التجمع الثالث لطالبات { كـلـيـة الـحـقـوق ] جامعة الكويت . حياكم الله

[noufUS]

افوكات مشكووره حبيبتي بس مادري ماحب طريقته خايفه قاعه افكر اسحب عنده واسجل عند موسى بس محتاره عاد هذي اهم ماده

 

[رمز الترف]

روري و افوكات
يمااااي خرعتوني

بس بسأل الاثري خذا الغياب و لا لا ؟؟




و بنات مو بدا الدوام ؟

شلون تسحبون و تسجلون ؟
مو مرتاحة للاثري

 

[F.L.O.N.A]

فلونا مشكووره حبيبتي ماقصرتي بس غريبه محد يمدح موسى رزيق حسافه كنت باخذ عنده شرايج اغير هيثم واروح باجر اسجل عنده بليييز قولي لي شلون نظامه وليش البنات مايمدحونه؟

العفو ياقلبي ولو كلنا خوات اهني نعين ونعاون بعضنا ..
انا بصراحه مادري ليش البنات ما يمدحونه ولا كانوا يحبونه حتى ، يقولون طريقته بالشرح تنوم ... مع ان انا احس تساعد عالتركيز والتنويت ، يعني اذا انتبهتي على كلامه وشرحه ابدا ابدا ما راح تحسين بالي يقولونه ..

الدكتورين امانة هيثم وموسى زينين بس حق التزامات انصحج بمووسى رزيق اذا قدرتي، صج هيثم ماشالله عليه شرحه واااااو بس انا ما جربته بالتزامات جربته باصوول ... بس التزامات ماتوقع احد يفهمج المادة مثل موسى رزيق .. والله للحين احس لو احد يسالني بالمادة اعرف اجاوب لانه د. موسى احسسه اسسني بالتزامات ..

انتي شوفي شنو يناسبج بس الدكتورين زينين وماكو فرق بينهم بس موسى رزيق نوعا ما تعامله احلى من هيثم ، ويساعد بالدرجات اكثر ويعطي امتحان تعويضي << قبل الفاينل .. بس انتو لا تحنون عليه بروحه من نفسه يحط الاتعويضي قبل الفاينل ..

نظامه ، ما يهتم بالحضور والغياب وايد عادي انا كنت اغيب جم مرة عنده وما اثر علي ، وامتحاناته مقالي اكثر شي واسئله متكررة يعني ضمني المدتيرم عنده ... وعلى وقتنا اذكر عطانا اختيارين يا اما اتدشين امتحانين كل واحد 15 درجه واحد الكورس الاول وواحد الكورس الثاني ، او مرة وحده اتدشين امتحان الكورس الثاني من 30 درجه ... لج حرية الاختيار ...

وقبل ما يعلق اعمال السنة يحط تعويضي << في كل الحالات درسي ودشيه انا سويت جذي وهالشي وااااااايد ساعدني حق الفاينل، بالفاينل كانت دراستي شبه مراااجعه ..

والحمد لله اخذت قريد حلووو عنده وهالسنة ماخذه عنده اختياري بعد الله يسهل علينا جميع يارب
والفال حقج انشالله تاخذين قريد حلو بهالمادة .

 

[F.L.O.N.A]

بنات كتاب التزامات وين احصله غير مكتبه الطالب ؟؟!!​

حبوبة اغلب كتب كلية الحقوق .. تلاقينهم بـ
مؤسسة دار الكتب للطباعة والنشر والتوزيع
بشرق .. شارع عمر بن الخطاب

لانها هي المكتبة اللي تطبع الكتب واتييبهم مكتبة الطالب ...

