الأكاديمية العربية الأمريكية ثنائية اللغة

[مشموشته]

بخير عساج بخير

اشلون عيالج ويا الدراسه ..؟؟

 

[سيدة الكويت]

السلام عليكم بنات شخباركم ...ماشاء الله الدوانيه عامره بأهل الخير والوجوه الحلوه

 

[مشموشته]

:sfg: هلا بالسيدة

عامره فطلتج ... انتي دشيتي و انا بمشي بروح اتسبح و اسويلي جم شغله بالبيت تالي اروح اييب وليدي فديته

:friends:

 

[om yoyo2]

مشموشته اشلونج حبيتي انا ولدي ماعطو اورقه علشان ايحفظ الاغاني انتي ولدج اي كلاس kg2b

 

[مشموشته]

هلا ام يويو ... بخير حبيبتي عساج بخير ... ولدي ب كي جي ون ... قالت بنعطيهم سي دي بس ما دري متى ...

 

[مشموشته]

للرفع ...

 

[om yoyo2]

قوه مشموشته اشلونج شخبارج وشلون ولدج بالمدرسه

 

[مشموشته]

يا هلا صباح الورد ... احنا بخير و الحمد لله ...

ولدي تمام الحمد لله ... امس غيبته لاني وديته اجيال يسوي اختبار القبول باجر بيردولي خبر ... انتوا شعلومكم ؟؟

 

[سيدة الكويت]

شلونج مشموشه يحلو اليهال بالهده يونسون يا حلو براءة الطفوله

عيل عندهم يوم ميلاد الخميس يحليلها البنيه تونس الله يخليها لأهلها...وان شاء الله يستانسون عيالنا

 

[مشموشته]

بعد عمري " سيدة" ايي وناسة اليوم بالهده و سوينا ديوانيه احنا وام البنيه تقولين خطاب لبنيتها ههههههههههههه

ايي قلت لولدي عندكم حفله يوم الخميس يقول انا انا انا انا ابي حفلة .. قلتله حلاووو كل يوم حفله ... مو عيد ميلاده كان يوم 14/2

عاد اقولج الحمد لله انج ملاحظة فرق على ولدج و انه استفاد ... والله و انا بعد ملاحظه ماشاء الله تطلع منه كلمات فلته و يعرف ياخذ و يعطي انجليزي ...

بس ولله تدرين ليش بغير المدرسه ... بقولج لما يدقون على اجيال انشاء الله

و اذا ما قبلوا بالطقاق الي يطقهم بجدد قيده بالاكاديميه ... والله يوفق الكل

 

[om yoyo2]

مشموشته اشلونج حبيبتي .ليش تغيرين المدرسه والله ترى مستواهم وااايد زين بالتدريس ةحبيبتي اجيال الي بالرقعي

 

[مشموشته]

هلا ام يويو ... بغيرها عشان بعد المسافه والله الطريق الصبح ياخذ وياي سااااااااااااعه غير طريق الظهر هم تعب ...

لي الحين ناطره يدقون علي اجيال يقولون اذا اقبلوا ولدي ولا لا ... والله اذا ما اقبلوا بعيد قيده بالاكاديميه ...

" سيدة " باجر يوم مفتوح لليهال شنو راح تبلسين بنتج ؟؟

انا بلبس ولدي ارنب ... يقولون اسبوع موضوع اليوم " الحيوانات "

يازيييييييييييينهم ويا حلاتهم ...

