الجزء الثاني .. عندج سؤال عن حيوانج المريض الحامل او يسوي شي عبيط ممضايقج

[دلع انثه]

زين حبيبتي لو فطريات
ابي اعرف معديه ولالا يعني تعديني وشنو علاجها

 

[بحيرةالبجع]

ماكو وصله مو خوش فصله

شريت مطهر بنتادين

وكريم نيزورال

وشامبو فافو

طبعا هالاشياء شريتها عقب ماقريت عن علاج الفطريات واكثر اللى صار فى قطاوتهم فطريات

استعملوا هالاشياء وفاد معاهم

مع انى قاعده امسح المكان بخل

اهى شكلها تعرفين لمن تنجرحين وبعد فتر يبدى يطيب الجرح ويصير عليه طبقه بنيه خشنه

جذى شكله

وبدز حق لندا مسج ولازم اوديه حقها تفحصه هذا حبيبى دلعلع​

 

[wesh jaah]

مبررووووك يبيله سبحه محترررمه وتحلوقه محترمه

ومبروك على ولادة زليخه مع اني مادري منو زليخه
لاتقولين ام الشوارع!!
نحشت كرملو وقعدت على جبودكم لووول

الاكل عطيها اكلها العادي لا تحاتين واذا غرفتج تشغلين التكييف فيها دفيهم عدل
واذا عندج الجنطه هذي اللي نحط فيها ماي حار ونحطها على بطنا عرفتيها؟ هههههه ما اعرف اسمها
حطي فيها ماي دافي مو حااار وحطيها تحتهم تحت الفوطه او الفراش اللي انتي حاطته تدفيهم خصوصا لما امهم تروح تبلع

اي حداا بس وديته البيطري طلع مصخن قلت انطر ( وابي احلق له مكينة عند البيطري اللي ورا الدهماء ) انا صج اخاف من البنج بس شعره مااقدر علية

وعندي مشششكلة معاها واهي اللي خلت اهلي يتنرفزون منه غير الترشرش يسوويها على الزولية
يخليالتراب مع انه بعض مرات عاد يسويهها بلتراب
^^
بلييييييييز ابي حل حق هل سالفة لاني تعبت واهلي لاعت جبدهم :eh_s(16):

لووووول اي زليخة ام الشوارع
ومسكينة اهي مااتقوم من مكانها الالمة تبي تروح تكرمين الحمام <<< انا قمت احط لها الاكل << يعني واهي منسدحة وترضع تاكل


وبلييييييييز ابي حل حق كرملووووو :eh_s(16):
ومشكورة :eh_s(7):

 

[wesh jaah]

واهو من قبل كان يسويها <<< من قبل لا ينحاش ؛(

 

[wesh jaah]

مبروك رجوع كرمل

والحمد الله على سلامة قطوتج ومبروك ما ياج

وديها الطبيب علشان يجيك عليها

انا قطوتى اول مره اولدت كانت تنزف وايد وديتها وعطاها ابره نزل اللى فيها والحمد الله انظفت

والحين لمن اولد للمره الثانيه والله تعيزت اودها والمفروض اوديها لان اشوف شكل بطنها مو طبيعى

متفوخ جنه بعد فيه بيبي

وديها علشان تطمنين عليها​

حبيبتي الله يبارك فيج
وأمة وديت كرمل سالت البيطري قال اهم شي انها قاعد اترضعهم وفيها حليب
وصج هم انا قسوتي بطنها متفوخ >>>أمي أتقول اي لازم بعد نفسة لووووول
وانا مااقدر اروح قصب ودوني حق كرملو

 

[wesh jaah]

ادري صايرة وايد اسأل ;p
بس قريت عن نشارة الخشب (على مااعتقد جذي اسمها ) انها اتكون بديلة حق التراب

منو فيكم جربتها وزينة ولا لا
*

 

[VET-Nour]

نشارة الخشب حق القطوه ؟! كلشش ماينفع


بنات فيه قطوه اذتني عند دريشة غرفتي صارلها اسبوعين تقريبا كلا تصرخ بالليل وصوتها مزعجج و يخرع .. شسوي فيها اخاف احذف عليها شيء يطلع داخلها شيء و يأذيني ؛/ اقولها اذهبي ما تبي تذهب /: ؟؟

 

[بحيرةالبجع]

اذا ما تبى تذهب وتعاوى هذى تبى تزاوج

هل توجد عندك قطه بالبيت ؟ ذكر ام انثى ؟​

 

[VET-Nour]

ماادري عنها بس عندها قطوه ثانيه مجابلتها و تصارخ :/
أتوقع اهما يسولفون او مشكله عائليه مايندرئ عنهم ,
ماعندي ولا قطوه بالبيت

صغيره و صوتها يلعلع تالي الليل :/
اتوقع عمرها بين ال6 اشهر و 10 اشهر ماتوقع صكت سنه

 

[بحيرةالبجع]

هذيل الظاهر نثيه وذكر ويبون تزاوج​

 

[VET-Nour]

طلعو عايشين بالبيت المهجور الي اجبال دريشة غرفتي

الله يعين ,, بس لهم فايده يقعدوني بصوتهم المززعج الصبح :d

 

[عود ومسك]

ههههههههههههههههههه اهم شي اذهبي وما تذهب
يازين سوالفكم يافتيات

باك انا
ماعندي نت هفففف وانطر اصيد اخوي عشان اخذ وصلته

بحيره قشرة بنيه خشنه هذي فطريات ولما تحطين العلاج عليها راح يتقشر ويطيب خلال اسبوعين ان شاء الله!
..
وش جاه كرملو يوصخ لانه يبي يطلع وجذي ويحس انه محبوس
بما انه كان منحاش فا هذي اكيد كانت ردة فعل منه قبل ومالها حل الا انج كل مره يسويها تزفينه او ان اذا لحقتي عليه تصرخين عليه فا بيخاف ويعرف انه غلط ومع التكرار يتعلم ان شاء الله