شووفي كل الابهات يدلووونها لووووول خلي ابوج يوديج لان مكانها شوي دواعيس

تعرفين سنتربوينت شرق اللي يم مقبرة الحساوية بالضبط ... خليه على ايدج اليمين وكملي سيده بييج دوار هم كمليه سيده صاير صوووب بهاسين للملابس عرفتيه ؟

بس للعلم اسعار الكتب اهناك اغلى من مكتبة الطالب لان بمكتبة الطالب عليها خصم 40% هانك ماكو .. بس اذا مو محصله بعد شتسوين اشتري او ساليهم بمكتبة الطالب اذا راح اييبون ولا لأ ؟

 

[F.L.O.N.A]

rurii

مشكووورة ما تقصرين

عاد انشالله ما يطولون ما احب أتم بدون كتاب حتى لو يكون مجرد ديكور ما تدرين ماليه في كتاب ثاني و الا بس كتابه ؟

و اداري شسم الكتاب :\ ؟

انا بعد بالتزامات عند د.هيثم

اتمنى يكون كلامه مجرد تخريع !! و الا شنو انا كيفي دكتور حسب مزاجي يمكن متهاوش مع مرتي و أكون معصب تحملوا لوووول بصراحه الله يعينا

بس وايد دكاترة جذي حتى ايام الثانوية و المتوسط الابلات اول السنة يطلعون العين الحمرة عشان نصير زينين و بعدين يصيرون حليوين

و مادري ليش نظام امتحانه جذي !! اذكر العام كان مسوي طريقة ان يضيف ثلث الدرجة الاولى على التعويضي مادري شيسوي فيهاا بس يمكن ما قالنا بعدين كل شي بوقته

أتمنى يطبق هالشي



نوف

اي بيدااوم و بنبدي بالمنهج باجر

و الامتحانات 9-1-2012 هذا الأول الكمية من البداية ليما نوصل بالمنهج و الثاني 9-4-2012 نفس الشي من بداية السنة ليما نوصل يعني مضاعفة الكمية

و ما يعطي مؤجل الا بعذر قاهر (دخول مستشفى و اهوا يعجبه المرض و الا ما يعجبه اهوا يقدر - حالة وفاة)

و الحضور و الغياب 5 درجات كل غياب بنص

و 5 درجات كويزات قال يمكن 6 كويزات بيعطينا بتكون طريقتهم ان يقول مثلا الاسبوعين اليايين في كويز بس بدون ما يحدد اليوم و يكون بالمحاضرة السابقة يعني موو كل الدروس

و ماكو بونص


أي سؤاال تفضلي و كلنا بنجاوبج

افوكات حبيبتي ..
مالية كتاب واحد ماكو غيره ...

وكتاب اداري تحصلينه بوحده التاليف والنشر داخل الكلية صوووب مكاتب دكاترة الشريعه بس قوليلهم ابي كتاب اداري (1) ويعطونج .... لونه اخضرمايل عالتركواز الفاتح جنه تاليف محمد المقاطع بس مو متاكده
وفي جزء ثاني لونه ابيض تاليف د. خليفة الحميده ( حق الكورس الثاني )

 

[F.L.O.N.A]

.
.

نوفا

اليوم حضر هيثم و صراحه خرعنا ماكو الا امتحان واحد 30 درجه شهر 1 و في ثاني شهر 4 بس اللي تدشه يلغى الامتحان الاول
حتى لو مسويه في الاول زين ، و تكون الكميه مضاعفه شهر 4
5 درجات حضور و كل غياب نص درجه ، 5 درجات كويزات ..


فلونه
حسافه عاد كانت شعبته مفتووحه د.موسى رزيق بس ليش محد مدحه :/


افوكات

انا حضروو ماليه الحمود ، اداري محمد العتيبي ، التزامات هيثم .. لا و اداري و التزامات حددوا مواعيد الامتحانات ،
ماليه قال اول كلاس دراسه الاسبوع الياي الاحد الحمدلله فكنا

اداري :-
قال الكتاب بيكون موجود نهايه هالاسبوع او بدايه الاسبوع الياي ،
كتابيـن :
1- القانون الاداري الكويتي ، تأليف : د.احمد الفارسي + د. محمد المقاطع
2- نشاط السلطه الاداريه ، تأليف: د. احمد الفارسي + د.خليفه الحميده

مـاليـه :-
الكتاب: الماليـه العامه لدوله ، تأليف: د. ابراهيم الحمود

التزامـات :-
كتـابين ،
1- الوجيز في النظريه العامه للالتزام .
2- مصادر الالتزام و احكام الالتزام .
د. جمال النكاس
د. عبدالرسول عبدالرضى

