الأكاديمية العربية الأمريكية ثنائية اللغة

[مشموشته]

صباح الخير ... للرفع

 

[داريني]

بنات التسجيل مستمر ولا وقف ؟
انا بسجل ولدي حق ثانيه روضه
بس للاسف انجليزي مو ذاك الزود
اخاف بالقابله يفشل
قوليلي الصراحه لازم يتكلم انجليزي ولا عادي

 

[داريني]

ابي رقمهم مو حاطين رقمهم بالموقع؟

 

[مشموشته]

بنات التسجيل مستمر ولا وقف ؟
انا بسجل ولدي حق ثانيه روضه
بس للاسف انجليزي مو ذاك الزود
اخاف بالقابله يفشل
قوليلي الصراحه لازم يتكلم انجليزي ولا عادي

هلا اختي ... ايي على حسب علمي ان التسجيل مستمر ... و انشاء الله اكو اماكن ... الاختبار بسيط ما يبيله شي بياخذله 5 دقايق ... بس انها بتاخذ وتعطي معاه بالانجليزي شوي و يتطول بالها عليه تشوف تفاعله وياها ... و لا تنسين انهم يبيون يربحون يعني ماراح يرفضونه بسهوله ...

والله يوفقج وهذا رقمهم ( 22639681 )

 

[سيدة الكويت]

شلونكم بنات شخباركم

اخت دارينى شلونج ....سألى الأخت أم يويو ولدها داخل كيجى تو 2 ووايد مستانسه انا ولدها مستفيد

موجوده بالدوانيه والله يوفق ولدج بس روحى بسرعه اتوقع اذا سار العدد فل ما يقبلون .

 

[سيدة الكويت]

نسيت اقول اخت دارينى ..الأسعار زادت مو نفس الى بالسايت الروضه 1550 تقريبا

 

[سيدة الكويت]

الســادة أوليــاء الأمور الكرام،،،

برعاية وكيـل وزارة التربية المساعد لشؤون التعليم الخاص الأستاذ/ فهد الغيص، وكعادة الأكاديمية العربية الأمريكية في مثل هذا الوقت من كل عام تحتفل بفعاليات اليوم العالمي تحت شعار " وجعلناكم شعوبا وقبائل لتعارفوا ان اكرمكم عند الله اتقاكم" وستقام هذه الفعاليات بالفصول الخاصة لأبنائكم كل حسب الدولة التي اختارها، ويتضمن الحفل الفعاليات التاليـة:-
1. دولة عربية واسلامية
2. العادات والتقاليد واللغة المتبعة في الدول
3. فقرات تراثية
4. حفل تكريم للمتفوقين مساء من الساعة 6:30 ولغاية الساعة 9:00
كما سيتم الانتهاء من الاستعداد لهذا اليوم في جميع الفصول يوم الأربعاء الموافق 14/04/2010 حيث تمت دعوة عدد من كبار الشخصيات لحضور هذا الاحتفال الكبير والذي نتوقع من السادة اولياء الامور تشريفنا فيه لتشجيع ابناءهم واختيار البلد الفائز. تبدأ فعاليات هذا اليوم صباح الخميس الموافق 15/04/2010 في الفترة الصباحية من الساعة 10:30 الى الساعة 01:30. وسيتم الاحتفال بالطلبة المتفوقين وتكريمهم وتقديم بعض الفقرات مساء يوم الخميس وذلك من الساعة 6:30 الى الساعة 9:00 لذا نرجو الالتزام بضرورة تواجد الطلبة المشاركين بالفقرات المسائية والتفوقين الساعة 5:00 في فصله ومع مربية الفصل مرتديا الزي الذي يمثل البلد.

مديرة المدرسة

 

[مشموشته]

??? !!!! قوا سيدة ... شنو هذا ؟؟ اول مره اسمع عن هالشي ما وزعوا على عيالنا ... اخاف الروضه مو وياهم ...


