الحركات الفصلة الي سويتيها مع زوجج

[غــ q6r ـلا]

up
up
up

طماشه :q

 

[dana.7]

لوووووووووووووول وناااسه

الله يتمم عليكم ويسعدكم



يلا متى اتزوج لوول

 

[! بــدويه وآآيــد !]

،


انا ماحب اكتب رد على وحده تكون قااااذفه بس المطوعه صراحه قذفت شنو ديووو ؟ ماتدرين ان باب الجنه مكتوب عليها حرام على الديوث
وانتي ديثتي رجالنا على كيفج؟
وبعدين ليش صار ديووث عشان نزلني بقاله؟ حسستيني مرقص مو بقاله !
بعدين شنو بالليل الناس نايمه والي يطلع مرته بالليل فيه شي ؟ هههههههههه
تدرين ان الرسول صلى الله عليه وسلم كان يتمشى مع السيده عائشه ليلا كتبي بقوقل كيف كان يعامل الرسول زوجاته واقري راح تعرفين ان معاملة زوجج لج بالارض ومعاملة الرسول لزوجاته بالسما

• التنزه مع الزوجة ليلاً:

كان النبي صلى الله عليه وسلم اذا كان بالليل سار مع عائشة يتحدث . رواه البخارى


8

شفتي وهذا اهم ماكانوا عايشين بمدينه ومطاعم مفتوحه للفجر وماتسكر مثلنا كانوا يتمشون ! ( بعد قولي الرسول غلطان ؟؟ )

وحسستي البنات ان الزواج حرب وكراف وكره مو استقرار وحسيت من كلامج ان الزواج يقتل كل شي حلوو !

بس يقولون اذا عـُرف السبب بـُطل العجب ومن شفت فصلتج انتي وزوجج واتوقع هذا الشي الوحيد الي بذاكرتج

يوريج فضلاته عشان لايوديج مطعم؟؟ وين الاحترام ! عشان مطعم يوريج فضلاته < مومتخيله

ياريت ماتدشين تقذفين الناس مره ثانيه ترى عيب والا انتي وين والدين وين !

 

[Sweetq8]

ما انسا بفرنسا تسابقنا لين الفندق بالمطر و ركض دخلنا و ضحكنا ولا باللوبي محمد عبده ههههههه

و صورنا معاه واحنا كلنا ماي و حووووووسه ههههه كل ماشفت الصوره فصلت ضحك

 

[! بــدويه وآآيــد !]

8


لووول ذكرتيني بماليزيا مع زوجي جذي بعد نركض بالمطر بدون شمسيه وهم يطالعون منصدمين

وزوجي سيارة اخوه زد ياخذها منه ونقحص فيها العضوه الي كتبت موقفها ذكرتني

طلعت معاه بالليل قبل يومين والا واحد موقفته الشرطه وانحاش وتلحقه الدوريه واحنا وراهم بنشوف شيصير ههههههههههههههههههههههه ومسكوه الدويات وعليا محد قاله ينحاش @@ حسيت اني العب حرامي السيارات < شكو


زوجي كشن سيارته جلد وانا ضعيفه اذا طلعنا يدوس حيل فجأه يحك بريك وانا ازلق من الكرسي وانزل تحت ويموت ضحك هههههههههههههه
عاد اذا حصلت بيننا مناوشات اتمسك عدل لان ادري بيسويها بضمير

 

[روحي تحبk]

وشي الي ماانسااه اني اي مكااان ارووحله لمن اسافر لالازم اي غرفه يديده انط عله السرير وهوه يزفني لمن كته في بيرووت قتله والله ونااسه تعاال جرب وكان دااق الثقل لالا مابي وين قاعدين قتله يالله علشاان خاطري ونااسه مسكت ايده وقعدنا انط لمن انكسرت خخخخخخ والله فشله وبعدين تهااوش معااي ودق عله الريسبشن وغيرولنا الغرفه ومن نطلع وندش الفندق يخزووونه عبالهم انكسرت من شي ثاني وقايل حق ريلي انتو اكييد بشهر العسل مايدري صايرلنا دهر :>

امبيه موصج
ههههههههههههههههههههههههه​

 

[Tantoshah]

انا ريلي معقد شوي بس مرة سافرنا تايلند وخلاني اسبح لبسني الشورت مالة شكبرة ربطة بخيط طويل وكبير تحت الركبة ولبست بلوزة نص جم وقمنا نسبح ويه بعض وصار يركض وراي بالبحر يشيلني ويحذفني ويركض وراي يعني مسوي نفسة وحش وحركات بويههة وانا عايشة الدور اصارخ مع ويهي اهم شي وحدة اجنبية يمنا حاشها طشار ماي وقامت تسبنا مادري شتقول وقعدنا نضحك عليها وريلي شالني وباسني من شفايفي جدامها شنو استحيت .. ياليت لو يكون جذي على طول احلى من التصطر

 

[الغضى]

ههههههههههههههه
فصلاتكم عجيييييييييييييييييييبه
أول فصله عشتها ويا ريلي ليلة العرس بشقتي نبي نطلع للفندق قطيت نفنوفي وبدلت وخذيت جنطتي بنروووووح

