الزوج اللي يحكر زوجته ويحبسها شنو الحل معاه

[some one waw]

اول شي جي وبعدين يطخ صدقيني

 

[om MaRyooM]

اسمحيلي

معطيته ويه واايد

قلنا طاعة الزوج اوكي
احترام رغبته بعدم لبس الاشياء الملونة والظيجة وهالامور اوكي
مايحب المجمعات والزحمة اوكي


بس كل شي يوقف عند حد معين .. الا كرامة الوحدة وحريتها !!
شنو هذا

هذا سجن مو زواج


ودامج تقولين حاولتي بكل الطرق ومافاد مالج الا الصبر ان كنتي تحبينه وتبينه !
والا احنا مانقدر نفيدح بشي اختي
مااقدر اقول غير الله ياجرج ويصبرج

والقرار لج وانتي ابخص

 

[صمتها ونه]

ارضي باللي عندج دامج تحبينه وتعشقينه وبعدين فكري بايجابيه
مثلا لما يقولج لاتحطين مكياج ثقيل = اعتبريه اهتمام بالبشره
ولما يقولج لاتلبسين قصير = خايف عليج من العيين
ولما يقولج لاتروحين اسواق = تذكري حديث الرسول عن طلعة الحريم من البيت
ولما يقولج لاتروحين سينما = قصده بيشوف الفلم معاج بالبيت
ولما يقولج لاتلبسين جدام الحريم = لبسي جدامه
والله اني اعرف وحده قريبه مني حيل حالها نفس حالج وصبرت ونالت اللي تبيه بس مو كل اللي تبيه وكلشي بالمساحل ان عاندتيه عاندتي نفسج. والله حتى احنا ودنا ناخذها معانا بس مستحيل يرضى حتى زواره ممنوع بس شتسوي تحبه ويحبها ومومعقوله تخسر بيتها عشان سوالف لبس وطلعه.
يتلي فتره صار ريلي حكره كله قعدي بالبيت وغير المقوله (جنة الحريم منازلهم) هههه عادي تدرين شسويت؟ سويتلي قعده فوق السطح وخليت عيالي يلعبون وسويت باربيكيو وقمت اعزم برفيجاتي بالبيت واهوا دوم طالع وكل ماصارت يمعه اعزمهم بشقتي وبس قمت اغير ومع الوقت تغير عتريس وصار عادي عنده اني ازورهم وكنت اخليه اهوا يقطني عطيييييه الامان وبس.
وبصراحه ادري ثقيل الموضوع ويقمت القلب بس شتسوين؟ اجرج عند الله

معاااهاا بميه بالميه كلامج زينة العقل يسلم راسج

 

[koky alnassar]

لاحظت شي اذا ما خاب ظني ريلج حجر و شكله بخيل شوي

عموما الله يعينج ما اقدر اقول لج شي بس روحي بيت اهلج فتره و زعلي عليه و شرطي عليه ما ارد وياك الا اذا صار كذا و كذا لانها مو حاله و فهميه ان عدم الثقه يولد الطلاق

 

[april_q8]

الحمدالله و الشكر اللي تقول لها حمدي ربج !! استغفر الله مو من حقه يقمتج هالقمته لازم يكون في ثقة

 

[Sisyphus]

بنات تكفون ما احس اني لقيت حل لي الحين
منكتمه حددددددي ابي احد يواسيني
انا مو راعية هياته
بس بطلع ابي اغير جو
مو معقوله اطلع مره و انحبس اربع شهور

ملييييييت من هالحياة تكفون ابي حلوول

 

[قدساوية 99]

شكلج في بداية زواجج انا بعد أعاني من نفس المشكلة بس الفرق بيني وبينج أن مايتحكم بلبسي لا بس الطلعات بعدين انتي ريلج مايروح مجمعات انا ريلي يمنعني ويروح اهو وربعه ... واااي الله يعينا

 

[PuPa^^SWeeT]

ما نقدر انشيشج على ريلج


يا انج اتناقشينه بهدوء


ماقدرتي

الي عليج اتطيعينه

 

[رتو الكيوت]

اذا توج عروسسس سنه سنتين ويطخ عقب العيال

 

[Alias]

شكثر صار لج متزوجه. اذا اول سنتين هذا شي عادي

 

[Sisyphus]

اب
اب
اب
اب

 

[manoooram]

حبيبتي الغاليه دامج تحبينه وزين معاج
مع الوقت بتتأقلمين مع شخصيته او ان بطريقتج معاه بتخلينه يخف عليج شوي
والله الهادي ويخليكم لبعض

 

[طاالبه]

الصبر اختي هو مفتاح الفرج

ومع الوقت والأقناع بالتدريج

راح تخف عنده هالحاله

وجزاك الله خير على الصبر والطاعه​

 

[مريوم الجميله]

