الاحساس بالتعب .... وعدم الرغبه بالاستمرار بالحياة .. جربتوه

[قاهره عذالي]

صارلي اكثر من سنه
تعبااااااااااااانه حيل وما عشت حياة طبيعيه
جتني صدمات ورا بعض هالصدمات وجابت لي انهيارات ونقلات بحياتي واحوالي
تعرضت للظلم شغلات واجد خايسه بوقت واحد
اطلع من شي ادش بشي
حسيت انه هالاشياء استنزفتني وفوق طاقتي
حاليا هدت الامور وارتحت
وقررت القرار اللي من زمان المفروض مقررته ومصره عليه

بس انا الحين عايشه توابع او للحين اللي مريت فيه معلم وتارك اثار في نفسي وتفكيري وحتى اعصابي

احس بتعب كبير

مرات تجيني ايام

مابي استمر بهالحياة ابي انسحب منها

واجد افكر واجد شايله هم الايام الجايه حيل

طبعا محد حاس فيني ولا فاهمني لو اقرب قريب

وبالمختصر ماهموني حسوا فيني او ما حسوا هو انا من انولدت على هالدنيا ومحد حاس فيني

........

مشكلتي الحين اللي صج متعبتني احس بعدم الرغبه في الحياة
مابي اكل مابي انام وان نمت وطحت مابي اقوم اغصب نفسي غصب اغسل اصلي اداوم واسوي اشغال الدنيا

تجيني ايام احس هالشعور وعقب الايام اللي وراه احاول اقاوم وارجع من جديد للحياة

انا تعبت حيل ودي ارتااااااااااح

 

[Tom ♥ Jerry]

.


ماكو شي يسوا اعيش هالاحساس !
عيشي حق نفسج مو حق غيرج
ياما و ياما انصدمنا و انطعنا بس الحياه مستمره
اذا صادفنا ناس مو كفو حشيمه .. مو معناتها كل الناس جذي ..

 

[LOLETA]

حافظي على الصلاة بوقتها وبتصيرين اسعد انسانة بالعالم أنشالله
الله يفرج همج يارب حبيبتي انا بعد نفس حالتج انا بعد فيني اكتئاب حاد
بس الحمدلله الحين صرت وايد زينة وسعيدة لان احافظ على الصلاة بوقتها

 

[كراميلا مرة]

ياربي اكره هالشعور
انا حاسه فيج لانه قاعده امر بنفس الاحساس

الله يفرج همج

 

[فطوم السعوديه]

اللجوء لله هو الحل وهو السعاده

خصصي لك ورد يومي واقري سورة البقرة ياهي بركه عجيبه وسعة صدر ماتتخيلينها
لو كانت عندك هموم مثل الجبال والله ان تهون بعينك ..


الله يسعد قليبك ويشرح صدرك ويرفع قدرك

 

[brettey]

لا يا قلبي هونيها وتهون لو شايفه الي انا مريت فيه
والله شي ما تتصورينه ظلم وحرات وقهر ومشاكل ومصايب ماشفت ايام حلوه من 2008 بس مرت عليي نهايات سنه 2010 وسنه 2011 بكاملها شلون قدرت اتجاوزهم مادري
زين ما انتحرت طقات ورى بعض
من اقرب الناس تخيلي
ومصبره نفسي بالدعاء والصلاه والاستغفار والقران صج تخبطت وطحت باغلاط وايد السنه الي طافت واتمنى الله يغفر لي بس لان صج ضعت وااايد مو شويه كانت عندي نعمه وراحت بلمح البصر بين يوم وليله انتقلت من حال لي حاله ثانيه والناس تتكلم وتتشمت وناس اشفقوا عليي والله فكرت بالانتحار بس شتسوى عليي جهنم للابد
في شخص ظلمني وبهدلني وتونا تصالحنا من جم شهر والله الاسبوع الي طاف صار له شي فظيييع ماودي انه صار بس امر الله بس عسى الله يصبره والله معور قلبي ومانبني ضميري اني دعيت عليه
والشخص الاهم والي كان دنيتي كلها وهم ظلمني ظلم كبيييير وهذا الي لايمكن احلله الا اذا اعتذر لي هذا ادعي عليه ليل ونهار يعل حوبتي ماتتعداه هذا الي عفس حياتي عفسه حسبي الله عليه
والله شقول لج احس قاعد اجني ثمرات صبري شوي شوي واملي بالله كبييير واثقه ان الياي احلى
خليج جذي كله قولي الياي احلى
والله ان يت لي فترات ياست وكفرت استغفر الله تعديت على ربي وليش وليش وشمعنى ومافي عدل وناس تظلم ومرتاحه ومادري شنو بس ما استفدت
بس الحمدلله تلاحقت عمري صج تييني وساوس بس اقاومها بالاستغفار
والله راح تنفرج اوثقي بالله
وانا خابرتج صبوره ومواضيعج بالاسلاميات وااايد حلوه خليج جذي
يا حبيبتي كافي انج بصحه وعافيه هذا اهم شي الله يتمم علينا
الله يفرجها عليج دنيا واخره وينولج مرادج

