التفنن بتدبير المنزل && يالسنعات تفضلو حياكم معاي شوي

[لارا2009]

وااااااااااااااااااااااااااااايد حلو موضوعج ومفيد

 

[لارا2009]

اكبر غلط ان الخدامه تغسل الملابس خصوصا الداخليه مادري شلون بنات تتقبل وحده غريبه وتمسك ملابس زوجها الداخليه وتغسلهم وتكويهم اشلون وين الغاريه انا شايفه خدامه ماسكه السروال الداخلي وهو وسخ مو مغسول وقاعده تشمه طبعا مره وبعيده عن ريلها وتمسكينها هالشغلات شنو متوقعه منها

 

[!! دلوعته !!]

اااااااااااااااااااااااااب

 

[Mjnont '3lay]

تسلمين ياقلبي يا مذهله 78 الف شكر لج ويعطيج الف عافيه يالغلا عاد لا تحرميني من افكارج الحلوه كل ما سويتي فنتك جديد ولا شي حلو لا تنسين وخيتج < انا :$




واختي الجوهرا شاكرة لج يا قلبي مرورج لا تقاطعين




فلور مشكوره يالغاااليه لا خلا ولا عدم




مزمز صح صاجه بس يمكن بعض الحريم على قولتج جذي مع الوقت والمسؤؤليه يملون بس انا بالعكس اموت على هالسوالف يعني احب اسوي كل شي بيدي وخاصتن لمن يكون هالشي يخص زوجي احس اني مسويه انجاز عظيم ومشكوره يالغاليه لا تقاطعين ولا تحرمينا من اخر افكارج




لارا 2009 فعلا احس انه هالشي غلط انا ممكن اخلي الخدامه تغسل الملابس اما ملابس داخليه مستحيل عيب وغلط والخدم اصلا خياس والله العظيم لي مسكت الشي تقعد تشمشم ولا تتفحص الاكو والماكو وهالشي انا شايفته بعيني قطيعه تقطعهم وانا بعد استغرب من الحريم اللي عادي عندهم الخدامه تغسل ملابس زوجها الداخليه او ملابسها الداخليه نووو كمنت يعني وشاكرة لج مرورج يالغلا لا تحرمينا من طلتج

 

[Mjnont '3lay]

لا تهدين حيلج اقول وخلى شغل المصبغه عليهم مابقا بس السياره تغسلينها وتصيرين احسن من مراكز غسيل السيارات واشفيها الخدامه مو تاخذ معاش اكيد بتغسل ملابسا

مادري اعتبر ردج طنازه ولا استهزاء فيني !!

عالعموم مافيها شي لو اصير احسن من مراكز غسيل السيارات على قولتج ولجل عين تكرم مدينه وزوجي حبيبي يستاهل اشيله بعيونه مو بس اغسل ملابسه ودام هالشي مريحني so شلي يزعل او يضايق بصراحه ما توقعت انه هالموضوع بعض الحريم يتحسسون منه او يضايقهم ؟؟
يعني الحين لمن اغسل ملابس زوجي بيدي واصير سنعه وهابة ريح بعينه معناته اني هاده حيلي وبعدين انا ادرس وبعد الدراسه رح اكون باذن الله ربة بيت فقط ماكو لا شغله ولا مشغله يعني ما احتاج الخدامه وانا ماحب شغل الخدم وهالشي ذكرته بالموضوع يعني مافيها شي لو هديت حيلي عشان اشوف الراحه ببيتي احسن من شغل الخدم وعوار الراس معاهم وشاكرة لج مرورج العطر الغاليه

 

[Mjnont '3lay]

دلوعته مشكوره ياالغاليه عالأب حياج الرحمن

 

[Mjnont '3lay]

اب اب

 

[(*ام عهــــد *)]

ماشاءالله عليج عين العقل كلامج الله يدوم عليج هذي نعمه من الله احساسج بالمسؤوليه وحبج لبيتج وزوجج ورعايته ....