واي واي امبيه والله انتي نفس حالتي بالضبط
لاطلعات ولا تمشيات وحكره بالبيت والله العظيم انا صارلي سنتين متزوجه ويايبه بنوته اول الزواج شي مو طبيعي بس اللحين اخف
تخيلي اخر موقف اليوم انا ساكنه ببيت حمولتي كلنا متفقين من امس الي اهو يوم الخميس ان احنا نروح المخيم ورحت خذيت اغراض للطلعه طبعا بعد طلعه الروح ويوم جاء يوم الجمعه اهم راحوا وانا قعدت قعدني واهو يدري اني متشفقه عل الروحه وشنو السبب انه خايف عل بنته من البرد مع ان. قطر مافيها برد كلش
انا كويتيه بس ماخذه قطري ، بجيت من الحره وانقهرت . امه تقول بغار عليج بس هذه مو غيره اهو يحسسني ملكه يتحكم فيني متى مايبي . الناس كلهم طالعين البيت وانا محلبوسه حتى بنتي كسرت خاطري زهقت تبي اليهال ، قعدت طول اليوم نايمه . في احقر من جذي ؟
انا ماقول اهو بخيل بس الفلس يطلع منه بالحسره ، شتبين فيه ؟ ليش الخساير ؟ ماله داعي ؟
واذا رحت مع احد غيره السوق مع ان عنده علم اني بطلع ، ينطقر اسبوع :eh_s(1)::eh_s(2):
امرنا لله
عل طول قولي افوض امري الى الله ان الله بصير بالعباد
السالفه تحر حاسه فيج والله
االله يصلح حالكم

 

[MaZyOoOoNa]

اذا تقولين مو مقصر معاج بشي لا تدلعين على شي انتي من داخل مستانسه ان ريلج يغار ياحبيبتي قولي حمدلله في بنات يعانون ان ريلهم مادرا عن هوى دارهم

 

[بكيزة هانم]

الله يعينج .. بس صدقيني مع الوقت بيلين

 

[ام زهقانه]

الله يقول بالقران ولا

تضيقواً عليهمن
حتي
الله ذكر ان رجل لا يقمت المراه ولا يضيق عليها
الان الضيق يولد انفجار

 

[unknown1988]

الله يعينج

هاذي مو غيره هذا حب تحكم !

الحل بايدج انتي تاخذين موقف حازم ! تتفاهمين معاه بحزم و تقوليله عطني اسباب تقنعني باللي تسويه !!

قوليله انا بشر الله ما خلقني بس عشان اكل واشرب انام ،، عندي احساس افرح ازعل واتضايق واستانس حس فيني ما طلبت الحرام !

والطلعات ابي معاك انت زوجي انت المفروض تحس فيني وبزهقتي ونطلع نغير جو ..

وعند البنات دام مو حرام ليش ما ترضا ،،

يعني كلميه بالمنطق والعاطفة و خليييج حازمة

 

[نونهQueen]

شوفي حبيبتي انا قبل لا اقول لج رأيي او نصيحتي بالاصح رح اذكر لج موقف حريم اخواني

اخوي الكبير كان كله يتحكم في زوجته وكان يغار عليها غيره مب طبيعيه حتى انها قامت تتضايق منه تحس انه يشك فيها تخيلي كان مانع منها الموبايل وامي احتشرت كيف ماتييب لها والعالم عنده موبايلات هذا الكلام قبل تسع سنوات تقريبا المهم وكان حالف ان النت مايدش بيته مع ان اخوي والله انه ملتزم يعني مب راعي خرابيط نظيف جدا ومايدخن والحمدلله محافظ ع الصلاه بس كان وايد يسمع سوالف واشياء ومواقف عشان جيه كان حريص كل هالحرص والله انها كانت تزعل وتبكي وراحت لاهلها مرتين يمكن ويا الوقت والله الحين اي شي تبيه متوفر عندها الحمدلله تغير للاحسن بــــــــــــــــــــوايد ولله الحمد .

اخوي الثاني هو خربوطي حبتين نفس الشي كان مايحب حرمته تطلع من البيت يعني من ناحيه الحفلات والاعراس بس حفلات الاهل وكان يسهر ومايرد الا متاخر ومايعطيها مجال انها تناقشه كله يقول انا الريال وانتي الحرمه وعلى كيفي ومب انتي الي بتتحكمين فيني اسوي الي اسويه واشياء وايد وهي كله صابره والله العظيم الحين كل شي في بالها تسويه من ناحيه طلعات واعراس وحفلات وموفر لها كل شي وماقام يسهر مثل قبل والحين محترمها ومقدرها ومن فتره طويله وهو على هالحال يعني تغير للافضل .. << مادري كيف هم غير عن باقي اخواني بس الحمدلله تغيروا للافضل .


الي ابى اقولج ياه انه ان شاء الله زوجج رح يتغير باذن الله مع الصبر والدعاء والرضا وترى لانه شي هو مانعج منه انتي تحسينه شي كبير انا وياج انه يمكن مزودها شوي في بعض الشغلات بس حمدي ربج انه نظيف وراعي دين ومهتم فيج ويحبج فيه ازواج مايحبون زوجاتهم ولايهتمون فيهم ومخلينهم على راحتهم من ناحيه الطلعات والاشياء الثانيه وهالزوجات مب عايبهم الوضع لانهم يحسون باهمال من قبل الزوج رغم انه مب معارضهم على شي يعني مب كل حد راضي عن حياته ..



ادعي ربج وحمديه على كل نعمه انتي فيها وغيرج مب لاقيها ولاتركزين على سلبياته ركزي على ايجابياته ورح تتعودين ومب زين عشان نفسيتج استانسي وخليج فرفوشيه عشانج مب عشانه ودامه يحبج ومهتم فيج عشانه بعد خخخ


سوري ع الاطاله

 

[سماء الاحساء]

اللهم صل على النبي واله جزاك الله خير والجنه اذا صبرتي على مثل هذا