الأكاديمية العربية الأمريكية ثنائية اللغة

[سيدة الكويت]

العفو حبيبتى

 

[أم سالم30]

السلام عليكم
وينكم ياأمهااات؟؟؟
معقولة ولا وحدة مدخلة عيالها أو أحد من أهلها مدخل عياله هالمدرسة؟!
وينكم​

 

[سيدة الكويت]

اختى يمكن محد يعرف منتدى كويتيات أنتى سألى اولياء الأمور بالطلعه


شوفى مدرسه نيو انجلش سكول ....هذى المدرسه عريقه ورقم واحد بالكويت عمر ما أحد ياب لها طارى بالمنتدى

 

[أم سالم30]

والله بعدعمري سيدة الكويت محد حاس فيني ومعطيني ويه غيرج
جزاج الله كل خير والله يكثر من أمثالج



:hjy5jewf:

 

[سيدة الكويت]

هههههههههههههههههههههههه مشكوره

 

[+بسبوسة+]

شوفي يالغاليىة
انا عيوال رفيجتي فيها
وهم سألت المنتدى هني عنها...
احس ممتازة من ناحية التأسيس..
بس جم مرة تشكي رفيجتي من شدة الابلات..
وكان في ابله عندهم تقول للياهل يا اهبل!!!
وايد..لدرجة رفيجتي راحت تشتكي مع ان ولدها ماحاشة شي من إلسانها..
وعقب مدري شنو صار..
بس انا لفت نظري ان هالمدرسة المتوسط والثانوي فيها بس بنات..
ومادري عن الاولاد؟؟؟؟

 

[ملح و سكر]

هلا حبيبتى وصلتى خير انا ولدى فى الاكاديميه وصار له الحين 4سنين مثل ماقالولج الاخوات لصف الرابع فقط وبعدين يفصلون انتى منو بتسجلين ولدج ولا بنتج علشان اقولج وفى اى صف ؟

 

[ملح و سكر]

السلام عليكم بنات ، في أحد منكم عنده معلومات عن الأكاديمية العربية الأمريكية ثنائية اللغة إلي في النقرة يم مدرسة روض الصالحين، شرايكم فيها لأني مسجلة ولدي فيها حق السنة الياية إن شاالله kg1 ؟؟؟
انا بانتظار ردودكم​

:0bee2e8d89:

سورى حياتى تونى الاحظ انج كاتبه المعلومات بصراحه المدرسه ممتازه حق kg1 وايد يدارون الطفل ولاتخافين عليه هالمدرسه احسن من غيرها فى نظرى لان اذا كان عندخ عيال فة المدارس الحكوميه فهذا يساعدج شوى لان عطل المدرسه
نفس عطل الحكومه وازيدج من الشعر بيت فى اواخر الرمضان بعطلون علشان الجيام ....اتوقع ان عطيتج معلومات كافيه
واذا تبين شى انا فى الخدمه:tek:

 

[أم سالم30]

السلام عليكم :68_asmilies-com:
مشكورين على هالمعلومات يابنات ماقصرتوا
ومشكورة ياملح وسكر ماقصرتي انا الصراحة أهم شي عندي الاهتمام بالطالب والتأسيس
والله يابنات مشكورين على هالردود إلي تبرد القلب :ggdw:
جزاكم الله ألف خير

:hjy5jewf:

 

[Mazyoona]

اممم حبيبتي ما انصحج شوفي انا طول عمري بنفس المدرسه دسمان لكن
بسنه من السنن امي طلعتني وودتني الاكاديميه و بعدين ردتني مدرستي لكن اخوي تخرج منها؛
المدرسه الله يعافيج اوكي لكن الله يعينج
اولا المدرسه مو معترفه دوليا و كل سنه يطلعون واسطه يخرجون خريجينهم منها
و التقويه هذي اللي قالولج عنها مو تقويه ..... يعطوونج على قولنهم "ورقة مراجعه"
خليحفظها ولدج ..... و طبعا هذي مو ورقة مرااجعه هذا الامتحان بس الاسئله ملخبطه!!!!!
مدرسات العربي و الدين في المتوسطه يسبون سبات كل وحده شكبرها لسانهم يلوط اذانهم
و المشكله الكبيره ...................... انه اللي يتخرجون منها يتوهقوون
اعرف وحده منها تخرجت مع دفعة بنت رويشد الله يعافيج دشت صيدله و لمن الحين قاعده تعيد
مواد ملوت الثانوي لانه في بعض المواد مو معنرفه
و اخوي يدرس بأمريكا طلبوا منه يعيد مواد منهم !!!!!!!
ايييي و طبعا غير اللعب بالدرجات وااايد يسوونها اللي يحبوونه يظبطوونه
الله يعين المهم تأسيسهم مو قوي بال english ولد خالي فيها و الله ما فيه زود عن عيال الحكومه
و ترى عن بنت رويشد الكل يدري و هذي سمعتها بعظمة لسانها "أنا طلعت من AIS و دخلت الاكاديميه
علشان انجح" !!!!!!!! و اخيرا حق طلبة التخرج عندهم سالفه مليقه ينادون الاهالي و يقولونلهم و الله
ولدكم ولا بنتكم ماخذه دروس زياده و نبي 500 دينار هذي صايره بكذا شخص اعرفه متخرج من عندهم

