررته آمنة في نفسها ..

استيقظ زوجها .. و خرج كالعادة .. دون ان ينطق كلمة واحدة ..
و من هنا قررت العودة الى منزل اهلها ..

 

[Q8_ButterFly]

مشاركة: اكملي القصة0000000

صارت مسلسل مدبلج

بس والله خوش افكار يا بنات مبدعين

 

[lolly]

مشاركة: اكملي القصة0000000

في منزل امنه.. تجلس امنه وحيده في غرفتها .. تفكر في زوجها محمد .. فهيا مع كل ما حدث معها الا انها تحبه .. ويقطع حبل افكارها صوت طرق على الباب ..
امنه: تفضل
ليدخل والدها.
والد امنه: شلونج امنه؟
امنه: بخير يبه .. ((وتقوم تبوس راس ابوها ))
بوامنه: امنه توه المستشفى اتصلوا علينا ومحمد بالمستشفى تعبان ويبيج عنده.
امنه: شنو؟؟؟ محمد؟؟ شفيه؟؟ يبيني؟؟ ذكرني يبه؟؟ متأكد؟؟
بوامنه: يالله قومي بسرعه اودديج عنده المستشفى..
امنه: انشالله
وتلبس امنه بسرعه خلال دقايق .. وتروح مع ابوها المستشفى

 

[.:. عبرة مُوادع .:.]

مشاركة: اكملي القصة0000000

بالمستشفى :

آمنه : سلاامات يا قلبي ما تشوف شر اهئ اهئ <<== تبجي

محمد : يتنهد الله يسلمج <<== متأثره بالقصص

الوالد : انا استأذن عندي مشوار صغير وراد <<== حس انه ماله داعي

 

[LaSt WoMeN]

مشاركة: اكملي القصة0000000

توهم بيتكلمون و الا ..........!!


جك جك جك جك >> صوت كعب .. امرأة في الطريق !!!

بعدين

زيييييييط >> صوت الباب >> مستشفى حكومة

د.محمد و آمنة التفتوا و الا القادم .... !!


هنااء !!!

صدمة من الجميع !!!!

هناء ما شافت آمنة و هي داشة عند محمد ..لما شافت ابو امنة طلع علبالها خلا لها الجو مع محمد.. و على فكرة اهي لي الحين ما تدري محمد شيسوي بالمستشفى .. بس وحدة من السسترات رفيجتها بالعيادة قالتلها ان محمد مسدوح بالمستشفى .. ويت على طول ..

آمنة تنتقل بنظرها بين محمد و بين هناء .. و شريط حياتها مع محمد يمر جدام عينها .. و اكتشافها للخيانة تأكد 1000% الحين ..

محمد تدوده .. و قال حق هناء .. نعم ؟

هناء ... توهقت شوي .. بس تذكرت ان محمد وعدها يطلق آمنة و يكون لها بروحها - اهي ما تدري انه درى عن مخدراتها و دوابيرها -

قالت .. ايش بيك د. محمد .. سلامات انشالله .. كنت حابة طمن عليكا .. < بلهجتها

محمد : " على اي اساس تتطمنين لو سمحتي انا ريال متزوج .. و بلا هالخرابيط ! " >> صباح الخير
هناء : " محمد .. ايش تقصد بهالكلام ؟
محمد : " اقصد .. تفضلي طلعي بره ..
هناء : برا الغرفة .. و الا برا حياتك كلها ؟؟؟؟
محمد : حياتي كلها ..
هناء : متأكد تقدر ؟؟؟
محمد : هناء قلتلج طلعي بره و خلااص ..
هناء : ماشي .. راح تركض وراي مثل الحمار - اجلكم الله -
محمد : ياللااااااا

هناء طلعت ....

آمنة فاتحة فاها .. و الذهول يملأ عينيها .. و الصدمة ..... كبيرة في حقها !!

خذت جنطتها بتطلع .. محمد مسك ايدها بيمنعها .. و اهي تقاوم .. ما قدرت ..
نزلت راسها ...
و بكت بكااءااا مراا ..
رق لها قلب محمد .. لأول مرة ..
و احس بظلمه لها ....
و احس لأول مرة .. بأنه يحبهاا ..

