اللي تبي تصير اقتصادية وتوفر ادش .....

[CaRaMeLaH]

زين سويتي والله يعينا

والله ساعات تطلع لج أشياء فجأة وتتلخبط الميزانية بسبت موموفرين شي

 

[الدروازه]

مشكورة كراميل

صح كلامج ......بس احنا ليش نجمع عشان الفجأه .......يكون على الأقل عندنا رصيد ؟؟؟؟


مو معتازين أحد .............................

 

[bnt_kwt]

عليج بالعافيه
والله يثبتج بس يختي حاولت بكل الطرق مااافي ما اقدر اضعف حدي
والله انه اذا ضاق خلقي تلقيني يا اروح الجمعيه ولا مركز سلطان ولا سيتي سنتر هذا اقرب شي ولا اخربها ادش السوق واخذ اللي ابيه واللي ما ابيه

والله اني ساعات من الطفاقه تلقيني اخذ مثلا حمره ارد البيت القى عندي مثلها بالضبط
ولا نفس اللون اذا مو نفس الماركه تعبت مع هالحاله وفوق جذي ريلي ما يقصر يعطيني بس لي متى الحين 5 سنين اشتغل ولا ربع دينار ماعندي موفرته فتحت حساب توفير وحطيت فيه شهر 200 يوم خلص معاشي درت على ال 200 اللي بالتوفير ومن يومها وهالتوفير ما دشته فلوس

ياربي ودي اوفر بس ما اقدر ايدي تحكني اذا شفت عندي فلوس زايده

 

[تونه الكويت]

آآآآآآآآآآآآآآآآآآآآآآآآآآآآآآآآآآآآآآآآآآآآآآخ واللي حاول يوفر وما قدر

انا راتبي بعد الزيادة 680 تقريبا وماقدرت اوفر منه شي والله موظفة 12 سنة حتى ربع دينار ماقدرت اوفره

قسط بنك 200
تسهيلات 80
سايق 60
والباقي بالسوق والجمعية

وبأول الشهر انفقر والله يخليلي امي بدل لا اعطيها اخذ منها

قوليلي شلوووووووووووووووووووووووووووووووووون امسك نفسي بالله عليج


وماشاءالله عليج والله يوفقج ان شاءالله

 

[الدروازه]

مشكورين على دعائكم لي هذا اللي يثبتني انشاء الله ....

تدرون الحين ما عندي من مصروفي إلا 7 دنانير .....

بس الحمد لله الثلاجه مليانه ..... وما أبي أطلع عشان ما أحتاج لرصيد التوفير .....مو محتاجه شي لا ملابس ... ولا هدايا ... وإذا طلعت راح اترس بنزين ..... وأنا ما عندي ......

أصلاً مو حاطه كرت التوفير في جنطتي .............. وما آخذه معاي أبدا .....

*****************************************************

أنا لاحظت شي فيكم يا بنات الكويت ..... كل وحده يضيق خلقها ............... على طول تطلع تتمشى يا جمعيه .... أو سوق ............... وتحطون حرتكم بالفلوس .... وتقعدون تتحسرون .....................


يا ناس ................... أكثروا الاستغفار ............. وقراءة القرآن ...

هذا السر .....

 

[ملاك-77]

والله انا لو شنو اسوي ماكو فايده مااقدر اوفر لو دينار واحد للشهر اللي بعده

الحين بجيبي 9 دنانير بس من الراتب مع اني مدرسه ومعاشي زين وحتى الزياده اللي

نزلت لنا صرفتها والله ماعندي اراده كلش لا وازيدج من الشعر بيت بعد هم معاشات العطله

اذا نزلت اصرف راتبين منهم خلال شهر خمسه والسبب الاسواق والمناسبات والمواجيب اللي

يتعمدون مواعدها بعد رواتب العطله لوووووووووول


أشكرج على الموضوع وعسى الله يثبتج وتوفرين لليوم الأسود وعسى الله لايحوجج ولا يحوجنا لغير الله

شكراااااااااااااااااااااااااا

 

[د.شريفة]

والله زين تسوين احسن لج الله يوففج ويبارك لج يارب

 

[عنايد]

آآآآآآآآآآخ دستي عالوتر الحساس

آآآآآآآه ياكرررفي 7 سنين ونص ماطلعت منها بشي

وكل مره اقول لا هالمره غير أرد وأضعف ماااااااااااكوو فايده فيني

مع اني مو اجتماعيه درجه اولى يعني اللي مثلي موتقولين المواجيب هالكتها وماتنلام مايقعد وياها شي؟؟

بس وين ترووح الفلووس ؟؟ ماادري؟؟

 

[قصــب سكــر]

عنايد انا مثلج بالضبط مو من كثر المناسبات اللي اروح لها

تمر شهور ما اروح جمعه والا مناسبه

والسوق ما أروح الا لحاجه ضروريه يعني مو لي اكثر الاوقات

من زمان ماشريت لنفسي بدله حلوه والا شغله سنعه

وينزل المعاش ويطير !!!!

والله العظيم اني اقعد واشوف اللي شريته من هالمعاش ما القى شي

حتى ملابس لعيالي مقلله ماشتري على بو اوفر

وماتغير شي

وزوجي نفس الشي معاشه يطير والله وبدون مبالغه خلال ثلاث ايام

ومو من قل المعاش الحمدلله معاشاتنا كلنا فوق الـ 700 بس مادري وين تروح الفلوس

وانا ساكنه مع اهله يعني ماتقولين في مصرف للجمعيه اصلا الجمعيه ما اطبها والله

الا لحليب وتكرمون حفاظات لبنتي


قوليلي يا دروازه شلون انوفر

 

[الدروازه]

يا حلوكم يا بنات

الأغلب فينا يا الكويتيات ....ما نعرف نجمع ......ياحافظ ....!!!!!!!!