سووري قلبي توني اشوووف ردج :eh_s(22):
تدرين قبل لا اخذ عند موسى رزيق شكثر ذمووه وما امدحوه بس انا اخذت عنده لان كان باجي الشعب ( هـ . ت ) وانا بصراحه ما حب اجازف بالله طلعلي دكتور مو زين ... فقلت اللي نعرفوو احسن من اللي ما نعرفووش وسجلت عنده وطلع دكتوووور اينن

مع ان اقولج انا ترا مو من النوع اللي اشارك وايد وارتز جدام لا ترا عادي اقعد بالنص ، بس كل ما كنتي قاعده جدام وركزتي معاه بتفهمين .. البنات ما يمدحونه يقولون ينوم مع ان انا ما احس ينوم بالعكس شرحه واااااااااااااضح ويبسطلج المادة ما جنها التزامات اصعب مادة بالحقوق :eh_s(15):

صج صج صج احسسه ياسس التزامات وهالشي وااااااااايد ضروري لان في مواد بسنة ثالثة ماراح تفهمينها اذا مو فاهمة التزامات ( عقود / تجاري ) .. عشان جذي ضروووري حيل تفهمون كل نقطة وكل جزئية بالتزامات ..

عشان لا يصير فيكم نفس اللي صار العام ، دكتور مادة عقود قال حق البنات روحوا اقروا كتاب التزامات وبعدين داوموا لووووووووووول

 

[L a w y e R]

شلون الدوام ؟

 

[noufUS]

فلونا مشكووره اقنعتيني بس اقدر اروح باجر اسحب عند هيثم واضيف موسى بصالة التسجيل او طافني؟ عاد اليوم من كثر ما افكر حلمت فيه لوووول مع اني مو شايفه شكله

 

[F.L.O.N.A]

فلونا مشكووره اقنعتيني بس اقدر اروح باجر اسحب عند هيثم واضيف موسى بصالة التسجيل او طافني؟ عاد اليوم من كثر ما افكر حلمت فيه لوووول مع اني مو شايفه شكله

العفو حبيبتي شدعوه كلنا خوات مثل ما قتلج فديتج :eh_s(22):

وبالنسبة حق باجر ما دري انتي وحظج اذا الشعبة مفتوحه اتوقع يصير

الله يسهل انشالله ويسخر لج موظفه زيييينة تساعدج انشالله وما تعسر معاج يااارب :eh_s(17):


تبين تشوفين د. موسى ؟؟

اهو اوصافه مميزة يعني لو اقولج اكيد مار عليج ، طويييل وايد وابيض ويلبس نظارات ، مو أصلع عنده شعر لووووول ويلبس بدل ...

اهو جزائري بس يتكلم عادي لهجته اقرب للغة العربية الفصحى وايد اسلوووبه رااقي بالتعامل صدقيني راح ترتاخين عنده

هذي صورته من النت بس الحين اضعف بالصورة متبتب شوي <<< بدعت مووو ؟

 

[F.L.O.N.A]

اهداء لخواتي المستجدات ... مواقع بعض دكاترة الكلية ، فيها وايد اشاء ممكن تفيدكم بالمقررات اللي ماخذينها ( دستوري ، اصول )


1- موقع الدكتور محمد المقاطع : ( حق مادة دستوري بالتحديد )

http://almoqatei.net/



2- موقع الدكتوره مشاعل الهاجري ( حق مادة اصول قانون )

http://law.kuniv.edu.kw/mashael/


3-البلاك بورد ( حق مادة مبادئ الاقتصاد السياسي ) انصحكم اتدشون وتنزلون سلايدات شرح د. بدر المطيري حق مادة مبادئ اقتصاد ..وايد حلوة .. بس طبعا لازم تسجلون دخولكم اول اليوزر رقمكم الجامعي والباس كلمة test

http://bb.kuniv.edu/

 

[Rurii]

