الشهر التاسع والنفسة الزفت والتعب ...حياكم نسولف ؟؟

[أكذب عليك]

تبطي الف مبروووك حبيبتي يتربي بعزج وعز ابووه
عادي اللي يصير بولدج اختي قبل ولدها اول مانولد
بلغم وحرام يكسر الخاطر حيييل بس راجعوا فيه وعادي
وضع طبيعي واخوي الصغير جذي


اما عنج كل اللي تولد سبحام الله تصيرلها الكأبه والبجي
لاتنامين الا والقران مشتغل وعادي حيل وحتي لو بتسألين الوالده بتقولج نفس الشي
اذكر اختي تكره ولدهاا وتبجي وسبحان الله من طلعت من الاربعين تغير الوضع


وعيني من الله خير وزين فرحتيناا بالخبر مبرووووك*

 

[donutoo]

حبيبتي بطبط مايشوف شر انشالله
عادي ولد أختي جذي لما كبر راح الحمدلله بس انتبهي له لا شرق ووديه الطبيب يمكن يغير له الحليب
والاكتئاب طبيعي شغلي قرآن ولهي نفسج حبيبتي ، ادري النفاس تكون الوحدة بعيدة عن زوجها وبيتها وهذا مو سهل ، انشالله كلها جم يوم وتردين تنورين بيتج انتي والكتكوت بصحة وسلامة انشالله

 

[mrs.ls4]

مبروك تبطي ماياج وحمدالله على سلامتج
انا اخس منج انا صارلي ١١ يوم من ولدت وبجي انا والياهل حتى زوجي صارلي ٣ ايام
طاردته من بيت اهلي واهو متشفق علي وعلى الياهل بس من يدق اتهاوش معاه وابجي
وامي اتزفني اتقولي موزين جذي على البيبي
ما ادري شحايشني كآبه موطبيعيه وكل ما اتذكر يوم ولادتي ابجي واتحسف واتحسر
واقول ياريتني ماحنيت ولا استعيلت
ما ادري شفيني ما استحمل الولد يبجي ابجي معاه واتنرفز ووصلت اني اطق نفسي طراقات
لاني السبب ان ولدوني قبل موعدي
وقمت من اروح تكرمون الحمام ولا اتحرك شوي بعيد عن ولدي اتخيله يبجي واييله اركض
اشوفه نايم
وهذا غير التفزز بعز النومه اطالعه نايم وابجي امسح على راسه اجيك على حركته على نسمه
قمت اوسوس
وااااي كلمة الدكتوره اترن بذني ليلحين ياناس العبت بنفسيتي حسبي الله عليها

 

[اللولو الغالي]

اسم الله عليكم

بنات النفاس معرضه للاكتئاب ديروا بالكم
لانها تكون ضعيفه بهالوقت وماعندها اراده
تعوذوا من الشيطان لانه سهل يتغلب عليكم

اوصيكم شغلوا القرآن كل يوووووووم
خصوصا سورة البقره
لا تخلون الضيقه ووسوسه الشيطان تتغلب عليكم
كلها جم يوم وتنسون هالالم كلها

 

[كلي لحبيبي]

فاقده وتبطي مبرووووووك حبايبي وناسه لحقتوني


لاتحاتيني انتي ولدتي ؟؟؟؟؟؟

 

[donutoo]

امبيه بنات هذا تجمع للشهر التاسع والنفسية الزفت !! صار تجمع النفاس والنفسية الازفت هههههههه

يا حبيباتي يا حياتي النفاااس تكون فعلا نفسيتها تعبانة، أنا اذكر اكثر شي كنت ابجي منه اهو بعدي عن بيتي وزوجي حتى ما كملت ٤٠ يوم

تركوا عنكم الوسواس وشغلوا قرآن وحبيبتي اللي تطق نفسها مو زين عليج ولا تلومين نفسج على ولا شي ترا كله مكتوب وبأمر الله صدقيني
حمدوا الله واشكروه ولدتوا بصحة وسلامة والكتاكيت بخير وفكروا باللي الله ما كتب لهم ويتمنون الضنى

شرايكم تقولون لنا شنو تجهيزاتكم لطلعة الأربعين ؟؟ خل نستانس شوية

 

[الشيرازية]

وانا لازلت صامدة باجر موعد الولادة اللي حاطينه لي مابي اروح عشان الفحص انا متاكدة لو تفحصني راح انتكس بعدها وتجيني ولادة صج ابي اولد بس مو من الفحص ياربي مادري ليش خايفه من الالم حيل هالمرة مع انها مو اول ولادة

 

[روح مووود]

مبروووووووووك للبنات الى ولدوو وعقبلناا عاد انا توى فى السادس الله يسهل على ادعولى بنات

 

[تبطي عظم!]

