الاكل بمطعم 2 green apple تعالو شوفو

[لـآميتا]

رووووووووووعةة

 

[لـآميتا]

روووووووووعةةةةة

 

[حسن الخاتمة]

الله يعطيك العافيه والصراحه انا ماجربته اختي مع عيالها راحو المطعم الهندي بس ما مدحته ولاذمته تقول يمشى حاله والله يرزقهم

 

[أم*سلمان]

عليج بالعافيه

 

[∫ ∫ ∫ ∫ جــوان ∫ ∫ ∫ ∫]

انا رحت له و اول و اخر مره اروحله
قعدنا بالطابق الارضي و كان لبناني لان كل دور مختص باكل من ديرة معينة مثل الهندي و اللبناني و الايراني و الصيني و احنا قعدنا باللبناني و كنا عايلة كبيرة و ريلي بغا يطلب اكله ايرانية جان يقوله الجرسون ممنوع ما يصير انزل حقك الطلب من دور المطعم الايراني حلووووووووووووو و الله؟؟؟؟؟؟؟؟
يعني كل ما بغيت اكله اروح اطلبها من دور و لا شنو ؟؟؟
جان يقول الجرسون اذا تبيني اطلبلك بس يطول
عموماااااااا
اكلهم حيل عادي و اقل من عادي ما عجبني

غريبه

احنا قعدنا تحت ونصنا طلب من اللبنانى ونصنا من الايرانى ماقالو شى بس احنا كنا غدا والمطعم

مافيه الا احنا وعايله ثانيه يمكن علشان جذى

والاخت صاحبه التقرير الخوات اغلبهم كارهين المطعم من تجاربهم وتدرين انج كرهتيهم فيه اكثر واكثر

الا بسالج اشدراج ان طباخهم الهندى معروف بالهند شنو ماخذه ال cv مالته ولا شنو

 

[Loleta-Q8]

ماشاءالله شكله روووعه
عافيه حياتي

 

[glby7sas]

انا بصراحه رحتله فوق 3 او 4 مراات وكان حلوو حيل
انا وزجي وحتى حمواتي واخواني رايحيله وكلهم عجبهم
وانا دايم اقعد بالطابق الثاني المطعم الهندي بس عادي جم مره نطلب من الايراني وعادي ايبونه لنا
رحتله اول يوم العيد وكان يوم الافتتاح حلو اكلهم بس كان خدمتهم مو حلوه بعدها ييتله وكانو مغيرين ويابو ستاف كبير
بصراحه انا عجبني حيل اخيارج ممتاز حبيبتي:eh_s(7):

 

[.. Purple ..]

انا ما عجبني لا اكل ولا خدمه

 

[koky alnassar]

جوان ليش حبي الطباخ هندي و تدرون ان اغلب الشيفات عندهم شهايد يعني لا يكون كان يطبخ كوشري بمصر ؟ الواحد مو لازم يشوف الـ cv على قولتج الواحد يشغل المخ ترا المخ نعمه و لازم نشغله شوي و نثمن الحجوه قبل ما نقولها

و اما من ناحيه الي كارهه المطعم على قولتج و الي حابته قلتها الف مره بالصفحات الي قبل هالصفحه الاراء تختلف بس ما انكر قبلها كنت اناقش الي عندهم اعتراض بس كانت مناقشتي ثقيله عليهم فـ سكت و قعد ارد على الردود الي تعجبني و الي ما تعجبني يسلموؤ + no comment

و الباقي يسلمو على الردود حبايبي

و اتمنى ما تيي وحده تتهجم علي نفس الاخت جوان و تحرج نفسها بعدين

 

[∫ ∫ ∫ ∫ جــوان ∫ ∫ ∫ ∫]

جوان ليش حبي الطباخ هندي و تدرون ان اغلب الشيفات عندهم شهايد يعني لا يكون كان يطبخ كوشري بمصر ؟ الواحد مو لازم يشوف الـ cv على قولتج الواحد يشغل المخ ترا المخ نعمه و لازم نشغله شوي و نثمن الحجوه قبل ما نقولها