فلونه
وسنه ثانيه مالهم شي

ها بنات شريتوا كتب
بأجر ان شاء الله امر المكتبة اشوف


يحليله اليوم التزامات هيثم شرح
توني ادري ان القانون المدني يتكون من اصول و التزامات و مادري شنو بثلاثه ورابعه #معلومه مفيده
واهم شي ان اصول كله اللي درسناه 4صفحات من الكتاب بس 30 ماده
وهالسنه التزمات 300 ماده ياااويلي الله يسهل

 

[noufUS]

روري هيثم اخذ الغياب اليوم وشنو شرح والعتيبي ؟

 

[noufUS]

فلونا الله يوفقج ماقصرتي عجيبه الصوره نفس الحلم تقريبا لووول وانا طماعه ابي معلومات اكثر منج عن سنه ثانيه وشنو نصايحج انا ابي ارفع معدلي 70 شسوي شلون ادرس وشنو اكثر مواد اركز عليها ؟

 

[F.L.O.N.A]

فلونه
وسنه ثانيه مالهم شي

ها بنات شريتوا كتب
بأجر ان شاء الله امر المكتبة اشوف


يحليله اليوم التزامات هيثم شرح
توني ادري ان القانون المدني يتكون من اصول و التزامات و مادري شنو بثلاثه ورابعه #معلومه مفيده
واهم شي ان اصول كله اللي درسناه 4صفحات من الكتاب بس 30 ماده
وهالسنه التزمات 300 ماده ياااويلي الله يسهل

سوري روووري ماعندي شي حق سنة ثانية بس دشي موقع د.مشاعل الهاجري تحصلين اشياء تتعلق بالتزامات ...
وبالنسبة للقانون المدني :
- اصول قانون = سنة اولى
- التزامات = سنة ثانية
- عقود = سنة ثالثه
- مدني = سنة رابعه

والله يسهل عليكم انشالله ... سنة ثانية من اروع السنوات وموادها حلويييين وانشالله شدوا حيلكم ييبوا نسبة لان سنة ثالثه متعبة شوي وساعات تنزل المعدل.

 

[F.L.O.N.A]

فلونا الله يوفقج ماقصرتي عجيبه الصوره نفس الحلم تقريبا لووول وانا طماعه ابي معلومات اكثر منج عن سنه ثانيه وشنو نصايحج انا ابي ارفع معدلي 70 شسوي شلون ادرس وشنو اكثر مواد اركز عليها ؟

لووووووول اهم شي ان طلع نفس الحلم .. انشالله يتحقق حلمج
بس ترا سالت لج باجر بس حق الخريجات ماكو حق سنة ثانية استكمال جداول ..

بس اذا وقت محاضرة موسى ماعندج شي تقدرين تكلمينه يضيفج واذا وافق روحي كلمي دكتور هيثم يشيل اسمج من عنده .... يصير العام في بنات سووها ... بس اول روحي حق د. موسى شوفي يوافق او لا ؟

وبالنسبة حق سنة ثانية ترا حدها حلوة وترفع المعدل انا رفعت معدلي بشكل خياااالي فيها لاني للاسف كنت مهمله بسنة اولى ويايه من تعب الثانوية وماخذه الجامعه سهالات نفس ايام الثانوية ( مقررات ) فطاااح المعدل كللللللللللللللش ... بس الحمد لله رفعته بثانية وحيييل يرتفع

ركزي على التزامات واداري واحوال

التزامات 8 وحدات الامتياز او جيد جدا فيها يعني وااايد وياثر بالمعدل ... نوتي مع الدكتور ورجعي البيت سويلج دفتر حق المادة نقلي اللي نوتيه او اذا ما تحبين جذي نقلي اللي نوتيه عالكتاب عشان حزةالامتحان ما تضيعين بين نوت وكتاب لا كل شي بمكان واحد واهم شي ان هالطريقه تثبت المعلوووومة بمخج عدل ..

وبالنسبة حق اداري اذا كنتي عند العتيبي لا تشيلين هم واااااايد زين وامتحاناته متوسطة لا سهله ولا صعبه ... ويحب القضايا اكثر شي ... انتبهي معاه بالمحاضرة ونوتي ونفس الشي ردي البيت كتبي اللي نوتيه بهوامش الكتاب <<< اذا تبين مسحي الهوامش بالكوركتر عشان تزيد عندج المساحه حق اضافة النووتس .