بس أول شي لاتركضين ورا رضا زوجج وتنسين ربج ماسمعتي قصة الحرمه اللي دقت على الشيخ// قالت اسوي لزوجي كل شي حتى بالصلاه أفكر شلون ارضيه بس مابين بعينه تدرن شنو رد عليها//
قال وانتي تصلين دام ادعي اللهم اني أسألك رضااااك لان بعد رضااا الرب يجي كل خير لج ///

وشغله ثانيه حطي ورقه لزقيها عالثلاجه واكتبي اللهم احتسب يومي كله لوجهك الكريم ويارب بارك لي في وقتي وشوفي النتااايج رووووعه

بخصوص غسل المابس وتعطيرها البنات ماقصرو

بخصوص الكبتات بين وفتره والثانيه طلعي الملابس كلها ومسحي الكبت في شوية كمفورت وبعدين من داخل في كلونيا ولاماي الذهب من القرشي
وبعدين حطي لمفارش اذا هي بلاستيك عادي بس اذا خااام نقعيها قبل التنظيف في يوم في كلونيا وجم نقطة دهن عووود معتق ولا ا عطر حابته وبعد التنقيع نشفيها عاادي وحطيها بالكبت ووزعي الملابس وشمي الريحه كل مافتحتي الكبت....

×××× بعد الانتهاء من الاكل خليج مزهبه غور شاي ولااعشاب وسوي حلا وقهوه العصر كل ماصار عندج وقت فراغ سوي حلا وحطيه بالثلاجه وقت العصر ولا المغرب حطي له قهوه وسولفي معاااه حببيه في قعدة البيت وحسسيه انه هذا مكاان رااحته

واهم شي اختيااار الوقت المناسب للحديث وكررها عليج ألف مره اختاري الوقت للطلبات
والوقت للطلعه لاتجين فجأه وتطلبين شي الرجل عامل النفسيه يلعب دور عنده ,,,,

والله يسخره لج يااارب
واحتسبي كل شي لربج مو لزوجج لان اذا رضا بج راح يرضا زوجج

وتقبلي مروري واسمحيلي عالاطاله

 

[Mjnont '3lay]

تسلمين ام عهد يالغاليه لا خلا ولا عدم وتسلم ايدج على النصايح الحلوه حبيبتي والله عجبني كلامج باذن الله رح اطبقه كله واكيد كل اللي قلتيه صح رضى رب العالمين اول وبعدين رضى الزوج والله يبارك لج بحياتج ويهنيج مع زوجج عنده دره ياهنياله فيها ماشاءالله تبارك الله

 

[kwait doll]

مشالله عليج

 

[Mjnont '3lay]

اب اب اب

 

[سوسو حبيبتى]

(*ام عهــــد *) والله بعد ردك مااافي رد

توي اليوم اشوف الفيديو وصلني ع الواتس اب واثر فيييه حيييييييييييييل

نصيحتي لصاحبه الموضوع نفس كلام الاخت ام عهد بارك الله فيها

ويابنت الحلال حبي نفسك بكل مافيها ولاتجهدي نفسك

اليوم فيكي صحه وحيل ..بكره حامل وتعبانه بعيد الشر عليكي

اعملي الى يريحك انتى فقططططططط ويرضي ربك واجري وراء رضا ربك

ولو ربنا رضي عليكي

كل العالم هايرضوا عليكي

اسال الله ان يرضي عنا جميعا

امين امين

 

[Mjnont '3lay]

سوسو حبيبتي في موضوعي يا مرحبا يا مرحبا يا اهلا وسهلا تو ما نور الموضوع والله اني احبج في الله واحب ردودج ومواضيعج
يا بنات فهموووني ترى هالشي بالنسبه لي عادي احب اسويه واحس بالوناسه وانا اسويه مافيها تعب علي ليش معقدين الموضوع حيل والموضوع جدا بسيط ؟؟
وانا ما اسوي هالشي عشان اجذب زوجي ناحيتي وارهق نفسي لا بالعكس انا ابي اسوي هالشي لزوجي برضاي واحس بالراحه لمن ارتب ملابسه بيدي واغسلهم بيدي واعطرهم بيدي ما احس انه فيها شي لو سويت كل هذا لزوجي ولمن اكون حامل باذن الله او تعبانه اكيد زوجي رح يقدرني مثل ما كنت اقدره بالايام اللي ماكنت تعبانه فيها وانا طلبت منكم مساعده ماتوقعت الموضوع يقلب لنصايح وحساسيه لهالدرجه !!
يمكن موضوعي غلط او الحريم مو حابينه لانهم متعودين على شغل الخدم ومايعجبهم اللي تخدم زوجها وتسوي له كل شي بيدها انا اسفه لاني نزلت موضوع يفيدني ويمكن يفيد غيري

