الأكاديمية العربية الأمريكية ثنائية اللغة

[أم سالم30]

الأكاديمية العربية الأمريكية ثنائية اللغة - aabs

السلام عليكم يا أمهات ، عندي استفسار وأتمنى ماتبخلون علي


حبايبي أنا مسجلة ولدي بالأكاديمية العربية الأمريكية ثنائية اللغة kg1 ودقيت عليهم كذا مرة بخصوص تأجيل الدراسة ومرة قالوا لي دوامات الروضة راح يكون في 27/9 وآخر مرة دقيت قالوا 29/11 ، منو عيالها بهالمدرسة وتفيدني بموعد دوامات الروضة ماعليكم أمر و جزاكم الله ألف خير.​

 

[سيدة الكويت]

رد: الأكاديمية العربية الأمريكية ثنائية اللغة - aabs

ام سالم شلونج

دوام رياض الأطفال للكل 29 _11

للخاص والحكومه

 

[مشموشته]

رد: الأكاديمية العربية الأمريكية ثنائية اللغة - aabs

السلام عليكم

انا ولدي نفس ولدج هم كي جي ون

دقيت عليهم قالتلي نبدي يوم 29/11

بصراحه انا ماراح اودي ولدي الا لما يتعدل الوضع و على الاقل يصير فيه تطعيم مضمون والحافظ الله

 

[أم سالم30]

رد: الأكاديمية العربية الأمريكية ثنائية اللغة - aabs

مشكورين ياأمهات وماقصرتوا كفيتو و وفيتو جزاكم الله خير

 

[حلم الطفولة]

رد: الأكــاديمية الــعربية الأمــريكية ( ثنائية اللغة ) ... منو تعرفها ؟

رفع

 

[حلم الطفولة]

رد: الأكاديمية العربية الامريكية..تعرفينها؟

رفع

 

[حلم الطفولة]

رد: الأكاديمية العربية الأمريكية ثنائية اللغة - aabs

حبيباتي هذا خامس موضوع عن نفس المدرسه .. أنا دمجت المواضيع بموضوع واحد وراح يكون بمثابة تجمع لكم ,, وهالاموضوع راح أغلقه.

 

[حلم الطفولة]

رفع

 

[مشموشته]

يعطج العافيه حلم الطفوله ... انا ام حمود 81 صاحبت الموضوع بس نكي علق من فتره و فتحت غيره

تسلمين على دمج المواضيع و بيصير تجمعنا باذن الله

 

[حلم الطفولة]

هلا ام حمود مشموشته الله يسلمج حبيبتي ومبروك التجمع مقدما

 

[سيدة الكويت]

يعنى الحين هذا التجمع؟ لو تكتبين حلم الطفوله تجمع بره احسن

ام حمود نكج شنو معناه؟؟


حلم الطفوله شمشومه تفضلو كيكتى وكل عام وانتو بخير والله يتقبل طاعتكم

 

[حلم الطفولة]

مشكوره سيدة الكويت لذيذه ماتقصرين

 

[مشموشته]

سيدة الكويت ... نكي القديم ام حمود 81 ... ولدي اسمه محمد ادلعه حمود <<<<<<< جنج اول وحده بالدنيا

مواليدي81 واضحه .... اما النك الجديد ( مشموشته ) هذا الي يسلمج اسم الدلع الي يدلعني فيه ريلي .

 

[سيدة الكويت]

سيدة الكويت ... نكي القديم ام حمود 81 ... ولدي اسمه محمد ادلعه حمود <<<<<<< جنج اول وحده بالدنيا

مواليدي81 واضحه .... اما النك الجديد ( مشموشته ) هذا الي يسلمج اسم الدلع الي يدلعني فيه ريلي .

عسا الله يهنيج حبيبى ويسعدج:ggdw:

 

[milkey way]

مراحب انا بقولكم كل اللي اعرفه عن المدرسه انا بنتي بالمدرسه من سنة اولى ابتدائي انا ما اقول ان المدرسه مو زوينه بس مشكلتها مافيه ترتيب ولا تنسيق ويقبلون كل من هب ودب كسالى مفصولين من مدارس ثانيه يعني اشكال غريبه وعجيبة بنتي الحين بتروح ثامن وكل سنه ادور لها مدرسه ثانيه بس لو بتشوفون كل المدارس الخاصه نفس الشي انا ما اتحسف الا على المدرسات لأنهم بصراحه حيل متعاونين واعرفوني انا وبنتي عدل والدروس الخصوصية على كيف كيفج بس من قال انهم مايرضون ايتكلمون عربي بالعكس عادي وماشوف تدريسهم بذيك القوه بالعكس ما يهتمون بالتدريس بالمدرسه علشان تاخذين عندهم دروس خصوصية تخيلو اني يايبه حق بنتي حق الماث والساينس والانجليزي والعربي مدرسين خصوصيين ومنو اهم مدرساتها اللي يدرسونها بالمدرسة وحيل الساعه ب20 دينار ماقول انه بنتي كسلانه ولا غبيه لا علشان الامتيازات والتفوق بس والله لويه المدرسه وعووور ودايما جذي احنا معاهم بلويه وما ينضبطون الا على نص السنه بس ملاحظه عليهم تغيير من السنه اللي طافت مهتمين اشوي ويحاسبون اللي يتأخرون الصبح وحطو قوانين زياده .

