الكل يتطمش على شكلي

[برنسيسة البدو]

بنات انا وزني اول ماتزوجت 55 الحين صار 99 بعد ماجبت عيالي
ابي نصيحه منكم على هالشحوم اللي موراضيه تنزل ولا تقولون نادي
ماعندي احد يمسك عيالي الله يجزاكم خير

 

[الدلووووعة.]

امشي يوميا ساعة إلا ربع

 

[ام دليار]

خففي أكل أمشي
كثيري فواكه بين الوجبات
أشربي الصبح أول ماتصحي ثلاث كاسات ماء ورا بعض
وأنتي منبطحة على الأرض
أكلى تفاح أخضر بعد الوجبات قبل الوجبة

 

[Beauty is Me]

المشي مفيد وجربي اشتركي بالدايت كير ينظمون أكلج ويوصلون وجباتج لي باب البيت بجذي راح تنزلين اسررع وموفقه حبوبه

 

[Tulips]

اشتري جهاز مشي وقاري ومع الالتزام راح تضعفين

 

[^^ام مشاري^^]

السلام عليكم ورحمة الله وبركاته

كثري ماي بين الوجبات وكثري خضره وفاكهه وبأذن الله بتضعفين وتحركي وايد الحركه بركه

ولا اقول سفري الخدامه وبترجعين اضعف من قبل الزواج بعد هههههه

تقبلي مروري حبيبتي​

 

[الورد667]

االله يعينج سوي حميه او رجيم النقاط روووووووعه


انا سويته وللحين عليه ونازله 6 كيلو

 

[ماركة انثى]

اهم شي المشي ولحقي عيالج من مكان لي مكان راح تضعفين بسرعه هههه


والله يوفقج ​

 

[الدااانــــه]

صكري حلجج عن الاكل ماكو غير هالحـل .. سوي رجييم .. خصصي
ساعه كل يووم مشي حتى لو بالبيت .. تحركي . شيلي .. حطي ... وتنولين الي براااسج .. بس الاهم الارادده

 

[استكانه1]

راجعي دكتور يشوفلج شالزين لج
والله يعينج ،،،

 

[البنفسسسج]

اشربي كاس ماي حار بعد كل وجبه وادعيلي والله مجرب وفيه نتيجه ممتازه

 

[حبيبي مالكني]

مالج الا اخصائي تغذية
يعطيج دايت يناسب وزنج وطولج وظروفج
الله يوفقج ويعطيج ويعطيني الارادة

 

[شوشو الأمورة]

هلا اختي ..

شوفي انا كنت نفسج متعقدة من جسمي والحمدلله الحين كل من يقولي اشحلوج واشحلوة جسمج

اللس سويته اني مخففة اكل وقطعت العيش والخبز والحلويات اكلي شوربات وسلطات ومشويات

ومشي طبعا امشي يوميا من 45 لين 50 دقيقة مشي سريع شوي او اذا كان عندج سلم في بيتج صعدي ونزلي عليه لأنه مفعوله عجيب

وفي شي مهم حبوبة تستمرين عليه اللي هو الشاي الأخضر صج صج عجييييييب ويحرق الدهون حاولي تشربينه 3 مرات باليوم

والعشا حاولي هم تتعشين مبجر وتتحركين وايد لأن الربادة والقعدة هي اللي تزيد الوزن

واذا عندج استفسار هم انا حاضرة وموفقة خير حبيبتي

 

[!layan!]

سبحان الله اليوم الصبح اقول لنفسي بسوي نفس وحده حاطله بتوقيعها انها بتوصل للوزن المثالي بس بثلاث اهداف
يعني مو سيده تطق الوزن اللي تبيه ، و طريقتها صح :rerrerek:

شرايج نتحدى ، هدفنا واحد وكلنا بنرجع لـ 55 فديت الخمسات والله

المهم ، في خطوات اساسيه لاي ريجيم راح انزلها لكم ان شاء الله وانا ماخذتها من دكتور تغذيه ايام العزوبيه :eh_s(4):