 

[Peace Soul.Q8]

ابيييييييييه حياتي هذي أكبر بوسه على راسج يا كاتبة الموضوع ... من زمان اعاني وانا ودي انزل مثل هالموضوع لاانه حالتي مثل حالتج بظبط .. انا ساكنه مع حمولتي وعندهم خدامه وهيا الي تسوي كل شي بس انتو ابخص بشغل الخدم الخايس .. وايام ما انا بنت كان فبيت اهلي بدال الوحده ثنتين يعني لا امي ولا احنل نحتاج نشتغل بس المهم امي تعطيهم توجيهات ... وانا من قبل لا اتزوج اكره الخدم وشغلهم وحب كل شي على ايدي .. وما صدقت اتزوج علشان بيتي يكون ملكي وانا اديره .. لمن كنت فبيت اهلي امي متحكمه بكل شي صج اهيا ما تسوي شي بس كل شي يصير بالبيت بتوجيهات القائد العام خخخخخخخ ... يعطيكم الف عافيه الي شاركو بالموضوع وصاحب الموضوع عسى الله يوفقكم وسهل عليكم زواجكم انا صالي سنه وحامل بس صراحه فيه وايد شغلاات بشغل البيت ماعرفها .. والحمدلله اني طحت على هالموضوع .. عسى الله يعطيكم مرادكم مادري شدعي لكم فديتكم امووووووووواه

 

[BubbLe87]

حبيبتي صاجة بكل كلمة قلتيها و مبين عليج حبوبة و صغيرونة و طيوبة
انا اتخذت قرار لا للخدم
تصعد شقتي و انا موجودة غيره لا
انا ساكنة عند حمولتي و الصراحة اول الايام ما كنت اعرف شي يعني مو ذاك الزود بشغل البيت
مرة اسوي مرة اطنش
سبحان الله لما حملت صرت نشيطة حسيت فعلا اني لازم اكون مسؤولة عن بيتي
و كل ماله هالاحساس يزيد فيني لان اولا الخدم وصخين
وصخين وصخين وصخين اوصخ منهم ماكو و لا تقولون علميها والله عيزنا انا و خالتي نعلم فيهم كل ودة اطين من الثانية
من جدامنا شي و من ورانا بلااااااوي
لا و يطنقرون اذا حاجيتيهم جنه المنه علينا قاعدين يسوون لنا
اي شحقه لا خدامة و لا شي انا اسوي شغلي ابرك منهم و عالتنظيف الشامل قررت اييبلي الخدامة بنظام الساعات يومين او ثلاثة بالاسبوع اوقف على راسها تنظفلي مثل ما ابي و جدام عيني و تروح
باجي الايام انا
قاعدة شوي شوي اعلم نفسي اني استغني عن شغلها و يا رب ايي اليوم اللي استغني فيه تماما عن شغل الخدم الارف
شوفي حبيبتي بالنسبة حق النصايح
انا اغسل الهدوم باريل و احط كومفرت ريحتهم و ملمسهم تصير رووعة
و حطي معاهم فانش حق البقع
و اكو فانش بري ووش يعني قبل الغسلة ترشينة عالبقعة و ترووح اكيد
حق الكبتات امسحهم بكلنكسات ديتول ريحتهم تصير حلوة و بين فترة و فترة ابخر الكبت ريحته تصير عجيبة
و على فكرة كلنكسات ديتول تصلح حق كل المساح و كلشي عجيبين
و اكو ديتولات اللي على ريحة اللافندر و اكوا و سوالف هذيل مسحي و غسلي فيهم المطبخ او الحمام تكرمين او حتى ارضية الصالة مسحيها فيهم ريحتهم تينن
و الفراش نفظيه و بخريه انا احب ابخر الفراش و المخاد لما نيي انام ريحتهم وااو و كل ثلالث اسابيع او شهر غيري الفراش
مممم شنو بعد
حق المواعين استخدم فيري اللي مكتوب عليه بلمسة اولاي عجيب و ريحته حلوة و يلمع
الترتيب لازم يكون بشكل يومي عشان ما تتعبين عقب
الملابس لا تكودينهم و انا مخصصة يوم السبت حق الغسيل الشامل بس هم طول الاسبوع اغسل غسلة او غسلتين و عندي يومين اوف
شنو بعد
بين فترة و فترة سوي جرد حق شقتج كلشي ما تبينه او زايد و كراتين و اشياء مالها داعي قطيهم
و بس حياتي هذا اللي اذكره حاليا و عسى ربي يطرح فيج البركة و يخليج حق ريلج يالغالية

