الخدم .. والطلعات مع الزوج واليهال !

[الأميرة الحزينة]

طبعآ لازم اخذ الخدامه لأن عيالي لا تعليق مثل عيالج لوووووول اسم الله عليهم لازم احد يراكض وراهم وما اطلع من غيرها الا اذا كنت طالعه مع ريلي بروحنا ما اخذها . للضرورة احكام لووووول

 

[~ الجمال المستحيل ~]

آنا برايي إن الوحدة لازم يكون لها طلعاتها الخاصة مع زوجها وطلعات عائلية...
آنا وزوجي لنا طلعاتنا طووووووول الأسبوع هههههههه....وإذا ماخذة ولدي الكبير 7سنين ما آخذ الخدامة...أما إذا ماخذة الحبربش الصغار آخذ خداماتي الثنتين حتى لو زوجي معاي لأن كل واحد يبيله وحدة على راسة من كثر حركتهم وموحلوة آخذ وحدة واخلي الثانية...وآنا وحدة أحاتي روحتهم للحمام لاااااازم معاي خدامة...وبهالطريقة حتى آنا أستانس بالروحة معاهم وما أتضايق....وحرام ترا الخدم نفس وتشتهي الطلعة كافي ضغط الشغل عليهم أرحمهم عشان يرحمون عيالي....وبالنسبة للتشري لا ادش وياج المحل ولا تشوف شنو تشترين وبكم....

 

[تنايفـ]

الحمد الله من عمر تربيت مع اهلي بدون خدامه
ولما تزوجت قلت حق ريلي مابي خدامه (ماني محتاجتها الحين تو الناس) بصراحة اكره وجود الخدامه بالبيت والطلعه وبكل مكان
​

 

[ام احلى خلودى]

على حسب الطلعه اذا شاليه وبيت اهلى اخذها واذا كنت طالعه بروحى انا وولدى اخذها ......

اما اذا طالعه مع زوجى ماحب اخذها بس اذا مظطرة اخذها

 

[G!RLooNa]

والله انا اشوف اللي طالعه ويا ريلها وماخذه وياها خدامه.. لاتعليق

شنو موقع الخدامه من الاعراب

انتي وياج ريلج وعيالج ليش الخدامه ييبيلج عربانه و اخذو راحتكم انتو..غير اللي يقعدون يتفرفرون وقاطين الياهل ويا الخدامه ولا يدشون مطعم يزحرون والياهل برا ويا الخدامه و متيمعين جم وحده يقرقون ولا تدري عن الياهل

ليش ولدكم ولا ولد الخدامه

ذاك اليوم ب 360 الخدامه قاعده برا ويا الياهل صغير ما كمل سنه وامه وابوه داخل يبلعون والله ما حن على هالياهل الا خدامته و الفلبينيات اللي يشتغلون بفرايديز قاعدين يلعبونه وانا وامي قلبنا متقطع على هالياهل والله حرام ما تبون تجابلون عيالكم ليش يبتوهم :/

 

[ام ساره 4]

والله انا اشوف اللي طالعه ويا ريلها وماخذه وياها خدامه.. لاتعليق

شنو موقع الخدامه من الاعراب

انتي وياج ريلج وعيالج ليش الخدامه ييبيلج عربانه و اخذو راحتكم انتو..غير اللي يقعدون يتفرفرون وقاطين الياهل ويا الخدامه ولا يدشون مطعم يزحرون والياهل برا ويا الخدامه و متيمعين جم وحده يقرقون ولا تدري عن الياهل

ليش ولدكم ولا ولد الخدامه

ذاك اليوم ب 360 الخدامه قاعده برا ويا الياهل صغير ما كمل سنه وامه وابوه داخل يبلعون والله ما حن على هالياهل الا خدامته و الفلبينيات اللي يشتغلون بفرايديز قاعدين يلعبونه وانا وامي قلبنا متقطع على هالياهل والله حرام ما تبون تجابلون عيالكم ليش يبتوهم :/

إي والله صاجه أنا لمن أشوف جذيه تنبط جبدي

 

[(المباركيه)]

بس اذا الطلعة مع زوجي مااخذها احب اخذ راحتي وعيالي معاي فديتهم لكن اذا بطلع بروحي او مع اي احد غيرة لا والله الخدامة قبلي زين ماركبها قدام بعد

 

[اشتياق]

اي لازم لزوم الفراره لووووووووووووووووول

بس بنوتي صغيره اغلب الوقت بالبيت احسن لها من هالجو التعبان ..

