التجمع الثالث لطالبات { كـلـيـة الـحـقـوق ] جامعة الكويت . حياكم الله

[koooky]

بنات اللي خايفه من هيثم لا تحاتي ترا وايد زين شرحه حلو ودرجاته كل وحده لها حقها بالدرجه
اهو شديد بالبدايه انتي خلج معاه سيده بيكون زين معاكم وحضري شوراج


وبالنسبه حق اللي تسال على دكتور مشعل سوري بس والله الله يعينج
نصيحه شاركي معاه وحضرررررررررررررررررررررررررري حضررررررررررري حضررررررررررررررري بالثلاث
اكره شي عنده الغياااااااااب اوف لا تغيبين كلش

وموفقين

 

[noufUS]

كووكي مشكوووره حبيبتي يعني اتم على هيثم ما اغيره

 

[koooky]

اي حبيبتي خلج عليه ترا خوش دكتور ماعليج من حجي البنات
المهم ان يشرح ويعطيج حقج
انتي عليج الحضور والدراسه

 

[noufUS]

مشكوووره كوكي ماقصرتي انزين شرايج بوزبر جزاء ودولي رشيد العنزي؟

 

[koooky]

شدعوه افا عليج
بوزبر وايد زين امتحاناته حلوه ويشرح وموبخيل بالدرجات
رشيد والله انا مو مجربته بس على كلام البنات ها يعني زوين عرفتي
يعني مو شين ولا احسن ما يكون < نص ونص

 

[noufUS]

مشكوووره كووكي الله يوفقج ويسعدج

 

[koooky]

ولو حبيبتي
مشكوره عالدعاء والله يوفق الجميع ان شاء الله

 

[Lays BL.ketchup]

لوير

يحليلها بنت الكويت بنفسها عدلت الردود اللي كنت بغيرهم
جزاها الله كل خير :eh_s(7):


خلاص غيرت رايي ما نحتاج مشرفات بالقسم :krkrkr:
بس قسم الثانويه بصراحه جنهم قاعدين بديوانيه يخرون الاكو والماكو - فوق الوصف اللي قلتيلياه هههههههههه

 

[F.L.O.N.A]

بناااات د.هيثم وايد زييييييين شرحه حلو ويفهم ويعطيج حقج
امتحاناته مو وايد صعبه على قد شرحه يعني اذا التزمتي بالحضووور ضمني الفل مارك بالامتحان ..

واكثر شي ما يحب الغياب ... فحضري وانتبهي معاه << ويستحسن تاخذين الكتاب معاج وتنوتين عالكتاب واااايد راح يفيدج هالشي ..

وانشالله موفقين ..

انا للامانة هيثم درسني اصول ومن كثر ما تدريسه وشرحه رووعه للحين اذكر اصووول ولو احد يسالني فيها اجاوب مع اني خريجه
يعطيه العافيه والله

اما التزامات كنت عند اروع دكتور ( غير كويتي ) بالكلية وهو موسى رزيق صج صج صج سهل علينا التزامات حسسني انها اسهل من الاختياري من كثر ما شرحه واضح ويبسط لج المادة ... ويعطيه العافية طلعنا كلنا بقريدات حلللللوة 40 واقل شي 35 والا 34

حتى الفاينل حطه سهل مووايد صعب وقدرنا انييب قريدات حلوة امتياز وجيد جدا بالتزامات

 

[F.L.O.N.A]

بالنسبة للدكتور رشيد العنزي لمادة دولي عام :

* الشرح : الشرح ما يشرح وااايد يعني مو ذاك الزوود نفس الكتاب
* التعامل : جدااا حبووووب وطيب وغشمرجي
* الدرجات : كريم بالدرجات ويعطيج حقج وزياده

امانة انا ما اخذت عنده بس كنت احضر استماع ورفيجتي كانت عنده والكلام اللي فوق بناء على تجربتها




أما الدكتور محمد بوزبر لمادة جزاء عام :
* الشرح : شرحه حلوووو ويفهم المادة وتقريبا نفس الكتاب لان يدرس كتابه .<< ( الكتاب ابيض ومكتوب عليه بالخط الاحمر إذا ماغيروه)
* التعامل : طيب وحبوووب مو شديد بس يحب الالتزااام
* الدرجات : يعطي درجات فووووق اللي تستاهلينه

 

[F.L.O.N.A]

محد جاوبني آنا

د. مبارك النويبت
د. سامي الدريعي

ابي اعرف نظامهم شلون ؟

التعامل ؟ الدرجات ؟ الامتحانات ؟ الشرح ؟

بليز صارلي 4 سنوات بالكلية بس اول مرة اخذ عندهم

 

[noufUS]

فلونا مشكووره حبيبتي ماقصرتي بس غريبه محد يمدح موسى رزيق حسافه كنت باخذ عنده شرايج اغير هيثم واروح باجر اسجل عنده بليييز قولي لي شلون نظامه وليش البنات مايمدحونه؟

 

[miss disaster]

بنات كتاب التزامات وين احصله غير مكتبه الطالب ؟؟!!​

 

[~.ąvȍƈaȚ.~]

يوم لا بأس فيه

بس كلهم ما حضروا يعني شنو هذا ليش ما يقولون :\ !! ما غير دكتور واحد حضر

بنات اللي حضروا دكاترتهم

شنو الكتب ؟؟ ودي اروح اشتريهم باجر الصبح قبل الزحمه و قولوا الكتاب من مكتبة الطالب و الا وحدة التأليف و النشر مالي خلق حوسه وايد

 

[Rurii]

.
.

