الأكاديمية العربية الأمريكية ثنائية اللغة

[مشموشته]

احم احم للرفع

 

[سيدة الكويت]

السلام عليكم شلونج مشموشته شخبارج

وشلون ولدج من كيجى ان شاء مرتاح

 

[missu]

ممتازه ...واكثر من ممتازه .........ابله نفين مالت رياض الأطفال عربى
تبين الياهل يتأسس صح عندها
وياريت وين تعطى قاعده حلبيه؟؟

السلام عليكم

اسفة على تأخير بالرد مشكورة " سيدة الكويت على اهتمامج "

انا سألت صديقتي تقول انها مس نيفين العربي بلشت تعطيهم القاعدة الحلبية في المدرسة وقامت بأخير الطلاب المستوى الثاني بس k.g2 يعني ما تعطي حق كي جي ون وصج يقولون عنها انها طيبة وتساعد الاطفال وايد وهم الاطفال يحبونها وايد
وكل اللي تسويه هى بنفسها من اوراق عمل ومنهج صج يعطيها ألف عافية

وبخصوص القاعدة الحلبية انا سألت رفيجتي اذا عليها رسوم ولا لاء: تقول انه هاذا من مس نيفين حق طلبة مدرستنا وفي الأول والاخر تبي مصلحة اطفالنا وهى ما تاخذ عليها رسوم صج هاذا الابلة كفووووووووووووووووووووو والله احسها تشتغل من قلب والله - الله يقويها ويعطيها الصحة والعافية

شكرا ام خالد

 

[سيدة الكويت]

هلا ام خالد ...الله يعطيها العافيه وعساها على القوه ...واهيه صج تحاتى يهال الكيجى 2 وتبى تأسسهم عدل حق الأبتدائى

أم خالد عيالج بالمدرسه؟

 

[missu]

هلا ام خالد ...الله يعطيها العافيه وعساها على القوه ...واهيه صج تحاتى يهال الكيجى 2 وتبى تأسسهم عدل حق الأبتدائى

أم خالد عيالج بالمدرسه؟

هلا حبيبتي سيدة الكويت ايه عندي بنتي في الصف الرابع وعندي ولدي بدخله كيجي 1 بس مادري قاعدة احاتي شوي من مدرسات الانجليزي مو العربي مادري ادخله حكومة ولا شلون ؟ انا رفيجتي ولدها في كيجي ون بس موقاعدة تمدح فيهم مادري!!!!

انت شرايج ؟ ؟
وانت عيالج بأي صف

 

[سيدة الكويت]

هلا حبيبتى الله يوفق عيالج

بالنسبه للكيجى 1 يبون الياهل يكون فلته وذكى بسرعه خاصه مادة الأنجلش

وهذا شئ يبط الجبد لالالا ما اتصحج حكومه لآن ما يعلمون الياهل الكتابه

ويدخل الأبتدائى يخترع من منهج العربى اليديد الدسم

 

[om yoyo2]

انا ولدي اب kg2ونشالله السنه اليايه اولى ابي استفسر في احد ولده اب اولى الانه بالروضه المستوى وايد حلو ومرتاحه معاه بس اولى مادري فالي ايعرف ايقولييييييي

 

[سيدة الكويت]

شلونج ام يويو

اولى المستوى حلو...مس قلادس وايد زينه + مس روبيكا ممتازه هذول المدرسات يعطونهم المواد انجليزى ورياضيات وعلوم ...

ومس عفاف للعربى ممتازه...مسويه كتاب تدريبات..غير مال الحكومه.

موفقه

 

[om yoyo2]

هلا سيدة الكويت حبيبتي بغيت اسال انتي عيالج بالمدرسه وشلون مستواهم انا بالنسبه حق ولدي وايد مستانسه من مستوى وصراحه مس نفين مومقصره معاهم كلش بس عندي مشكله مع ولدي بالانجليزي انا مايعرف اقول جمله كامله بالافعال الماضي او المستقبل ماني عارفه شسوي معاه

 

[سيدة الكويت]

الحمد الله عيالى وايد يحبون ابلاتهم ومدرستهم ومهتمين والأنجليزى قوى فيها بس مو عاجبنى مبناها قديم + امتحاناتهم صعبه+الأختلاط بعض الأحيان
ترى زادو اسعارها .....اكيد يابو لج ورقه بالدايرى مال ولدج

توه ولدج صغير ...يتعدل مستواه أكثر لما يروح الأبتدائى وكلمى ابلته شوفيها شتقول؟

أختى بغيت أسألج شنو يعطونهم عربى وأنجلش كيجى 2؟

 

[mr000]

سلام أمهات اشلونكم .. اشلونج سيدة الكويت.. واشلون عيالج.. بنتج اللي ب8 شخبارها.. ولدي بآخر ريبورت بفبراير روس عدل بالساينس..لا والمس تقولي الفصل التشابتر اللي خلص كان سهل بس هالشابتر اللي حق هالشهر كيميا ترى صعب.. وااااي من يومها وآنا أحاتي عنده امتحان هالأسبوع.. لا وتقولي ترى غريد9 أصعب ومليان ويبيله دراسه عدله يوميا...لاتعليق.. الله يعينا... مادري منهج بنتج نفسنا وإلا غير؟؟

 

[سيدة الكويت]

هلا والله مرو شخبارج يا جميل ....وى الكل زفت بالساينس ...بنتى اسقطت بالأمتحان كان وايد صعب ما ادرى ليش يصعبون علينا الله يستر من الياى شفت ناس بالتسعينات يابو بالثلاثين والأربعين ويمكن أقل

أحنا بدو بالفيزياء ..والكيمياء كان الكورس الى طاف... شوفى لما أفضى...أكتب لج اسماءهم
اهما جم كتاب يعنى مو واحد شئ فيزياء وشئ كيماء وما ادرى عن الباجى .........