 

[lolly]

مشاركة: اكملي القصة0000000

اوووووووف كتبت وايد وطرشته والا النت فاصل .. قهر كل شي بح راح

 

[lolly]

مشاركة: اكملي القصة0000000

هناء تفكر لها بخدعه وكذبة تخلي محمد يرد لها .. وبما ان ويهها اصفر وتحس امرات بحالات اغماء خفيفه .. فكرت انها تقول له انها حامل .. لكن شلون تقول له الموضوع؟؟ اذا اهيا قالت له انها حامل .. ماراح يصدقها واذا صدق راح يحس انها تستغل حمالها وماراح يرد لها .. لكن اذا خلت شخص ثاني .. ويكون شخص ضعيف وطيب وغبي كآمنه مثلا .. فأكيد راح يصدق وراح يرد لي مره ثانيه واخليه يطلق امنه ويتزوجني ليما صج احمل او اني اقول له انه كان حمل كاذب !!"

طبعا هناء ما تعرف ان محمد لما سوا تحاليل بمصر مع لؤي تبدلت تحاليلهمه لؤي وان لؤي اهوا اللي سليم وان محمد ما راح يصير عنده عيال لان تحاليله اثبتت هالشي .. وبنفس الوقت لما عرف لؤي انه سليم مافيه شي وان منى حامل منه .. اتصل على المختبر بمصر وتأكد من التحاليل فعرف ان كان في غلط وتبدلت التحاليل بينه وبين محمد .. لكنه اتفق مع منى ان محمد ولا اي واحد يعرف بهالموضوع عشان ما يتضايق محمد .. فما بلغ محمد انه غير قادر على ان يكون عنده اطفال !!

في هالاثناء بينما كانت هناء تدبر وتخطط .. طلعت آمنه من غرفة محمد والا تشوف هناء ناطرتها .. وقفت مكانها وتصلبت من الخوف .. واهيا تشوف هناء تقترب منها .. واصوات كعبها تعلو وتعلو .. فوقفت جدامها وحست امنه ان هناء طووويله حيل

هناء: امنه ابي اكلمج بموضوع
امنه: شنو تبين مني؟
هناء: ابي ابتعد عن حياتج وعن حياة محمد لكن قبل ما ابتعد ابيج تفهمين طبيعة علاقتي مع محمد قبل ما اختفي من حياتكم .
امنه تصمت تبي تسمع كلامها....
هناء:ممكن نروح ستاربكس المستشفى؟؟
وافقت امنه وراحوا الستاربكس وهناك
هناء: ابيج تعرفين ان علاقتي مع محمد كانت علاقة حب اكثر من صداقة .. لدرجه اننا غلطنا مره في عيادة محمد.
امنه تبطل حلجها وتنصدم .. والا استوعبت قامت .. لكن هناء تمسك ايدها وتقعدها
وتكمل هناء: قعدي امنه خليني اكمل كلامي .. لازم تفهمين علاقني مع زوجج
امنه تبجي لكنها تسمع
هناء تطالعها باستمتاع داخي لكن تعابير ويهها في قمة الحزن
وتكمل هناء: محمد قال لي انه راح يتزوج اي وحده عشان بس يرضي امه لانهم رافضيني لاني مو كويتية .. ووعدني انه راح يتزوجها لمدة اسبوع او شهر بالكثير ويطلقها .. لانه ما يحب يزعل امه وخصوصا انها تعبانه ومريضة ويمكن تموت.
امنه ترد بصوت عالي: اسم الله على خالتي .. الله يطول بعرمها ويعطيها الصحة والعافية.
هناء تطالعها بحقد لكن سرعان ما تغير تلك النظرة بنظره يأس وحزن: امين.. ومن جذي انا انظلمت
امنة: وانا بعد شنو ذنبي؟ انا بعد انظلمت!!
هناء: انا انظلمت بسبب الغلطه اللي صارت بيننا .. وخلت فيني روح من محمد .. امنه انا حامل من محمد
امنه تطالع هناء ومبطله عيونها ومنصدمه وماتدري شلون طلعت الكلمه من حلجها: حامل؟
هناء: اي حامل .. واللي ابه منج انج ما تعلمين احد اني حامل نهائيا .. عشان مابي محمد ياخذ ابني مني .. عالاقل هذا الشي الوحيد اللي راح يبقى عندي من ريحة محمد ..
وتنزل هناء من عيونها جم دمعه ..
امنه تبجي بعد وتقوم وتطلع من ستاربكس بسرعه .. واهيا تبجي ..

