الجزء الثاني .. عندج سؤال عن حيوانج المريض الحامل او يسوي شي عبيط ممضايقج

[بحيرةالبجع]

اختى مزيونه هذى بعدها ترضع حرام ماخذتها من امها

واحسن عمر للتربيه من ثلاث شهور بعد ما تفطمها امها لان حليب الام يعطيها مناعه

شوفى فى بمركز سلطان حليب حق القطاوه الصغار او ب ايس فى حليب رويال كانن معاه رضاعه

اشوف هذا افضل انا استعمله حق الكتنز اللى عندى مع ان امه موجوده

واستشيرى الطبيب افضل​

 

[مزيوونة]

بحيرة البجع الف شر لج وماقصرتي
وبسالكم بعد << تحملوني
قطوتي عيونها حمرة وتدمع شكلها مريضه او حساسية مادري شنوو فيها شتصحوني احط لها
؟؟
وفيها امساك بعد ابي شي يلين بطنها وشنو اوكلهاا "؟؟؟

 

[Patcholli]

كويتيات رد: تجمع لهاوياات الطيورر بانواعها

السلام عليكم


بنات انا اموت بشي اسمه لوف بيرد

بس المشكله اني جم مره اشتريهم ويموتون بسبة البرد مع اني احفظهم بغرفه مافيها تكييف وادفيهم واغطي قفصهم
والمشكله انهم يموتون بسرعه يعني من يستمرض جم ساعه ويموت
بنات شنو الحل حق البرد لما يحوش الطيور والله قلبي يعورني عليهم الحين ودي اشتري واحد وخايفه يصير معاه نفس الشي :< يتقطع قلبي لما اشوفهم يموتون :<
عفيه اللي عندها علاج مجرب تفيدني ولاتقصر بليز


فديتكم ومشكورين مقدماً

 

[Ańwăr Almlěssờń]

سلام عليكم بنات حلوه الفكره ثانكس عالموضوع


مشكلتي مع قطوتي و طلب التزاوج طلبت التزاوج من عمرها 11 شهر و و دايما تطلب تزاوج

و زوجتها قبل شهرين و تم التلقيح بشكل صحيح و للأسف اليوم طالبه للتزاوج بعد

اذتني و امي معصبه علي مادري شسوي :"(

 

[Meowah]

السلام عليكم
حبيت استفسر على شغلة
انا قطوتي ولدت 2/8 و 3 تطعيمة المفروض بشهر 9 بس ماطعمتها عشان ترضع وضلت 4 او 5 شهور ترضع فيهم وماطعمت
واليهال ما طعمتهم ليلحين ويا امهم لان ماحصل مواعيد ومواعيدهم كانت حيل تضارب مع ضروفي
من 6 اشهر او 4 قمت اعاني من الام
يعزكم الله تبول عالغنفات و احسها تتكيسل تروح حمام
الحمام يعزكم الله دايما انظفه واحسن واغلى نوعية اييب من تراب
قلنا مو متعودة لانها صار عندها احد يشاركها بالحمام
وكل ما ودي اشكي لكم استحي
انا سويت كل شي
فلفل ليمون عطور ديتول
ماكو فايدة
قالي دكتور مصري اني افرك خشمها بالمكان تالي اغسله تالي افركه بس زادت
انا قمت من لاحظت هالسالفة عليها غسلت غنفاتي وحطيت سفرة بلاستيك ولبستهم شراشف عازلة وكل يوم اغسل وابدل
على فكرة بس اهيا قامت تسوي جذي
ونوعها نفيسة ومغرورة
وشي ثاني
حيل حيل حيل مسلوعة وايد ضعيفة وخفيفة
انا كل ماروح للدكتورة قبل لا ازوج قطوتي تقول عادي
بس السالفه مصخت هيكل عضمي جدامي مو قطوة
وصايرة اعصاب
شسوي تكفون
انا مني مني بوديها مستشفى رويال جود القى موعد
بس بليز لاقولي حل لسالفة البول والضعف
بذات البول


شاكرة لكم

 

[Meowah]

شدعوة محد رد علي

 

[ţẩ݃ ĀŁ_Ŝħ๓๓ŘỊ]

قطآوتي مايكلون غير الدجآج بيض جبن خضار كلشش مايكلونةة مع اني اخذت احسسن الوصفآت حق الاكل من النت وكـلش مآيكلون لو يققعدون يوم كآمل بدون أكـل ماعندهم مشكلة

 

[fsamn]

