الشهر التاسع والنفسة الزفت والتعب ...حياكم نسولف ؟؟

[الشيرازية]

حتي لو طاحو الخيوط مو معناته تاخذين راحتج لان اللحم بعده احس طري وبالنسبة للحفا نفسج استخدم بيبي سوفت ولاعت جبدي بادي معاي الهرش الله يستر

 

[تبطي عظم!]

اي عارفه لوول اكيد ماراح اخذ راحتي ههه

بس بعرف يعني اذا طاح ملتأم مو مفتوح !!

فهمتي علي انا اخاف يكون منفتح !!

بالنسبه للحكه لوول انا احس بحرارره هههههه الله يعين والله ~

 

[Stop. Ana. Top]

مبروك للي ولدوا
والفال لي وللباقي
بنات انا بطني للحين فوق يعني الجنين ما نزل للحوض مع اني اخر اسبوع بالتاسع

 

[اللولو الغالي]

يسلمج لولو

ولدتي ولا توج !!

اذا ولدتي الحمد لله ع السلامه واذا توج الله يهون عليج يارب ويسهل عليج ~

تبطي
ااااااامييييين
الله يسمع منج
لاتوني

 

[كاكاووو]

هاي
بنات كروشات
شلونكم
أنا الحين داشة الاسبوع الثاني من التاسع .. اخر موعد 12/10
صج صج النفسيه زفت والنومة بالليل حدها تييي بعد معاناة ،، مادري من الثقل وياالله ياالله انقلب ،، الويه انتفخ ،، أنا ناويه ان شاالله أولد بمستشفي السلام .. وان شاالله الله يسهل
ليلحين مابلشت مشي كل يوم اقول بمشي ولا لي خلق

 

[فراشة الوادي]

ياحياتي انتم نولد بالسلامه يااااارب ياااااارب العالمين ونفرح بشوفه عيالنا ياااارب
انا دخلت التاسع صارلي يومين والله يهوون علينا بس جدول مقدم ٤ايام غلط انا الحين ادعي ربي اولد وارتاح ياااارب ياااارب بسلامه وتساهيل ولكم نفس دعوه

 

[الشيرازية]

اتوقع ملتئم الجرح باللمس انتي تعرفين

 

[mannawy]

بنات فيني طلق كل ست دقايق اروح المستشفي ولا انطر؟ بليز ردوا بسرعه

 

[نور83]

مناوي شناطرهً روحي المستشفى الله يسهل عليجً انشاللهً كل ست دقايق وايد قريب يعني ولادة

 

[مواصله]

الله يسهل علينا ويقومنا بالسلامه يارب

انا موعدي بكره عند الدكتوره بتسوي لي سونار ان شاءالله تبشرني وتقولي ولادتج قريبه

استغفر الله من التعب احس مافيني روح

 

[A.N.L]

بنات ليش تستخدمون بيبي سوفت يقولون يسوي حساسيه انا بنفاسي

الاول امي كانت تشتريلي ليدي سوفت مابعد الولاده و وايد حلووو

ومريح وكنت احط 2 ورا بعض ولازقين فبعض علموني جذي بالمستشفى

 

[كلي لحبيبي]

قوا بنات

انا احس بحرقان خفيف صوب الخياطه بس معطيني جل احطه يخفف علي حيل
بس بنات انا لي اكثر من عشر ايام ولاطاحوو الغرز ؟؟


والخنقه ودقات القلب هذي عادي احس الكل يعاني منهاا




بنات انا ولدت حكومه يعني ماضيقت من تحت تجميلي
تهقون عادي ولا اروح اضيق خاص

يعني متوسعه ولا نفس قبل حددي خايفه ((
بليز الي مجربه تقولي

 

[غروب شمس و قمر]

الحمدالله عالسلامة يا بنات يا والدات
و الله يسهل و يعجل ولادتنا بالسلامة يا حاملات

بسالكم الخروع اشربه من كيفي و لا لازم من شور الدكتورة؟؟؟

 

[سيناسون]

الله يهونها ويسهلها علينا وعليكم كلكم يارب ...~

انا صارلي اسبوع بالثامن وحدي تعبانه وزهقانه من ألم ظهري ... وما سويت ولا جهزت ولاآآآآآآ شي

الله يكون بالعون

انا مثل حالتج بالضبط الله يسهل علينا ان شاءالله والكل يولد بالسلامه *

 

[سيناسون]

قوا بنات

انا احس بحرقان خفيف صوب الخياطه بس معطيني جل احطه يخفف علي حيل
بس بنات انا لي اكثر من عشر ايام ولاطاحوو الغرز ؟؟


والخنقه ودقات القلب هذي عادي احس الكل يعاني منهاا




بنات انا ولدت حكومه يعني ماضيقت من تحت تجميلي
تهقون عادي ولا اروح اضيق خاص

يعني متوسعه ولا نفس قبل حددي خايفه ((
بليز الي مجربه تقولي

عادي حبيبتي انا سوتلي دكتورتي تجميل بحمالي الثالث

 

[فراشة الوادي]

مواصله ياقلبي تولدين وونولد بالسلامه ياااارب


طمنينا عن موعدج ان شاء نولد قريب ياااارب

 

[هذا مزاجي]

وااااااااااااااي بنات
انا صارلي اسبووع بالتاسع
احس بضيقة خلق ابي اوولد وافتك
ولما اذكر الولاده اخاااااااف واصيييح
لاني بكر ومااعرف شي :eh_s(16):
ياااااارب سهلها علينا :yaaaaaarb:

 

[mannawy]

انا ولدت ولله الحمد والشكر.

 

[اللولو الغالي]

ماشاء الله مناوي
وحمد لله على السلامه


نبي تفاصيل ناطرينج

 

[مريوم الجميله]

السلام عليكم كروشات ..

ابشركم دخلت اول اسبوع بالتاسع ان شاء الله انها هانت مابقى شي ..حدي تعبانه صايره ثقيله ..ووودي اولد هالدقيقه قبل الي بعدها ..
خل اقولكم ..امس رحت مستشفى دار الشفاء ..لاني بولد فيه وابي افتح ملف عند د. مي ادريس .
فتحت ملف وسويت فحوصات وسويت سونار الحمدالله كل شي اوكي ..بس الدكتوره مو مرتاحه لها يعني شغلها مش حالك كل شي بسرعه جن في احد يلحقها ..:eh_s(4):
كلش مارتحت لها ..تقول لي امشي لا تقعدين ..جان اقول لها طيب عادي امشي إل تراب البحر يقولون يحفز للولاده ..جان تقول عادي سوي اي شي شربي حليب بالزنجبيل دارسين عادي مايضر <<هذه حجي دكتوره ..:eh_s(10):

المهم بنات من ولدت عندها اواحد تعرفه ولد عندها تكفون طمنوني مدري خاطري اغير اروح لدكتوره لاكشمي ..:eh_s(7):

اي وكاكاووو ترا انتي معاي مابيني وبينج الا 5ايام :ggdw:اللله يهون عل الجميع ..اخر موعد ولاده 15-12 :eh_s(2):

لوول كتبت قصه حياتي سوري طولت عليكم