 

[^^المهره^^]

على حسب الطلعه
ساعات عادي تاخذينها ولازم
وساعات لا

 

[كولوراديه]

تعرفين من عيب ابتلش ؟؟
هذا انااا :×
الله يسلمج كنت لما اطلع و اشوف وحده طالعه مع ريلها ومعاهم الخدامه اقول لهدرجه كسل فيها ؟؟ ياربي شلون تاخذ راحتها و غلطططططططط :×
بس لما ولدي كبر و زادت شطانته كنت اقول لريلي حرااام الخادمه كله بالبيت خل تطلع تستانس شوي :×
والصج عشان تراكض وراه لووووووووووووووول
بس مرات احترم نفسي و ما آخذها يعني مره بالاسبوعين آخذها
و اذا في طلعه فيها مطعم و جذيه لااااا تنثبر اهيه و الشيطون :×

 

[جوري 2007]

لو شنو مااخذها وانا طالعة مع ريلي يانمسك اليهال بروحنا يا نخليهم ببيت اهلي بس ويانا no
انا مااطلع بروحي الاسوق او جمعية واكون بروحي اوبنتي وياي بس بدون الخدامه
الزوارة بس معاي

 

[غمزه وإبتسامه]

لا تاااخذينهاااااااااااااااااااا

 

[أم أنور]

انا ابصراحه اذا طلعت مع ريلي اخذ عيالي الكبار واخلي الصغير مع الخدامه لانه مالي داعي واحنا كلا طلعاتنا سينما ومطاعم يعني ماله داعي ترتز معانا

 

[عادت ذكرياتي]

آنا ما آخذها إلا نادر للضرورة القصوى لأنها تراقب التحركات حييييل خخخ

 

[احب السفر]

مشكوره على الموضوع المفيد الصراحه أنا ماأحب تروح معاي عيالي انا اقدر عليهم مع أبوهم طبعا وموكل الطلعات معاهم:eh_s(17):

 

[~عشق المطر..~]

ابداااااااااااااااا ماايد طلعة الخدامه بالبيت ترتاح احسن

 

[مضيعة برقعها]

انا ماحب اخذ الخدامه
ألا للضرووورة
للطبيب ولأهلي فقققققققققط

 

[meen_ana]

بصراحه كنت اخذها وياي كل مكان بس امس جربت انه خليتها بالبيت وطلعت مع ريلي بونتى استانسا عدل بس اذا بطلع بروحي تيي وياي عشان تمسك بنتى

 

[أم حيدر]

مافي قاعده أساسية للموضوع يعتمد عالمكان والزمان

يعني اذا طالعين نتمشى يعني بننزل مكان نمشي مثل ممشى المركز العلمي آخذ اليهال كلهم والخدامه هم اهي روح وتطق جبدها من قعدة البيت تتمشى شوي

اذا مطعم انا واليهال وابوهم هم آخذها وتقعد معانا على نفس الطاولة واللي نطلبه لنا نطلبه لها

واحيانا بس انا وزوجي العزيز مع الصبيان والبنوته

يعني يعتمد الموضوع على المكان بشكل أساسي وظروف الطلعة نفسها

في طلعات خاصة نحب نكون بروحنا فيها وفي طلعات وأماكن عادي اذا كانت موجودة.

 

[ms_5ajoola]

اذا مع زوج مله داعي تاخذيت الخدامة اصلا راح تصير مع الايام العلاقة بيج وين زوجج بااردة لأن الريال مو بس يبي يقعد مع زوجته بالبيت بالعكس يبي يطلع معاها يبي يستانس معاها شكو الخدامة وبنتكم او ولدكم انتوا تحملوا مسؤوليته ماله داعي الخدامة