نوريني و انا اختج ... :nocommint:

 

[سيدة الكويت]

هلا مشموشه لالا الروضه مو وياهم تدرين توهم صغار كتاكيت لهم حفله بروحهم أعتقد 20-5

والحين محفظينهم اغنيه الكويت واغنيه الحيوانات نفس السى دى الى عندج

 

[سيدة الكويت]

صباح الخير مشموشه

اليوم رحله حق فير ستيشن وديتى الحلو ولدج الله يحفضه

 

[مشموشته]

صباح الخير مشموشه

اليوم رحله حق فير ستيشن وديتى الحلو ولدج الله يحفضه

:sfg: صباح النور و الانوار ...


ايي وديته و تاخروا بالرده وصلوا المدرسه الساعه 1 ... انا خفت بالاول صراحه و بطلولنا الباب دشيت سالت الاداره تقول استانسوا بالمطافي و راحوا تغدوا في ببايز و رسموا على ويوههم و سوولهم حفله نطرت شوي و لا يو بسلامتهم

انا ولدي عمه يشتغل بالمطافي فحيل استانس بالرحله الحمد لله ...

الله يوفقهم و يبلغنا فيهم يارب

 

[سيدة الكويت]

هلا مشموشه شخبارج ...اى الحمد الله استانسوا

وتقول الكتكوته ..أنا رجل المطافى قال لهم مو تدخلون المطبخ تأذون امكم وتلعبون بالنار .

تعالى ذاك اليوم بنتى تغنى اغنيه المنكى والأرقام ؟ هذى مالت الحفله؟

أقولج دزا لج على نقالج ...الباسورد مالج واليوسر نيم (نظام طالب)...حق ولدج درجاته ...وأشياء عنه بالنت..أنا دزو لى.

 

[مشموشته]

هلا مشموشه شخبارج ...اى الحمد الله استانسوا

وتقول الكتكوته ..أنا رجل المطافى قال لهم مو تدخلون المطبخ تأذون امكم وتلعبون بالنار .

تعالى ذاك اليوم بنتى تغنى اغنيه المنكى والأرقام ؟ هذى مالت الحفله؟

أقولج دزا لج على نقالج ...الباسورد مالج واليوسر نيم (نظام طالب)...حق ولدج درجاته ...وأشياء عنه بالنت..أنا دزو لى.

احنا بخييييييييير و الحمد لله على كل حال ...

والله انا ولدي ما قالي عن شي يقول هوز ماي و حريجه و بس ...

ايي ( ون تو ثري فور ... مانكيز ووكينج اكروس ذا فلور .... ) و اكو مقطه عن الجيكن و مقطع عن البينجوين ...

هذي مالت الحفله ...

لا والله ما دزولي رساله لاني مغيره رقمي ... حتى لو تذكرين اول السنه يوم جدموا موعد فتح المدارس دريت منج لانهم يدقون على رقمي الي لغيته ...

 

[سيدة الكويت]

مشموشه ...عطيهم رقمج احسن عشان اول باول يعطونج معلومات ..
مشموشه ..عازمتج باجر على اليوم العالمى الصبح...تعالى شوفى الصفوف وهمن فى حفله العصر تعالى معاى شوفى الفقرات المتعوب عليها.
أم يويو وينها ؟

 

[مشموشته]

وي بعد عمري والله " سيدة " انشاء الله الصبح بشوف الوضع ... يعني انتي بتقعدين ويا بنتج ولا شنو ؟

الصبح ابي اروح احلل المستوصف معطيني اورقه توني من شوي ييت رحت و عطتني تحويل ... كتفى اسم الله عليج يعورني من حوالي 20 يوم علبالي برد نطرت عليه ما راح قالتلي اشتباه سكري .... مادري خايفه بس لازم اتاكد ...

عموما باجر يوم مفتوح لليهال قالتلي تيتشر هدى بلبس ولدي لبس عسكري ... و يبت لليهال دوناتس عشان يستانسون ...

