التفنن بتدبير المنزل && يالسنعات تفضلو حياكم معاي شوي

[Peace Soul.Q8]

كثرو من إالمواضيع الله لا يهينكم وخنشوف الشقرديات الامهات الكبار صاحبات الخبره وربات البيوت .. يعلمونه احنا يالعليميات ... بدال التحلطم الزايد خخخخهه ... عطونا خبراتكم بسنع في جميع المجالاا ت الاتكيت واصول التعامل مع الحموله وضيافه ... خنتعلم شوي ونصير مزوئات متل السوريات باب الحاره بن عمتيxd ..انا متابعه ... وبعرف شنو اخر ماتوصلت له التكنلوجيا الي تسهل علينا شغل البيت وتوفر الوقت ... نبي الجوده والمكده وسعر المناسب

 

[محتاره بحياتها]

ماشاءالله خوش موضوع مفيد
ومستغربه من بعض البنات .. شدعوه هي بس قالت بغسل ملابسس زوجي..وسويتوها هدت حيل!!
بسكم رفاله واعتماد ع الخدم
الخدم للمساعده مو تمسك البيت من...الى
ليش هو متزوج الخدامه مثلا..!!!
شلون بيحس انه تزوج..؟؟ بس بالنوم مثلا؟؟
وين لمسات الزوجه؟ ترى كل زوج يحب يشوف زوجته تهتم له من ملابسه لاكله... لشخصه

حبيبتي ماعليج من كلام البنات..حتى لو في مسوؤليات بعدين..تقدرين تقسمين شغلج ووقتج
بالنسبه للملابس.. حطي تايد وشوي كلوركس..والتوضيح حطي بحوض كومفرت وماي
واذا حطيتي الملابس على المشره حطي بخور تحتها او داخل الكبت
وبالكوي مثل ما قالو البنات استخدمي رشاش ماي يسهلج..
انا بصراحه ماجربت اكوي الغتر.. بس الدشايش
وموفقه ياحلووه...



عاد نبي موضوع عن الطبخ والتفنن فيه خخخخخخ

 

[فدوووو]

والله انا استفدت بعد من هالموضوع

يعطيكم الف الف عااافيه

 

[BubbLe87]

بيس سوول مشكوورة عالكومنت
و صاجة الموضوع يفتح النفس وايد و انا استمتعت فيه حيل و قاعدة استفيد من باجي البنات
بسنا كسل و اعتماد عالخدم
مشروعي الياي اصير طباخة محترفة ان شا الله
و صاجة حلمي اكون ربة بيت و يا زينه من حلم

 

[خاله كندا]

شوفي حبيبتي
غسل الثياب استعمل انا تايد واحط معه برسيل لثياب البيضاء والله عن تجربه احسه يخلي الثوب كانه جديد حتى زوجي لاحظ ومع الشطف احط كمفرت شوي اول كنت احب اكثره (لكن زوجي قالي ريحتي صايره زي ريحت البزوره خخخ) وبعد متخلص ازيد شوي تايد ع الماء واحط الملابس الداخليه وبعد ين اشطفها واحط مع الماء كمفرت والنيله الزرقاء احط شوي عشان تصير فيها زرقه شوي مو تكثرين
وبالنسبه للكوي اول انا اكوي الثياب بس اما الغتر عند الكواي لكن الحين كلها الثوب والغتر بس الملابس الداخليه انا اكويها
بالنسبه للريحه اشتري عوده خاصه بس تخلينها للدولاب وبخري فيها

ان شاء اكون افدك ..بصراحه مره اعجبتيني انا احب المره السنعه ...
انا والله مو مدح بنفسي لكن زوجي دايم يقولي كثير من اخوياي يشتكون من وسخات حريمهم ويقول وانا احمد ربي ..حتى عند اهل زوجي دايم حماتي تقول اول ماجي بيتكم اشم ريحه نظافه من عند باب الدرج وحتى لما اغسل وانظف يقولون يشمون ريحه نظافه

 

[zooza-moza]

الله يقويييييييييييك احلى شي ان الزوجه هي اللي تهتم بزوجها

 

[حبيبي مالكني]

اب اب لعيونج
ومذهلة78 ماقصرت

 

[مهره بلا خيال]

أنا جيت بكتب لش لقيت البنات ماشاءالله تبارك الله كفو ووفو...


