التجمع الأول للتخلص من السمنة (15-25) كيلو- تشجيع- نصايح- صور....الخ

[جروح تبتسم]

حطيت لكم شلون خخخخخخخ
يعني انحني يمين 10 مرات او ليما اتعب فهمتو قصدي
ويسار نفس الشي
والله العظيم والله والله على مااقول شهيد اني بالبدايه تعبت بس حاطه هدف في بالي
اللي هو الحمل
والله العظيم بنات هالرجيم ماراح اهده
وانصحكم بالفواكه
والفتوش
وانا الصراحه اذا يعت شريت لي من ثلاجه امريكانا توست اسمر لانه متروس نخاله وايد زين
وفي نكهات لذيذه اكيد تعرفووونها
قلت ماراح اشتري ميزان
بس من خميس لي خميس ( زواره بيت ابوي ) عندهم ميزان عادي ورقمي
شفت الرقمي95.100
يعني 95
ونفس شي العادي
والله العظيم وشرفي اني التزمت وتعبت بس الحمدلله انتقلت من 3 ارقام لي رقمين بس الحمدلله

بس سؤال زين يعني 10 ايام 5 كيالو بس <<<< جنه كيالو غلط ههههههه


على العموم انا من النوع اللي ماحب التزم بنظام معين طفارتي فاعتمدت على قدرتي
والله واكلي كله صحي ومايمتن والحمدلله ادعولي اصمد لان اليوم اكلت بسكوت ككاو ( شووووويه ) بس تعبت

 

[Chocolate Milk]

حيل ايووع

منو جربت الكيميائي اللي فوق ؟

وجم نزلتوا عليه ؟

 

[jolie_q8]

DaLoOo3a

اي مال اسامه حمدي سويته عقب ولادتي بولدي البجر نزلت عليه 5 كيلو فقط لا غير

وصار فيني فقر دم + حصوه بالمراره بغيت اموووووووووت من العوار

وسويت عمليه وشلتها

هذي تجربتي التعيسه وعقبها حرمت اسوي رجيم مو صحي​

 

[جروح تبتسم]

دلوعه ياقلبي ليش الكيميائي
انا اقولج
هو ينزل بس لمن تهدينه يصعد مره وحده ويتعب والله وموصحي
الكيميائي حق المتاااااان حييييل واللي يبيلهم ينزلون بسرعه
نصيحتي اخذي رجيم اخف شويه عشان ماتملين
سألي مجرب
انا قبل لا اتزوج سويت كيميائي الله وكيلج 20 يوم وهديته ومانزلت وايد بعد
يمكن على مااذكر 12 كيلو
وعلى حسب الجسم
اشتري جاي اخضر واناناس
وعلج وهالله هالله بالماااااي ينزل الشحم والسموم
اكلي دياي مشوي او سمج مشوي وفواكه لذيذه
والصبح تفاح اخضر

 

[Chocolate Milk]

يعني بس كيوي وعلج اكسترا ازرق

وماي

و اناناس عصير

وصمونه خس وطماط وجبن

ممممم !!

جروح شرايج برجيمي ودي اسويه :

خبز لبناني خبزتين وجبن كرفت

وماي

وشاي وحليب

و عصير برتقال زين ؟

واي





























مارديتوا علي شاريكم بالرجيم الكيميائي ومنو جربه ؟

 

[جروح تبتسم]

انا وجولي كتبنا مع بعض
وعلى قلب واحد والله ماشفت شكتبت وطلع نفس النتيجه خخخخخخخخ

 

[Chocolate Milk]

ياحلوكم

انزين جولي شنو احسن رجيم نزلج بسرعه و نزلج وايد

و جروح تبتسم شنو اسرع رجيم واللي نزلج وايد وبسرعه ؟

مثل السؤال وانشالله تفيدوني

 

[Maneena Manaana]

DaLoOo3a

اضن انج مو حيل متيينه يعني وزنج مو بالتسعينات وفوق .. نصيحة لج اتبعي الرجيم اللي منزلته دموع .. رجيم الصباح لانه صحي ويمدج بكل ما يحتااجه الجسم ... لاني قريت مشاركاتج بهالقسم ... مرة بتسوين رجيم مافيه غير خبز ومادري شنو ومرة نودلز... جانزين اكو رجيم بس نشويات لول المهم... لما تقللين الكميه صح بتضعفين بس دمج راح يضعف .. شعرج راح يحت ...نشاطج راح يقل... يعني وزنج وصحتج كلهم بينزلون...وبعدين لما توصلين الوزن اللي تبينه راح تكونين ملييتي من اكلج اللي كل يوم تاكلينه وتبدين ترجعين على اكلج الطبيعي وراح تلقينج زدتي اكثر من اللي نزلتيه...

