الله يحفظ الكويت بعد ساعتين راح يحتلونها

[ام الولو]

كان عمري 16 سنه ما استوعبت شي الا عقب اسبوع كانت صدمه قويه وخصوصا كنا بالجهرا كان ارسال قناة العراق تطلع لنا بالتلفزيون ف نشوفهم يقولون ان احنا معاكم يالكويتيين ومن هالحجي شلون معانا وداشين علينا!!! يعني اقلبها يمين وشمال هم مو فاهمه شي ومره ثانيه حطي عنوان نتفاؤل فيه

 

[Stylista_Q8]

كان عمري سنه و شهرين فمـا أذكر

بس بصراحة العنوان عن جد يضيق الخلق !!

 

[«● LAmaRA ●»]

الله يهداج العنوان صج يضيق الخلق
أنا كنت بثالثة إبتدائي ودريت بالغزو لأني وإخواني كنا قايمين الصبح أبي أشوف الباباي بس طلع التلفزيون فية شاشة الألوان تعرفونها
وأمي حايسة رايحة ما تدري شتسوي وأبوي طالع..... رايح يجيب أهل عمي لأن عمي كان بالحرس
وأنا معاهدة نفسي إني بكل صف أدرسه أكلمه عن الغزو لأني إحترييت لما عرفت إني بناتنا الصغار ما يعرفون شي عن الغزو

 

[$الـــحـــلاوه$]

الله يحفظ كويتنا
كان عمري 9 شهور ما اذكر شي طبعا

 

[$الـــحـــلاوه$]

الله لا يعودها من ساعه كان عمري10سنين وقعدت الساعه 4الفجر على صراخ جارتنا وأمي وأقوم أشوف الدنيا معفوسه وجييراننا كلهم بالشارع ما ندري شالسالفه وصوت القصف عالي والعسكريين لبسوا لبسهم ينطرون الأوامر وندور على الراديو إلا كله أغاني وطنيه قلنا أكيد غزو بس ماصدقنا....وإلا أبوي يجينا مسرع ويقول .....إِشششششششش لكويت راحت ونقعد نصيح ونبجي وجارتنا عجوز تصيح تقول هو ماإستحى واقفين معاه 8سنين ويغزينا.....بس ما أبي أكمل ضاق صدري

يممممممه قشعر جسمي من كلمة الكويت راحت :0bee2e8d89:

 

[shai5at al3arab]

انا كان عمري 5 سنوات

بس كلللش ما اذكر شي

مع انه ابوي يقول كنت كل يوم اطلع معاه والله لو انا الحين جان ما قربت من عتبة الباب ..

ويع وما بقى عراقي ما لعب معاي ومسح على شعري وعوووووه

 

[غزلان]

اكرهم الهكره

 

[Mshael]

ضايق خلقي حيل من تلفزيون وطنا اللي ماطلع شي الانبذه صغيره على شان محترمين العلاقات الجديده بين الكويت والهكره واهم للحين في قلوبهم غل وكره لنا يقولون لازم نسقط الديون الفاسده انتم الفاسدين اللي فسدتم ودمرتم كل شي بالكويت يالكاولي
ماعلينا التلفزيون طلع والاماطلع مااااااااااااااااااااااااراااااااااااااااااااح ننسى هالذكرى

 

[ذهب الكويت]

اول شي حبيت اشكر الاخت مشاعل على هالموضوع الرائع وبصراحه عنوانها عجيب لانه يشد الانتباه

وطبعا الله لايعيدها من ايام لانها كانت ايام مؤلمه بالحييييل بس لمن اتذكر هالايام بصراحه افتخر بحكامنا رحمة الله عليهم بابا

جاااااااااااااااابر وبابا سعد وافتخر بشعبنا اللي اثبت رجولته وحبه واخلاصه لوطنه :ggdw:

وبالنسبه لي كان عمري ست سنوات الا شهر واللي علمنا بالخبر وحده من رفايج امي........... لوووووووووول الله يهديها

دايما تعلمنا بالاخبار الشينة ودقت التلفون الساعه سبع الصبح تصارخ تقول العراق صبحنا :krkrkr:

وطبعا منت اذكر كل شي وكنت خااااااايفه انهم ياخذون ابوي الله يرحمه او احد من اخواني حسبي الله عليهم والله لايسامحهم

هالهكره:eh_s(14):

والحمدلله تحررت كويتنا الحبيبه ولاننسى بهالذكرى نشكر كل من ساندنا وعلى راسهم المملكه العربيه السعوديه الشقيقه_03BA:​

 

[Mshael]

مشكوووووووووووره ذهب الكويت على مرورج
وصراحه ضحكتيني على رفيجة امج الله يهداها اكو احد يبشر بالغزو المهم الله يحفظ الكويت وشعبها والشكر لله وللسعوديه وباقي دول الخليج والدول العربيه والصديقه