والله يوفقش يارب ويجعل حياتش هنيه وتفكيرش عين العقل والصواب ومذهله وأم عهد كفووووووووووووووو ..​

 

[&&&&&&&&]

ما بقي شي اقوله

ودي وتقديري ​

 

[بنت الاجواااد]

لا تهدين حيلج اقول وخلى شغل المصبغه عليهم مابقا بس السياره تغسلينها وتصيرين احسن من مراكز غسيل السيارات واشفيها الخدامه مو تاخذ معاش اكيد بتغسل ملابسا

مووو.جذي الناس تعلق هههههههاي
داشه قويه كيفها كل وحده وتفكيرها يمكن البنت تبي تهتم بزوجها شفيها:bbbiu: انتي شحارج !!!!
وصاحبه المووضوع البنات ماقصروش كفووش و ووفوووش

 

[Mjnont '3lay]

هلا وغلا بنات حياكم الله كلكم بموضوعي بصراحه حيل استانست من تفاعلكم معاي والف حمد وشكر لربي انه هالموضوع مو بس فادني حتى فاد خواتي اللي توهم متزوجات ومتوهقات مثل حالتي
وعسى الله يسعدكم كلكم مع ازواجكم بصراحه اول ماقريت التعليقات اللي تعور القلب كسل كسل كسل وتحطيييييييييييييييييم
قلت شكل البنات مرح يفيدووني لووول من تحطيماتهم لي
بس زيييييييييييييين لقيت اللي مثلي وشرواااي هااابة ريح فديتكم كلكم
وتابعووني بقوولكم شنو جديدي وشسويت بالنسبه للغسيل التعطير

 

[((نبض الغلا))]

موضوع يهبلل

يسلمو صاحبة الموضوع انا من زمان ودي في مواضيع جذي ،.

بناات بلييز تكلموا عن طريقتكم بتنظيف الشقة وتعطيرها


،.؟

انا مملكة بس احب اتعلم للمستقبل ، فما عندي شي افيدكم فيه




*

 

[Mjnont '3lay]

بالنسبه للغسيل

اول شي احط ماي معاه شوية صابون الوزير مع شوية تايد
بعدين احط على رقم 1 وشخطتين مادري شالحكمه بس نصيحة وحده الله يذكرها بالخير كله تقولي الملابس البيضه لا تحطين الا رقم واحد وقريب من الاثنين بس مو رقم اثنين
المهم واخليه بعدين بعد ما اخلص من الغسيل اطلعهم واسرب كل الماي اللي بالغساله وارد اعبي ماي جديد ونظيف
واحط شوية كومفورت وارد اقط الملابس فيهم شوي لمدة اربع لي خمس دقايق بس عشان الريحه
وبس بعدين اطلعهم واحطهم بالنشافه بعد ماينشفون اطلعهم واجيب خلطة ليالي هذي فضيييييييييييييعة ريحتها على دهن عود او بخور بس ماتفرق عن الكمبودي شي
المهم واجيب المبخره احط فيها كسرة بخور كمودي جايبته من الامارات واحط فوقه شويه من خلطة ليالي
وانشرهم واحط المبخره تحت الملابس وابخرهم شووي عشان الملابس يكون وقتها فيه شوية ماي فتلزق الريحه علطوول
وبعدين لمن اجي اكويهم طبعا انا عندي كواية بخار شسوي شفتو المكان اللي تعبونه ماي هذا اعبيه نص ماي و3 فناجيل من خلطة المسك واسكره ولمن اجي اكويه الملابس يطلع مع البخار ريحة مسك فضييييييييييييييييييييييييييييييعه وتلزق بالملابس صج صج شي خطير هالفكره قالت لي عنها بنت عمي وقريتها من فتره بالمنتدى بس طلعت خطيره هالفكره جربوها مرح تندمون وبعد ما اخلص كوي اعلقهم وانا معلقتهم من بعيد ارش عليهم خلطة بخور هذا جربته امس امبيه من امس لي اليوم اول ما افتح كبت زوجي الريحه رووووووووووووووووعه تطلع منه ريحه خنييييينه حلوه وثابته
جربو وادعولي وانشاءالله رح احط كل شي جديد اسويه ولا تحرموني بنات من افكاركم الحلوه واللي عندها افكار جديده تطرحها علينا

وعلى فكره اللي تقول تعب ما تعب بالعكس لا تعب ولا هم يحزنون تدروون شنو سويت !! رحت قطيت الملابس بالغساله ورحت تمددت بالفراش اطالع تلفزيون بعد ماسمعت صوت الغساله وقف رحت سربت الماي وعبيت ماي جديد وحطيت شوية كومفورت
وهالشغله ماخذت مني دقيقه يعني حتى اللي حامل مايتعبها تسوي هالشي المهم ورديت تمددت بفراشي والساعه قبالي اول ما كملت خمس دقايق قمت طلعت الملابس وعالسريع بخرتهم وكويتهم وعطرتهم وبالكبت والله والله بنات هالشي ما خذا من وقتي الا نص ساعه واقل بعد وماحسيت بتعب ولا هم يحزنون
ولمن بجي اطبخ احط العيش عالنار واليدام عالنار لحم او دجاج او سمج او اي شي المهم واروح اتمدد بفراشي اقعد ادرس او اروح اكنس واغسل الحمام عزكم الله وارتب اي شي معفس وارد اتمدد بالفراش وماتصير الساعه 1 ونص الا وانا مخلصه الغدا ومرتبه بيتي اذكرو الله والسالفه لا تعب ولا هم يحزنون بس ربااده وكسل

