التجمع الثاني لطالبات { كـلـيـة الـحـقـوق ] جامعة الكويت . حياكم الله

[L a w y e R]

اخت روح

وشالمانع من الاختلاط اساسا ؟

اقولج امهاتنا وابائنا واهلنا كلهم كانوا نواتج التعليم المشترك

محد شكك باخلاقهم شمعنى الحين ؟

وشالفايده اصرف ملايين على جامعات منفصله واخرتها مردهم بيختلطون بسوق العمل ؟

 

[SKY--NA]

صراحه !

ماكو فايده من سالفة منع الاختلاط !

كانا بالممرات وبالمصافط ويا بعض ! يعني شهالمنطق بس بالكلاسات !!

لا ترى صج مامنه اي فايده .. ومثل ما تفضلت احد الاخوات بأن بعد التخرج راح نشتغل مع بعـض

( صبه حقنا لبن ) .. واذا في بعض العوائل ما تأيد الاختلاط خل بناتهم يروحون كلية البنات او التربيه وضايفها مو مختلطه

والسلام ختام

 

[Miss^_^CoOoL]

:eh_s(7)::eh_s(7):

ادري اني دااشه عرض :*

بس بالحقوق صفوف خلط ؟؟

 

[SKY--NA]

مس كول

لا ..

ممر شباب وممر بنات منفصلين

والكلاسات مو مختلطه

لا عادي مو داشه عرض لوووول

 

[Miss^_^CoOoL]

ريحتيني

لانه انا بالمدرسه اذا ياا لنا موجه استحي اجاوب :eh_s(22):>> ياربي على حيى

 

[Lays BL.ketchup]

اخت روح

وشالمانع من الاختلاط اساسا ؟

اقولج امهاتنا وابائنا واهلنا كلهم كانوا نواتج التعليم المشترك

محد شكك باخلاقهم شمعنى الحين ؟

وشالفايده اصرف ملايين على جامعات منفصله واخرتها مردهم بيختلطون بسوق العمل ؟

محد شكك باخلاقهم لأن الوضع اختلف عن الحين - قبل الناس عارفه بعضها
الحين مع الفضائيات والانفتاح شبابنا جرتهم المظاهر وقاموا يقلدون الغرب بأغلب الامور - الواحد صار يخاف على عياله

المانع من الاختلاط : درء المفاسد
البنات يقعدون ويمهم الشباب
شوي شوي تصير علاقة (تبادل علمي)
شوي شوي (ابي رقمج/ابي رقمك في موضوع مو فاهمه)
شوي شوي (احبج/احبك)
شوي شوي (بتزوجج اهلج ليش مو راضين؟)
شوي شوي (بتزوج غصبن عن اهلي)
شوي شوي (الابن يحارب اهله والبنت تحارب اهلها ويفسد المجتمع)

الفساد ماراح يصير بهالوضوح - لكن هذا التدرج الطبيعي للامور
الشيطان ما مات - وغالبا يحسن صورة المفسده جدام الانسان لين ينخرط فيها
سيدنا ادم اكل التفاحه وعصى ربه - ما بالج بالناس العاديه اللي مثلي ومثلج في ظل هالمغريات ؟


التربيه صحيح انها تتحكم باخلاق عيالنا - لكن اذا حطيتي الولد وسط بيئه فاسده وصحبه سيئه يمكن ينجر

بالمقابل شنو فايدة الاختلاط ؟ التسجيل بشعب اضافيه ؟
اكو فايده ثانيه للاختلاط ؟ ما ظنتي

بالوظيفه : كل واحد له مكتبه - انتي ماراح تجابلين الموظفين الذكور طول اليوم - ثانيا الموظف غالبا يكون اكبر سنا وادراكا
غير عن الكلاس تجابلين الجنس الاخر طول السنه وقد يكونون مراهقين - وينطبق على البعض : نظرة فابتسامه فلقاء

ترا الوضع بالضبط مثل التدخين - الزقاير تنباع بكل مكان بالتالي مفسدتها اعظم !
لكن لو تم منعها جان سيطرنا على المدخنين وقلت مساوءها

الاختلاط لابد له مساوئ ادبيه على المدى البعيد
لكن منع الاختلاط شنو مساوئه ؟ صرف مال عام لبناء منشات جديده ؟


انا شخصيا كنت مثلكم - اعتبر الاختلاط موضوع تافه وما له لزمه - لكن عقب ما شفت بعيني مواقف ضيعت شباب وبنات قمه في الاخلاق تغيرت نظرتي حيل

الوقايه افضل سبيل - وتكييف التنميه بناء على الدين والاعراف هو الاصح
لكن الغلط ان نكيف دينا واعرافنا عشان تتلاءم مع التنميه

احب لكم الخير يا بنات - الواحد يتجنب الشبهات ويعيش مرتاح البال افضله :eh_s(7):

 

[L a w y e R]

وجهة نظر

معني اختلف معاج بسالفة التدرج الطبيعي للامور واشياء اخرى

بس اختلاف الراي لايفسد للود قضيه

يزاج الله خير حبيبتي :*

 

[روح الغلا]

اخت روح

وشالمانع من الاختلاط اساسا ؟

اقولج امهاتنا وابائنا واهلنا كلهم كانوا نواتج التعليم المشترك

محد شكك باخلاقهم شمعنى الحين ؟

وشالفايده اصرف ملايين على جامعات منفصله واخرتها مردهم بيختلطون بسوق العمل ؟

انا من ناحيتي احس براحه اذا كل الكلاس بنات نقدر نأخذ ونعطي مع بعض بأريحيه..

