الكل يتطمش على شكلي

[آنا من دونك أندمر]

أب أب

 

[حرمه المصون]

لا تاكلين بعد ۷ كل اللي جربوا هالطريقة اضعفوا

 

[swanyway]

في قسم كامل عن الرجيم والنحافة طلي عليه

بس خليني اقولك تجربتي , اول شئ حطي في بالج انج اول شهر بتنحفين كثيير وهذا كله مويه املاح وشويه دهن بعد الشهر يبتدي الشغل وحطي في بالج بعد انه مشوار طويل يمكن يوصل للسنه على بال ماترجعين ل 55
كل شئ تبينه اكليه بس كميه اقل ( غيري مواعينج وقفشاتج والقلاصات خذي قياسات صغيرة ) عشان تترس عينج وتصيرين تاكلين على شوي شوي وبتالي تشبعين , الاكل ينقلب كله دايت ( لبنه دايت - زبادي ولبن وحليب منزوع الدسم - صدور دياي من غير جلد وعظم الخ الخ ) يمكن هالخطوه بتصير صعبه عليج فانتي اشتركي بدايت كير ولا لو فات وغيرهم بس عشان تتقيدين وتتعودين على الاكل الخفيف وغيرالدسم , خذي ميزان اللي يقيس غرامات الاكل ووزني كل شئ تاكلينه و قيسي اللي تشربينه بجيك القياس جذي بتعرفين وش اكلتي ووش ماخبصىتي بالضبط

يوم فري كلي من مطاعم جذي بس مو تاكلين تخربين شغل الاسبوع كله , يعني تطبين من ماك تاخذين برجر وبطاط صغير ( اول الايام بس ) وبعدين برجر بدون بطاط او نص برجر ونص بطاط , او خذي وجبه هابي ميل وحاولي تبدلين المشروب بعصير تفاح مره لذيذ ومنعش

المشي والرياضه ماانصحك فيهم الا لمن تنحفين على الاقل 5 كيلو , لان المشي في البداية راح يقلب الدهون لعضل وصديقني بتقلبين معضله انا طبقت هالخطوه والحمد لله مافيني ترهل ولا خطوط ولا قرف ولا صار جسمي كاني مصارعه ولا لاعبه اولمبياد

الليل تبين الصراحة كنت اتعشي بس كله خفايف ماحب احرم نفسي من اي وجبه

 

[مون لايت الكويت]

رجيم و مشي

 

[عيش و مرق]

بنات فى شجهاز المشي بلبيت وانتى بدارج ماتطلعين


ترا الدرج صعدته ونزلته وايد موزينه يسوى خشونه بلركب

 

[أم القواطي]

شوفي حبيبتي أنا أخصائية تغذية
رسلي لي طولج وزنج
وأعلمج وزنج المثالي .. وكلوري الي مفروض تخذينه باليوم
وراح اعطيج دايت يناسبج

 

[توتا حمرا]

ريجيم والأفضل ان يعطيج اياه دكتور اخصائي ​

 

[noorq8]

استعملي حبوب اشاي الأخضر الصبح وراح تنسد جبدج عن الأكل وعلى فكره مالها سايد أفكت

 

[ترجمة احساس]

سبحان الله اليوم الصبح اقول لنفسي بسوي نفس وحده حاطله بتوقيعها انها بتوصل للوزن المثالي بس بثلاث اهداف

يعني مو سيده تطق الوزن اللي تبيه ، و طريقتها صح :rerrerek:​

شرايج نتحدى ، هدفنا واحد وكلنا بنرجع لـ 55 فديت الخمسات والله ​

المهم ، في خطوات اساسيه لاي ريجيم راح انزلها لكم ان شاء الله وانا ماخذتها من دكتور تغذيه ايام العزوبيه :eh_s(4):​

اهم شي عالريج : قلاص ماي دافي ، م ص كمون مطحون ، نص عصير ليمون و صدقيني هذي مفعولها قووووي حده
و لازم تمشين نص ساعه عالاقل يوميآ​

وخليني اقول لج سالفة وحده راحت للدكتور اللي عطاني هالنصايح بأسبوعين بين الفرق عليها لانها كانت بتزوج وجربت كل شي وراحت له ومشت بالضبط بالضبط عاللي يقوله​

المهم : لما وصل لنقطة المشي : قالت له ما اقدر اروح للمشاة اخوي مايرضى
قال لها خلاص : السطح / طارت عيونها لا اخوي مايرضى كلللش
قال لها طيب : اصعدي الدرج و انزلي 8 مرات ، واذا ماعندكم درج روحي و تعالي بالممرات فبيتكم نص ساعه عالاقل (بس مو تمشين لا امشي المشي اللي يحرك جسمج كله) واذا ماعندكم ممرات فبيتكم امشي بغرفتج <<< صك عليها عددددل :tomato2:​

كثري من شرب الماي وخصوصآ قبل الوجبات بربع ساعه ولا تشربين عقب الاكل سيده عالاقل عالاقل نص ساعه​

طبعآ ينصح الشاي بدون سكر او سكر تروبيكانا او اي نوع محلى تحبينه​

صدقيني هالدكتور والله والله والله شاطر و كلمته مسمار بلوح بإذن الله اذا مشيتي بالضبط على كلامه ، وريجيمه ما يجوع بس يقلل و يكثر الوجبات / اني شفت شطارته فبنات شكثر ، غير اجسامهم 360 درجه يعني مره وحده بس لازم تصبرين​