 

[LaSt WoMeN]

مشاركة: اكملي القصة0000000

لووووووولي تسلمين على هالخيال الحلوو و يعطيج العافية اسم الله عليج من القهر :x

=================================================

اييييييييييه يا بناات ... مسكينة هالآمنة .. لأنها على نياتها .. صدقت هنااء
خصوصا ان تصرفات ريلها محمد كانت تثبت ان عنده خماال - يعني عنده سوالف ..
سهره لي ويه الفير .... و نومه بال .. شاليه .. و عدم اهتمامه بآمنة .. كل هذا يؤكد ان في حياة هذا الرجل إمرأة اخرى ..... ؟!!!
و هذه المرأة هي هناء .. و هي حامل منه ؟!

امنة .. كلما خرجت من هم دخلت في هم اكبر منه !!

كانت هذه الأفكاار تجول في رأس آمنة و هي تهرع الى سيارتها .. تجلس على المقعد .. تنزل رأسها على مقود السيارة و تبكـــــــــــــي ....
الناس يمرون امام سيارتها و يرونها تبكي .. و هي لا تشعر بأحد ..... فما سمعته انساها الدنيا كلها ..

بعد ان انهت وصلة البكاء التي قاربت الساعة .. اخذت تفكر .. ماذا افعل ؟؟
هل اطلب الطلاق ام سيطلقني هو قبل ان اطلبه منه ؟ هل اناقشه بالموضوع ام ادع احد من اهلي يكلمه و يبلغه برغبتي بالطلاق منه ؟؟

و بينما كانت هذه الأفكار تراودها .... رن موبايلها ... فإذا بالإسم " حبيبي محمد " عندما رأت الإسم أخذت تبكي .. فقد شعرت انها غبية امام نفسها .. و كرامتها جرحت جرحا عميقا ... و احترامها لمحمد .. تلاشى ..

لم ترد على الهاتف .. رن الهاتف عدة مرات اخرى ... لم تعرف لم شعرت بضرورة الرد .. فأجابت

آمنة : " ......................." > ساكتة !
محمد : " الوو.....!! آمنة .... شفيج ما تردين ؟؟ "
آمنة :.................... >> دموعها تجيب و هو لا يدري
محمد :" آمنة تحجي ...لا تحقرين
آمنة : اتحجى ليش ؟؟ ما عاد بيني و بينك كلام يا محمد .. مع السلامة
محمد : تعالي وين رايحة ... تعالي المستشفى نتناقش ... و عقبها اللي تبينه بيصير .. مهما كان
بس ارجوج يا آمنة .. لأول مرة اترجى احد .. ارجوج تيين شوية ... انا ادري غلطت بحقج وايد مو شوية ..
تعالي و انا مستعد اوضح لج كل شي ...

آمنة : شالفايدة ... وضحت و الا ما وضحت .. ماكو شي بيتغير .. دام الإخت حامل منك !!

محمد : حااامل ؟؟؟ انتي شقاعدة تقولين ؟؟
آمنة : اللي سمعته ..هه ... مبرووك .. على البيبي و على طلاقنا انشالله ..
محمد : بس ...
آمنة : مالي كلام معاك بعد اليوم عندك شي كلم اخواني .. و انا اختصر لك و اييبها من الآخر .. ما راح ارد لك اللي شفته منك لي الحين ... كاافي .. كنت ما تبيني و اليوم انا اللي مااا ابيك !

طووط طوووط طوووط >>> سكرته ابويهه

حاامل ؟؟ سويتيها يا هنااءو ؟؟ معقوولة ؟؟ بس اشلون ...؟ ادق عليها احسن !!

