الخدم .. والطلعات مع الزوج واليهال !

[engnera]

ما آخذ الخدامه الا اذا طالعه بدون زوجي

 

[الرياش]

اذا مع زوجي ما اخذ الخدامه ما لها داعي
اذا بروحي مع اليهال ساعات اخذها و الأغلب لأ
حتى اذا بروح المستشفى ويا بنتي ابروحي من غير خدامه ولازوجي , اتيط جبدي الي اتييه اهيا وريلها و ولدها أو بنتها ويكون الياهل طول الوقت ماسكته الخدامه !!!!!!!!!!!

 

[cheese cake 84]

أكررررررررررررررررررررررره شي عندي بالدنيا اشوف ريال ومرته ومعاهم ياهل واحد وخدامه وااااي عيل ليش طالعييين عمرييي من تزوجت ما خذيتها معاااي قطيييييييييييييييييعه بتضحكين بتسولفين على راحتج بتقعد تجابلج والله يعافيكم لاتقولون بشر وحرام ولازم تطلع اوكي اطلعها معاي زواره تشوف باجي الخدم تسولف معاهم اذا شاليه طلعه مع خواتي وخدمهم ايي بس انا وريلي ولدي واخذها لا والله اجابل ولدي ونطلع ونشتري ونستانس ولا مجابلها استغفر الله وعلى فكره مره رايحه مطعم وكان في طاوله جدامنا ريال ومرته وياهلين والخدامه بطرف الطاوله قاعده يم اليهال وعادي طالبين لها وقاعده تاكل واليهال هااادييين ماتحركو من مكانهم وقاعدين ياكلوون وانا قاعده اراقب الخدامه والله انها ماشالت عينها من الريال ومرته حشي جلب بوليسي حتى الريال شال سلطه وحط بصحن مرته والله جذي عيونها اطامر من مكانها @@ قاعده تشوووف قطييييييييييييييييييييييييييييييييييييييييعه سدت نفسي عن الاكل عمه بعينج استحي نزلي عينج الريال ومرته مطلعينج ومعشينج وطالبيلج وطايحتله خزز فيهم اشكرا شكلهم بنفس الليله تهاوشوا من نظراتها

 

[مجنونة بس عاقلة]

اذا طالعه مع زوجي وولدي الكبير ما اخذها اما اذا خذيت الصغير اخذها

 

[om MaRyooM]

مشكورين ع المرور ..


والشغالات للاسفففففففف شر لابد منه بحياتنا

 

[love love]

والله حبيبتي كل واحد وظرووفه ومحد يعرف ظروف الناس شنووو

اول كنت اعيب على ايوبون الخدم وياهم بالطلعات بس الحيين اقول محد يعرف بظروووف الثااني وكل واحد حررر بتصرفااته

انا اذا طلعت مع زوجي بدون خدامه
واذا بروحي مع اليهال لا لازم خدامه وحرام منها اتنفس على عمرها اهي بعد بشررر مويايه تنحط بسجن

 

[ام هلال]

ماكو شغل اخذها معاي

 

[ام بديير]

اي الخز عندهم عاااااااااااده

انا اذا كنت مع ريلي لا نا اخذهاا ,., اما اذا مع اهلي لازم ويعتمد بعد على حسب المكان ..

 

[الفدنه]

مع زوجي مااخذها بروحي مع عيالي<احيانا> اخذها مو لاني محتاجتها لا حرام تغير جو
وهمن اذا تبي شي احيانا تشتري

 

[aṕriliå]

اتكلم عن الللي اشوفهم حولي


لا غالبا بدون خدامة اذا بدون الزوج

مع الزوج لا ماياخذون الخدامة موليه

 

[برميتا]

انا بصراحة متعجبة من اللي اشوفه
كل وحده تمشي ووراها كود خدامات!
والطامة الكبرى اللي تطلع مع ريلها معاها ياهلين وأحيانا واحد
وساحبتلها خدامتين وياها شماله؟

هذي ظاهرة منتشرة عندنا ما شفتها الا بالكويت
هل هي شحاطة وإلا فسق وإلا عيز

شدعوا موقادرين تمسكون عيالكم ساعتين ثلاث؟
حاشرين الخدامة بوسطكم تسمع سوالفكم وتطمش عليكم
والله اني جم مرة بالأفنيوز لي قعدت أشوف العجب العجاب

مشهد 1
وحدة مع ريلها معاهم بنوتة يمكن عمرها سنتين
الريال شايل البنية والخدامة وراه بالضبط تلاعب البنية
والأم اتسحب وراهم على بعد جم متر! <<-- شنو موقعج من الإعراب؟

مشهد 2
وحدة وريلها وبنوتين حليوين اشكالهم بين السنتين والثلاث وخدامة مادة البوز 3 اشبار
الابو ركب مع البنتين بلعبه والام تقول حق الخدامة روحي مع بابا
والريال يقولها لاتيي البنات انا معاهم
اترد المرا لالا خل تمسكهم معاك
والريال بعصبية يقول حق الخدامة لا تيين روحي قعدي هناك
وساعة على هالحال.. <<-- يعني اذا ريلج وده يمارس ابوته ويلعب مع بنياته ويجابلهم شجعيه مو غصب تحشرين الخدامة
وبعدين تقولون الرياييل متبرين ومايشاركون ولا يساعدون

مشهد3
ريال ومرته مرتزين ع الطاولة ياكلون
والخدامة وياهم علابو توكل الياهل مجابلتهم ويه بويه وتسمع سوالفهم وغشمرتهم و..!
وإلا يبلعون وقاطين ولدهم عالخدامة بطاولة ثانية توكله وتلاعبه!
سؤال ليش يايبين عيال دام مالكم خلق حتى توكلونهم او تلعبونهم؟



المواقف وايد وهذا غيض من فيض
واكيد مر عليكم اكثر
والله شي يحز بالخاطر
مادري عيز واتكالية وإلا شحاطة وبرستيج؟
الله يصلح الحال

 

[om MaRyooM]

مشكورين على تفاعلكم ومشاركاتكم حبايبي

 

[ريماا]

رد : الخدم .. والطلعات مع الزوج واليهال !

المثل يقول كل واحد ينام عالجمب للى يريحوا
وانا رااحتى من غير خدم حتى بالسفر مااتقبلها عندى 3 لله يخليهم كلهم شايلين عمرهم فما احتاجها وحتى واهم صغاار ماكنت احتاج الخدامة انا وزوجى بطلعاتنا نتحمل عيالنا والحمدلله تعلموا النظاام الانهم يخافوون من ابوهم
غير جذى انا معودة عياالى يهتمون ببعضهم حزة الطلعة اقعد انا وزوجى بمكان واهم حوالينا يلعبون يديرون بالهم على بعض هذى بطلعتنا العائلية لكن بطلعتى انا وزوجى مااايروحون اخذ رااحتى انا وزوجى
وحتى لى طلعتهم بروحى او مع اختى مااااااعرف اخذ خداامة احس بتقيدنى بكل شى والحمدلله عيالى مايأذونى بالطلعة

 

[( المـلاك )]

على حسب المشوار