 

[DoooOooody]

السلام عليكم
اول شي الله يرحم الوالدة ويغفر لها ويسكنها فسيح جناته ويجمعكم معاها بالفردوس الاعلى يارب
وثاني شي هنيالها يابت بنت مثلج ماشاء الله
ثالث شي الملابس تقسمينهم البيض لحال والملونة لحال والملونة تقسمينها بعد الغامقه مع بعض والفاتحة مع بعض
بعد ماتغسلين الملابس البيضاء بالصابون عبي الغسالة ماي وكم نقطة من الشويت الازرق (هذا عشان مايصيرون صفر) وحطي معاه شوي كمفورت او داوني واختاري الريحة اللي تعجبج (هذا عشان نعطر الملابس) طبعاً اول شي حطي الغتر لانها اكثر شي تصفر وبعدين الثياب واخر شي الفنايل والصراويل وبعدين نشفيهم وحطيهم ع المشر
بالنسبة للملابس الملونه سوي نفس البيضا بس بدون شويت

واذا فيه ملابس سوداء غسليهم بشامبو(شامبو خاص مثل حق العبايات) عشان اللون مايصير باهت ومشوهب

والكوي مثل ماقالوا البنات مريتو للغتر والباقين بخاخ ماي

والتعطير حطي بخور داخل الكبت وسكري عليه شوي وافتحيه راح تلقين كبتج ريحته حلوة وتثبت يومين تقريباً
وفيه شي اسمه "مسك برفيوم جامد" من عطورات الحرمين اخذي وحده واكسريها ثنتين او ثلاث وحطيها بشاش او قطعه قماش صغيره وحطيها داخل الادراج وعلقيها داخل الكبت وافتحي الباب وشمي الريحه تفوووووووووح
وبس
سامحيني طولت ان شاء الله اكون افدتج

الله يوفقج يارب ويوفقني ويرزقنا بالذرية الصالحه امين يارب

 

[DoooOooody]

اي صح خلي عندج كلوركس حق الوهقات اذا زدتي كمية الشويت وصاروا زرق حيل حطي شوي كلوركس مع ماي وخليهم شوي

 

[Mjnont '3lay]

شيشتوووني لا تخلوني بهالليل اقوم اغسل
وناااسه لقيت تفاعل وفي بنات مثلي يحبون يديرون بيتهم ولااااااااااا للخدم مثلي الله يعطيكم الف عافيه ياااااااااااارب
والف شكر لكل اللي مروو على موضوعي
بنام ولي عوده باذن الله وارد على وحده وحده تصبحون على خير :ch12:

 

[Peace Soul.Q8]