وبعدين بصراحه الوضع اللي اشوفه بالجامعه من الجنسين يحتم علي اني اكون مع القانون :rerrerek:

وأهلنا قبل غيــر عن وضعنا الحين من جميع النواحي ..

 

[روح الغلا]

شــدعو لوـويــر ..

احنا خوات مهما اختلافنــا

 

[L a w y e R]

حبيبتي :*

 

[~.ąvȍƈaȚ.~]

اللي له قابلية للخراب و الفساد بيخترب داخل الكلاس و الا بره

اللحين كل مكان الاختلاط يت على المحاظرة ؟! اممم ما اتوقع لأنه حسب علمي و اللي اسمعه ان البنات اهم ما عليها سمعتها بالجامعة

و مثل ما احنا عارفين ان البنات يقعدون بصوب و الصبيان بصوب ثاني فما راح يصيرون قراب لي هالدرجة

انا عن نفسي عشت الاختلاط ما اقولكم الكل كان مثالي بس بكل مكان فيه الزين و فيه الشين

و بالعكس العلاقة كانت احترام و شغل و سطحيه و بحدود معينة

القوائم اللي تطالب بمنع الاختلاط نفسها اصلا لي سووا اجتماع و الا شي يكون مختلط :\ !!


عالعموم أتمنى يبنون جامعات يديدة لأن الأزمة كل مالها و تتفاقم لأن أي حلول ممكن تنطرح حاليا حل مؤقت

والله يعين أخوانناا المستجدين و خريجين السنين اليايه

 

[سمو ذاااتي]

مساء العنبر : )

شلوونكم حقوقيات

انا اعتقد كلية حقوق مفروض من ضمن الكليات المختلطه انا احاجيكم بلسان خريجه شافت بعيني شغلنا سواء بمكاتب محاماه او بالوزارات وتظل التربيه والخوف من الله اهي الاساس باختلاط او بدوونه

قبل كل هذا انا اختي خريجة كليه الطب ونظام مختلط هل غير بسلوكها شي بالعكس اهي اهي

اخواني خريجين امريكا هل تطبعو باطباع الغرب هم لا

امي وابوي درسوا بالجامعه ايام الاختلاط وهذا اهم محتفظين بادق الامور بعاداتهم وتقاليدهم

في مثل اعتقد صيني لووول هذا نتاج البطاله صرنا مثقفين يقول اعطني ثقه وارمني بحرا وانا اقووول ربو عيالكم احسن تربيه وخلهم يختلطون ويتعلمون ليش شنو ذنب الطلبه اللي مستوفين شروط ومرفوضين يتغربون وعليا ولا نغلي قانون ونقبلهم ...؟

 

[Miss^_^CoOoL]

:eh_s(2):متى نتاااايج القبوووووووول ؟؟

 

[~.ąvȍƈaȚ.~]

مس كوول

دور الاسبوع انشالله طالع القبول

لأن باجر آخر يوم للتقديم اهوا يطلع على طول اول ما يخلص التقديم

انشالله تنقبلين حقوق يارب :*

 

[L a w y e R]

مشكورين عالمشاركات اللي اثرت النقاش :*

 

[SKY--NA]

آب


آب

تجمعنــآآآآ


:*

 

[قدساويه-q8]

مـرحبـآ بنآت .. شلونكم؟؟
مبارك عليكـم الشهر،، اشتقـت للكلـيه ودي اداوم .. ياحلو كليتنآ ويا كره امتحاناتها
بنات بغيت اسألكم عن مواد اللغات متى ينزل جدولهم ،، انا ضبطت الجدول بس ودي آخذ فرنسي 1
بس للحين مانزلوها بالجدول!!
بتكون محاضراتها طول الاسبوع ولا لا؟!
لان اذا طول الاسبوع بيخترب جدولـي


 

[L a w y e R]

مـرحبـآ بنآت .. شلونكم؟؟
مبارك عليكـم الشهر،، اشتقـت للكلـيه ودي اداوم .. ياحلو كليتنآ ويا كره امتحاناتها
بنات بغيت اسألكم عن مواد اللغات متى ينزل جدولهم ،، انا ضبطت الجدول بس ودي آخذ فرنسي 1
بس للحين مانزلوها بالجدول!!
بتكون محاضراتها طول الاسبوع ولا لا؟!
لان اذا طول الاسبوع بيخترب جدولـي


علينا وعليك يتبارك انشالله
مواد اللغات مع مواد الحقوق العاديه او قبلها باسبوع جنه
والفرنسي يوميا تاخذينه

 

[قدساويه-q8]

لـويـر مشكووره حبيبتـي عالـرد
شكلـي ماراح آخذهـآ لان ماكـو وقت لهـا ،، الجدول زحمـه

 

[eva beach]

مساكم ورد يا وردات يا جوريات يا جميلات

الموضوع مشعللللللللللللللللللللللللللللللللللللل هههههههههههههههههه

بس الحلو ان المناقشه راقيه ومتقبلين وجهات النظرر .. اهنيكم يا حقوقيات