 

[عود ومسك]

نشاارة الخشب عجيبه توفر فلوس
بس تطلع ريحة وتتلف المكان لما يحفرون
انا جربتها تلفو غرفتهم بكل مكان خشب ههههههههههه
فا ما انصحج لان ماعندج قطاوه واجد انا جربتها مره لاني تعبت وانا اشتري
فا حطيتها وحطيت فوقها تراب واااااااااي ترسو الغرفه خشب وعلى جسمهم خشب وبكل مكان خشب ههههههه
لان النشاره خفيفه وتتطشر بالهوا بسرعه

 

[منارة الإيمان]

حبيبتي ياليت تساعديني بمشكلة قطوتي
في الفترة الاخيرة تتصرف تصرفات تغضبني
مثل التبول او التغوط وانت بكرامة في اماكن مثل غرفة النوم
وعلي السرير ...
مع انها نظيفة وكله تقضي حاجتها وانت بكرامة
في الليتر بوكس الخاص فيها ...
يعني الطريقة هذي خلتني افكر فعلا اني اتخلى عنها
مع انها تهبل واحبها الا انه كل شي ولا الطهارة عندي
اكون شاكرة لچ لو وجهتيني بطريقة تأديبها
جزاچ الله خير

 

[عود ومسك]

حبيبتي ياليت تساعديني بمشكلة قطوتي
في الفترة الاخيرة تتصرف تصرفات تغضبني
مثل التبول او التغوط وانت بكرامة في اماكن مثل غرفة النوم
وعلي السرير ...
مع انها نظيفة وكله تقضي حاجتها وانت بكرامة
في الليتر بوكس الخاص فيها ...
يعني الطريقة هذي خلتني افكر فعلا اني اتخلى عنها
مع انها تهبل واحبها الا انه كل شي ولا الطهارة عندي
اكون شاكرة لچ لو وجهتيني بطريقة تأديبها
جزاچ الله خير

الله يعينج بصراحه بس لا تتساهلين وتتنازلين عنها بسرعه
اول شي ذكر والا نثيه وجم العمر؟
القطاوه دايم يسوون هالشي من الحبسه دايما تكون ردة فعل منهم عشان يضايقونج و يلفتون انتباهج بهالشي
وفترة التزاوج بعد
فا انتي لازم تشوفين شنو تغير عليه شوفي ترابه نظيف والا مو نظيف
وهم لازم تعرفين ممكن طالبين تزاوج
وطريقة التأديب الصوت
يكرهون الصوت العالي فا لما تغيرين نبرتج مع التكرار يفهمونها
انا اتعامل معاهم بهالطريقه لما اصرخ يوقفون هههههههه
فا الصوت العالي يخوفهم لما تصرخين عليها بتخاف وكل مره بتسوي هالشي وتصرخين بتخاف اكثر
وعقب ما تصرخين عليها شيليها حطيها بترابها ولما تكررين هالشي بتستوعب

 

[بآريسة ~]

مرحبآ صبايا، كيفكم ،،

انا عندي قطوه شيرازيه
كملت ثلاث شهور ، بس ملعوزتني شويَ

اول شي وحده من عيونها حمره ومقفله شوي تكسر الخاطر
قريت انو مفيده القطريه البشريه لها وفعلاً حطيت لها وحمدالله طابت
هذا قبل اسبوعين ، والحين رجع لها احمرار العين وانتفاخ خفيف وتدممممع وش كثر ،،
ارجع احط القطر وعندي مرهم من البيطري بس ثقيل ع العين ولونه ابيض ،، ماعجبني

ثاني شي معدتها منتفخه ، ومو امساك ،،انا اعطيها الدراي فود مره باليوم
والباقي بيض وحليب ومويه فيها فيتامين لها ..
بس الانتفاخ مخوفني مادري من شنو ؟

 

[مدام بوفاري]

صباح الخير بنات...
قطوتي عمرها سنة وشهرين وحامل الحين...واحسها طولت...ما ولدت..وصارت عصبية وتحوس رملها وأكلها...
هذا عادي والا؟؟؟
كمان لاحظت ان في رقبتها من ورا زي الجروح والقشور..هل هذه فطريات؟؟

شي ثاني..انا عندي ذكر عمره سنة..وهو اللي ملقحها شيرازي مهجن بتركي..بس يا ناس ما ريحها ولا ريحنا..يطلب التزاوج في كل وقت..وهي مسكينة ترفض ويحاول بالعنفمعها..هل هذا بيضرها خصوصا انها حامل؟؟
وهل لو ولدت..الذكر بيأذي الكيتنز؟؟

يعني لازم أصرف الذكر والا عادي اخليه؟؟
انتظر اجوبتكم حبوبات

 

[Rnaa]

انا ارنوبتي ابي اسأل عن الفيتامينات .،
وشنو اعطيهم عشان ما يموتون .، واذا سبحتها شنو اسوي .؟
وبس

 

[Rnaa]

اي صح ابي ايب لها قفص كبير ونشارة خشب ..، منين ايبهم ؟!
وبس فديتكم

 

[مزيوونة]

بنات فيدوني
شلون اتعامل مع قطوة عمرها شهر
حيل صغيرة وما اعرف شي وترجف ليش
شنو اسوي لها شلون وشنو تاكل وشلون تنام شنو اشتري لها العاب وكل وكل شي علموني البنات اللي لهم خبرة لاتبخلون علي
وهي تسوي حساسية ومتي اطعمها
ويسير تتسبح ؟؟