نوفا

اليوم حضر هيثم و صراحه خرعنا ماكو الا امتحان واحد 30 درجه شهر 1 و في ثاني شهر 4 بس اللي تدشه يلغى الامتحان الاول
حتى لو مسويه في الاول زين ، و تكون الكميه مضاعفه شهر 4
5 درجات حضور و كل غياب نص درجه ، 5 درجات كويزات ..


فلونه
حسافه عاد كانت شعبته مفتووحه د.موسى رزيق بس ليش محد مدحه :/


افوكات

انا حضروو ماليه الحمود ، اداري محمد العتيبي ، التزامات هيثم .. لا و اداري و التزامات حددوا مواعيد الامتحانات ،
ماليه قال اول كلاس دراسه الاسبوع الياي الاحد الحمدلله فكنا

اداري :-
قال الكتاب بيكون موجود نهايه هالاسبوع او بدايه الاسبوع الياي ،
كتابيـن :
1- القانون الاداري الكويتي ، تأليف : د.احمد الفارسي + د. محمد المقاطع
2- نشاط السلطه الاداريه ، تأليف: د. احمد الفارسي + د.خليفه الحميده

مـاليـه :-
الكتاب: الماليـه العامه لدوله ، تأليف: د. ابراهيم الحمود

التزامـات :-
كتـابين ،
1- الوجيز في النظريه العامه للالتزام .
2- مصادر الالتزام و احكام الالتزام .
د. جمال النكاس
د. عبدالرسول عبدالرضى

 

[L a w y e R]

لوير

يحليلها بنت الكويت بنفسها عدلت الردود اللي كنت بغيرهم
جزاها الله كل خير :eh_s(7):


خلاص غيرت رايي ما نحتاج مشرفات بالقسم :krkrkr:
بس قسم الثانويه بصراحه جنهم قاعدين بديوانيه يخرون الاكو والماكو - فوق الوصف اللي قلتيلياه هههههههههه

يزاها الله خير والله يعطيها العافيه انشالله

وماشالله ماتلحق ، تعدل شنو والا تحذف شنو !

وبنات الثنويه افلام الصراحه لووول

 

[L a w y e R]

good luck all

وعساها سنة خير عالجميع يارب

 

[noufUS]

روري انا وياج باداري عند العتيبي وماليه الحمود والتزامات الاثري باجر بيداوم التزامات؟ ومتى مواعيد الامتحانات ؟

 

[~.ąvȍƈaȚ.~]

Rurii

مشكووورة ما تقصرين

عاد انشالله ما يطولون ما احب أتم بدون كتاب حتى لو يكون مجرد ديكور ما تدرين ماليه في كتاب ثاني و الا بس كتابه ؟

و اداري شسم الكتاب :\ ؟

انا بعد بالتزامات عند د.هيثم

اتمنى يكون كلامه مجرد تخريع !! و الا شنو انا كيفي دكتور حسب مزاجي يمكن متهاوش مع مرتي و أكون معصب تحملوا لوووول بصراحه الله يعينا

بس وايد دكاترة جذي حتى ايام الثانوية و المتوسط الابلات اول السنة يطلعون العين الحمرة عشان نصير زينين و بعدين يصيرون حليوين

و مادري ليش نظام امتحانه جذي !! اذكر العام كان مسوي طريقة ان يضيف ثلث الدرجة الاولى على التعويضي مادري شيسوي فيهاا بس يمكن ما قالنا بعدين كل شي بوقته

أتمنى يطبق هالشي



نوف

اي بيدااوم و بنبدي بالمنهج باجر

و الامتحانات 9-1-2012 هذا الأول الكمية من البداية ليما نوصل بالمنهج و الثاني 9-4-2012 نفس الشي من بداية السنة ليما نوصل يعني مضاعفة الكمية

و ما يعطي مؤجل الا بعذر قاهر (دخول مستشفى و اهوا يعجبه المرض و الا ما يعجبه اهوا يقدر - حالة وفاة)

و الحضور و الغياب 5 درجات كل غياب بنص

و 5 درجات كويزات قال يمكن 6 كويزات بيعطينا بتكون طريقتهم ان يقول مثلا الاسبوعين اليايين في كويز بس بدون ما يحدد اليوم و يكون بالمحاضرة السابقة يعني موو كل الدروس

و ماكو بونص


أي سؤاال تفضلي و كلنا بنجاوبج

 

[~.ąvȍƈaȚ.~]

ترى الامتحان الثاني اللي بـ9-4 هذا مثل تعويضي بس ماا يحسب الدرجة الأحسن لا يلغي الأول و ياخذ الثاني

يعني دخوله اختياري للي تبي

و الامتحان واحد عليه 30 درجة