يعطيج الف عافيه دكتورتنا والله انشاء الله يكون في ميزان حسناتج دكتوره انا عانيت مع ولدي من كان عمره اربع شهور في ازمة الصدر والكحه الي كانت مسكين ما تخليه ينام ويرجع اذا كان يشرب حليب طبعا جربت الكمام وادويه كثير غيره مافي فايده كل شهر حايشته الازمه اذا مو مرتين في الشهر الى ما وصفولنا دواء للوقايه واهو السنقولير البودره وانا استخدمه من شهر 5 الي طاف يوميا الحين الحمدلله في تحسن عمره الله يحميه سنتين وثلاث اشهر السوال اقدر اخفف يعني ما اخليه ياخذه بشكل يومي وهل في اي مضره من كثرت اذا اخذه بشكل مستمر واذا قطعته ياثر عليه لاني سمعت انه ينتكس واخر سوال اقدر احطه مع الحليب او العصير في الرضاعه لانه الدكتوه قالتلي اخلطه مع الروب اواي اكل لين بارد مثل السيريلاك واسفه طوات عليج
اعتذر منج حبيبتي
سؤالج سقط سهوا مادري شلون ما شفته
اسفة مرة ثانية
بالنسبة لأسئلتج راح اجوب عليهم واحد واحد:
لا تخففين الجرعة الا بعد استشارة الطبيب المعالج
ما فيها مضرة كثرته اذا كان الطفل محتاجه
اذا كان الطفل يتحسن ممكن تتخفف الجرعة بالتدريج لين يوقف تحت اشراف الطبيب لأن بعض الاطفال اذا وقفنا الدوا فجأة ممكن ينتكس
ما يصير تخلينه مع عصير ولا حليب الفكرة انه ما نبي الدوا يذوب نبي الطفل ياكله مثل ماهو بحالته البودرة او تقدرين تاخذين الحبة بنفس جرعة البودرة ( 4 مجم ) و الحبة مضغ مو بلع فممكن ياخذها ولدج بسهولة
سلامته ولدج ما يشوف شر
