اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[لولوة الكويتية]

ام الحنان عسى الله يشافي وليدك ويخليه لك يارب. ويفرج همك

 

[أم الفارسة]

مشكورين وايد على هالتجمع وقررت اروح امريكا مع عيالي مع اني وايد اكره الدرب الطويل ، مرة دشيت المنتدى كانت زميله شارحه شرح وافي عن رحلتها وكل شي موجود بالتفاصيل مواقع اسعار عجيب الشرح تكفون الي تدري تقول لي وابي شقق في كاليفورنيا بمواقع باردة ومعقوله وان شاء الله معاكم السنه

 

[مدرسة كويتية 95]

مدرسة كويتية حبيبتي هذا راي شخص بمنتدى ثاني وحبيت انقله لج للمساعدة وربي يوفقك تفضلي اقري
في البداية أحترت كثيراً بين الخطوط البريطانية و الالمانية لكنني في النهاية آخترت السفر على الملكية الاردنية
لسبب وحيد و هو سرعة و صولها الى أمريكا ( شيكاغو - نيويورك - واشنطن ) مع العلم أن أغلب الترانزيت في أغلب خطوط الطيران مايقل عن ساعتين الا ان الملكية الأردينة فقط ساعة ونص إنتظار في مطار عمّان الدولي ..

من ناحية الطائرات فهي جديدة و مريحة جداً , و من ناحية الخدمة فهي فوق الممتاز , للأمانة من أفضل الخطوط اللي ركبتها في خدمة الركاب داخل المقصورة ..

وللمعلومية أيضاً أن الملكية الاردنية حاصلة على أفضل خطوط طيران في الشرق الأوسط لعآم 2010 في الخدمة ..
تفوقت على القطرية و الاماراتية و السعودية ألخ ...


حبيت أعطيكم رأيي , وشكراً ...

فدييييتج يا الغالية :eh_s(7):

 

[مدرسة كويتية 95]

طوق الياسمين اي شعب طيب اي بطيخ ,, شعب اسلوبه حقيييييير عندج الطيبين المهاجرين الفلبن مادري شاصلهم وكل شي بفلووووس لو حاصلهم يخلون الهوا بفلوس .. وبالعكس الديره غاليه حالها حال الكويت .. وهيرشي ورولد كان تحت فندقنا ومافكرت ادشه ,,
وباجي الاشياء انشالله انجربهم بلوس انجلوس ,, وصج سوقهم يلوع الجبد سووووق الامارات احلا منه مليون مره وماركاتهم اغلب شي قديم وماكو شي غير عن الكويت !!! واوتلت نيويورك يسكر 9 ,, واكلهم الله يزيد النعمه ,, نبي مطعم حلووو ماكو .. حتى مطاعمهم فرايديز مكدونالدز غيره الكويت احلى ,,


انا ريلي حيييييييييييل كارهه امريكا واحاول اقنعه بكلامج انها ترا حلوه وجذي وكل شي فيها .. جان يقولي الحين صار لنا ولايتين ومالقينا جبن هههههههههههه اي والله صح كلامه ماكو جمعيه مادشها بخاطري جبن كرفت او كيري ماااااااااااكو .. ماعندهم الا نوع واحد جبن سلايز بسسسسسسسسس .. ))))))))))
شكلي متنسيه عالجبن !!

ام كشة لقينا لج عذر انج ما حبيتي امريكا قلنا تتنسين بس ريلج شنو عذرة؟:rgewrg: شوفي حبيبتي الناس اذواق بس امريكا لا تظلمينها بزيارتج هذي امريكا وايد عودة وفيها كل التنوع اللي يرضي كل الناس عموما احلي ما فيها شعبها :eh_s(7): يا حلوهم ويازين الابتسامة وين ما تروحين من امة شعب فريندلي :ggdw: وما صار هالجبن اللي مكرهج بهالديرة :krkrkr: دوري لج شي ثاني

 

[Om_Ksha]

السالفه ماوقفت على جبن انا قاعده اتحجى من منطلق انه كل شي حاجزينه فرست كلاس سواء من الطيران ولا الفنادق افضل الفنادق ومع هذا ماشوف انه مستوها زين مثل مالمعروف للكل تطور اللي في امريكا واقارنها بالدول الثانيه اللي زرناها اقل منها كمتسوى ابسط مثال اقرب سفره لي بوكيت مانختلف انها وصخه وتلوع الجبد ومع هذا فناادقهااا شي خيااال عادي نقعد يوم كامل مانبي نطلع ،، وسالفه انه ريلي ماعنده عذر لا عنده عذر وله وجهه نظره ،،وبالنسبه للشعب اغلب اللي صادفناهم نفيسه وكريهين وماشافو ريحه الفرندلي اللهم جم واحد حليو ،،