السلام عليكم

سؤال محيرني حيل

ولدت قطوتي وجابت 3 .. والحين صارلها 15 يوم وعيالها لي الحين ما يمشون عدل

انا ما ادري هالشي طبيعي ولا لا ؟؟
يعني متي يبتدي المولود يمشي ويفتح عيونه
لان اختي عطتني قطوة صغيره متوهقه فيها .. وصارت ترضع من قطوتي وسريعه بالمشي مع ان حجمها اقل من عيال قطوتي
وهذا الي خلاني اعتقد ان عيال قطوتي فيهم مرض
الي تعرف يا ريت تفيدني
والله يعطيكم العافيه

ا

 

[VET-Nour]

السلام عليكم

سؤال محيرني حيل

ولدت قطوتي وجابت 3 .. والحين صارلها 15 يوم وعيالها لي الحين ما يمشون عدل

انا ما ادري هالشي طبيعي ولا لا ؟؟
يعني متي يبتدي المولود يمشي ويفتح عيونه
لان اختي عطتني قطوة صغيره متوهقه فيها .. وصارت ترضع من قطوتي وسريعه بالمشي مع ان حجمها اقل من عيال قطوتي
وهذا الي خلاني اعتقد ان عيال قطوتي فيهم مرض
الي تعرف يا ريت تفيدني
والله يعطيكم العافيه

ا

ششيء طبيعي ,
قطاوة الشارع تمشي بسرعه يعني 3 اسابيع تقريبا تمشي
بس قطاوة البيت يبيلها واجد ع ما تمشي ,
قطاوتي مشو لمن صار عمرهم شهر تقريباا ,
لا تحاتينهم مافيهم مرض ولا شيء ,

 

[بحيرةالبجع]

لا تحاتينهم مافيهم شى لمن يكملون شهر تتعدل مشيتهم

اسبوعين بعدهم صغار وهاليومين رح يفتحون عيونهم

ما فيهم الا العافيه امرهم طبيعى​

 

[نمله معضله]

بنات خااطري اشتري قطوه بسس متردده اقوول وييع شلون باكل ؟؟ شلون بشرب ؟؟ يعني تلوع جبدي لمن اتخيلها بحضني ... بعدين احسس فششله اشتري قطوه ارااح اكوون نكته لو اشتري !! فــ مستحيه لو يدرون الناس x_x [/FONT افففففف مو حاااصلي {صاار لي فووق {٦اشههر } احنننن ]

 

[نمله معضله]

بسس انا ع قووله امي من ما كنت صغيرونه اذا ابي شي لازم خذه يعني مززعجه عنيده هع ~_~

 

[Ańwăr Almlěssờń]

نمله !!

فشله بشنو ؟؟

بعدين بخصوص يع << القطوه مو وصخه القطوه نظيفه و ممكن تشترين لها عطر خاص بالقطط و تعطرينها و تمشطينها و تستشورينها و تكشخينها و تصير تهبل مافي شي اسمه يع

انا انصحج ما تشترين , لان حرام هذي روح مو لعبه لا تخالفين كلام الوالده الله يطول بعمرها

 

[نمله معضله]

مو عن انا ابيه و امووت ع القطاوه بسس الوالده هي ركبت برااسي هالسوالف انا ما اخالف كلامه بسس احننن » لوول « و صح كلامج روح هذي (انا تراا احب الحيوانات ) بسس الوالده و الوالد مو راااضين بسس ما راح اسسسكت بحنن لين يدلع الساني (اتعب ) لوول و اخواني و خواتي كلهم كبار ما عدا وااحد من خواني سنـــ٢تين بسسس يخااف مني يعني بزفه اخليه يعقل و بعدين هو مثلي يموت بالحيوانات بسسس مو حاصل لنا بسس حتى قبل ادخلت بيتناقطوه يلحقها يبي يلعب معاها و مستانسس ولمن طلعت قعد يبجي يبيها
و مشكوره ع التصحيح

 

[7қаӌӑт Ʒʂʜq]

قــوه بنــااات ...شلونكم .. ؟

بنات قطوتي حامل و باقي على ولادتها اسبوعين تقريبا ..
بسألكم هل الكالسيوم ضروري اعطيها ؟؟ والا عادي بالاكل تعوض ؟

لان اعرفها نفسيه و ماراح ترضى تاكله ..
لان حتى اكل البيت من كان عمرها شهرين لين الحين احاول فيها ولو تموت جوع ماتقرب صوبه :eh_s(4): مع ان كل شي جربته لها .. اللهم الحليب الخالي دسم و البيض الشي الوحيد اللي تاكله من البيت .. :eh_s(14):

