الدين صار ع ناس و ناس !!

[love-s-h-f]

قووه

شلونكم شخباركم ؟

موضوعي اليوم شوي حساس عن المدينين

ف من ألحين اقولكم إلي بيزعل يطلع


---

الموضوع :

طبعا ماراح اتكلم مثلا عن المدينين الشيعه
لا راح اتكلم عن الشيعه و السنه


رجاءا لا تزعلون من الكلام إلي بقوله ولكن هذا الصج

واايد ما نشوف واحد لحيه طويله و دشداشه شوي قصيره
يمشي بالسوق
انزين

تلقونه من يشوف بنت مو متحجيه ولا حاطه ميك اّب يقول استغفر الله و ينزل راسه
انزين ليش اطالع

بس تدرون روحو شوفو بنته
<< انا ما اتكلم عن الكل

تلقون بنته مترصرصتلي بهل عبايه حيل ضيقه و ماله اداعي اقول شنو راسها !!
الورده شكبرها و الميك اّب لا تعليق ولا حرج
ولا عنده بنت مو متحجبه و الام تلقونها نقاب و مادري شنو !!

اي شي شنو هذا

هذا و اهوا يخطب بصلاه اليمعه و مادري شنو !!

الدين صار ع ناس و نااس

بحول كلامي للطرف الاخر

ملايه تروح الحسنيات تقرى
و تدعي
و مادري شنو
ولازم تحجبون بناتكم
و اهيا عبايه راس و حجاب بو حنج هذا
و بنتها شايفينها بدبي بجميرا اب مايووه !!

الدين صار ع ناس و ناس


ولا تبون اضحكم اكثر

خل اقولكم شي طبعا الكل يعرف جامع الازهر إلي بمصر

انزين
الشيوخ كل يوم و الثاني يطلعون لهم تحليل
اخوي يقول تبون تحللون شي عط حق واحد فلوس و يحلل لك الحرام
خل اقلوكم مثل

شرايكم ان واحد منهم محلل الحشيش (المخدرات )
والله سبحانه مانع كل مسكر يفقد الواحد وعيه و ادراكه !!

ولا صارت ضجه قبل فتره تدرون شقايلينا بعضهم
ان البنت يصير تبوس الريال << حبيبها !!
و العكس

و البعض قال حراام




يا عااالم اصحو من غفلتكم شنو هذا واحد يحلل بكافه و الثاني يحرم
و واحد يخلي الدين ع ناس و ناس

ترا كل شي مكتوب بالقراّن ف لا يقعدون يخرفون يحللون و يحرمون بكيفهم

انا اقول يمكن ردينا ايام الجاهليه شنو الحشيش حلال بكييف منو

الصراحه حدي منقهره !!

وكل شي كتبه صاير بالواقع و قاعدين نعيشه !!


لحد يزعل من كلامي ولكن هذا الصج !!
هذا إلي صاير
يحلولون و يحرمون بكيفهم

الدين صار ع ناس و ناس

شنو هذا !!





و سوري لاني طولت عليكم

يعطيكم العافيه
ولحد يزعل من كلامي


و سوري انا كنت حاطته اب منتدى ثاني و نقلته لكم
عشان جذي كلامي مو مؤنث :$

 

[البرنسيسة غلا]

اللهم ثبتني على دينك ... واللهم استرني فوق الارض وتحت الارض ويوم العرض ...

والله مدري شنو اقولج ؟؟؟
الله يهديهم ويصلحهم ويكونون عون ع الطاعه يارب ...

ماحبيت اقرأ الموضوع من غير ما ارد ... يسلمو

 

[WHO CARES!]

اي والله ماقدر اعارضج كلامج عدل بس الناس ما تشوف روحها بس تشوف الناس شسوت وشلبست

 

[viva la glam]

اي والله صاجه الحين كل واحد يحلل ويحرم على كيفه

 

[ريم الرشيقة]

صدقتي يا وخيتي
الواحد مايشوف نفسه
ويطل بجيبه
ويصلح نفسه واحواله
لا اااااااااااااا يبتدي بالغير
الله كريم

 

[Preity]

