الشهر التاسع والنفسة الزفت والتعب ...حياكم نسولف ؟؟

[وردة النرجس]

والله من حقنا كل شي فينا حساس مشاعرنا

وجسمنا كافي اي قرصه او خز تحسين فيه

امبيه حتى الحكة تخليني احمر بسرعه

 

[anooma_86]

بنات توني راده من العياده بنتي ماكبرت كلش قالتلي الدكتوره احتمال المشيمه ماتغذيها عدل و عطتني حديد آخذه مرتين باليوم.. تتوقعون في خطوره عالبيبي ؟؟

 

[وردة النرجس]

مادري انوما

ليش ماكبرت تاكلين عدل كنتي ؟

زين اخذي الحبوب

وشوفي دكتوره ثانيه شتقولج يعني روحي مستشفى ثاني وخل يسوون لج سونار وشرحي للدكتوره او الدكتور الوضع

 

[وردة النرجس]

انوما

ابشرج ريلي جدم سفرته بردون الخميس

انشالله اصمد بس هال٣ ايام

 

[anooma_86]

حبيبتي انا منتظمه بالفيتامينات عدل و انا وزني زاد بس اهيا لا و انشالله عميليتي يوم السبت.. والله خوووووش بشاره الحمدلله عشان يكون معاج وقت الولاده الحمدلله

 

[وردة النرجس]

اي يعني مابقى شي خلاص هانت

اي شفتي الحمدلله انشالله اكون صامده لي وقتها

 

[anooma_86]

انشالله يارب.. انا امس وديت قشي بيت امي و فرشت كفري و صففت كل الأغراض بالكبت و ارتحت بس باقي انشالله اغراض ولدي انا موصيه الخدم ان يوم طلعتي من المستشفى يودون اغراضه بيت امي

 

[بون سواريه]

يا حياتي يا انومه الله يقومج بسلامه وعقبال مارتشوووفين نتوفه بيدج
وردة النرجس مشكوووره قلبي وعقبالج يا رب.
الله يسهل علينااا

 

[anooma_86]

حبيبتي بون مشكوووره و آميييين يارب انشالله أشيل هالنتفه بإيدي ياحلاااتها.. الله يستر اهيا نازله عدل بالحوض حتى بطني نازل انشالله ياربي تصبر لي السبت

 

[anooma_86]

بون انتي متى آخر موعد لج انشالله؟؟

 

[وردة النرجس]

واي امونا

شكلج موصله حدج

قعدي ارتاحي لاتمشين وتحوسين وايد كلا تمددي

 

[احلام هزيله]

مسااااكم الله بالخير

والله يهووون علينا يارب

حدددي تعبانه وثقيله استغفر الله كل مره حمالي تعب بس هالمره اكثثثثثر النفسيه زفت وترجيع

النساااااااة والاشهر اللي بالنص كله هبوووط حاد وزلاااال والحين الحمدلله دخلت التاسع



وبعد قاعده اجهز شغلي للولااااده بس اللي ابيه ان الله يقومني ويقومكم بالسلامه يارب ؟؟؟

بطني يا ربي شكبره ... الحين منسدحة على جنب واكتب مشاركاتي .....

ادعووووووووووووولي

 

[anooma_86]

واي امونا

شكلج موصله حدج

قعدي ارتاحي لاتمشين وتحوسين وايد كلا تمددي

انا من ناحية اني واصله حدي فانا وااااااااااصله بس منسدحه و موقاعده أتحرك وايد لأني اليوم ضبطت كلشي مع الدكتوره حق يوم السبت انشالله و اخترت دكتورة تخدير وايد زينه و لان يوم اجازه فالكل يقدر ايي معاي المستشفى

 

[Mi$sLe$s]

السلام عليكم
انا بعد وياكم بالاسبوع ال ٣٨
كنت اتابع ردودكم وكلامكم بس ما طرى ببالي اكتب
بطني نزل حييل من اول التاسع والرحم مفتوح ٢ سانتي
بس لي الحين ربي مو كاتب ولاده
احس ثقلت حييل ومرتين شربت دارسين ما اثر
اييني نغزات مو منتظمه وبعد الحمام وانتوا بكرامه احس رطوبه زايده
اخاف انها الماي مال البيبي
طمنوني حبيباتي ،،

اخر موعد لي ٢٧ والله ييسر
دعواتكم*

 

[anooma_86]

أحلام والله حاااسه فيج و الحمدلله هانت هانت انشالله.. بس بسألج عطوج موعد معين عشان تولدين؟ لان الي يصير فيهم زلال وقت الحمل يولدونهم مبجر

 

[وردة النرجس]

شكلج صامده وياي اختي العزيزه


لا عادي الرطوبه هذي شي طبيعي باخر شهر

مانلحق عالسراويل الداخليه والكيرفري شي طبيعي

والماي عزيزتي مو جدي ينزل لا تحسين كانه حنفيه وتبطلت

وكانج سويتيها على نفسج وماتقدرين تحكرينها او تحصرينها

انا شكلي بكمل شهري كله لان انا اغلب ولاداتي جذي اكمل شهري يعني ماتفرق على موعدي الي حاطيلي ياه الا جم يوم

 

[anooma_86]

السلام عليكم
انا بعد وياكم بالاسبوع ال 38
كنت اتابع ردودكم وكلامكم بس ما طرى ببالي اكتب
بطني نزل حييل من اول التاسع والرحم مفتوح 2 سانتي
بس لي الحين ربي مو كاتب ولاده
احس ثقلت حييل ومرتين شربت دارسين ما اثر
اييني نغزات مو منتظمه وبعد الحمام وانتوا بكرامه احس رطوبه زايده
اخاف انها الماي مال البيبي
طمنوني حبيباتي ،،

اخر موعد لي 27 والله ييسر
دعواتكم*

هلا حبيبتي الله يهون عليج انشالله.. حبيبتي الرطوبه الي تحسين فيها طبيعيه بالشهر التاسع كلنا نحس فيها.. متى آخر مره راجعتي و فحصتي؟

 

[Mi$sLe$s]

الاسبوع اللي فات والحين دكتورتي مسافره وباجر ترجع ان شا الله
بروح لها باجر او بعده باذن الله
انا هذي ثاني حمله لي بولدي مع اني متنت حيييل ما حسيت بثقل
بس هالمره وزني معقول بس ريولي احسها مفججه من صوب الاوراك
الله يهون علينا اجمعين

 

[Mi$sLe$s]

ورده وانوما الله يهون علينا كلنا ويعطينا هون الطلق وحسن الخلق
وحق كل اللي بعدهم ما ولدوا

 

[anooma_86]

اي انشالله روحيلها باجر و استشيريها قوليلها شنو اشرب و سأليها عن الخروع و شوفي شتقولج و اتوقع راح تفحصج مره ثانيه انشالله تكونين مفتوحه اكثر من ٢ سانتي و انشالله اذا رديتي من الموعد طمنينا