يعني تخيلي احنا كنا داشين بقوه كنت ناويه اشتري ارض وريلي يبنيها من قبل لا نيي من كثر ماسمعت عنها بس اشوه ماستعيلت ولا كنت بشتري على عماي وعموما لولا اختلاف الاذواق لبارت السلع *

 

[Om_Ksha]

وصج ترا انا ليلحين ماشفت شي وتجربتي كانت عن نيويورك وتغير رايي لمن رحنا سان فرانسيسكو وجدامي الحين ولايتين تو الناس عالحكم ،، انا الحين بالمطار بعد شوي بنروح لاس فيغاس ومتامله خير ،،


وانصح البنات انه يحجزون العروض امبجر يعني تخيلو كل يوم بقول احجز واتكيسل علا ابو انه هناك نحجز لمن استوعبت انه روحتنا لفيغاس بتصادف عطلتهم اشتطيت بس احلا العروض فلل زين لقيت عرض ka و le reve اما عرض o فللل مالقيته واحترت شحجز بعد مدحو ذا بلو مان قروب هناك انشالله انشوف واذا تبون الموقع اللي حجزت منه قولولي مسيفته بالاب

 

[q8tiaa81]

ام كشة انا ناطرة ردج بشوفج الحين تتغير نفسيتج ولا لا؟ وغريبة انتوا الظاهر الناس اللي صادفكم كلهم اي شي مادري شصارلج يتج عين عالسفرة الله يعينج وانشالله الحين تغيرين رايج وتستانسين يارب

 

[Om_Ksha]

تدرين كويتيه ورب الكعبه ماقص عليج احس قلبي مقبوووض جنه عليه طابوقه وتوه بالطياره الدرب ساعه و٢٠ دقيقه لفيغاس كنت بشبك في وايرلس بالطياره بس قلت خل اقرا سوره البقره قريتها بس ماخلصتها بسرعه وصلنا ماشالله والله الضيقه اللي كنت احس فيها اختفت انا توني واصله مطارهم اشكبررره حلووو ,,, واعتقد مفتون سالتني عن الطيران فيرجن وااايد حلوه بس من ورا ضيجه صورتها لج لي وصلت الفندق احطها

 

[q8tiaa81]

صلي عالنبي وذكري ربج وانشالله يارب الحين تنشال هالطابوقة وتتبدل بوردة وانشالله تتمتعين وترتاحين وتستانسين مع ريلج

 

[مهفة]

السلام شلونكم خواتي
انا متابعة لتمعكم و ان شالله احنا رايحين امريكا هالسنة بس المشكلة اللي مانتبهنالها اللا ألحين ان طلعت فيزة ولدي منتهية اهو الوحيد فلازم انقدمله على وحدة.....
فبسأل منو منكم مقدم على فيزا ألحين و متى يعطونا الموعدعسى مو موعد بعيد؟؟؟؟

و شكرا

 

[new woman]

ام كشة اشلونج والله وايد اشتقت لج

مهفة ولي يعافيج انا حجزت التذاكر وعرفت الفنادق بس الفيزا سويت نصها بس مو عارفة اشلون اطلع ارقام الباركوود علشان اطبعها وحدي متضايقة واحاني الفيزا والمقابلة

 

[مهفة]

ام كشة اشلونج والله وايد اشتقت لج

مهفة ولي يعافيج انا حجزت التذاكر وعرفت الفنادق بس الفيزا سويت نصها بس مو عارفة اشلون اطلع ارقام الباركوود علشان اطبعها وحدي متضايقة واحاني الفيزا والمقابلة

وين ابوكم ليش مايسويها !!!!!! :rgewrg:

عالعموم ولا يهمج انا اساعدج فيها ... انا مسوية وحدة من قبل ... شنو اللي منتي عارفتله؟
انتي ما خذيتي موعد ليلحين؟ انا حدي قاعدة أحاتي الموعد اتمنى يكون قريب :yaaaaaarb:

 

[لولوة الكويتية]

اشلووونكم بنات
كويتيه ٨١. اشلوونك. كويتيه ٢٨ وينها من زمان عنها
ام كشه اشلونك واشلون الطابوقه فرحينه انها انزاحت

 

[ذرابه]

مرحباا

اليوم كنت بالسفاره وبعد اللويه والمقابله خذو جوازي وجواز ولدي وريلي ردو له الجواز قالو بعد اسبوعين نتصل فيك !!!