بــس من حملت حتى البيض صارت ماتواطنه و اكل القطاوه المعلب ماتشتهيه .. :eh_s(4):
صار غرامها دراي فود (انوع لها فيه) و الحليب خالي الدسم هذا يوميا تشربه ضروري ومن تشوفه بايدي تستخف من الوناسه
يعني ماقدر اخلط الكالسيوم البودر مع اكلها لانه دراي فود .. والحبوب مستحيل اعرف اعطيها صعبه :eh_s(2):
تهقون عادي ماياثر عليها لو ماعطيتها الكالسيوم ؟؟؟ والحليب يعوض الكالسيوم لها ؟
وبعدين كل قطوه حامل "ضروووري" تاخذه ؟؟


وســـؤال ثـــاني بعد
الحين عقب ماتولد وبوديها البيطري عشان تاخذ الابره و يجيك عليها وعلى الكتنز شلون اوديها ؟؟؟ اخاف احطها بالبوكس وتتضايق مع عيالها و الا تقعد فوق واحد فيهم
ومايصير احطهم ببوكس واهيا ببوكس :eh_s(4):
لاتضحكون جد احاتي هالشغله لان اعرفها هالخبله احس مو يم شي مادري شلون بتصير ام الله يعيني بس لووول

وشكرررررررررررررا :eh_s(7):
​

 

[7қаӌӑт Ʒʂʜq]

وويييييييييييينكم بناااااات ردوا عللللي (((

 

[Meowah]

حكاية عشق لا تودينها اذا ولدت بس خلج يمها و ووكليها بايدج ولا تلمسين عيالها عشان ريحتج لا تعلق فيهم وماتقرب صوبهم ويموتون خليها لين تفطمهم تالي طعميها عشان ترضع مايصير ولا تسبحينها عقب الولادة يبيلج بس قوطة وماي دافي مسحي الدم ان كان عالشعر بس لاتقربين صوب الولادة فاهمة قصدي وهالشي بعد يكون بعد فترة مو علي طول تمسحينها
بس خلج يمها وحرصي توكلينها وحرصي انها شبعانة عشان لا تاكلهم وخلي الاكل والماي قريب منها
انا كنت اوكل قطوتي لانها فقيرة تحتار تاكل ولا ترضع فكنت احط بايدي واهيا ترضع تاكل

 

[7қаӌӑт Ʒʂʜq]

هلا حبيبتي ... لااا مو ابرة تطعيم ابره عشان ينظف اللي ببطنها عقب الولاده
قالي الدكتور لازم هالابره و يجيك عالكتنز ويشوف حرارتهاا ..
بس شلوون عالكالسيووم بناات؟؟؟ هل هو ضرووري؟؟
والا الحليب يعوض؟
لان اتوقع اذا خلطته مع الحليب بتتغير ريحته
واخاف تهون عن الحليب وتكرهه بروحها ماتاكل شي غير الدراي و الحليب هالفترره..

 

[Ańwăr Almlěssờń]

شنو الابره الي تنظف البطن ؟

لا تعطينها شي لا تنسين ان المستشفى البيطري (تجاري) يعني يهمه المدخول بالدرجه الاولى

يعني ماله داعي

اما من ناحية الاكل عطيها جبدت دياي و قلوب دياي سلقيهم لها مع صدر دياي و جزره و كوسا مبشورات مع رشة نشا ذرا

و لا تعطينها حليب مو زين لها يسبب لها اسهال

عطيها روب او لبن بين فتره و فتره او حليب خالي من اللاكتوز

والله يقومها بالسلامه و الكتنز لا تمسكينهم بوقت الولاده الا بقفازات و لا تطلعينهم الا بعد شهر من الولاده لان ما عندهم مناعه

 

[7қаӌӑт Ʒʂʜq]

مشكووووره انوااار
حليب خالي الدسم من كانت صغيره تشربه وماسوالها مشاكل بالبطن ولا اسهال
بس باخذلها حليب خالي من اللاكتوز مثل ماقلتي
اما الاكل من عمرها شهرين احاول فيها بالدجاج والخضره و ماتاكل لو تموت جوع تبط جببببدي
ودي انها تتعود عليه لان يفيدها اكثرر وجربت اطحن معاه دراي بس هالنفسيه جننتني ماتاكل

مشكووورين بناات ماقصرتووووا مابقى شي على ولادتهااا الله يستررر