صج ان قامو يحللون ويحرمون ع كيفهم
حتى محللين سماع الاغاني بعد بس انا اول مره ادري انهم حللو الحشيش بعد
نروح للمهم
شوفي حبيبتي كل واحد عقله براسه يعني احنا مو يهال علشان نقع بهالذنوب والخرابيط
والحلال والحرام واضح مايحتاج احد يفتي لج بشي
وبالنسبه للشبهات الافضل تركها ..
وبالنهايه اقولج ترى كل واحد يوم القيامه بيتحاسب بروحه
يعني اذا اصدرو فتوى عن تحليل الاغاني انا مو معقول اصدق واروح اسمع لا لا ليش ماعندي مخ يفكر
بتحاسب يوم القيامه بروحي
وكلامج كله صح وماغلطتي بشي بس مانقول غير مامقلب القلوب ثبت قلوبنا ع طاعتك
والله يعطيج العاافيه

 

[7neaN]

واايد ما نشوف واحد لحيه طويله و دشداشه شوي قصيره يمشي بالسوق
تلقونه من يشوف بنت مو متحجيه ولا حاطه ميك اّب يقول استغفر الله و ينزل راسه انزين ليش اطالع

عيل انتي أهون أنا قبل جم يوم رايحه تروفاليو وكان في ريال دين واقف يم الكاشير ولا تمر وحده متحجبه
بس مملوحه قعد يخوزر فيها تخوزر اهي مسكينه ما لاحظت بس أنا طارت عيوني قاعد يطالعها مطالع لا و الأدهى
من ذلك قام لف جسمه كله لين راحت أمبي شنو هذا و لحيته شطولها يعني شيسوى عليه باجر يقولون عنه لحيته شطولها وقاعد يخوزر بالبنات يعني بصراحه أنا أستغرب أنا أحب الإنسان المتدين الي يكون صادق بدينه و معتدل فيه بس جذي لأ .. ! معاج % حبيبتي ... لا والي قلتي أهون بعد ..

ولا صارت ضجه قبل فتره تدرون شقايلينا بعضهم
ان البنت يصير تبوس الريال << حبيبها !!

أنا قريت عنها بالجريده بس غير شوي إنه الريال إذا يشتغل مع مره عشان لا يصير حرام
عليهم الخلوه تقوم المرأه بإرضاعه .. !!!!!! أمبي وين قاعدين حسبي الله عليهم ناس وصخين يحللون
ويحرمون على كيف كيفهم ..

لحد يزعل من كلامي ولكن هذا الصج !!

وليش نزعل حبيبتي معاج حق بلي تقولينا وحسبي الله ونعم الوكيل ..


و شكرا ع التوبك ... ​

 

[UK_Girl]

البعض صار ياخذ الدين ستار يخدع فيه الاخرين ..

وصار الدين مظهر (لحيه ودشداشه قصيرا او عمامه ماتفرق او عبايه سوده ونقاب ) بلا جوهر بس شكل وديكور ...اخلاق مافي وهذا الاهم ...انا ساعات افكر ليش الناس تصلي وماتأدبها الصلاة ؟؟ وليش يقرون قران وما يأدبهم القران ولا يتخلقون فيه ...استغرب و علامات التعجب تدور براسي.........!وشكرا موضوع حلو

 

[شموع الفرح]

صاجه وفى ناس تتكلم عن يجوز وما يجوز وهما الذمه شوسعها واكبر حراميه ولا تلقين عيالهم لا صلاة ولا شي الله يصلح الجميع ويهدينا اجمعين

 

[وردة الهوى]

والله صاادقه
يسلموو على الطرح

 

[جـــواهر]

والله صح كل اللي قلتيه وكله بكوم واللي يحرمون الصالات بكوم
تلاقينها ماتجي صالات وتقول حرام واذا اضطرت ماتجي الا العروس اللي فيها طق اسلامي

عاد تعاي شوفي لاسوت عرس لولدها ..... بصاله وطقاقه مع اورق =موسيقى بعد ......


شي يقهر حلال عليهم وحرام علينا ....

 

[فـــخـــر]

ياربي اكره الناس اللي جذيه الشي لاصار عند غيرهم مايصير وحرام واذا وصل لهم صار حلال بقدرة قادر ياسبحان الله ...

ناس منافقه وتبط الجبد .... اول شي شوف عيبك اهم لا يبدون بغيرهم ومايشوفون نفسهم الحمدلله والشــــكر ناس مرضى ..