واحوااال مادة جدا سهله وعليها 6 وحدات يعني حرااام ما اتييبين فيها درجه حلوة وعموووما دكاترة الشريعه يحبووون بس الحضوور ويساعدوونج واايد بالدرجات .


جزاااء عام من المواد اللي تحتاااج مجااابل وااايد بس صدقيني اذا اتبعتي الطريقه اللي قتلج حق كل المواد واااايد راح ترتاحين وتفهمين المواد وما تضيعين وبعدها كل شي بيكون سهل عليج انشاالله

اهم شي الحضوووور حتى لو الدكتور ما ياخذ الغياب لان لما تحضرين تنوتين ولما تنوتين تتثبت المعلومة مخج ولما تردين البيت وتكتبينها مرة ثانية جنج قاعدة تاكدين عالمعلوومة فترسخ فبالج <<< انشالله عرفت اوصل المعلوومة


مالية بالنسبة لي كانت ممتعة انا كنت عند د. فيصل الفهد وامانة طووول المقرر ما دريت عن الكتاب كله كنت انوت معاه وحضرت مراجعات قبل الامتحان والحمد لله اخذت فيها جيد جدا ..

دولي يا دولي ... كنت اكره هالمادة على سهولتها مادري ليش ؟؟
وسواء كنتي عند د. ثقل او د.عبدالسلام الاثنين روووووعه ، عن نفسي احب طريقه شرح عبدالسلام وتعامل ثقل ودرجاته ....

اذا تقدرين تحضرين استماع عند ثقل يستحسن او تدربي عالقضايا ملوته وروحيله المكتب لو ما عرفتي تحلين قضيه حتى لو ما كنتي طالبه عنده يستقبلج ترا ويساعدج انا كان دايما يساعدني مايقول شي ...

لان اصعب قضايا بالفاينل قضاياه .... عبدالسلام كان طيب وحبووووب بس البنات نرفزوه على دفعتنا فخسف بالدرجات شوي بس كدكتووور وايد زين ..


اتمنى اكوون افدتج واذا في اي سؤال لا يردج الا لسااانج

 

[Rurii]

نوفا

تصدقيين نسيت اذا خذا غياب ولا لا بس جنه لا
شرح لنا وايد
تعريف الالتزام و الحقوق المدنيه وتنقسم الى شخصيه و ماليه
ومصادر الالتزام : العقد و التراجع المنفردة و الفعل الضار و الفعل النافع
وان بندرسهم بتفصيل
و حق الملكيه و الرهن

واداري ماعلي اليوم بأجر ان شاء الله
وحضر يوم الأحد وحدد ايام الامتحانات و تقسيم الدرجات
شكله بأجر بيشرح


*

 

[~.ąvȍƈaȚ.~]

نوفا

لا ما خذا الغياب و شرح مقدمة حق الدروس اللي بناخذها
بس بصراحه حبيت شرحه مع اني مريضة و حالتي حاله و كنت متأزمة نفسيا بس ركززت معاه يعني من النوع اللي ياخذ تركيزج مو تلهين
انا العام كنت عند د.مرضي أبـــــد ما كنت أركز و لا أدري شسالفه :\ !!
على فكرة بنات د.هيثم الساعه 2 تحجى عن شغله اسمها قسمة الغرامات هذي مادري شساالفتها لوووول :$ كان ودي أسأله بس استحيت لأن البنات كلهم عارفين انا ولا مره مرت علي لا بمحاضرة و لا كتاب :| << فشلللله هذا و انا متفوقة كااااك
و الله يسهل علينا


لوير

الدوام يبط الجبد نحضر و حالتنا حاله و آخر شي ماكوو دكاترة بس يالله شنسوي نظل طلبة و اهما دكاترة

بس اليوم كان عندنا بترول و صار مصخره بسبة بريعصي بالكلاس تمساااح من كبره مو بريعصي و البنات بدعوا والحمود زفهم بطريقة تظحك خخخخ و على قولته اللي غايبه ناقصه 4 درجات :|