 

[غراوي]

اييييييييييييييييييييييييييييييه جربناه

احساس يوصل لمرحلة استغفار الله الكفر وتتمنين الموت

سمعي
انتي قلتيها هالشعور ما ياج الا بسبب صدمات
وهوا نفس الشي اللي صار لي صدمه دمرت حياتي واقلبتها فوق تحت بس محد حس فيني

مع الايام قامت تخف وتخف بس بقي لها توابع تمرني بين فتره وفتره
لان احنا خلف الله علينا مو مثل الاجانب ناخذ عطلات استجمام ونريح بالنا
احنا نقعد بنفس الدائره ونتذكر الماضي

المهم العشم بالله يكون معانا
وماشفت شي مصبرني ومريحني غسر الامل بالله يعوضني خير

 

[قاهره عذالي]

مشكورين بنات
لي عوده ارد عليكم لان واجد ذكرتوا نقاط تستحق النقاش

 

[قاهره عذالي]

.


ماكو شي يسوا اعيش هالاحساس !
عيشي حق نفسج مو حق غيرج
ياما و ياما انصدمنا و انطعنا بس الحياه مستمره
اذا صادفنا ناس مو كفو حشيمه .. مو معناتها كل الناس جذي ..

يبيلي اتعلم اعيش لنفسي .... وما احس الا بنفسي انا هالشي فاقدته ولازم اصححه فيني
ردج عادي وكله صح
بس الاشياء اللي مريت فيها قويه وصدمات بمعنى الكلمه
حتى عقب الصدمات ما اخذت وقت ارتاح
لان جت ورا بعض وانقلتني من حال لحال
يعني تقريبا كنت كل يوم يمر اكتشف صدمه جديده وسالفه جديده شي متعب اتعب اعصابي
انا حتى نوعي ما احب الصدمات والمفاجأت فشرايج بكم هائل من الصدمات وكل يوم شي جديد بوقت واحد
شكرا لج :eh_s(7):

 

[قاهره عذالي]

لا يا قلبي هونيها وتهون لو شايفه الي انا مريت فيه
والله شي ما تتصورينه ظلم وحرات وقهر ومشاكل ومصايب ماشفت ايام حلوه من 2008 بس مرت عليي نهايات سنه 2010 وسنه 2011 بكاملها شلون قدرت اتجاوزهم مادري
زين ما انتحرت طقات ورى بعض
من اقرب الناس تخيلي
ومصبره نفسي بالدعاء والصلاه والاستغفار والقران صج تخبطت وطحت باغلاط وايد السنه الي طافت واتمنى الله يغفر لي بس لان صج ضعت وااايد مو شويه كانت عندي نعمه وراحت بلمح البصر بين يوم وليله انتقلت من حال لي حاله ثانيه والناس تتكلم وتتشمت وناس اشفقوا عليي والله فكرت بالانتحار بس شتسوى عليي جهنم للابد
في شخص ظلمني وبهدلني وتونا تصالحنا من جم شهر والله الاسبوع الي طاف صار له شي فظيييع ماودي انه صار بس امر الله بس عسى الله يصبره والله معور قلبي ومانبني ضميري اني دعيت عليه
والشخص الاهم والي كان دنيتي كلها وهم ظلمني ظلم كبيييير وهذا الي لايمكن احلله الا اذا اعتذر لي هذا ادعي عليه ليل ونهار يعل حوبتي ماتتعداه هذا الي عفس حياتي عفسه حسبي الله عليه
والله شقول لج احس قاعد اجني ثمرات صبري شوي شوي واملي بالله كبييير واثقه ان الياي احلى
خليج جذي كله قولي الياي احلى
والله ان يت لي فترات ياست وكفرت استغفر الله تعديت على ربي وليش وليش وشمعنى ومافي عدل وناس تظلم ومرتاحه ومادري شنو بس ما استفدت
بس الحمدلله تلاحقت عمري صج تييني وساوس بس اقاومها بالاستغفار
والله راح تنفرج اوثقي بالله
وانا خابرتج صبوره ومواضيعج بالاسلاميات وااايد حلوه خليج جذي
يا حبيبتي كافي انج بصحه وعافيه هذا اهم شي الله يتمم علينا
الله يفرجها عليج دنيا واخره وينولج مرادج