الرجيم اللي كاتبته دموع منوووع في كل شي يعني ماتحطين بخاطرج شي بالتالي ماراح تمليين منه...والله يوفقج حبووبه

جروح تبتسم...ماشاء الله الله يوفقج يا رب والخمسه تصير دبلاات...ومبروووك عليج الرقمين ههههههههه يا كره ال 100 ... كافي انها 3 ارقاام تحسسج ان في شي غلط ...
ايي صج بسألج..قط شربتي الجاي الاخضر على الريج؟؟ امس لول متعشيه كباب عاد قلت خل اشرب جاي من الصبح عشان يقوول للدهن باي باي ... ومن شربته وانا جبدي تلوع .. ما صار فيج هالشي .عاد قلت توبه اشربه على الريج..


جولي يا جولي ... كلاامج كله عدل والمصييبه عارفين هالشي بس يا ربي على الاراده الخرطي ...بس ان شاء الله ان شاء الله خلاص ماكو لعب من يوم وراايح...

يلاا بنات خل نترك عنا الربربه ونلتزم شوي ...كلها جم يوم .. الاياام تركض يعني جك بم الا خالصين هالجم شهر...

موفقين

 

[Chocolate Milk]

اي والله دبدوبه وياحلوج انتي وكلامج

بس وين الموضوع ؟

ممكن الرابط مال الرجيم

بس ابي انزل بسرعه وو حوالي 15 كيلو حق العيد

 

[Maneena Manaana]

لول جرووح وانا كنت اكتب معااكم وعقب ما نزلت الموضوع والا نفس ردكم .. خلاص دلوعه لازم تاخذين بكلام المتاان لول .. شيلي من مخج الرجيمات الخربووطه ... ويلاا شدي حليج معانا برجيم صحي ومفيد ...

http://www.q8yat.net/showthread.php?t=7600

هذا الرابط...وحطي ببالج ماكو شي ايي بالساهل ... يعني شحم صارلج جم سنه تبنين فيه تبين تهديينه بجم اسبوع ؟؟ مايصير

http://www.q8yat.net/showthread.php?t=46932&page=4

وعندج بعد هالرجيم

حلو ومنووع للدكتور عبدالله المطوع ... (لول صار شعر)
من كلام البنات عنه شكله خوش شي

 

[جروح تبتسم]

دلوعه .... جولي

هذا التمرين اللي اقصده
بس انا ابدل ماحط ايدي على راسي
ااحطها على خصري
المهم
بالنسبه لرجيمي انا ماعندي رجيم معين
بس جذي من مخي والله
في رجيمات تينن بس مشكلتي مثل ماقلت ماحب التزم
المهم الله يوفقنا ويصبرنا يااااارب

 

[dima]

DaLoOo3a

elrejeem el kemya2ii ana jarabta 2 weeks tha3aft 6 kilo bs ma kamalt la2ana fe waid ayam takleen bait wana ma agdar akel baith ma7ba kelesh le daraja ele ma asta7mel ashofa alah yedeem elne3ma staghfarallah

 

[بطاطا]

احس اني حفظت كل الرجيمات و للحيني نفس الشي ​

 

[Maneena Manaana]

بطاطا .. بما انج حفظتي الرجيمات .. لا تمشين على شي معين ..من الصبح حطي ببالج شنو بتاكلين وشنو يسون لج غدا وجذي وبس ...

 

[بطاطا]

هلا دبدوبة

انا عاجبني الرجيم الكيميائي اللي حطته مذهله

و تمقلت فيه و طالعت شكو ماكو حسسيييت اني وايد مرتاحة له و ابي اجربه

طبعته :eh_s(6): و ناوية اابدا فيه انشالله

و مع روحة الممشى 3 ايام بالاسبوع انشالله

يكون فيه نتيجة

و احنا نقدر ما ناكل يوم يومين بس نمل يعني صعب روتين يتغير فجأة

بس انشالله لا هالمرة لما نتذكر الصور اللي شفناهم و ان كل شي بيكون احلى نصمد و نتحمل انشالله ​

 

[Maneena Manaana]

موفقه بطاطا .. مع اني ما احب الرجيم الكيميائي بس اذا هذا اللي ريحج.. جربيه

انتي لو بس تغيرين نكج من بطاطا ليه بروكليه والا سيلاري لوووول اتوقع تضعفين

 

[jolie_q8]

هلا بنات

ماشاءالله الهمه عاليه وهذا اهم شي

بطاطا : ما حطيتي نتيجتج !! وجم نزلتي هالاسبوع !!

DaLoOo3a : تابعينا بحط لكم جم رجيم صحي بالصفحات القادمه

ديما : اشلونج ؟؟ شاده حيلج والا خقيتي ؟

جروح تبتسم : خوش تمرين ​

 

[عذبه الصوت]

قوووة بنات

شلوونكم شخباركم

عذررررروني ماحطيت وزني لاني ماوزنت بس احس اني خافه شوووي لان موقاعده اكل واتحرك وايييد والله كريم اذا فضيت وزنت بقوولكم

 

[bambena]

انا اول اسبوع نزلت بس نص كيلو

وهالاسبوع ماوزنت اوزن واقولكم

 

[jolie_q8]

ناطرينكم لا تبطون علينا

يارب النتيجه حلوه ..موفقين​