و يتصل عليها .........؟؟؟؟؟؟؟؟

 

[lolly]

مشاركة: اكملي القصة0000000

وانا يعجبني اسلوبج بالكتابه يا فلانه

 

[mooomooo]

مشاركة: اكملي القصة0000000

لا يوقف لا يوقف لا يوقف


يالله كملوووووو


نسينا لؤي ومنى والحين صار عندنا هناء ومحمد

وبعدين مادري من بيطلعلنا

هخخخخخخخخخخخ

 

[LaSt WoMeN]

مشاركة: اكملي القصة0000000

*ثانكيوو لولي ​

*مووومووو .. لؤي و منى بشهر عسل الحين بعد ما يصير نقول قصص عنهم ههههههه الله يهني اسعيد بسعيده ..

==============================================

اسمحوا لي اكمل ....


محمد فكر شيقولها .. خااف ان هناء تكون صج حامل !!!!!
و توهق البطل ..!!!!!


" ماكو الا لؤي .. خلأدق عليه .. يشوف لي صرفة بهالحالة اللي انا فيها ... "

لؤي يرد بمزااج راايئ عالآخر .. قاعد مع منى بكافيه على البحر و يسولفون عن مستقبلهم الوردي .. و ..

ياا هلاااا بولد العم >> لؤي يرد

محمد بصوت جاد "هلا لؤي .. مشغول ؟ "

لؤي : " أفضى لك أفا عليك ... ها خير علامك ؟ "

محمد :" محتاج اشووفك ضروري .. ما اقدر اقولك بالتلفون "

لؤي : " صار "

و يتفق مع منى انها ترد بسيارته البيت و محمد اييله الكافيه ..و يتأسف منها و يوعدها بطلعة ثانية أحلى

لؤي استغرب لما شاف محمد ! ويهه أسود ..! يحكك ابجسمه .. شكله مو طبيعي ..! أول مرة يشوف محمد بهالحالة !!

و قاله محمد عن السالفة كلها .. سالفة المخدرات و الحمال ..

محمد : " اشرايك يا خوي شسوي ..؟ دبرني ! "

لؤي :" انا من قبل ما كنت مرتاح حق هالبنت ... مخلي بنت الأصل و تركض ورا هالأشكال !! أثاري السالفة مخدرات ؟!!! دكتوور و مدمن ؟

محمد : " شفت اشلوون .. الود ودي اذبحها .. دمرتني .. لازم كل يوم اروح المستشفى اربع ساعات علاج "
و يحك ابجسمه > من الأعراض الانسحابية للمخدرات

لؤي يتذكر شي فجأة .. سر كان قد اخفاه من زمن عن ابن عمه و صديق عمره لكنه الوقت المناسب ليعرفه

لؤي : " محمد .. هناء تقص عليك .. مو حامل منك "

محمد باستغراب :" اشدرااك ؟!! "

لؤي يقوله سالفة التحاليل اللي سووها اثنينهم لما تخربطت النتايج مع بعض و ظن لؤي طوول الوقت انه عقيم -حتى حملت منى و اكتشف الأمر - تذكرون السالفة - فقد كانت نتيجة العقم تعود لمحمد - !

محمد انصدم ... مو مصدق اللي قاله لؤي .. لكن فعلا كانت نتيجة لؤي سلبية .. بس الحين زوجته حامل .. يعني لؤي سليم !! معقول النتيجة السلبية كانت لتحليلي ؟! معقولة ؟؟
شهالبلاوي اللي تتحاذف علي ؟؟ > محمد يتسائل

و يسرع الى المستشفى لإجراء تحاليل .. و بعد يوم ظهرت النتيجة .. سلبية !!

محمد اقتنع اخيرا .. عيناه اغرورقتا بالدمووع .. تمنى ان يبكي .. ان يصرخ .. لم يستطع تحمل كل ما حدث له في الأيام الماضية .. و اتى هذه الخبر ليحطمه .. و يقضي على كل معنى لحياته ..

اتجه الى البحر .. اطلق العنان لدموعه .. و افكاره ... لم يستطع جمعها ....! اصبح التفكير امرا صعبا عليه ..

تلفونه يرن ... المتصل لؤي .. كلمه و اكد له محمد صحة كلامه حول النتيجة السلبية .. ثم اتفقا على اللقاء .. على شاطئ البحر..

محمد كان يحتاج لؤي .. حتى يفكر معه .. ماذا يفعل ؟

لؤي : ليش ما تقول حق زوجتك انك عقيم .. يعني مستحيل هناء تكون حامل منك ..! و قولها ان ما في بينكم علاقة غير شرعية .... و انها - هناء - قاطة روحها عليك و تبي تتزوجك و انت مو راضي لأنك تحب زوجتك...
يعني رقع السالفة ...