اهم شي عالريج : قلاص ماي دافي ، م ص كمون مطحون ، نص عصير ليمون و صدقيني هذي مفعولها قووووي حده
و لازم تمشين نص ساعه عالاقل يوميآ

وخليني اقول لج سالفة وحده راحت للدكتور اللي عطاني هالنصايح بأسبوعين بين الفرق عليها لانها كانت بتزوج وجربت كل شي وراحت له ومشت بالضبط بالضبط عاللي يقوله

المهم : لما وصل لنقطة المشي : قالت له ما اقدر اروح للمشاة اخوي مايرضى
قال لها خلاص : السطح / طارت عيونها لا اخوي مايرضى كلللش
قال لها طيب : اصعدي الدرج و انزلي 8 مرات ، واذا ماعندكم درج روحي و تعالي بالممرات فبيتكم نص ساعه عالاقل (بس مو تمشين لا امشي المشي اللي يحرك جسمج كله) واذا ماعندكم ممرات فبيتكم امشي بغرفتج <<< صك عليها عددددل :tomato2:

كثري من شرب الماي وخصوصآ قبل الوجبات بربع ساعه ولا تشربين عقب الاكل سيده عالاقل عالاقل نص ساعه

طبعآ ينصح الشاي بدون سكر او سكر تروبيكانا او اي نوع محلى تحبينه

صدقيني هالدكتور والله والله والله شاطر و كلمته مسمار بلوح بإذن الله اذا مشيتي بالضبط على كلامه ، وريجيمه ما يجوع بس يقلل و يكثر الوجبات / اني شفت شطارته فبنات شكثر ، غير اجسامهم 360 درجه يعني مره وحده بس لازم تصبرين

طبعآ انتي عارفه ممنوع الغازيات و الكاكاو ، سمح لي بس فبيبسي دايت واحد فاليوم:eh_s(2):

عساج توصلين للي تبينه وانا وباقي اللي يعانون من الانفراااط بالوزن :eh_s(10):​

 

[ظل الياسميـن]

الله يعينج
سوي تحويل مسار

 

[سيلينا]

رجيم الله لا يهينج

لا صج مالج الا الرجيم سكري حلجج بمعنى الكلمه اول فتره تحسين مو قاادره تتحملين والله اول ما سويت رجيم من الجوع
اكون حيييييييييل مسكره على ظروسي عقب تعودت وصار عادي
خلي ارادتج قويه وان شاء الله توصلين للوزن الي تبينه
الله يوفقج​

 

[قنــــــــــوت]

اشربي ميراميه على الريق ...

وامشي على نظام ريجيم خاص ...

وكثري من الشاي الأخضر ...

وحاولي انج ماتاكلين شي بالليل ....يعني بعد المغرب لا تاكلين شي ....

لان اللي تاكلينه بالنهار ممكن يحرقه الجسم بس اللي تاكلينه بالليل ... يتخزن في الجسم ...

... ... في طرق كثيرة وعلاجات كثير ...

بس الأهم من هذا كلّه .................. يكون عندج ارااااااااده وتصميم ان وزنج ينزل ...

موفقه .. وياااارب اشوفج غزاااالـــــه ...

 

[q8sweeta]

اشتري جهازين ماكو غيرهم
الغزال الطائر
لانه يحرك جسمج كله ويشد الريول كامله والمؤخرة والزنود والظهر من فوق والصدر
وجهاز معده
لانه اهي اهم منطقه واللي تبقي ماتتحرك

اما جهاز مشي يسبب خشونه في الركب مو شي
مع كورسيه وتخفيف اكل تضعفين الله يسهل عليج

 

[اميره1980]

لالالالالالالالالالالالالالالالالالا للعشاء
هذي الوصفة السحرية للريجيم
المشي بالممشى ساعة باليوم او على الاقل يوم وترك اذا ما تقدرين كل يوم
رقصي بالبيت لو نص ساعة باليوم
لا تستخدمين الاسنسير بالصعدة و النزله كله درج
خففي من الككاو و الشيبس و الاكلات المشبعة بالدهون و حطي حرتج بالسلطات

 

[ام شووووق]

اكلي سلطات وخففي من الوجبات