الجزء الثالث - تجمع متبعــآت رجييم حسين دشتي حيااكم يا بنآآت ( العيد هالسنه غيـر )

[يمامة]

هلا خوخة انا الملفوف ما أكلته فما ادري اذامسموح او لا اتوقع ان مسموح اما الخيار انا آكل بكمية مفتوحة من غير تحديد صراحة

حبيبتي انتي عادي اي سؤال او استفسار ساعات انا والله ما انتبه

 

[نفووود]

يمامه
o.k حبيبتي بس لازم تعطينا خبر إذا بديتي....

 

[ღ°° دلوعـ دنيتي ـة °°ღ]

صباح الخير صبايا

بكمل يومياتي

على ساعه 6 المغرب

2بيض مقلي عليه جبنه


والعشاء

لحمه وسلطه

 

[فووشي]

بناات بسألكم ..
تاخذون فيتمينات مع الرجييم ..؟
واذا ايه وش اسمها ..؟

\\

يومي.

فطرت الصباح الساعه 9 ..
2 اومليت بيض بالجبن ..
وللحين مالي نفس اكل شي ابدا ..
ماعدا كنت مشتهيه شي حالي كلت ملعقه صغيره زبدة الفول السوداني ..

 

[Japanese]

I'm baaaaaaaaaackkkkk

اليوم اول يوم لي بدايت دشتي بعد ماخلصت امتحانات اففف افتكيت :/

المهم اليوم اول يوم

تفطرت جبن وبيض وشاي " بدون كافيين" ،،، وشكلي بتغدى سمج وخس ومايونيز :$ :$

شكلي شكلي هاللي بسويه ،، =)

 

[queen4m]

صبجكم الله بالخير يارشيقات كيفكم مع الدايت انا الحمد الله تمام والمفروض اوزن هاليومين بس على الدورة بخليها اخر الاسبوع

ان شاء الله وهاليومين كله عندنا ضيوف على العشاء بس الحمد الله قدرت اتحمل الاغرائات وعينى ماتشوف الا وجبتى الحمد الله

يارب ياكريم ياحى ياقيوم تحقق لى ولكل وحدة من خواتى فى التجمع الرشاقه والصحه والعفو والعافية قادر ياكريم

 

[خوخه فوشيه]

مرحبااااااا بنات
شلونكم وش اخباركم

يمامه
تسلمين يالغلا,,عاذرتك هههههههه

بنات وش اكل اليوم احس كرهت كل الاكل,,مالي نفس لشيء
ابي بيتزا,, وباستا , وكندر ,, وكت كات,,حمص,,كبة برغل ,, بطاطس مقلي ومعجنات وبرياني ومفطح,
,مليت من اللحوم والجبن والبيض
ان شاء الله اذا ضعفت باكل كل هالاكل في يوم واحد,,بعوض عن الحرمان هههههههههه

 

[يمامة]

فوووشي انا اخذ فيتامينات روحي الصيدليه وقوليله انا مسويه حميه غذائية وابي فيتامينات

خوخة فوشيه كلنا نفس المعاناة اكره الاكل كل يوم محتارة ببنفسي

اليوم بس شربت كمون باليمون

 

[يمامة]

اليوم غداي خيار وزيتون وجبن حلوم ( صايرة ما احب الاكل ) تلوع جبدي

 

[خوخه فوشيه]

يمامه انا مثلك
اليوم كله ماشربت الا مويا


فوشي:
انا استخدم فيتامين centrum العلبه تكفيك شهر كامل

 

[ღ°° دلوعـ دنيتي ـة °°ღ]

مساء الخير

اليوم فطوري شاي وجبنه بالخضار

الغداء

تونه وسلطه

ويس​

 

[غيوم الشرقية]

هلا والله برشيقات المستقبل القريب ان شاء الله

شخباركم انا تمام الحمدلله اليوم اكلت بروستد ادري بتقولون بقسماط بس انا كيفي عادي اكله طول فترة الدايت لان ما يهمني انزل بسرعه

المهم وشربت ماي وبسوي لي شاي اخضر وبس

احسن فيتامين سنتريوم a-z

انا عن نفسي والله ما استخدمت هالمره فيتامينات

حياج الله جابنيز

خوخه ما بقى شي ما اشتهيتيه خخخخخخخخخخ

الله يستر منج بس

 

[يمامة]

بنات تصدقون كل الاكل اكرهه بالغصب آكل يالله يومين وراح ابدأ المرحله الثانية وراح ادخل فواكه ولبن وراح اكل شاورة

بس ان شاء الله ما ابدأ فيها الا وانا وزني 80

 

[يمامة]

بنات حياكم هذا رابط الموضوع الجديد

http://q8yat.net/showthread.php?p=14499914#post14499914

 

[Japanese]

بنات عندكم الويب سايت مال دايت الدكتور اتكنز

حاطين فيييه وااااااااااييددددد اطباق اكل ،، يعني جي وصفات وممكن تقرون شلون تسوون الطبق وجذي

لايفوووتكم

انا توني قايمه من النوم ،، وشكلي بتفطرر وبشرب جاي ،،

امس حمدلله تمرنت نص ساعه وماخربطت كلش

وان شاء الله اليوم اسوي نفس الشي

 

[Japanese]

يمامه اللنك ماشتغل عندي!!! موضوع يديد حق شنو؟

 

[دانوووه-qtr]

هاي جابينيز - شخبارج-

حاولت ادخل الموقع ماعرفت طلع لي وايد اشياء

ممكن تحطين لنا الرابط




مممممممم يومي اليوم كان طويل ويمللل طول يومي بالجامعه

تريقت اومليت وزيتون


غذاي كان سمج مقلي



العشا حبنة ايدام شريحه وحده



وبس



واحين بنام


تصبحون على خير

 

[فووشي]

خلاااااااااااص بنات خلنا نحول ع التجمع الجديد ..
هذا قدم ^^ ..
القاكم هناك يا حلوات ..

 

[يمامة]

يمامه اللنك ماشتغل عندي!!! موضوع يديد حق شنو؟

هلا جابنيز فتحنا موضوع جديد نكتب اليوميات ونزل وزنا كل يووم سبت فيه عشان نتشجع اكثر

حاولي اكثر من مرة الرابط بفتح بس المنتدى يعلق شوي
http://q8yat.net/showthread.php?p=14499914#post14499914

 

[امى كل دنيتى]

مساء الخير حبايبي مشاللة على التجمع الحلوووو وانشاللة ماتفرقون الا وانتم رشيقاااااات قولواااا امين
المهم انا بديت اليوم معاكم رجيم دشتى وهذا اول يوم مر بسلام التزمت فيه وياللة عسى اللة يتم علينا
لاني ضربت بالعلالي وزنى ضرب للتسعين ييييييييييييييمه وعسانا نرد للستين والرد احمدو ادعولي اللة يثبتنى