و اما من ناحيه الي كارهه المطعم على قولتج و الي حابته قلتها الف مره بالصفحات الي قبل هالصفحه الاراء تختلف بس ما انكر قبلها كنت اناقش الي عندهم اعتراض بس كانت مناقشتي ثقيله عليهم فـ سكت و قعد ارد على الردود الي تعجبني و الي ما تعجبني يسلموؤ + no comment

و الباقي يسلمو على الردود حبايبي

و اتمنى ما تيي وحده تتهجم علي نفس الاخت جوان و تحرج نفسها بعدين

لا ماما ما احرجت نفسى انتى الى حطيتى تقرير واستلمتى العضوات والى تقول مو عاجبنى المطعم تاكلينها بقشورها

حسستينا ان المطعم لج وقاعده تسوين له دعايه

بس مالومج دام هذا اسلوبج خصوصا عقب ما عرفت انج بنت صغيره بعاشر طلع حتى مخج

وطريقه تفكيرج صغيره روحى تعلمى اشلون يسوون تقارير بعدين تعالى

ولا تقولين النك مشتركه ترى قديمه هالطريقه

 

[koky alnassar]

النك مشتركه ؟؟؟


لوووول ياا ما ناس اعمارهم 15 و 16 يتحجون احسن من ناس عمرهم بالاربعينات !!

الناس وصلو للقمر و انتي تقيمين الي جدامج على مرحلته العمريه و الدراسيه لوووووووووووووول

اقول جوان بعتبرج مو موجوده بالموضوع لانه انا امووووووووووت على منتدى كويتيات و ما ارضى هالمهزله تصير بسبب استفزاز حضرتج لي و اتوقع اسلوبج مع الكل جذيه يعني حتى مع الاشخاص الثانين اتوقع تسوينها

لووول عموما رديتي ما رديتي حطي ببالج انتي بالنسبه لي مو موجوده و الله يسامحج و يسامح الجميع

 

[يديدة وليدان]

السلام عليكم ورحمة الله وبركاته
بالنسبة للموضوع بصراحه الاسبوع اللي طاف رحناله انا وزوجي وبنتي
وايد وايد استانسنا جو المطعم حلو الديكورات نااااعمة تهبل السرفيس روعه الله يعطيهم العافية ماتاخرو بالاكل
الاكل كان حلو انا طلبت صيني وزوجي وبنتي طلبو ستيك
بصراحه وااايد استانست من تعاملهم واكلهم الشيف وصل لعندنا وشكرناه

 

[ام حمد 85]

عليكم بالعافية الاكل شكله يشوق

 

[koky alnassar]

بالعافيه

و تسلمون على انكم نورتو الموضوع بوجودكم

و ترا المطعم تحسسن اكثر من اول ما سووه و اخبار المطعم توصل لي لانه مدير المطعم يعرف الاهل من بعيد

لبناني يقول انه بيتغير لانه الشيف بيغيره و الله العالم

و الله يوفقكم حبايبي و مشكورين لانكم نورتو الموضوع

 

[ميني كويتيه]

عليكم بالف عافيه

 

[مسؤولة تعيين]

هالمطعم عجييييييييييييييييب طبعا انا جربت الايراني
واعطيه 10 من 10

 

[bobo lover]

بالعافية ان شاءالله

 

[Om zayd]

حبيبتي كوكي يعطيج العافيه وانشالله بجربه انا وريلي

 

[koky alnassar]

بالعافيه حبايبي

و تسلمون على مروركم بالموضوع اي اهوا الايراني ما شاء الله حلو
و الهندي حلو بس لبناني جيد و ان شاء الله الى الامام و الى الاحسن لهالمطعم و باقي المطاعم ان شاء الله

 

[( المـلاك )]

الله يديم النعمة ،،
رحت المطعم وكلللللش ماعجبني اكله
ولاشي طلبته حلوو
صراحه اول مرة بحياتي ادش مطعم ما يعجبني منه ولاشي

هذا رايي لما جربته
و هذي اول واخر مرة .

ويسلمو صاحبه الموضوع
انا عرفته و جربته من بعد موضوعج ترى
بس يلا تعلمنا و رحنا مكان يديد