ولا الأخ يتذكررر انه ماعندة جنطة يبي يحط أغرااااضه,,,, شيسوي اللحين؟؟ استحى يحط ملابسه وياي بجنطتي
​

جان يروح لأمه تحت يدور جنطة طبعا البيت مافيه أحد ومالقى شي أحسن من جنطة مطاطير القهوة مالت أمه
جابها فوق ودعس ملابسه وأغراض الحمام والروب وقال يالله مشيناااااااااا ,,,,,, لما اتذكر شكله واحنا داشين
الفندق يسحب جنطتي وجنطة القهوه ماسكها بيده هههههههههههههههههه شكله تحفه .

 

[Daleela]

لوووول الله يسعدهم
عجيبه المواقف واللي ريلها خذه جنطة القهوة لوووول مو صج

 

[Tantoshah]

السلام عليكم
اول شي انا اسفة اذا فهمت اي وحده من كلامي انه قذف للمحصنات الغافلات
لا والله مو داشه اقذف
بس انقهرت من مبالغات البنات
يعني وحده تقول ماسوينا شي غلط بس شيشنا ؟؟؟؟
سؤال الشيشة حرام او حلال ؟
وممكن رقم الفتوه
هذا للمسلمين اما المسيحيه مالي شغل فيها

اختي بروووره مع احترامي لج كلامج متنااااااقض
واذا مو مصدقة اقري مشاركتج الاولى والاخيره وشوفي
ماذكرتي انج استأذنتي من اخوانج واهلج قلتي جمعت بنات وطلعنا الساعة 12.30 فصله يعني الي يقرا يفهم انكم منحاشين من البيت ومحد يدري

والي قالت بالكويت ماينامون 12.30 اي اوكي لاينامون كيفهم بس الصح اذا احنا مسلمات مؤمنات مانطلع من بيتنا نص الليل
الا لضرووره مستشفى مثلا او شي خطير
لكن سهر وتمشي بالليل بروحنا هذا غلط اصلا ممنوع الكويتيه تداوم لين الساعة 8 بالليل هذا الي اعرفه
يعني توصل بيتها الساعة 9 حلو لو مع زوجها طالعين مو مشكله بس برووحها غلط
ما ادري ليش بعض البنات الله يهديهم يربطون الوناسة والسعاده مع الزوج بالدياثة وبأغضاب الله

الي بتزعل كيفها بس هذا الصج
والحمد لله انا سعيده بس مابي البنات الي ماتزوجو ينصدمون ولازم نفتح عيونهم على اشياء
مثلا الزوج بداية زواجه منج يبي اكل يبي غدا وعشا وريوق وطبعا بدايت حياتج ماكو خدامة والمطاعم مو كل يوم فلازم تعرففون ياطموشات ان في شي اسمه طبخ
وفي تنظيف
وفي ترتيب
وفي تحكم بلبسج
مو عاجبج بتتطلقين
وماعليكم من مدمنات الافلام الهندية
الي تقول نركض بالمطر
ياااااي على الرومنسية
---------------------------------------------
وعلى شان ماتزعل صاحبة الموضوع
انا بقول موقف طريف صار معاي وهذا صج مو خيالي مثل بعض الناس
زوجي مايحب شي اسمه مطاعم وبالموت اروح معاه مطعم
مره واعدني يغديني بمطعم والظاهر انه تحسف قعدني من النوم الساعة 11 الصبح يصارخ ويقول ليش مو ساحبة السيفووون ؟..استغربت مو من عوايدي ما اسحب السيفون قال تعالي شوفي وفعلا شفت الا في وصخ بالحمام تكرمون قال عقااااب لج ماكو مطعم اليوم لين تتعلمين النظافة
ومت قههههر
بعد شهرين وداني مطعم وقالي حبيبتي بعترفلج بشي
قلت شنو قال انا الي كنت داش الحمام وماسحبت السيفون
ماكان لي خلق اوديج وكنت مستحي اقولج مابي واكسر فيج
ههههههههههههه
شرايكم بالموقف

الدين دين يسر إن الله يريد بكم اليسر ولايريد بكم العسر .. ليش هالكلام الله يهداج بس تخرعين البنات ترى احنا بشر نضحك ونفصل مثل ما نؤدي واجباتنا مافيها شي لو كان بين الريال ومرتة غشمرة وعاملها بانها صديقة مرة ولا مرتين بالعمر شنو المشكلة وبعدين للعلم الشيشة مو حرام لكنها مكروهه لانها اذى عطيني حديث يقول انة الشيشة والتدخين حرام ؟؟ في وايد ناس يخافون ربهم ومواظبين على دينهم ويدخنون انا مو مع مبدأ التدخين ابوي يدخن والحمدلله محافظ على صلاتة ويخاف من الله ريال جبير شنو هالكلام وبعدين شنو هالموقف اللي سواه ريلج الطيور على اشكالها تقع ومو جذي اللي ينصح المفروض تنصحين مو تصطرين كل المواقف مال البنات وبعدين حتى يدتي ام ابوي وام امي يشيشون وملتزمين ومتديين تقدرين تسميها حرية شخصية قوليلي يدتي تقز بعد وتسوي الحرام ... شنو الحياة كلها نكد شبعنا من النكد لين قلنا بس ساعة لك وساعة حق رب العالمين الحمدلله على النعم اللي انعم علينا فيها بس مفروض اسلوب احسن من جذي وين المشكلة ريلي وحلالي ابي اتغشمر معاه مدام مو قاعدة اذي احد بغشمرتنا محد له عندي شي صج قوموا من الغيبوبة اللي انتوا فيها