 

[اشراقة المحبة]

حبيبتي يسلم راسج وصح السانج بكل اللي قلتيه/ قلبج على قلبي /////////

 

[انونا]

فديتج والله اي في ناس استغفر الله

اعرف دكتور شريعه ملبس بنته عبايه تقوله ليش ما ابي يقولها لا عيب فشله شيقولون ربعب

يعني مو علشان ربه خخخخخخخخخخخخخ

ولا واحد والله يا بنات واقسم بالله ان شرطي لحيه وحالته حاله ياي يتحرش ويقولي انه يحب يتزوج المطلقات (( قصده متعه او مسيار))

وقالي عادي اسمع صوتج الحلو انا مو خفت الا بقيت اموت

وهمن مره اعرف وحده حلال هذا وهذاك حرام حق بناتها كل شي عادي والمشكله تناشيبني خخخخخخخخخ

ناس ما ادري شلون تفكر

 

[فتفوتة...سكر...]

حبيبتي كل واحد راح يتحاسب عن نفسه الانسان عليه التوجيه والنصيحه يعني الملتزم ما يقدر يجبر مرته والا بنته على شي لأنه الشي اللي ما

راح يصير جدامه راح يصير من وراه والملايه نفس الشي يعني آنا أنصح وأوجه بس ما أقدر اجبر أحد ..

لأن الرسول صلى الله عليه وسلم ما قدر يهدي عمه ابو طالب وهو أقرب الناس الى نفسه وكذلك سيدنا ابراهيم عليه السلام

ماقدر يهدي ابوه .. وسيدنا نوح ما قدر يهدي ابنه .. وكثير من الانبياء والصالحين نجد من اهلهم وزوجاتهم من الغابرين ..

استدل بكلامي هذا بقوله تعالى :
( إنك لا تهدي من أحببت ولكن الله يهدي من يشاء وهو أعلم بالمهتدين ) سورة القصص

وبالنسبه للي يفتون بكيفهم حبيبتي قد أبلغنا رسولنا الكريم إن في آخر الزمان الله ينتزع العلم وفيما معناه ان لا ينزع العلم انتزاعا من عقول

العلماء ولكن ينزع العلم بموت العلماء .. وهذا اللي قاعد نشوفه أكثر العلماء توفو عسى الله يرحمهم ويتقبلهم القبول الحسن .. يرحمنا برحمته

ويثبتا على الدين الصحيح ويحفظ ما تبقى من علمائنا .... آمين

وبالنسبه للاخت حنين مع اللي الملتزم اللي شافته بترافاليو .. نرد ونقول حبيبتي العيب مو بالدين العيب بمن يدعي التدين والله المستعان .

وآسفه على الاطاله .. وتقبلي مروري يالغاليه .

 

[كوكاو بو نجوم]

و الله انج صاجة و اتفق معاج

بس انا عندي تعليق على البعض البنات يمكن يكون داش عرض شوي << اسمحيلي
احيانا الصورة اللي بالتوقيع تكون مو لايقة خاصة لما يكون تحتها دعاء >> حدي داشة عرض


المهم يعطيج العافية تكلمتي بجرأة لكن حافظتي على الادب و مشاعرالناس

 

[brettey]

اي عادي اعرف وحده داعيه ونقاب ومتشدده وما تروح عروس بس عروس عيالها
وعقب سمعت انها حاشه فيني ومو بس انا حاشه بناس وايد
والمصيبه انه بناتها ترصرص ومكياج وبنطلونات و من ربع المسيله وعندهم بويات
ربي بناتج بالاول
واعرف وحده خذت واحد متدين حسر فيها يطقها ويسبها ويمنعها من اهلها
ياحظي تنصح بالدين وين اخلاقك مستقوي على زوجتك وتمنعها من صله الرحم
وماتحملت تطلقت لانها زهقت والحمدلله الله عوضها بزوج زين وخوش ريال

 

[[[ عيون جابر ]]]

اي والله قطيعه حلال عليهم وحرام على الناس
درر درر حبيبتي تسلم ايدج

 

[•´мs.B A S H O R A`•]

خلوو الناس بحالها
ربي و ربج اهو الي يحاسب
الي يحلل الحرام ربج بيعاقبه
و الي الدين على ناس و ناس قصدج ( باب النجار مخلوع )
هم ربج بيعاقبه
لا تخافين كلن بيتحاسب بهالدنيا محد منحاش !!

و شكرا عالطرح

 

[w7da_3ishtaw]

سالفه ان البنت تبوس حبيبها هذه حطوها بالاخبار..
يعني وييع اي شي شنو هذا قامو يحللون و يحرمون ع كيفهم
بعد شفرقنا عن الغرب ... ؟؟!!
حرام والله حرام ما يصير و انا اايدج اختي بكل كلمه قلتيها
و تقبلي مروري يالغلا