الشهر التاسع والنفسة الزفت والتعب ...حياكم نسولف ؟؟

[A.N.L]

هذا مزاجي لووول شفيج ترا عادي كل وحده ولادتها تختلف عن الثانيه تدرين انا اليوم رحت سويت تخطيط ولا يقولون فيج طلق متوسط وانا مو حاسه بشي قتلها اييكم يوم الاربعا بالليل لووول

 

[عنـــآق ..!]

الله يسهل عليييييييييكم

 

[مريوم الجميله]

يمأه :eh_s(11)::eh_s(16):

اللله يعينا..

انا اللحين في الاسبوع الثاني من التاسع ..ا ..انا حدددي خاأآأآيفه ...
حتى مامشي ..خايفه تييني الولاده ..والله احس بوعار من تحت صدري بالضبط ..احسه من الضغط ..وصايره مانام الليل كله اتقلب نووومتي كللس مو مريحه ..:eh_s(16):

اللله يسهل علي وعليكم يارب وعل كل حامل قولولو امين :yaaaaaarb:

 

[A.N.L]

مريوم لازم تمشين خل يتفجج الحوض ويتوسع عشان البيبي ينزل وماتتعبين بالولاده

 

[ياغروري]

وااااي الله يعينكم
انا اشتهيت احمل
ههههههه
انا توني مملكه بس
بس حبيت اشوف سوالفكم اللي ماينمل منها

 

[مس لوتس]

اب
اب
اب

 

[كوووين]

الله يولدناا بالسلامة وسهل عليناا ونشوف عيالنا بخير والله لايخسر التعب انة صارلى اسوعين من دشيت التاسع وتعباانة حدى انة بولدى فتح بطن وماكنت احس بالم او مقص بالبطن بس هل المرة تينى طلوق بين فترة وثانية بس جد تعباانة وقلت للطبيب ليش ماتسويلى قيصرى لانة الياهل بدت حركتة تخف وخاايفة المهم عطانى موعد الاحد الياي اكون مخلصة 37 اسبوع بفحصنى تحت اذا الرحم مستعد بينطر اولد طبيعى واذاا مسكر الرحم بولدنى قيصرى لانة اذا ماكو مجال للرحم بتوسع مايقدر يعطينى طلق صناعى مايصلح للى فاتحة بطن قبل المهم دعواتكم بس سؤال يعور الفحص تحت وبشنو يفحص وماياثر على الياهل وسلامتكم

 

[زين ودلال]

الله يسهل ان شاء الله

 

[مس لوتس]

كوين عاد اعرف شكثر ماخذين طلق صناعي وهم فتح بطن بس طلقهم كان ياتحميله او جرعات بالدرب عشان الجرح والفحص سهالات تدخل يدها وتقيس وان شااءالله ربي يرزقج بولاده سهله ميسره

 

[lolo77]

الله يسهل علي كل حامل ويفرحنا بشوفه اعيالنا بصحه وسلامه


كل يوم اقول اليوم في ولاده ولا احس بشي
صج كل شي بوقته ومتى ما الله اراد

 

[السنافيه]

الله يهوون علينا يااارب

بنات الدكتور قالي ان شالله اذا صارلج 3 اسابيع لازم اسويلج فحص وتوسيع واشووف حجم الحوض

أنا خاايفه كل مراجعه اقول المره الجايه أنا بجرررر ويقولون لازم البجر تطول تأكل شهرها شرايكم

اسمع كلام الدكتور وافحص والا انطر لين يخلص شهررري

 

[ريح قهوه]

يمه يذبح الفحص بس الهدوء واخذ النفس ممكن يتغلب على شي بسيط واهم شي الصبر على الالم انا لي اسبوع وشي داشه التاسع بحاول امسك نفسي ان شاء الله لان قبل فيني طياره اي نغزه رحت لطبيب والله يصبرني ويصبركم صج صج تعب وثقل والم ونومه بالحسره بس ياعسى الله يعوضنا خير ياكريم

 

[السنافيه]

ريح القهوه

يوم فحصتي حاج طلق ؟؟

 

[يا حياة الروح]

اللة يهون عليكم انا بنص شهري التاسع احس بتعب حيل وعظامي متفككة كلا تطقطق ربي يسهلها وماجهز الا للبيبي مو قادرة امشي حتي بنات وين تنصحوني اولد بمستشفى السيف او الهادي حدي محتارة السيف عند دكتورة روبينا

 

[السنافيه]

ياحياه الروح ماعندي فكره

 

[ريح قهوه]

انا ابنتي اول حمال لي جاني مقص خفيف وماصدقت خبر وقعدت اتونون عبالي ولاده ورحت فحصتني دكتوره بالحكومي ونزل معاي دم قوي وقعدت ابجي ورحت لدكتورتي قالت ادخلي دام نزل دم وقلت بصبر مادخلت ورديت ثاني يوم ودخلت وولددت جبت احلا بنوته بدنيا وبولدي كان عندي موعد وفحصتني قالت ٢ سانتي ادخلي اولدج ودخلت وطلق صناعي بعيالي كلهم مايجيني طلوووق وهذا ان شاء الله ادعي ربي انه يسهل علي وعلى كل حامل ويفرحنا ياااارب

 

[السنافيه]

اللهم امين ياريح قهوه الله يهون علي الجميع يااارب

 

[Laymo0ona]

الله يولدناا بالسلامة وسهل عليناا ونشوف عيالنا بخير والله لايخسر التعب انة صارلى اسوعين من دشيت التاسع وتعباانة حدى انة بولدى فتح بطن وماكنت احس بالم او مقص بالبطن بس هل المرة تينى طلوق بين فترة وثانية بس جد تعباانة وقلت للطبيب ليش ماتسويلى قيصرى لانة الياهل بدت حركتة تخف وخاايفة المهم عطانى موعد الاحد الياي اكون مخلصة 37 اسبوع بفحصنى تحت اذا الرحم مستعد بينطر اولد طبيعى واذاا مسكر الرحم بولدنى قيصرى لانة اذا ماكو مجال للرحم بتوسع مايقدر يعطينى طلق صناعى مايصلح للى فاتحة بطن قبل المهم دعواتكم بس سؤال يعور الفحص تحت وبشنو يفحص وماياثر على الياهل وسلامتكم

اذا ودج بطبيعي لايقصون عليج ويقولون لج مايصير طلق صناعي بعد القيصري انا جذي قالولي غيرت دكتورتي عشان اولد طبيعي لانها كانت ناويتلي قيصري

 

[ام دندوونه]

الله يسهل علينااا يارب..انا صارلي اسبوعين بالتاسع ومافي ولا بوادر ولادة..
النفسية زفت ..والثقل..والنووووم شي مو طبيعي..ما اقدر انام..الله يسهل علينااااا يارب..
اللهم اني اسالك حسن الخلق وهوان الطلق..

 

[مس لوتس]

انا باول اسبوع بالتاسع والنفسيه ارررررف وثقللللل

الله يسهل علينا

حتي الجو مايساعد نروح للمشي برررد

والمجمعات ضكه��

ودي اغمض عيوني وافتحها الا انا والده وخالصه