تصدقين حتن انا ادرس وشتغل بس حاليا معطيني اجازه دراسيه ... وطموحي اكون ربة بيت لاانه بيتي اولى بتعبي من الغرب وصج الخدم وصخين مايبردون القلب ولا يحللون معاشاتهم يعلهم الشقاق فليش انا اقط فلوسي بالبحر .. بدال لا اصرفهم على خدامه جلفه اوفرهم حق نفسي وقضي شغل بيتي على ايدي انظف لي ... هم اقولج نصيحه سوي الي تحبينه لوجه الله .. علشان لا تحسفين عليه تالي ... وبدي نفسج على كل شي حبي نفسج علشان تقدرين تحبين الي حوليج .. اهتمي بنفسج اول علشان تهتمين بغيرج .. لا تنسين اهتماماتج هواياتج طموحج احلامج على حساب بيتج ... لااه بنهايه لا بشرع ولا بالقانون انتي مجبوره على هشي بل بالعكس اهوا مجبور انه يوفر لج هسغلات كلها ... بنهايه نصيحه وجه الله وانا مو مستفيده من شي التعاون حلو بالحياة الزوجيه اخخذ وعطاء وتنظيم الوقت ومسكي العصى من النص ... هالكلاام مو بس لج لكل البنات الي هاجموج ونتقدوج بقوه .. ولكل بنات المنتدى او الي ادش تقرى موضوعج ... بيتج مملكتج وانتي ملكة البيت ومديرته وخدم هالاايام ما تعتمدين عليهم من وصاختهم او اجرامهم ... وأذا بتقعدين تصرفين على المغاسل والخدم ماراح تخلصين والدنيا بغلاا وحنا اولى بفلوسنا ء

 

[Peace Soul.Q8]

حبيبتي صاجة بكل كلمة قلتيها و مبين عليج حبوبة و صغيرونة و طيوبة
انا اتخذت قرار لا للخدم
تصعد شقتي و انا موجودة غيره لا
انا ساكنة عند حمولتي و الصراحة اول الايام ما كنت اعرف شي يعني مو ذاك الزود بشغل البيت
مرة اسوي مرة اطنش
سبحان الله لما حملت صرت نشيطة حسيت فعلا اني لازم اكون مسؤولة عن بيتي
و كل ماله هالاحساس يزيد فيني لان اولا الخدم وصخين
وصخين وصخين وصخين اوصخ منهم ماكو و لا تقولون علميها والله عيزنا انا و خالتي نعلم فيهم كل ودة اطين من الثانية
من جدامنا شي و من ورانا بلااااااوي
لا و يطنقرون اذا حاجيتيهم جنه المنه علينا قاعدين يسوون لنا
اي شحقه لا خدامة و لا شي انا اسوي شغلي ابرك منهم و عالتنظيف الشامل قررت اييبلي الخدامة بنظام الساعات يومين او ثلاثة بالاسبوع اوقف على راسها تنظفلي مثل ما ابي و جدام عيني و تروح
باجي الايام انا
قاعدة شوي شوي اعلم نفسي اني استغني عن شغلها و يا رب ايي اليوم اللي استغني فيه تماما عن شغل الخدم الارف
شوفي حبيبتي بالنسبة حق النصايح
انا اغسل الهدوم باريل و احط كومفرت ريحتهم و ملمسهم تصير رووعة
و حطي معاهم فانش حق البقع
و اكو فانش بري ووش يعني قبل الغسلة ترشينة عالبقعة و ترووح اكيد
حق الكبتات امسحهم بكلنكسات ديتول ريحتهم تصير حلوة و بين فترة و فترة ابخر الكبت ريحته تصير عجيبة
و على فكرة كلنكسات ديتول تصلح حق كل المساح و كلشي عجيبين
و اكو ديتولات اللي على ريحة اللافندر و اكوا و سوالف هذيل مسحي و غسلي فيهم المطبخ او الحمام تكرمين او حتى ارضية الصالة مسحيها فيهم ريحتهم تينن
و الفراش نفظيه و بخريه انا احب ابخر الفراش و المخاد لما نيي انام ريحتهم وااو و كل ثلالث اسابيع او شهر غيري الفراش
مممم شنو بعد
حق المواعين استخدم فيري اللي مكتوب عليه بلمسة اولاي عجيب و ريحته حلوة و يلمع
الترتيب لازم يكون بشكل يومي عشان ما تتعبين عقب
الملابس لا تكودينهم و انا مخصصة يوم السبت حق الغسيل الشامل بس هم طول الاسبوع اغسل غسلة او غسلتين و عندي يومين اوف
شنو بعد
بين فترة و فترة سوي جرد حق شقتج كلشي ما تبينه او زايد و كراتين و اشياء مالها داعي قطيهم
و بس حياتي هذا اللي اذكره حاليا و عسى ربي يطرح فيج البركة و يخليج حق ريلج يالغالية

ابيييه انتي حالتج بظبط نفس حالتي ... وتفكيرج نفس تفكيري سبحان الله