الاكل بمطعم 2 green apple تعالو شوفو

[lolO29]

لا ازيد لكم من الشعر بيت شنو حطو مقبلات صحن خضره شغل خس وفجل وجزر والمقبلات زيتون وجبن ابيض وخيار مخلل. بذمتكم هذي المقبلات الهندية يعني جنج رايحة مطعم لبناني وحطولج مجبوس دياي هذا الوضع*

 

[نياره]

يسلموو انشاء الله اجربه

 

[koky alnassar]

Lolo كل مطعم و طريقته و اذا لهدرجه عندج تعليقات روحي حق الشيف و علميه اكل دولته " الهند " عشان لا ييتي مره ثانيه تحصلين الي تبينه !! لوول
وفعلا الخضار هذي مقبلات هنديه قبل الاكل و عشان تفرقين بين مقبلات لبنانيه و الهنديه لبنانيه ورق العنب سلطات الوجبات الرئيسيه اهيا المشويات كوسه باللبن الا اذا انتي تبين اييب لج مقبلات بهارات تاكلينهم بقفشه هذا شي ثاني و بالاخير كل واحد و رايه وانا اختلف معاج بالراي و سالفه الخبز لبناني راعي المطعم تكلم و تحجى و قال بعض المقبلات العامه تروح حق كل المطاعم الهندي و لبناني و الايراني و الصيني وهو يقصد الاشياء العامه الي متواجده بكل الدول يعني بذمتج بيتكم ما فيه خضار وخبز ؟

عموما ارد و اقول الاراء تختلف بس كل واحد و الطريقه الي يطرح فيها رايه
و ثانكيو على مروركم

 

[Hedoo2]

جنكم خليتوني اهون ههههه

بالصور الصاله وحاطين فيها طاولات شكثر كلش ماعجبتني صج شنو هذا اذا جذي بالصج اكل بالبيت هههههه

انا اذا بجرب بجرب ايراني بس قولولي ليكون نفس اللي بالصور اهو المطعم الايراني ؟؟!!

 

[koky alnassar]

heedo لا تروحين حبيبتي مو اجباري روحتج للمطعم

 

[lolO29]

يا اخت كوكي اول شي مالا داعي العصبيه جنج انتي صاحبة المطعم او مساهمه فيه انا أتكلم عن سلبيات المطعم الان انا داشه مطاعم هنديه ولبنانيه بس ماشفت مثل هالشغلات اول شي هالمطعم شكله تخصص لبناني وصاحب المطعم حب ان يستغل المساحه الموجوده بالمبنا وضاف هالمطاعم اهي الفكره ممتازه بس لازم لما انا ادش مطعم هندي لازم ما اشوف شي متناقض يعني الخضره والزيتون و الجبن هذا كلا مقبلات مطاعم لبنانيه شكلج مو داشه مطاعم هنديه روحي مثلا مطعم اشاز شوفي شحطولج واتمنى انج الصورين المقبلات وحطيها اهني واتحداج اذا حطولج خضره ولا خبز لبناني ولا جبن وانا اقصد عن المقبلات الي يحطونها لما تقعدين بدون لا تطلبينها اصلاً حتى القعده حسيت اني ابصالة بيتنا عموما بالنهايه كل من له ذوق بس النقد لا بد منه .

 

[العذراء80]

لحظه كوكي هوب اشفيج عسي ماشر مطعم مو بيت ابوج مشتطه وكليتي البنيه فقيره اشقالت
من عمر نا ندخل المطاعم الهنديه وصج اللي قالته البنت من ناحية السيرفس وصج ديكوره وليتات الغاز جني بالمباركيه يلا لا اطولينها وهي قصيره وادوخينا يلا بس روحي حق المطعم وانطمي تنتقدين انتقدي مو تسفلين في البنات انتي والمطعم مالج جنه مشغل *

 

[زهره الجلنار]

عليكم بالعافيه

 

[ام^تبوله]

يبيله تجربه على يوم
وبالعافيه عليكم
إحنا الكويتيين اشعندنا غير المطاعم وتجربة هالمطاعم وفرارة السوقه

 

[koky alnassar]

تسلمون على ردودكم

لولو مو عن ما اتحمل النقد ولا شي كلكم لا نزلتو مواضيع بذات انها مدح يعني مو نقد اساسا ودكم ان على الاقل الردود تنبلع

لولو امانه حبيبتي ردج كان كله استهزاء بالمطعم صج ان كل واحد له ذوق بس في طرق بالرد احسن عرفتي و تشرفت بوجودج بالموضوع و انا اسفه