بس من أول شي قاعد يتعامل على أساس العوايل و هالسوالف الله يعينا

 

[فز^الخفوق]

صباح الخير

بنات يوم الاحد العتيبي نظم خذا الغياب والا لا؟
ومالية الفهد س2 خذا الغياب؟؟

 

[amtar]

سؤاااااااااااااال مهم

منو خريجه سنه 2003 او 2004 او 2005 حقوق
بليييززززززز بناااااااات

ابي اسالكم عن شخص ​

 

[~.ąvȍƈaȚ.~]

فز الخفوق

مالية للحين ما حضر الدكتور


______________________________________


بنات داشه اقول كلمتين و أطلع

في بنات "عارفين" نفسهم زين تكلموا عني بدون ذكر اسامي و نكات طبعا مو منكم من الواهي اللي فيكم اللي آنا بالذات يبتوا طاريي... ما همني كلامهم لأن لا تقذف الا الشجرة المثمرة

عيل آنا مغرورة و شايفه نفسي ؟؟ هههههههههه ظحكتوووني و انا مالي خلق بصراحه

شوفوا ردودي هني وغير هني الحمدلله أي شي أٌقدر اساعد فيه وحده ما أتردد لحظة اني اكتبه حتى لو ما عندي المعلومة الكافية " عالاقل بالنسبة للتجمع هني" و سألوا البنات عني اللي يعرفوني بالكلية و بتعرفون منو المغرورة يا حلوين

و حتى لو مغرورة، ليش ما أغتر ؟! يحقلي بنت اصل و فصل و ناس و ادب و اخلاق و الحمدلله عايشه حياتي ما عليكم زود وآنا واثقه من نفسي و من كلامي اللي أقوله قبل ما اشوف ويوهكم

اذا عشان معدلي فهذا افتخار و وسام مو غرور... و الحمدلله هذي نعمة من الله و بدون ربي جان أنا ما قدرت ادش الجامعة حتى و ما اعتقد اني عيبت على أحد هني و الا تعديت على حقوقه عشان تقولين عني مغترة انا ما طلبت الا تطبيق القانون يا قانونيات يا طالبات الحقوق

و الأولى تسجيل المعدلات العالية جان ما تدرون

و انا عارفه زين ان ما طار الطير و ارتفع الا كما طار وقع و من تواضع لله رفعه الحمدلله اعرف نفسي اني بعيده كل البعد عن الغرور

عالعموم كلامكم أثبتلي هالجملة " إذا أتتك مذمتي من ناقص فهي الشهادة لي بأنني كامل"

اي و على فكره ياللي تتشمتين ترى ما تسكر السستم علي وقت التسجيل لوووول و يا الثانية ما يحتاي أكسر خاطرج ترى سجلت كل المواد عند كل اللي أبيهم

و كلمة أخيرة بختم كلامي فيها

حسبي الله و نعم الوكيل و انشالله تنظلمــــــــون مثل ما ظلمتوني و يتحجون فيكم مثل ما تحجيتوا فيني !!

اي و قبل ما انسى استمروا تكلموا فيني بصراحه محتاجه من يخفف آثامي

__________________________________________________


إلى هنا أكتفي بمتابعتي بالتجمع لأني عندي من المشاكل و المشاغل لي الراس أهم من حجي الحريم و قراضهم

تشرفت بالتعرف على كل بنت بالتجمع سواء شفتها و الا ما شفتهااا و مشكووووورين واااايد على كل معلومة و حرف كتبتووه فدتوا غيركم فيه و عن نفسي وايد استفدت منكم الله يكثر من امثالكم

عين الحر - دزازتر - ايفاا - لووير - ليز - كب كيك (من زمان مو داخله) - تحدوها بشر - فلونه - شوق و الدمعه - مس مزاجية - ابتسامة - dazii - سكااي - حقووق - فز الخفوق - Rurii - نووف - المزاجية

و جميع خواتي المستجدات و المستمرات الله يووفقكم :* و سووري اذا ما ذكرت أحد المرض الله يبعدكم عنه عامل عمايله


AU REVOIR ;*