مشكورين بنات الحمد لله اليوم نفسيتي احسن تعوذت من الشيطان واشغلت نفسي بالتفكير بطلاعتي

وولدي الحمد لله يالله لك الحمد تحسن انا اتوتر اذا بجى حيييل اتوتر ~

باجر بيجي زوجي لانه كان مستلم من ثاني يوم ولادتي بنات ريحتي لووول كلها حلبه اشربها واجد يقولون

تدر الحليب امبيه اذا جا الرجال شسوي موزين كل شوي سابحه !!

عطوني طريقه مايشم فيها ريحة الحلبه 

 

[الشيرازية]

والله اعتقد ماكو طريقه تمنع الريحه انتي خليج علي خيستج لما يجي اليوم اللي بيجيج فيه اخذي شاور*

 

[تبطي عظم!]

الشيرازيه

روحي ترا انا رايحي موعدي العادي مافيني شي ولا يفحص ولا مفتوحه ودخلوني ولاده على طول ساعه ولا ولدت تخيلي مو مستوعبه كنت

معاي طلق بس مو حاسه

حماتي فبجرها جذي بس بالثنو حست بالطلق

يعني كل حمال وولاده سبحان الله غير ~
*

 

[اللولو الغالي]

تبطي
ماتروح ريحة الحلبه
عاادي انتي النفاس خليه يتحمل
احنا شطارتنا حدها النفاس في حريم كل دوره حلبه مو احنا
لا يقرب صوبج هههههه
اصلا البيت اذا فيه نفاس تفوح ريحتها بكل مكان

 

[تبطي عظم!]

اللولو وي عاد

اخاف تلوع جبده وما اشووفه طول النفاس لووووول

يااربي بدورلي حل اليووم مستحييل اخليه يجي وانا جذي الوضع خطر وعلى المحك 

 

[اللولو الغالي]

ههههههه
تبطي والله انا اذا النفاس اطرده ما اخليه يجابلني عشان الروايح اولا والفيس الشاحب ثانيا
وثالثا عشان يشتاق لي

 

[الشيرازية]

تبطي خرعتيني عاد انا الحين الألم قاعدة احس فيه كل شوي صار متقارب نوعا ما تهقين اني مفتوحة؟؟؟ شكلي بروح وأمري لله

 

[فراشة الوادي]

الشرازيه طمنينا عليج الله يهون علينا وعليج وصح كلام اللولو بعد اربعين اغير لوكي ويشتاق لي

 

[%F&R%]

ابشركم بنات انا ولدت يوم الجمعه الفير ويبت احلى بنوته الله يحفظها لي اهي وخواتها

 

[الشيرازية]

ماشالله f&r مبروك والحمدلله عالسلامة انا الحين بالهادي فحصت وطلعت ١ سم طبعا اللي خلاني اجي الالم الفظيع زادت الطلوق لغاية ماصارت كل ١٠ دقايق قلت بس اكيد الحين مفتوحه. ولما جيت وفحصوني طلعت بس واحد سم وسوولي تخطيط وطول ماني قاعدة اصرخ من الالم جني بولادة يوم طلعت للدكتور قاللي حرام ادخلج الحين بس طالع طلقه وحدة كبيرة قلتله انا مت من الالم وتقوللي طلقه وحدة قاللي مهعليش روحي وامشي واشربي خروع ودارسين وارجعي افحصج قبل الساعه ست الله يعيني قبل هالالام احس فيها ةيكونون مدخليني. واشمشم بالكمام الحين راح اتعذب بدون كمام وشكلي اخرتي تحاميل وطلق صناعي

 

[الشيرازية]

الله يجزاج خير فراشة الوادي

 

[%F&R%]

الله يسهل عليج شيرازيه حبيبتي
شربي خروع يفتح رحمج بسرعه يصير ٢سم وخلي اهو يوسعج