طبعآ انتي عارفه ممنوع الغازيات و الكاكاو ، سمح لي بس فبيبسي دايت واحد فاليوم:eh_s(2):​

عساج توصلين للي تبينه وانا وباقي اللي يعانون من الانفراااط بالوزن :eh_s(10):​

معاها

 

[Killer^Girl]

خففي اكل
سوي رياضه بالبيت
وشربي زنجبيل فرش كثر ماتقدرين

 

[الفدنه]

ماقصروا البنات
وعندج قسم السمنه والنحافه
يفيدونج اكثر
وان شاء الله تنزلين وزنج بصحه وعافيه​

 

[أتراب]

خففي أكل وامشي عالاقل نص ساعه يوميا
​

 

[رُۈحَ ۈ رْيحَآن]

،


ساعه للمشي اهم شي :rerrerek:

والبنات ماقصروا :eh_s(15):

ويارب تضعفين بصحه وعافيه ويرد جسمج احسسن من اول :yaaaaaarb:

،

 

[قــل مـا تـشـاء]

روحي لحق أخصائية تغذية واشتري لج جهاز سير كهربائي
وتدربي عليه امشي عليه يوميا بالتدريج آبدأي من 10 دقايق الى ربع ساعه
وامشي بالتدريج الى منج توصلينها ساعه في اليوم حتى لو تجزئينها
كل مره نص ساعه والا حتى ربع ساعه
وكثري من شرب الماي اشربي من 8 الى 10 كاسات يوميا حتى لو تتدرجين في شربهم
*وكثري من الفواكه والخضار وتتركي المشروبات المعلبة غازيات والا عصائر واتركي الكاكاو
وكثري من الزبادي قليل الدسم والخيار
واهم شي الاستمرار وعدم الملل
وان شااااء تكتبي لنا تجربتج في انقاص الوزن الزائد واذا الحماس قل عندج
اشتركي في القروبات اللي موجودة في المنتدى عشان الحماس يصير عاااالي عندج
ويصير عندج تحدي مع نفسج ومعاهم
الله يوفقج

 

[ريناد10]

المشي المشي المشي انا نقصت عالمشي عشره كيلو كل يوم نص ساعه

 

[رتو الكيوت]

دايت قاااااااااااسي + ريااضه وانتي ببيتج وعيالج حولج

 

[shams2008]

التكميم احسن حل

 

[ســيـsimaـــما]

QUOTE=!layan!;23803441]

سبحان الله اليوم الصبح اقول لنفسي بسوي نفس وحده حاطله بتوقيعها انها بتوصل للوزن المثالي بس بثلاث اهداف

يعني مو سيده تطق الوزن اللي تبيه ، و طريقتها صح :rerrerek:​

شرايج نتحدى ، هدفنا واحد وكلنا بنرجع لـ 55 فديت الخمسات والله ​

المهم ، في خطوات اساسيه لاي ريجيم راح انزلها لكم ان شاء الله وانا ماخذتها من دكتور تغذيه ايام العزوبيه :eh_s(4):​

اهم شي عالريج : قلاص ماي دافي ، م ص كمون مطحون ، نص عصير ليمون و صدقيني هذي مفعولها قووووي حده
و لازم تمشين نص ساعه عالاقل يوميآ​

وخليني اقول لج سالفة وحده راحت للدكتور اللي عطاني هالنصايح بأسبوعين بين الفرق عليها لانها كانت بتزوج وجربت كل شي وراحت له ومشت بالضبط بالضبط عاللي يقوله​

المهم : لما وصل لنقطة المشي : قالت له ما اقدر اروح للمشاة اخوي مايرضى
قال لها خلاص : السطح / طارت عيونها لا اخوي مايرضى كلللش
قال لها طيب : اصعدي الدرج و انزلي 8 مرات ، واذا ماعندكم درج روحي و تعالي بالممرات فبيتكم نص ساعه عالاقل (بس مو تمشين لا امشي المشي اللي يحرك جسمج كله) واذا ماعندكم ممرات فبيتكم امشي بغرفتج <<< صك عليها عددددل :tomato2:​

كثري من شرب الماي وخصوصآ قبل الوجبات بربع ساعه ولا تشربين عقب الاكل سيده عالاقل عالاقل نص ساعه​

طبعآ ينصح الشاي بدون سكر او سكر تروبيكانا او اي نوع محلى تحبينه​

صدقيني هالدكتور والله والله والله شاطر و كلمته مسمار بلوح بإذن الله اذا مشيتي بالضبط على كلامه ، وريجيمه ما يجوع بس يقلل و يكثر الوجبات / اني شفت شطارته فبنات شكثر ، غير اجسامهم 360 درجه يعني مره وحده بس لازم تصبرين​

طبعآ انتي عارفه ممنوع الغازيات و الكاكاو ، سمح لي بس فبيبسي دايت واحد فاليوم:eh_s(2):​

عساج توصلين للي تبينه وانا وباقي اللي يعانون من الانفراااط بالوزن :eh_s(10):​

[/QUOTE]

كلام سليم 100%

 

[بدوية بملامح كشميرية 86]

بعد كل وجبه شاي اخضر

وحاولي انتي تشتغلين بيتج جنج رايحه نادي غسلي خمي اكوي

 

[dantella]

قبل كل شي هالزياده اوفر
جربي قبل لاتبلشين اي رجيم انج تسوين تحليل الغده الدرقيه ممكن يكون عندج خمول فيها لان اذا صار خمول يصير نزول الوزن بطيئ حيل