واذا تبين مستوى المدرسات ماشوف غير العربيات اللي عندهم جناسي امريكية ولا كنديه واهم اساسا فلسطينيات ولا اردنيات او مصريات بس تبين اجانب ما شفت يمكن الا وحده كان زوجها كويتي واستقالت واكثرهم عربيات .

والله ماني مرتاحه من تدريسهم ومن المدرسه اللي مبناها قديم بس متحسفه على اني عرفتهم واعرفوني ويقدرون اي ظرف ومتعاونين بالدروس الخصوصية بس ماقول انه كلهم مو زينين لا حرام بس الزين ضايع ومخربين عليهم الشينين

والناظره مس احلام والله مو مقصره وتحاول تبذل جهدها وتعدل المدرسه بس هالطلبه اللي يايين من كل مكان اهم اللي يخربون على عيالنا الشطار وتصير اللويه والمدرسات بالصف ما يقدرون ايسيطرون عليهم

 

[حلم الطفولة]

رفع

 

[milkey way]

مرحبا شفتو لين اقولكم المدرسة من سيئ إلى أسوأ تخيلو اني رحت لهم يوم الأحد ابي استفسر اذا كان في ستاف مدرسين يدد عندهم خبره وشهادات سنعه طبعا نفس كل مره اي يبنا مدرسين وستاف يديد المهم سألت عن الصف أثاري الصف مثل ما اهو والله بتقولون اني ا[الغ قسما بالله ان الصف فوق السطح والله الصف صغير 2في 3 تقريبا والادراج والكراسي لوعه كلمت مس حنان المشرفه وقالتلي عطينا فرصه مدة اسبوعين ثلاث بنحاول نغير الصف قلتلها وين انتو السنة الماضية لي اخر السنه وانتو تقولون بنغير الصف وقلتلها كافي تحملنا مدرس الماث والانجليزي اللي كانو مبدعين فينا بالدروس الخصوصية قالت لا ما نبي انكرر غلطة العام وتلافينا الخطأ وانشالله بتشوفين تغيير وهذي حجوتهم كل سنة والله في البداية من سنة اولي لي رابعه كانو حيل ممتازين ومدرسينهم وايد زينين شنو اللي صار ما ادري .
فأنا قلت ليش خل اقص الحق من نفسي وأغير المدرسة ولا عوار الراس وقلتلهم بغير المدرسه اشصار فيهم لا ومو معقوله وتعودنا عليكم وعرفناكم ويعز علينا بس بالنهايه مصلحة عيالنا اهم شي .​

 

[مشموشته]

قوا خواتي العزيزات ... موضوعي صار ورا و قربت الروضه قلت ارفع تجمعنا

:nbptr:

 

[missu]

سلام حبيايبي بس حبيت أسألكم عن مس نيفين مالت الروضة في نفس المدرسة شرايكم فيها تكفون؟؟ ردوا علي بسرعة

هى درس عربي ورياضيات وقران وسمعت انها تعطي القاعدة الحلبيه ترى ولد حدة متعقد من العربي هى زينة وتدريسها قوي ؟؟

لا طولون علي برد تكفووووووووووون


شكرا

أم خالد

 

[سيدة الكويت]

سلام حبيايبي بس حبيت أسألكم عن مس نيفين مالت الروضة في نفس المدرسة شرايكم فيها تكفون؟؟ ردوا علي بسرعة

هى درس عربي ورياضيات وقران وسمعت انها تعطي القاعدة الحلبيه ترى ولد حدة متعقد من العربي هى زينة وتدريسها قوي ؟؟

لا طولون علي برد تكفووووووووووون


شكرا

أم خالد

ممتازه ...واكثر من ممتازه .........ابله نفين مالت رياض الأطفال عربى
تبين الياهل يتأسس صح عندها
وياريت وين تعطى قاعده حلبيه؟؟