اما الاخت الي نكها العذرا اتمنى البنات الي يدشون اهما الي يردون عليج انا برد عليج برد بسييط جدا لولو الي الموضوع بيني و بينها ردت بكل احترام علي و كلمتني انتي ليش تتدخلين ؟

و اتمنى البنات الي يدشون يشوفون ردج و يقولون لي اذا انلام لا رديت بنزر ولا لا



و الحجي حق الكل انا اعتراضي على بعض الردود مو عشان مثلا رايكم يختلف عن رايي

انا اختلف معاكم على اختياركم لبعض الحجي و الكلمات و الاسلوب ترا غلط والله غلط و فيه بعضكم يثمنون حجيهم و ينحطون على الراس بس امثال الي نكها عذرا اتوقع ما فيه ولا منتدى يتقبل عضو بهالاسلوب و مـا ادري والله !

 

[marimor]

انا رحتله وكلينا من الهنندي

امي طلبت شوربه حامض حلو فيها زفوووره

وباجي الاكل عااااااادي وقعدته ماعجبتتتني توقعته احللى

علييكم بالعافيه

 

[الـمـزيـونـه]

أنا رحتله كلش ماعجبني لا بالأكل ولا بالديكور ولا بالأسعار ولا بالسيرفيس​

على طاري السيرفس كاتبين بالمينو ياخذون 10% للسيرفس عاد احنا طبعا كلمناهم عن السيرفس ماينحسب وإذا حسبتوا راح نشتكي عليكم بحماية المستهلك طبعا اهما أول ماسمعوا حماية المستهلك خافوا .. والحمدلله عطونا الفاتوره وماحسبوا السيرفس
بنات ديروا بالكم أدري في بعضكم مايدرون ترى المطاعم نصابين ياخذون للسيرفس كافي ان الأسعار ناااار والحين طبقوا قانون يديد ان أي مطعم تاخذ للسيرفس أو زايدين الاسعار كلموا مدير المطعم عن القانون وإذا ماطبقوا اخذوا فاتورتكم واشتكوا عليهم بحماية المستهلك​

لاسمح الله إذا صار أي شي هذا رقم حماية المستهلك 135​

وعليكم بألف عافيه​

 

[بتبوتااا]

اشتهيت الكنافه مشكوره حوووبي

 

[koky alnassar]

مريوم ثينكيو و المطعم يديد يعني ان شاء الله لا رحتي له مره ثانيه يكون متحسن اكثر و اكثر وبيعجبج ان شاء الله

المزيونه لا وانتي الصاجه روحي حقوق الانسان و ساليهم السيرفس مو بشر ؟ ما لهم حق ؟ انا اتوقع غلطانه انتي بالمطعم بس ياليت قرين ابل يطبقها بعد لانه يستاهلون السيرفس قعد يخدمون و يسوون و يستاهلون 50% بعد ومن حقهم اصلن و طبعا كل مطعم سعر الاطباق ياخذون على سعر المواد الي فيه و زياده ربع دينار او نص دينار ربح لهم كلامي عدل ولا مو عدل ؟

بتبوتا عليج بالعافيه جربيها ويا رب تعجبج

 

[el lulu]

كوكي الله يهداج انتي كاتبه بنهاية الموضوع انا ماعلقت ابي اسمع رايكم ولمن البنات قالو رايهم ما عجبج؟؟ انتي تقولين انا ماعندي مشكله باختلاف الاراء بس اسلوبهم مو حلو بالعكس انا اشوف قاعدين يقولون رايهم بصراحه وتجاربهم الشخصيه ما غلطو عليج شخصيا ولا على اصحاب المطعم
الصراحه انتي الي اسلوبج مو حلو تتهجمين على البنات وتتطنزين على ردودهم
عالعموم يعطيج العافيه عالموضوع ولي رديت الكويت بالسلامه راح اجربــه:rerrerek:

 

[GOLDEN_FISH]

المطعم يونس ماشاء الله والاكل حلو ولذيذ

 

[كويتية عز 93]

عليييييكم بالعااااافيه

 

[انسآنه لن تتكرر]

يبيله تججربــٍة
مممشككوَرة حوووؤؤُبِـي عالتْـقرير اللزيْز
.،

 

[koky alnassar]

اللولو اسلوبي وايد فورمال بس حساسيه انسان عن انسان تختلف ما تهجمت على احد وتسلمين على مرورج


و تسلمون على مروركم نورتو

 

[Om alshosh]

يعطيج العافيه حبيبتي
اي يمدحوون المطعم واايد يبله روحه