محمد :" اقولها انني ما اييب عياال ؟؟ اتهقى لو اقولها بترد لي ؟ اكيد لأ !

لؤي :" هذا الحل الوحيد اللي يثبت برائتك .. و حتى اذا ما قلتلها هالسالفة .. ما راح ترد لك .. على الأقل سالفة العقم اذا اثبتت برائتك في امل ترجع لك زوجتك .... و بعدين لا تنسى الطب تطور و ماكو شي مستحيل الحين ..و اذا اهي ما تبيك ترى البنات وايد .. طب و تخير

محمد :" صل على النبي ... منو اللي تبي واحد عقيم ؟ ذاك اول اتدلع و اطب و اتخير .. الحين حتى خلدوو ما توافق علي !!"

لؤي :" لا تحاتي مثل ما قلتلك ماكو شي مستحيل ......


محمد يفكر ..!! و ظل لؤي يقنعه و يقنعه ... حتى وافق محمد ان يعترف لآمنة بحقيقة عدم انجابه ... ليثبت برائته !!

محمد : " بس هنااءو ... شسوي فيها ؟؟
لؤي : هنااءوو هذي بيلهاا تخطيط .. انت الحين خلص من سالفة زوجتك .. و هناءو نتفرغ لها بعدين......!!

 

[أسيرة موني]

مشاركة: اكملي القصة0000000

لوووووول وعليه خلدو

يرفع حمود تلفونه الـ6670 <-بخاطريييي : و يدق رقم امونه وقلبه يقول دربق دربق دربق

امنه تشوف رقم حمود وتحس بضيق بقلبها وودها تشيله و ما ودها تشيله ,, جان تشيلة و تظل ساكته : .....

حمود : الووو ,,, الووووو ايوا ولا الو ,, امون تكفين ردي علي ,, عطيني فرصه ادافع عن نفسي ,, لا تصيرين قاسيه جذي

امونه : اخواني عندك ,, و تغلق السماعه ,, يا إلهي ,,

اغلقت السماعه و اغلقت قلب حمود في هذا الوقت ,,

حمود ضايق خلقه و لؤي المطفوق يمه عااااا ,,, شنو شفيك ليش سكرته ,, خو تكلم خو ,,

حمود : ماتبي تكلمني انا حاس اني منقمت ,, كل ما ابي اكلمها تقولي اخواني واخواني ,,

لوي : انزين يا دلخ كلم اخوانها هذي بنت عاطفيا ماتقدر ,, اما اخوانها يمكن يوزنونها بالعقل ..

حمود : يمعود كل واحد شطوله شعرضه اخاف افتح حلجي اتكوفن ..

اوي : أفأأأأ ,, ما هقيتك خواف و ردي ,, انا كل الي علي اني انصحك وانت عليك التطبيق و تاكلها خخخخ

حمود : اي اضحك انت مو حاس بناري ,, بس شكلي بتوكل على الله بدق على سعودو اخوها ,, واتفاهم وياه


ويدق حمود على سعودو و يكلمه واهو يتصبصب عرق و يقوله السالفه وانه يبي يثبت لها انه عقيم اصلا عشان هذي الصخله تحمل منه ,,

سعود : اممممممم ,, شوف يا دكتور محمد <- يشد على كلمه دكتور محمد ,, انت الي سويته غلط ,, و غلطت بحق اختي و لو واحد ثاني جان غسل فيك القاع ..

محمد ينفض واهو بمكانه و يتشهد في قلبه "

فيستطرد سعود كلامه : بس دام انك اعترفت بغلطتك و ناوي تصلحها ,, انا بكلم اختي ,, و بحاول اني افهمها الوضع بس من ناحيه سوء الظن ,, لكن من ناحيه تبي تعيش وياك ولالا هذي ما اتدخل فيها ,,

حمود حس انه بحلم ,, سعودو معروف انه اقشر و جدي وياويله الي يغلط ,, بس هالمرة متفاهم حده ,,

حمود : ان شاء الله طال عمرك <- غصبن عليك لوول ..


جـــــــــــــان