والله الحمدلله يابريتي صابره وساكته بس احس بهالاحساس واتعبني
مخليه الامور على الله صح شايله هم الايام الجايه
بس احس بتعب كبير ماني قادره اتخلص منه
وصعب علي انسى لان واجد ادعي وعندي رغبه ملحه من الله انه ينتقم لي من الظالمين واللي اتعبوني وتبلوا علي
كل انسان فينا وحتى انتي
تجي ايام علينا نضعف شوي قدام الابتلاءات
الحمدلله انه ماسكه نفسي وما اضعف واجد وارجع اعطي نفسي دافع للحياة
يعني الحمدلله لا زال ظني بالله خير

 

[قاهره عذالي]

اييييييييييييييييييييييييييييييه جربناه

احساس يوصل لمرحلة استغفار الله الكفر وتتمنين الموت

سمعي
انتي قلتيها هالشعور ما ياج الا بسبب صدمات
وهوا نفس الشي اللي صار لي صدمه دمرت حياتي واقلبتها فوق تحت بس محد حس فيني

مع الايام قامت تخف وتخف بس بقي لها توابع تمرني بين فتره وفتره
لان احنا خلف الله علينا مو مثل الاجانب ناخذ عطلات استجمام ونريح بالنا
احنا نقعد بنفس الدائره ونتذكر الماضي

المهم العشم بالله يكون معانا
وماشفت شي مصبرني ومريحني غسر الامل بالله يعوضني خير

معاج حق
كلامج كله واااااقعي
للحين عايشين بالتوابع اللي تجينا بين فتره وفتره
ايام نغفل وننسى وايام ترجعنا للي عشناه ونحس اننا للحين مصدومين وتعبانين

عسى الله يعين

انا مو بس عشمي وظني بالله جميل

لا

انا عايشه حياتي انتظار
واجد اشياء ابيها من ربي

ان يختار لي اللي هو لصالح حياتي

ييسر امور

وينتقم لي اهم شي من اللي ظلموني واذوني وخدعوني وتكلموا فيني

 

[هدوووشه]

فديتك والله نفس حالتك >
ماعندي شي اقوله الله يعين

 

[ام الدرر]

حبيبتي قاهرة عذالي كلنا تمر علينا لحظات استغفر الله نتمنى الموت وترى كلها وساوس من الشيطان عشان يضعف ايماننا
اصبري ياقلبي واحتسبي الاجر
يقول تعالى: (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)[البقرة: 216].
و يقول (وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يُرِدْكَ بِخَيْرٍ فَلَا رَادَّ لِفَضْلِهِ يُصِيبُ بِهِ مَنْ يَشَاءُ مِنْ عِبَادِهِ وَهُوَ الْغَفُورُ الرَّحِيمُ)[يونس: 107].
وقوله تعالى: (وَمَنْ يُسْلِمْ وَجْهَهُ إِلَى اللَّهِ وَهُوَ مُحْسِنٌ فَقَدِ اسْتَمْسَكَ بِالْعُرْوَةِ الْوُثْقَى وَإِلَى اللَّهِ عَاقِبَةُ الْأُمُورِ)[لقمان: 22].
وايضا (الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ)[الرعد: 28].
تذكري دايما
قوله تعالى «سَيَجْعَلُ اللَّهُ بَعْدَ عُسْرٍ يُسْرا»
فكل اللي صار لج لحكمة يعلمها الله تعالى قال صلى الله عليه وسلم ((عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له )). رواه مسلم
واخيرا يقول سبحانه وتعالى: (وَلَا تَيْئَسُوا مِنْ رَوْحِ اللَّهِ إِنَّهُ لَا يَيْئَسُ مِنْ رَوْحِ اللَّهِ إِلَّا الْقَوْمُ الْكَافِرُونَ)[يوسف: 87].
اسال الله العلي العظيم ان يفرج همج ويريح قلبج ويفتح لج ابواب السعادة والفرح ​

 

[قاهره عذالي]

حبيبتي قاهرة عذالي كلنا تمر علينا لحظات استغفر الله نتمنى الموت وترى كلها وساوس من الشيطان عشان يضعف ايماننا

اصبري ياقلبي واحتسبي الاجر
يقول تعالى: (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)[البقرة: 216].
و يقول (وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يُرِدْكَ بِخَيْرٍ فَلَا رَادَّ لِفَضْلِهِ يُصِيبُ بِهِ مَنْ يَشَاءُ مِنْ عِبَادِهِ وَهُوَ الْغَفُورُ الرَّحِيمُ)[يونس: 107].
وقوله تعالى: (وَمَنْ يُسْلِمْ وَجْهَهُ إِلَى اللَّهِ وَهُوَ مُحْسِنٌ فَقَدِ اسْتَمْسَكَ بِالْعُرْوَةِ الْوُثْقَى وَإِلَى اللَّهِ عَاقِبَةُ الْأُمُورِ)[لقمان: 22].
وايضا (الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ)[الرعد: 28].
تذكري دايما
قوله تعالى «سَيَجْعَلُ اللَّهُ بَعْدَ عُسْرٍ يُسْرا»
فكل اللي صار لج لحكمة يعلمها الله تعالى قال صلى الله عليه وسلم ((عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له )). رواه مسلم
واخيرا يقول سبحانه وتعالى: (وَلَا تَيْئَسُوا مِنْ رَوْحِ اللَّهِ إِنَّهُ لَا يَيْئَسُ مِنْ رَوْحِ اللَّهِ إِلَّا الْقَوْمُ الْكَافِرُونَ)[يوسف: 87].
اسال الله العلي العظيم ان يفرج همج ويريح قلبج ويفتح لج ابواب السعادة والفرح ​

جزاج الله خير
ام الدرر
كلامج كله درر
تأثرت وانا اقرى ردج
لان اضافاتج من كلام الله والانسان مايرتاح الا بكلام الله
الحمدلله راضيه بالقضاء والقدر
وربي وراني ان اللي صار معاي له حكمه انا شفتها وكشفها لي ربي الف الحمدلله
بس هم طعم الظلم مر وما يحس بقهر المظلوم الا المظلوم نفسه
يعني اللي ظلموني مالهم مبرر على فعلتهم
واللي خدعوني كذلك
ما اقول الا حسبي الله ونعم الوكيل بس

 

[شونغ هونغ]

الناس هم السبب في تعاستنا الله ياخذهم يحشون ويضلمون ويتبلوون حسبي الله فيهم

 

[سفييره الكويت]

ومن له رغبه في الحياه الا اصحاب القلوب الدنيويه اما المؤمن يريد الخلاص من هذه الدنيا باقل الاضرار

دنيا كلها فتن ومشاكل وهموم ..قولي دايما

اللهم ان كنت ترى خيرا في بقائي في الدنيا فاحييني وان كنت ترى الممات خيرا لي فامتني..!

وانا نفسج اتمنى اموت بس بعد ما اقدم الاعمال الصالحه للي تشفع لي اكون من الصالحين باذن الله سببحانه وتعالى..


لكن خلينا نعيش حياتنا حاليا افضل حال نقدر نعيش نفسنا فيه حتى يتوفانا الله تعالى ..

 

[شونغ هونغ]

احيانا اقول لو اعيش في جزيره لحالي كنت اسعد انسانه ومحد ظلمني ولا حش فيني

 

[أم تنوح]

الله يفرج عليج وعلينا يارب
ماعندنا الا الصبر والقرآن والدعاء
والامل بالله كبييييييير
وربج ماينسا عبيده

 

[تحت ظلك]

صدمه عادي
بعدها صدمه هم عادي
بعدها صدمه وصدمه
وصدمه وصدمه

وتتالى الصدمات
بكل قوتها تمزق أرواحنا الضعيفه
الى أن نوصل مرحلة حزن عميق
عدم أحساس بالسعاده
تجمد عن ممارسة أي عمل
عدم رغبه بالحياة
أنا فاهمه شعورج لأن مجربه هالشعور ومدمرني مثلج ويمكن أكثر
أصعب شي ان الحياة تكون كلها مرارة

 

[ليتني مـآ كبرت]

تعلمي نعيشين لنفسج

إذا قمتي ولبستي وداومتي فـ هذا لنفسج

إذا ضحكتي و استانستي فـ هذا لنفسج

خلاص اللي راح راح ليش للحين عايشة بالماضي؟؟؟

بفهم ليش؟؟

أنتي أن شاء الله على وجة تخرج و حياة جديدة

ليش ما تستمتعين بهاللحظات ؟؟

تدرين فيه شكثر ناس تحسدج على اللي أنتي فيه ؟؟

تدرين فيه شكثر بنات شطار بس ماسمحت لهم الفرصة يدرسون ويكملون تعليمهم؟؟

بعدين ليش ما تفكرين بالاشياء الايجابية اللي فيج ؟؟

ماشاء الله أنا قعدت معاج تقريبا مرة وحدة و حيل عجبني تفكيرج

و منطقج ..

واضح أنج فاهمة كل شي يدور حوالينج بس للحين مترددة تاخذين القرار الصح

اللي نساج انسيه

اللي باعج بيعيه

اللي ما يسأل عنج لاتسألين عنه

لهي نفسج بأي شي

تعلمي أشياء جديدة .. تعرفي على بنات كوني صداقات

اللي لاحظته ماعندج صداقات خليج اجتماعية شوي و تعرفي عالبنات

تفيدين و تستفيدين منهم .. عالاقل يملون الفراغ اللي انتي عايشته ..


و إذا تبين شي ياقلبي آنا موجودة بأي وقت عادي ...