توصين شي من البحرين امانه ... بنروح الخميس انشاء الله نرجع السبت ... وانتي ام يويو تامريني على شي من المنامه ؟؟

 

[مشموشته]

مشموشته اشلونج حبيبتي .ليش تغيرين المدرسه والله ترى مستواهم وااايد زين بالتدريس ةحبيبتي اجيال الي بالرقعي

ايي حبيبتي الي بالرقعي ورا فندق رامادا ... يمها مدرسه حكومه ... مبناها يبين على الدايري الخامس لونه ازرق و ابيض

 

[مشموشته]

ماشاء الله صار في تفاعل بالقسم " أولياء الامور" و قاعد ينزل موضوعنا

اب اب اب ... سفن اب

 

[مشموشته]

:rgewrg::rgewrg::rgewrg::rgewrg::rgewrg:

وصلتني من شوي رساله من رقم موبايل مكتوب فيها " تعتذر مدرسة اجيال ثنائية اللغه عن عدم قبول الطالب لعدم اجتيازة المقابلة " متتتتتتتتت قهر مو عشان شي ... عشان اني واثقه من ولدي

ولدي ب كي جي ون وما خلصت السنه يعرف يكتب اسمة عربي و انجليزي و يعرف سولفو بانجليزي و الالوان و الاغاني و غيرها و ابلته تقولي انه طالب متميز ... هذيل يقولولي ما قبلناااااااااه

اعذروني بس مبطوطه جبدي والله ... ريلي يقول عشان ال 20 دينار منج و من غيرج الي حقت الاختبار الي ما تسترجع

معقولللللللللللللللللللللللله ؟؟ مدرسه كبيره جذي ... مستواهم جذي ؟؟ كل هالمبالغ من الناس و يطالعون للعشرين حقت الاختبار و هم مكتفين ؟؟؟

مبطوطه جبدي اوف ... بتوكل على الله باجر و اجدد قيده في الاكاديميه والله يعينني على المشوار سنه ثانيه اهم شي فايده ولدي و مستواه ... :eh_s(16):

 

[سيدة الكويت]

هلا مشمو شته شخبارج تلاقين من اول فل مدرسة اجيال الرقعى وقاعدين يلقطون من كل وحده 20 دينار شوفو جم يوصل

حبيبتى الخيره فيما اختاره الله ...واتفقى مع باص الأكاديميه بس الصبح يودونه والظهر انتى اخذيه..والله يسهل عليج

ومرى مدرسة الرواد شوفيها مره ثانيه.

 

[سيدة الكويت]

الله يسهل دربج حبيبتى استانسى وايد مع ولدج وريلج .

 

[om yoyo2]

ابي سلامتج حبيبتي مشموشته حبيبتي انا ساكنه اب جنوب السره وشركت ولدي من اول السنه بالباص اي ياخذه الصبح والله مرتاحه من زحمته الصبح وصراحه كنت خايفه من الباص بس طلع معاهم فراشه تاخذه من الباب وتوصله لي صفه والسنه اليايه بخليهم حتى الظهر ايرد مع الباص ومعاه وااايد يهال مستانس بالباص سجلي وفتكي من الزحمه

 

[مشموشته]

هلا مشمو شته شخبارج تلاقين من اول فل مدرسة اجيال الرقعى وقاعدين يلقطون من كل وحده 20 دينار شوفو جم يوصل

حبيبتى الخيره فيما اختاره الله ...واتفقى مع باص الأكاديميه بس الصبح يودونه والظهر انتى اخذيه..والله يسهل عليج

ومرى مدرسة الرواد شوفيها مره ثانيه.

هلا اختي ... ريلي يقول جذي ... الله يخسهم بطو جبدي ... ليش يدوخون راسي اذا اهم فل ؟؟ طاف يا معوده

خلاص اليوم قطيت ولدي و دشيت الاداره عند مس فاطمه و حجزت كرسي لولدلي انشاء الله كي جي تو ودفعت 200 ...المدرسه قويه و زينه بس كنت احاتي الطريج ايي والله شكلي بسجله بالباص الصبح و الظهر اروح اخذه ... لان الصبح انا اتعب من السواقه لان عندي عوار ظهر من عقب ولادتي لولدي ...

الرواد كلش مو شي " سيدة" الشارع حولهم مو مرصف كللللللللللش و تضيق الخلق لا دشيتيها

 

[مشموشته]

الله يسهل دربج حبيبتى استانسى وايد مع ولدج وريلج .

تسلمين مشكورة :q8: