اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[لولوة الكويتية]

اشلوووونكم بنات

 

[كويتية أصيله]

قوه بنات اشلونكم

انا قاعده اقرا التجمع من الاول علشان استفيد....... للبنات اللي بروحوم كاليفورنيا قولولي خط سير الرحله.....والبنات اللي عندهم خبره بليز احسن الاماكن....والمطاعم


لولوه كويتيه اشلونج؟
ام كشه طمنينا عليج..... اشلون الحمل والسفر

 

[لولوة الكويتية]

قوه بنات اشلونكم

انا قاعده اقرا التجمع من الاول علشان استفيد....... للبنات اللي بروحوم كاليفورنيا قولولي خط سير الرحله.....والبنات اللي عندهم خبره بليز احسن الاماكن....والمطاعم


لولوه كويتيه اشلونج؟
ام كشه طمنينا عليج..... اشلون الحمل والسفر

الله يسلمك الحمدلله بخير انتي اشلووونك وشخبارك. إحنا كنسلنا السفره هالسنه بناتي صغار الصراحه وأخاف اتأذى معاهم كان خاطري بنيو يورك الصراحه عقب ام كشه بعيد النظر بالموضوووع. وبس انتي شنومخططاتك

 

[new woman]

السلام عليكم

اشلونج لولوة عساج بخير

 

[دلـــع_الكويــت]

مرحبا كلكم اخيرا انا بامريكا ))))

 

[دلـــع_الكويــت]

بنات منو عنها فكرة اذا انا حاليا موجودة بامريكا وبروح كندا بالسيارة هل احتاج فيزا كندية ولا عادي على فيزة امريكا ولا اشلون الطريقة؟

بليز الي عنها فكرة تقولي والله يوفقها يارب..ضروري

 

[مدرسة كويتية 95]

بنات احد جرب الخطوط الاردنية ؟ بروح شيكاغو اول وتالي اروح افرفر بس ما ادري اخاف طياراتهم الميديا فيها ماتونس ودرب علي ماتوصلين اخاف امل شرايكم واية اذا تعرفون بعد عن الوزن يا ريت تعلمونا ومشكوريين مقدما

 

[كويتية أصيله]

بنات منو عنها فكرة اذا انا حاليا موجودة بامريكا وبروح كندا بالسيارة هل احتاج فيزا كندية ولا عادي على فيزة امريكا ولا اشلون الطريقة؟

بليز الي عنها فكرة تقولي والله يوفقها يارب..ضروري

اي حبيبتي لازم فيزا ما تدخلين من غيرها.......

 

[Om_Ksha]

والله الحمل متعبني كل مامشي خطوتنين ظهري يذبحني واضطر اقعد وان نرجع امبجر ,,

لولوه حلوه نيويورك كتغييير ترا حدها 3 ايام بس انا ريلي غسل مخي حده كارهه امريكا مع انه اول مره اييها ,,,

صج بنات اللي سال عن الخط ريلي غير خطه الخايس سمبل وشرا من t mobile واااااااايد احسن اشتغل النت بالايفون على طووول ’’

 

[zbaidia]

السلام عليكم ،

انا دايما اروح امريكا لاكن هذي بتكون اول مره لي اروح لوس انجواوس - كاليفورنيا .

يقولون ان فيها وايد لملكن و كله تنقل .. مادري وين احسن مكان اقعد فيه و استقر . خاف اسكن يم المطار يكون السوق و الديره بعيده عني و هم اخاف اقعد اي مكان بالبلد و كل شي يكون بعيد ايضا .

فوين اقعد ؟ و انا ودي هوتيل يكون فيه شقه بو غرفه و صاله ، مابي ضيح . الماريت رسيدنس ان زين ؟؟ و الا وين تنصحون ؟

و وين في اماكن حلوه اروحلها ، مجمعات و غيره ؟
و هم وين في مناطق يمي اروحلها بالسياره ؟

و وين في سايتات احجز منها اسعارها زينه ؟

 

[طوق الياسمين]

شلووونكم وشخباركم

ام كشه حبيبتي اجتهدي بالرقيه وسوره البقره عسى الله يشرح صدرج ويشفيكم

بنات منو بيروح اورلاندو بشهر ٧ ؟؟؟

احنا كنا مخططين على كاليفورنيا بس خيره حولنا على فلوريدا وبصراحه انا استانست لانه يقولون احلا وحاليا حايسين بالفنادق خصوصا انه ريزورتات الماريوت اقل شي شهر واحنا حددنا ١٨ يوم بفلوريدا

قاعدين ندور فندق فيه سويت غرفه وصاله منفصلين !! انقذوني باقترحاتكم

انا سكنت ب reunion resort اتوقع انه من افخم منتجعات اورلاندو روووعه وانصحج فيه

 

[طوق الياسمين]

والله الحمل متعبني كل مامشي خطوتنين ظهري يذبحني واضطر اقعد وان نرجع امبجر ,,

لولوه حلوه نيويورك كتغييير ترا حدها 3 ايام بس انا ريلي غسل مخي حده كارهه امريكا مع انه اول مره اييها ,,,

صج بنات اللي سال عن الخط ريلي غير خطه الخايس سمبل وشرا من t mobile واااااااايد احسن اشتغل النت بالايفون على طووول ’’

يصراحه انا اول مره اشوف حد ماعجبته امريكا:eh_s(10):
انا لفيت دول كثيره بس ماتعاق قلبي الا فيها الصراحه ورحت ولايات كثيره بس مارحت نيويورك لكن الكل مدحها بس قالو ماتظولين فيها وبصراحه مافي مثل الشعب الامريكي من ظيبه واخلاق وحترام وكفايه الابتسامه والترحيب في كل مكان
واحلى سوق سوق امريكا فيه كل شي وكل الاسعار والماركات الامريكيه برخص التراب :rerrerek:
والطلعات والروحات احلى من اوروبا فيها كل شي متظورر وتكنلوجيا عجيبه والسوق يتم لين 10 والاوت لت لين 11 اما اوروبا حدها 6 والسوق مسكر ومافيها اي انترتيمنت مثل امريكا ...اتوقع لو رحتو نياقرا فولز ولو رحتو ديزني والسي وورلد وهرشي فاكتوري وسكس فلاغز ويونفرسال استديوز جان بتحبونها...امريكا لازم تروحون يوم سياحه ووناسه ويوم سوق...لاتخلون سفرتكم سوق وبس

 

[q8tiaa81]

مدرسة كويتية حبيبتي هذا راي شخص بمنتدى ثاني وحبيت انقله لج للمساعدة وربي يوفقك تفضلي اقري
في البداية أحترت كثيراً بين الخطوط البريطانية و الالمانية لكنني في النهاية آخترت السفر على الملكية الاردنية
لسبب وحيد و هو سرعة و صولها الى أمريكا ( شيكاغو - نيويورك - واشنطن ) مع العلم أن أغلب الترانزيت في أغلب خطوط الطيران مايقل عن ساعتين الا ان الملكية الأردينة فقط ساعة ونص إنتظار في مطار عمّان الدولي ..

من ناحية الطائرات فهي جديدة و مريحة جداً , و من ناحية الخدمة فهي فوق الممتاز , للأمانة من أفضل الخطوط اللي ركبتها في خدمة الركاب داخل المقصورة ..

وللمعلومية أيضاً أن الملكية الاردنية حاصلة على أفضل خطوط طيران في الشرق الأوسط لعآم 2010 في الخدمة ..
تفوقت على القطرية و الاماراتية و السعودية ألخ ...


حبيت أعطيكم رأيي , وشكراً ...

 

[Om_Ksha]

طوق الياسمين اي شعب طيب اي بطيخ ,, شعب اسلوبه حقيييييير عندج الطيبين المهاجرين الفلبن مادري شاصلهم وكل شي بفلووووس لو حاصلهم يخلون الهوا بفلوس .. وبالعكس الديره غاليه حالها حال الكويت .. وهيرشي ورولد كان تحت فندقنا ومافكرت ادشه ,,
وباجي الاشياء انشالله انجربهم بلوس انجلوس ,, وصج سوقهم يلوع الجبد سووووق الامارات احلا منه مليون مره وماركاتهم اغلب شي قديم وماكو شي غير عن الكويت !!! واوتلت نيويورك يسكر 9 ,, واكلهم الله يزيد النعمه ,, نبي مطعم حلووو ماكو .. حتى مطاعمهم فرايديز مكدونالدز غيره الكويت احلى ,,


انا ريلي حيييييييييييل كارهه امريكا واحاول اقنعه بكلامج انها ترا حلوه وجذي وكل شي فيها .. جان يقولي الحين صار لنا ولايتين ومالقينا جبن هههههههههههه اي والله صح كلامه ماكو جمعيه مادشها بخاطري جبن كرفت او كيري ماااااااااااكو .. ماعندهم الا نوع واحد جبن سلايز بسسسسسسسسس .. ))))))))))
شكلي متنسيه عالجبن !!

 

[q8tiaa81]

ولله ياام كشة اول مرة اسمع احد يقول عن امريكا جذي غريبة ولله خوفيتني انا رحلتي بالصيف معقولة كلامج

 

[Om_Ksha]

كويتيه الناس اذواق بكل شي ,, فلا تحكمين على تجربتي ,, يمكن ضروفي تختلف وبنفس الوقت قلت لج ريلي حييييل كارهها فيمكن هالشي يأثر علي ,, بس كلامي مو معيار وانشالله تستانسين ,, وانشالله باجي الاماكن احلى ,,

يعني شوفي انا من العام مخططه لامريكا والله ماكتب فمع السيرج وغيره لاحظت انه الاغلب مايمدحلي لوس انجلوس ,, سواء بالنت او اللي اعرفهم .. وكانت رحلتنا لوس انجلوس وحولها وضايق خلقي ماودي احسها مليقه فلمن زدنا نيويورك استانست قلت زين عالاقل نعوض اذا كانت لوس انجلوس خايسه ,, واللي صار كنت هم اسوي سيرج وقريت رد لواحد بالمسافرون العرب يذم نيويورك عاد استغربت ولمن رحنا حسيت في شوي من كلامه من الصحه ,, وماكو

انشالله تستانسون والله يسهل اموركم خلاص انا ماراح اسولف بهالناحيه مابي اضيق خلوقكم ومو قصدي اضايقكم بس هذا اللي قاعد يصير معاي ,, :/

 

[لولوة الكويتية]

الله يعينك يا ام كشه. اشلووووونكم بنات

 

[new woman]

صباح الخير علا الموجودين

اشلونكم

 

[أم الحنان]

السلام عليكم شلونكم أخواتي انا ابي اروح امريكا ولاية بوسطن علاج حق ولدي مريض بالكرونز وعلاج بالخارج يبيلة واسطة هامور في احد يعرف جم التكاليف علشان اخذ قرض من البنك لاني وايد تعبانة نفسيا على ولدي ومحتارة ودي احد يساعدني وريحني الله يريحكم

 

[أم الحنان]

في احد عنده واسطة علاج بالخارج حق ولدي عمره 11 سنة مريض بالكرونز النشط وجسمه حالي رفض أقوى عقار هيوميرا والعقار الجديد ما نزل في مستشفيات الكويت نازل في أمريكا يا ليت احد ينزل من السما يفتح لي باب لاني تعبت من التفكير