انشاء الله لا صادفتج الصبح بدش وياج

صج عاد ام يويو صارلها فتره ما تدش ... وووووووووووينج يا ختي ... عسى المانع خير انشاء الله

 

[سيدة الكويت]

من صجج عوار جتف تقول سكرى ؟؟ الا ادا فيج اعراض ثانيه لا سمح الله

ما تشوفين شر و سلامات ماكو الا العافيه ساعات عضله


انا راح ايب لهم فطاير لليهال خل يستانسون

 

[مشموشته]

من صجج عوار جتف تقول سكرى ؟؟ الا ادا فيج اعراض ثانيه لا سمح الله

ما تشوفين شر و سلامات ماكو الا العافيه ساعات عضله


انا راح ايب لهم فطاير لليهال خل يستانسون

:082502bye_prv: السلاااااااام عليكم ...

والله رحت اخدوا مني 3 قراش دم ... :eh_s(16): طبعا كنت صايمة الصبح و عقب ما طلعت من المستوصف ادوخلج دوخه ... رحت خذيتلي عصير برتقال و ريوق صرت اشوة ...تطلع النتيجه الخميس الياي انشاء الله ... الله كريم
:eshrab:
حوووووووووسة اليوم بالمدرسة ماشاء الله انا دشيت مادري ماااااااااادري شالسالفه اثاري الفصول كل صف على دوله و الناس تتمشى يعني معرض ....

ماكو دشيت طقيتها سواللللللللف انا و مس هدى حليوه والله وتحب ولدي وايد و تقول مخطوبه راح تتزوج بالصيف ...

عطتني دفاتر الهوم وورك لانه ما ويانا جنطه ... شفتيني و انا محتاسه و بعد شيلتني الدوناتس حقنا تقول اكو اكل وايد ههههههههههه :botetoo:

 

[سيدة الكويت]

مشموشه ويهج ما عجبنى اليوم أجر وعافيه

بس الصراحه الصفوف بدعوا ما توقعت جذى خاصه القسم المغربى ...الصف عجيببببببببببببببببببببببببببببب والأكل شكثره لبنانى وشى مغربى ووهندى وو...أقولج شفت هنديه خدامه تأكل بريانى كخخخخخخخخخ بالقسم الهندى

والكل مستانس ..,أضن ياى وكيل وزاره+ ممثلين من السفاره الأردنيه,,وشخصيات كبار

اشوف كاميرا التلفزيون تمشى من مكان لمكان ومصورين

 

[مشموشته]

مشموشه ويهج ما عجبنى اليوم أجر وعافيه

بس الصراحه الصفوف بدعوا ما توقعت جذى خاصه القسم المغربى ...الصف عجيببببببببببببببببببببببببببببب والأكل شكثره لبنانى وشى مغربى ووهندى وو...أقولج شفت هنديه خدامه تأكل بريانى كخخخخخخخخخ بالقسم الهندى

والكل مستانس ..,أضن ياى وكيل وزاره+ ممثلين من السفاره الأردنيه,,وشخصيات كبار

اشوف كاميرا التلفزيون تمشى من مكان لمكان ومصورين

والله تعبانه يا اختي ... و هم كنت متهاوشه ويا ابونا صارلنا وفتره ... الله كريم ... مشكورة على اهتمامج ...

والله انا ما تمشيت و جذي بس اطل بالصفوف ... ايي ماشاء الله كان ناس وايد انا مو فاهمه هذيل اولياء امور ولا شنو ... ايي شكله على قولتج شخصيات مهمه .. ماكو انا بس دشيت ادورج :hjy5jewf:

و يوم رحت الصف :hjy5jewf:تيتشر هدى تقولي مشيتي ضاق خلقي ... جان اصادفج صدفه خير من الف ميعاد :blueSmCLR:

ادعيلي ... ادعيلي ربي ييسر اموري و موضوع السكري هذا مخرعني ... اخاف الضيق الي عشت فيه سنين انا وولدي بروحنا طلع علي الحين ... :yaaaaaarb:

 

[سيدة الكويت]

هلا مشمو شه عندى يقين انا ما فيج الا العافيه تدرين دكاترنا يخرعون الواحد لا توسوسين

عليج بالدعاء والصدقه والأستغفار

تعالى تيشر هدى سارت رفيجتج كخخخخخخخخخخ تونى ادرى انها مخطوبه الله يوفجها