الشهر التاسع والنفسة الزفت والتعب ...حياكم نسولف ؟؟

[الشيرازية]

الوردة المنسيه الله يسهلج المشوار احس طويل اذا انا موعدي الاحد ومافيني صبر مليت والمشكله مافي احساس قوي اللهم شوية نغزات بالظهر والبطن الله يعين انشالله انا خايفه ان هدوء بريتي يطلع برود وتهملني اشوة ان فاقدة قالتلي انها خففتلها الكمام عشان اطلب منها اول شي انها ماتجيس الكمام وتحطه علي اعلي شي وانا دافعه علي شنو كله لعيون الكمام

 

[%F&R%]

انا رحت مراجعتي اليوم للحين بس ٢سم قالتلي شربي خروع واذا زاد العوار عليج روحي المستشفى
قلت مابي اشرب خروع لان امس شربت وماسوالي شي بس لوعه جبد بشربلي دارسين والله كريم اذا البيبي هذي حزته بيطلع
والي الله كاتبه بيصير

 

[اللولو الغالي]

حمد لله على سلامة اللي ولدوا

mrs.ls4
حمد لله على سلامتة قصتج تعور القلب بس اهم شي انج بخير والبيبي بخير
تعوذي من الشيطان وعلى طول شغلي قرآن بدارج ترى النفاس من غير شي تجيها نفسيه وتبجي

 

[نارنجه]

الحمدلله على سلامتكم كلكم
فاقدة و تبطي و mrs ( بعد عمري كلش مو خوش قصة طلعي صدقه عنج و عن البيبي و توكلي على رب العالمين و فوضي امرج له دايما و ابدا ولا هالدكاترة خوارة التساهيل من رب العالمين و بس )

انا ذابحني ظهررري
امس تكرمون ترجيع و عوار بطن
اليوم ظهري شاااب علي ونزل على شوي افراز بني

حاطة جدامي شاي زنجبيل اطالعه و يطالعني ما ادري اتهور واشربه ولا طاااااف


وقت الصجية و العواااار احس اني على كثر ما حنيت ابي اولد اخااااااف وابي اهون


عفية لاتنسوني من دعواتكم

 

[donutoo]

حمدلله على سلامة كل اللي ولدوا
والفال لي يا رب تعبت

 

[yasmeen_q8]

يااااا ربيييييييييي ابي اووووووولد
الله يسهل ياااااااارب

 

[yasmeen_q8]

دونات شربي شربي

 

[donutoo]

ياسمينا
لووووووووووووووول
شأشرب ؟! كل ما قلت بشرب وأقوم اسوي لي اخق !! ترا أنا خوافة درجة اولى حدي امشي بس
اما سوالف خروع دارسين مادري شنو اخاااااف

 

[اللولو الغالي]

شتشربون !
لاتقولون خروع
ووووع جربته قبل لوعه وسهال عل الفاضي

 

[donutoo]

اللولو الغالي
الخروع اكثر وصفة يوصفونها لنا والدارسين وانا لا هذا ولا هذا على الله انشالله

 

[اللولو الغالي]

والله انا مجربه كلللل شي
خروع دارسين كف مريم
ماكو شي نفعني
خليها على الله احسن
حتى المشي مشيت مشي لين تكسرت وهم ماكو ما اولد الا طالعه روحي
الشي اللي يولدني الفحص الداخلي وهذا مايسونه الا لما اتعدى موعدي ويكون البيبي نازل بالحوض وقريب

 

[donutoo]

بنات أنا نسبة الجكر عندي زااايدة واايد
لا ميك اب ينفع لا شي استغفر الله يا ربي وشعري مستشر وقاعد

اللهم لك الحمد ولك الشكر بس كل ما طليت بالمنظرة اخترع والله

 

[La t7atini]

البجر اطوول اخذووها مني ههههه
انا عوشرت وهم بعد بولاتي طوولت
طلوق يووم كامل ياله ولدت


شلونكم انتوو منو ولدت ومنو عوشرت


اسأل الله لكم الولادة السهلة والطلق الهيين

 

[الوردة المنسية]

أنا ماجربت ولا شي
بس مشي على الخفيف مو وايد
في بجري طلق صناعي
وحدي خايفة الحين
ما أبي طلق صناعي​

 

[ميس:)]

شربي خروع

 

[yasmeen_q8]

الله يسهل علينا يا رب:yaaaaaarb: :eh_s(11):
يااا رب نولد

 

[donutoo]

اللهم أني اسألك هون الطلق وحسن الخلق

أنا باجر ادش العاشر

 

[اللولو الغالي]

اللهم ااامين

الله يسهل عليج دونات
عادي انا ٤ ولادات اعوشر فيها

 

[donutoo]

ودي اروح اطل عالمستشفيات اشووف شالوضع !! يقولون حده زحمة اليوم عشان التاريخ

 

[تبطي عظم!]

الله يسهل عليكم

انا تعبانه نفسيتي عقب الولاده ما ادري شفيني بس ابجي

واحس بضيقه وولدي بس يشرق كو قادره انام ما ادري شفيه يشرق جذي بروحه ويزبد

ويطلع من حلجه وخشمه بلغم !!

شسوي هالشي طبيعي تكفون طمنوني متضايقه حيييل عليه كاسر خاطري غير المغص وربي مالي يومين والده ببس احس انهم اطول يومين

حييييل تعبانه من ولدي ومتضايقه وزنه كيلوين ونص صغيير ويكسر الخاطر