بس وناسه بنات شعور حلو لمن تسوين شي وزوجج يمدحج فيه امس يوم خذا دشداشته يبي يطلع جان يقول يه يه شهالسنع كله شهالريحه الحلوه فييي تطوووور والله الله يديم انشاءالله لووول استحيت < احسن لا يقول قطيعه شهالمره لو متزوج لي الخدامه احسن لي

 

[Mjnont '3lay]

نبض الغلا شوفي طريقتي كاني كاتبتها حبيبتي وسويها وادعي لي :$

 

[Peace Soul.Q8]

http://www.q8yat.com/t1019560.html شوفو هالموضوع راح يفيدكم

 

[Mjnont '3lay]

^
^
^
مشكوره ياقلبي على اضافة الرابط لموضوعي وفعلا رح يفيد الكل حياج الله

 

[أحـلام * ورديـة]

البنات ما قصرو كفو ووفو بس ما حبيت اطلع من غير ما ارد عليج

لانه موضوعج ونسني

 

[7ooby 3'eir]

فديتج والله انج عسل (((( مبين عليج ان توج عرووس )) .. شاده حيلج ..

ترى بكره بتملين .. وبيدقق ع اتفه الاسباب (( ليدرجه انه بيزعل ليش مو مصفطتها بشكل ذرب نفس كل مره !!))

ٱ‏​نـا كنت مثلج بأول زواجي (( لان ماعندي خدامه - اقصد قبل لا اصير ام ☺ - )) بس الحمدلله تداركت الموضوع من اوله عشان مااطيح بغلط بديت مااكووون دقييقه حيييل وبنفس الوقت مهتمه بشغله ع سنع و مرات اتعمد اغلط غلطه بسيطه من ناحيه الاهتمام - الاهتماام مو اقصد النظافه - واذا عصب اتعذر اني انشغلت شوي بشعري او لبسي او كشختي لك مو اتعذر ماادري ولا نسيت ولاعادي ..

ف نصيحتي لك خل يشوف سنعتج وابهريه بس لا تكونيين دقيييقه


من ناحية تعطير الملابس :: الطرق اللي ٱ‏​نـا استخدمها
1/ بعد ما اطلع الملابس من الغساله انشرهم ع المنشر و ارش عليهم (( بعلبة بخاخ )) فيه ماي وكومفرت
2/ احط بكبت العلاق معطرات من كومفرت وقليييل مااحصلهم ريحتها وااااو تدوخ نظافه (( تكون بكيس خام مربع كبر الكف بشريطه تربطينها ع علاقة الملابس اللي بالكبت ،، وااذا ماحصلت كومفرت احط الورد المجفف المكيس خاص للملابس
3/ وكل مابخرت زوجي بعود طيب ع طول احطه بالكبت واسكره دقيقه واشيله
4/ من فتره لفتره اطلع الملابس كلها اللي بالكبت وامسح من الداخل بفوطه ماي و مطهر داك بالازهار و وبعدها احط مشعلات بارده وارد الملابس


ومن ناحيه الغسيل ::
طبعا تقسيمة الملابس للغسيل ( الدشايش بروح - الملابس الداخليه بروح - التي شيرتات و البناطيل الخفيفهو الوزار ? بروح - الجينزات بروح )
1/ مع كل غسله احط مع الصابون فانيش السائل مايضر لانه خفيف
2 / الملابس البيضه من بعد فتره مع الصابون احط فانيش البودر للملابس البيضه مو كل مره لانه يتلف الملابس
3 / الشمغ والغتر غسيل ايد لااااازم غسيل ايد وبشامبو غتر مو صابون ملابس وبعدها احط چويت خفيييف للشمغ البيضه والغتر ( ٱ‏​نـِا قليييل مااغسله بالبيت لغسله أذا حسيته مصوفر
4/ للبقع اللي ماتروح او الملابس المصوفره بالنسبه للبيضه (( اغلي ماي حاار وحطي فانيش بورد ( للملونه العلبه الورديه بودر - وللبيضه العلبه البيضه بودر + شويت كلوركس))

بالنسبه للاوتي : اادشاديش اوتي البيت - او الشمغ للامانه مصبغه لاني ماعرفت اضبط الطريقه اللي يحبها زوجي .. بَس مو ع طول مصبغه بعد لبستين او ثلاث اوديه المصبغه بس اول مايقطه ع طول اعيد الاوتي عليه مع مريتو

و الصابون اللي احبه وارتاحلهم
( بونكس الوردي رووعه < ااذا ماحصله اخلط بونكس الفل + ليمون > لااتاخذون الساده مو حلو - و الفانيش بانواااعه - شامبو سوفتي الاخضر للشمغ والعبي
او شامبو برسيل الابيض للغتر - ومريتو الاصلي


وسلامتج
واتمنى اني فدتج

 

[قمر على هئة بشر]

يعطيك الف عااااااااااااااااااافيه جد مضوعك مفيد تسلمي

 

[softlady]

متابعه