ضاق خلقي شكلهم ماراح يعطونه الفيزا ؟!

احد صار معاه جذيه ؟!

 

[مهفة]

مرحباا

اليوم كنت بالسفاره وبعد اللويه والمقابله خذو جوازي وجواز ولدي وريلي ردو له الجواز قالو بعد اسبوعين نتصل فيك !!!

ضاق خلقي شكلهم ماراح يعطونه الفيزا ؟!

احد صار معاه جذيه ؟!

اكيد اسم ريلج محمد أو عبدالله او عثمان او اي اسم من اسامي الصحابة!!! لأن اهما عندهم عقدة من هالاسامي عبالهم كل من يسمي عليهم اهو ارهرهابي و لازم يدققون عليه الحمدلله والشكر :krkrkr:

بس اخيتي ما قليتيلي انتي موعدج من امتى كنتي ماخذته؟ من زمان ولا تو؟
انا سمعت ان سكروا باب المواعيد او يعطونج موعد بعيد .... صج هالكلام ؟

 

[ذرابه]

مهفه صاجه يمكن عشان اسمه
وبالنسبه للموعد لا والله ما طولنا مكتب سفريات رحنا له يوم الاربعا وسوالنا الطلب وعطانا موعد اليوم الساعه ٨

 

[لولوة الكويتية]

مرحباا

اليوم كنت بالسفاره وبعد اللويه والمقابله خذو جوازي وجواز ولدي وريلي ردو له الجواز قالو بعد اسبوعين نتصل فيك !!!

ضاق خلقي شكلهم ماراح يعطونه الفيزا ؟!

احد صار معاه جذيه ؟!

لا لا تحاتين اكيد بيدققون على شغله معينه دام قالوله بندق عليك عاادي ماكو شي

 

[كويتية أصيله]

تدرين كويتيه ورب الكعبه ماقص عليج احس قلبي مقبوووض جنه عليه طابوقه وتوه بالطياره الدرب ساعه و20 دقيقه لفيغاس كنت بشبك في وايرلس بالطياره بس قلت خل اقرا سوره البقره قريتها بس ماخلصتها بسرعه وصلنا ماشالله والله الضيقه اللي كنت احس فيها اختفت انا توني واصله مطارهم اشكبررره حلووو ,,, واعتقد مفتون سالتني عن الطيران فيرجن وااايد حلوه بس من ورا ضيجه صورتها لج لي وصلت الفندق احطها

ام كشه حبيبتي كل يوم اقري على روحج الرقيا الشرعيه ........ هههههه ضحكتيني جبن كرافت وكلاسات ماكو بامريكا وايد اشياء ماتلقينها فيمتو فلفل دقوس كتكات كاوكاو كادبوري قيمير اتذكر خواني كانو ياخذون كراتين فيمتو وفلفل دقوس لما كانو يدرسون هناك....... وبعدين نصيحه مني لج والله مجربه لاتروحين مطاعم منها بالكويت يعني انا جربت ماكدونالدز الكويت احلا ......جربي مطعم i hope لريوقً ..... جربي اذا تحبين المأكولات البحريه فش بونز.... جربي اولف قاردن ايطالي ...... اي مساعده انا حاظر

 

[كويتية أصيله]

بنات بليز نبي خطة السير لكم بكاليفورنيا........ شفيكم هدوووووووء؟؟؟

 

[new woman]

وين ابوكم ليش مايسويها !!!!!! :rgewrg:

عالعموم ولا يهمج انا اساعدج فيها ... انا مسوية وحدة من قبل ... شنو اللي منتي عارفتله؟
انتي ما خذيتي موعد ليلحين؟ انا حدي قاعدة أحاتي الموعد اتمنى يكون قريب :yaaaaaarb:

اي والله اخيرة لقيت مساعدة احمدك يا رب

انا حطيت بس الصورة والأسامي مو عارفة اكملها ------ اتمنى اتعلميني خطوة خطوة علشان الكل يستفيد

ردي ولي يعافيج بأقرب وقت