هذي اهيا الاكاديميه و هذا اللي قلته مو تبلي والله انه 7 من رفيجاتي فيها و خواتهم خريجات السنه اللي رفيجاتي

 

[سيدة الكويت]

غلطانه مزيونه .......................... كتب الأنجليزى صعبه حيل يمكن خبرج من زمان وأحسن شئ دخلى المدرسه وشوفى كتب الأنجليزى بعينج نظام هاكرت الأمريكى

وماشاء المدرسات العربى والدين ماشاء الله من خيره المدرسات ....حتى ماشاء الله اختى تقول ....ولدها فى اولى ابتدائى حافظ ادعيه الصباح

لأن كل يوم بالطابور ...توقف مدرسه عربى متدينه ...وتقول ادعيه الصباح وأذكار

حتى على طارى الأعتراف هالسنه أعترفوا فيها وكل ساعه ياى وفد من أمريكا.... يشوف تطوير الكتب

ويمكن صج بنت عبالله الرويشد مو شاطره الله يسهل عليها كل مدرسه فيها الكسلان والشاطر

الله يا حبيبتى لو هالبلاوى فى هالمدرسه جان سكرت من زمان ...وماشاء الله وايد فيها مقيمين وتهمهم مصلحه عيالهم وشطار حيل

 

[سيدة الكويت]

أم سالم 30 .................الأخت ((حلم الطفوله ))ولد أختها بالمدرسه بالثانوى....سأليها أهيه تفيدج أكثر.......

 

[أم سالم30]

اممم حبيبتي ما انصحج شوفي انا طول عمري بنفس المدرسه دسمان لكن
بسنه من السنن امي طلعتني وودتني الاكاديميه و بعدين ردتني مدرستي لكن اخوي تخرج منها؛
المدرسه الله يعافيج اوكي لكن الله يعينج
اولا المدرسه مو معترفه دوليا و كل سنه يطلعون واسطه يخرجون خريجينهم منها
و التقويه هذي اللي قالولج عنها مو تقويه ..... يعطوونج على قولنهم "ورقة مراجعه"
خليحفظها ولدج ..... و طبعا هذي مو ورقة مرااجعه هذا الامتحان بس الاسئله ملخبطه!!!!!
مدرسات العربي و الدين في المتوسطه يسبون سبات كل وحده شكبرها لسانهم يلوط اذانهم
و المشكله الكبيره ...................... انه اللي يتخرجون منها يتوهقوون
اعرف وحده منها تخرجت مع دفعة بنت رويشد الله يعافيج دشت صيدله و لمن الحين قاعده تعيد
مواد ملوت الثانوي لانه في بعض المواد مو معنرفه
و اخوي يدرس بأمريكا طلبوا منه يعيد مواد منهم !!!!!!!
ايييي و طبعا غير اللعب بالدرجات وااايد يسوونها اللي يحبوونه يظبطوونه
الله يعين المهم تأسيسهم مو قوي بال english ولد خالي فيها و الله ما فيه زود عن عيال الحكومه
و ترى عن بنت رويشد الكل يدري و هذي سمعتها بعظمة لسانها "أنا طلعت من AIS و دخلت الاكاديميه
علشان انجح" !!!!!!!! و اخيرا حق طلبة التخرج عندهم سالفه مليقه ينادون الاهالي و يقولونلهم و الله
ولدكم ولا بنتكم ماخذه دروس زياده و نبي 500 دينار هذي صايره بكذا شخص اعرفه متخرج من عندهم