 

[om yoyo2]

هلا سيدة الكويت اي حبيبتي kg2 يعطونا عربي وانجلش والعربي صراحه تاسيسهم وايد حلو من ناحيته الاحرف ويعطونهم بعد رياضيات بس بسيط والانجلش كلمات ويتعلم ايقول جمل بالافعال غير الاملاء حبيبتي انتي عيالج اي مستوى

 

[مشموشته]

قوا خواتي ...اشلون سيده الكويت

شفتوا اشلون زادو الاسعار ؟؟؟ مادري على شنو ياليتهم مغيرين المبنى اقل ما فيهاجان قلت ايي ... عموما انا خلاص باجر بروح اسجله بمدرسه ثانيه الصبح بوديه الاختبار ولا خلصت قطيته يكمل الدوام بالاكاديميه

انا قررت اغير مدرسه والله اول شي لبعد المسافه ثاني شي حيل مضيق خلقي مبناهم و صفوفهم وولدي بكيجي ون يعني فطفوط يضيق بين هالصبيان الكبار الي بالثانوي و الحوسه الصبح وقت الجرس مو طبيعيه ... شنو هالممر ما يكفي شخصين يمشون فيه ....

مادري بس انا يهمني اكون مرتاحه نفسيا للمكان و للناس يمكن اختي سيده الكويت لها راي ثاني بالمدرسات بس انا بصراحه مس هدى حقت الانجليزي اشوفها صغيره و مو وايد قويه بالتدريس و مس نيفين حقت العربي احس فيها اهمال " سيدة الكويت " شفتي الهووم وورك حق اليوم ؟؟؟ اي شي ... ؟؟؟ مالها خلق يعني ولدي توه يتعمل اسمه زين اول مره تكتبيله اسمه صح ثاني مره تكتبيله اسمه بسرعه و شابكه الحروف ؟؟؟؟ جنه الولد فطحل ما بيه يتخربط ... صارتلي نفس السالفه بالانجليزي ... تعلم يكتب اسمه بطريقه يوم غيروا الابله المساعده ( الاسستنس ) جان تكتبله اسمه بطريقه ثانيه ........

انا اسمي هذا اهمال ...

بعد بعد المسافه مللني والله

 

[سيدة الكويت]

هلا مشموشته شخبارج حبيبتى

شوفى بالعكس مس هدى الكنديه وايد زينه ....بس مس نفين الى متغيره مو مثل قبل ؟؟

انا من وجه نظرى لو عندج نقد روحى كلمى الأداره وعندج مس حنان المشرفه تساعدج

والله يعينج على الطريج صج الكويت بكل مكان الزحمه يمج اجيال شوفيها والله يسهل عليج

 

[om yoyo2]

اختي مشموشته بالعكس مس هدى وايد زينه كانت ادرس ولدي kg2قبل لايداومون kg1وكانت اتساعدهم وايد خاصه انا ولدي مايعرف شي بالانجليزي كان بالحكومه اولى روضه انا بالنسه لي زينه حق kg1 وايد اتساعد اليهال ولي موفلهم اترجمله بالعربي عكس الي ادرس ولدي الحين اسمها مس بوني ماتعطي ولاكلمه عربي ولاترضه اترجمله ماادري ليش عبالها اليهال اب اولى ثنوي
وبالنسه حق مس نفين ترى وايدزينه وحتى تعطيهم تقويه من نفسها وانتي حبيبتي دايما روحي وستفسري عندها عن ولدج احسن علشان اتعرفين شنو نقاط الضعف الي عنده حتى مس هدى روحيلها وكلميها على كتابت الاسم

 

[مشموشته]

باجر انشاء الله بكلم مس هدى الصبح والله كريم

:eh_s(4):

 

[om yoyo2]

الله ايوفقه انشالله

 

[مشموشته]

تسلمين ام يويو ... والله اليوم الصبح كلمت تيتشر نيفين عن كتبة الاسم ... تقول كنت مستعيله ...؟؟؟؟؟!!!!!!!!!!!!!!!!!!

و تيتشر هدى الي معطته الواجب بورقه .... تقول الادارة ما عطتنا دفاتر ....

 

[om yoyo2]

اشلون الاداره مو معطتهم دفاتر انا ولدي معطينا انجليزي وعربي من اول السنه حتى خلص الاجليزي قبل يومين عطو واحد ثاني