 

[نونو العصله]

ههههههههههههههههههههههه فصلت على موقف جنطة القهوه ههههههههههههههه
وبدويه ناويه اثث شقتي جلد
بس هونت الحين لاني عصلة

 

[شنوووفه]

ونااسه اب اب اب

هههههه بنات انا كرفايتي مكسووره من زمان وتوني راده من العمره ولمن ييت ريلي مسويلي مفاجئه عشتو شاريلي كرفاايه يديده بس ليلحين مو مركبه تخيلو اقووله يالللله ركبها يقوولي لايبه لمن تناميين بركبها علشان لاتناقزين عليها وتكسريينها خخخخخخ
لا والمشكله علمت ولدي اهوه بعد قام يحب يناقز عالسرير :>

 

[دلوعة يدها]

ههههههههههه
اول مره انا اللي افصل و لا اشيش ريلي بعد هههههه
والله مو مني ما كنت نايمه و مخي ما كان معاي هههه مخدره و دايخه
و احنا بالطياره محد حولنا الكل نايم كراسينا اخر كرسيين بالطياره انا وياه قاعدين مجابلين بعض نلعب جنجفه هههههه لا تسالوني شلون
على طلبات اللعبه كانت انا فزت عليه و قتله ابيك تبوسني طبعا كتبتها بورقة لان مستحيه و انا توقعت ان ما بسويها لان عيال عمه قاعدين جدامنا و بالطياره بغيت احره و اطفره شوي (( ناسيه جرئته الاخت))
ما اشوف الا اللي ينط و يقول انا ابي اكثر من البوسه هههههه قام ولد عمه جان اقول هييييي عيب عليكم وين قاعدين استحووو على الاقل رحمو حالنا ماعندنا احد وصلو بيتكم و سوو اللي تبون وااااااي تمنيت الارض منشقه و تبلعني تمنيت اني ما قلت له هالطلب

 

[نونو العصله]

ههههههههههههههههههههههههههههههههههههههههههههههه حلوه انارحمو حالنا

 

[نونو العصله]

ارحمو

 

[AL-7Oo0b]

انا هالاسبوع كانا طالعين انا وريلي طبعا مالجين تونا مب معرسين ورحنا الحديقه والجو بارد ف طبيعي مافيها حد كانت ولعبنا بالميزان جنا يهال هههههههههههههه

 

[fatf00ta]

ههههههههههههههههه
الله يهنيكم

 

[زعنوفه]

ههههههههههههههه
فصلاتكم عجيييييييييييييييييييبه
أول فصله عشتها ويا ريلي ليلة العرس بشقتي نبي نطلع للفندق قطيت نفنوفي وبدلت وخذيت جنطتي بنروووووح

ولا الأخ يتذكررر انه ماعندة جنطة يبي يحط أغرااااضه,,,, شيسوي اللحين؟؟ استحى يحط ملابسه وياي بجنطتي​

جان يروح لأمه تحت يدور جنطة طبعا البيت مافيه أحد ومالقى شي أحسن من جنطة مطاطير القهوة مالت أمه
جابها فوق ودعس ملابسه وأغراض الحمام والروب وقال يالله مشيناااااااااا ,,,,,, لما اتذكر شكله واحنا داشين
الفندق يسحب جنطتي وجنطة القهوه ماسكها بيده هههههههههههههههههه شكله تحفه .

ههههههههههههههههه امبيه عجيب​

 

[dana.7]

أب
أب

 

[زعنوفه]

امبيه انا صار لي موقف انا وزوجي في ماليزيت بجنتنج كنا رادين الفندق بالليل مشي وداشين الفندق من مدخل جانبي مو من الباب الرئيسي وكان الممر طوييييييييييييل وبين الشجر وظلمه ولا كان في حفله بفندقنا واغاني والصوت عالي عاد انا وريلي قمنا نرقص رقص معاقين خخخخخخخخخخ والشارع كان مرتفع ونازل لي الفندق عاد كان ظلمه واحنا بدعنا بالتعوق هههههه امبيه على ما وصلنا قربنا الفندق ولا في عايله كويتيه كانو قاعدين بالظلمه ينطرون الباص وشافونا امبيه احراج عجيب قمنا نخش ويوهنا

ياريت لو الرقص عادي جان ماكو مشكله اهون بس كان رقص معاقين خخخخخخخخخخخخخ​