هذي اهيا الاكاديميه و هذا اللي قلته مو تبلي والله انه 7 من رفيجاتي فيها و خواتهم خريجات السنه اللي رفيجاتي

السلام عليكم ، حبيبتي إنتي صج ضيقتي خلقي بهالحجي بس بعد تفكير :gr4uu: ماأظن مدرسة بكل هالبلاوي لي ألحين فاتحة :080402ask_prv: وانا لما رحت سجلت ولدي طلبت منهم إني أشوف الصفوف واليهال كانوا بلبل إنجليزي ماشاالله وبعد سألت كذا وحدة عيالها بالمدرسة مدحوا فيها وايد وقالوا لي إنها قوية وصعبة وأظن إنهم أدرى مني لأن قعد يشوفون مستوى عيالهم بس الظاهر إن معلوماتج قديمة شوي
على العموم مشكورة على النصيحة حبوبة :hjy5jewf:

 

[ريحانة الكويت]

السلام عليكم,
Anglo-Bilingual Acadamy معروفة أنها تقبل الكل ساقط,مشاغب, و الكل عموما. وايد طلاب يروحون لها عشان ينجحون عيل ولدي رفيجة كان معدلة قبل ما احول لهل 1.2 GPA و لما حول لها 3.4! لا شد حيلة ولا شي! و هم اقولون محد يسقط! المدرسة الصراحة سمعتها مو شي كلش! الروضة أنصحك أنكادخلين ولدك UAS اللي اب حولي أو AIS. أو اذا ودك نظام ثنائي اللغة عندك بيان و المدرسة الاميركية ثنائية اللغة اللي اب خيطان بس هذي جديده بس سمعتها زينة

 

[كويتيه عالي سماها]

الاكاديميه العربيه الأمريكيه ثنائية اللغه

السلام عليكم

شلونك كويتيات

انا اليوم سجلت ولدي بالاكاديميه العربيه الامريكيه بحولي

ادري تو الناس بس كان عندي ظروف و سافرت بس الحمدلله في مدرسه قبلت فيه

وابي منكم خدمه الله يرحم والديكم

باجر راح انقل ملفه لهم و لحد الحين ما دفعت لهم ولا فلس

فأي وحده تعرف عن هالمدرسه شي زين او مو زين تفيدني قبل لا اتوهق

ع الاقل اخليه بمدرسه القديمه اللي اهيه الدانه

ولدي رايح grade 1

ابي اعرف منو افضل تيتشر انجلش عندهم

وشلون مستواهم

اي شي تعرفونه بليز لا تبخلون على اختكم

شاكره لكم

و كل عام وانتم بخير

 

[سيدة الكويت]

رد: الاكاديميه العربيه الأمريكيه ثنائية اللغه

تأسيس حلو باللغه الأنجليزيه ........بس شوى صعبه يبى لها مجابل

خاصه الرياضيات دسم ...نظامها هاكرت الأمريكى

بعدين أفضل حل تسألين اولياء الأمور دام عيالهم فيها راح يفيدونج

موفقه

 

[كويتيه عالي سماها]

رد: الاكاديميه العربيه الأمريكيه ثنائية اللغه

سيدة الكويت

انا بحثت عنها و حصلت ناس يمدحونها

وفي بنات قالوا مو معترف فيها و ينجحون الطلبه

اللي ابي اتأكد منه معترف فيها او لااء يعني حرام اقط الف و سبعميه و شي ع الفاضي

يا ريت احد يفيدني

 

[سيدة الكويت]

رد: الاكاديميه العربيه الأمريكيه ثنائية اللغه

[color="purple"]صح كلامهم بالسابق ما كان معترف فيها

لكن السنه الى طافت خذت الأعتراف الدولى ومناهجها تغيرت بالكامل وانا قريت الخبر بجريدة الوطن

واحسن اتصلى وتأكدى عليهم...وسألى أخت حلم الطفوله عندها خبره بالمدارس


اختى هذا الى اعرفه ان شاء الله اكون افدتج[/color]

 

[حلم الطفولة]

رد: الاكاديميه العربيه الأمريكيه ثنائية اللغه

أختي ضغطي على هالرابط للموضوع ,, عن نفس المدرسه .. وفيه بعض الإجابات لأسئلتج.
http://www.q8yat.net/showthread.php?t=360618

 

[حلم الطفولة]

رفع ,,