أبي وحده مثللي شاطره .....قاعده تجمع ...عشان تقول لنا خبرتها .....؟؟؟؟

تدرين قصب سكر أنا بديت أجمع من شهر يناير 2008 م بعد ما اشتغلت بـ18 سنه ....من قبل ما عندي شي

فعندج أمل انشاء الله .....................

ملاك 77 ................. حرام تصرفين معاش الإجازه بشهر واحد ........ حطيلج وديعه ....أو اشتري أسهم في شركه جديده راح تنزل شهر 6 ..... وانسيهم

الله يعينج

 

[الفاتنة]

مشكورة يالغالية

 

[أم أمجاد]

جزاااااااااااااااااج الله خير ..........................

 

[manarah]

طريقتج جدا جدا حلوه .. بس انا مشكلتي اني اتشرى وايد ومو لي اكثر شي حق اعيالي يعني ما يبقى لبس ما يبقى العاب ما يبقى فناتق كل شي كل شي وادري ان هالشي غلط وهالشي يمكن يأثر عليهم اهم وماراح شي يترس عينهم بعد بس شسوي بهالطبع لااازم امسك روحي وراح ابدي بطريقه الدفتر نفسج من هالمعاش طالما ما بقى عليه شي والله كريم .

 

[Ma7ad-methly]

اسنغرب من البنات اللي يصرفووووووووون؟؟ ومايباقا عندهم الا جم دينار ينطرون المعاش؟؟؟

انزين انتي تكرفين شهر؟ وتاخذين قولوا 500 تصرفينهم بشهر؟ مغربه انتي؟ عندج يهاااااااال التزامات

انا اتكلم عن الموظفه اللي مو متزوجه واللي ماعندها قصووووووووود

صدقوني كل وحد تتوظف اول ماتستلم المعاش تبطل حساب توفير ببنك التمويل ياخذون منج 100 مادري 150 تتخزن بالبنك ماتقدرين تسحبينها وكل شهر قصي من معاشج على الاقل 150 او 200


ترا والله باجر ينفعونج ونصيحه لاتعلمين احد بالاستقطااااااااااع حتى اهلج حتا ريلج بالمستقبل خليه لج بروحج
انا الحمدلله قبل الزياده معاشي 750
اوفر منه 250 استقطاع ويبقا 500 يزيد علي يفضل 150 ولا 200 لمه المعاش اللي وراه

لاتقولون انتي ماتصرفييييييييييييييييين
انتي ماتكشخين

احلى بدل اللبس واحلى جناط واحلى ساعات بتقولون شلوووووون؟؟؟
لاني اعرف اصرف الفلس ووين احطه ما اصرفه على الخماجير والبلعه والاشياء الاستهلاكيه اللي بتخلص بدقيقه

والحين ويا الزياده 870 ورحت البنك وسويت استقطاعي 400
ويبقالي 470 نععععععععععععمه ووايد علي بشهر

الحمدلله بس المشكله الواحد لازم يعرف وين يحط شقا الشهر الكامل كرف

رفيجتي تقول انا اخر المعاش اتسلف من امي؟؟؟
قلت لها وين معاشج تقول لي يروح ومادري شنو
وياريت اشوف عليها لبس حلووو؟؟ ولاشي استفادت منه

شوفوا اخذوها مني قرنتي اللي تعرف تتصرف بالفلوس تقدر تفكر عدل وتلبس احلى لبس وتوفر
بس اللي تقول ماقدر ومادري شنو هذي ماحاولت واذا حاولت اتوقع ماعندها اراده واتكاليه وتحب تعتمد على الغير وماتعرف تتصرف ولحد يزعل مني هذا رايي

 

[xxx]

مشكورة على الافادة

 

[jolie_q8]

شكرا على الموضوع

تم نقله للقسم المختص

 

[nice smile]

انا ارتاح نفسيا اذا شفت الرصيد اصفار

احس اني حللت معاشي واستانست فيه

انا مو من النوع اللي ايمع .. ومرتاحه دام معاشي يمشي

الحمدلله احب ادلع و اونس روحي اخش فلوسي حق منو ؟؟؟ حق الورثه

 

[اطياب طيبه.أم عبدالله]

ياليت لو نوفر حق مستقبل عيالنا
موضوع حلو

 

[موزة ام فارس]

اسنغرب من البنات اللي يصرفووووووووون؟؟ ومايباقا عندهم الا جم دينار ينطرون المعاش؟؟؟

انزين انتي تكرفين شهر؟ وتاخذين قولوا 500 تصرفينهم بشهر؟ مغربه انتي؟ عندج يهاااااااال التزامات

انا اتكلم عن الموظفه اللي مو متزوجه واللي ماعندها قصووووووووود

صدقوني كل وحد تتوظف اول ماتستلم المعاش تبطل حساب توفير ببنك التمويل ياخذون منج 100 مادري 150 تتخزن بالبنك ماتقدرين تسحبينها وكل شهر قصي من معاشج على الاقل 150 او 200


ترا والله باجر ينفعونج ونصيحه لاتعلمين احد بالاستقطااااااااااع حتى اهلج حتا ريلج بالمستقبل خليه لج بروحج
انا الحمدلله قبل الزياده معاشي 750
اوفر منه 250 استقطاع ويبقا 500 يزيد علي يفضل 150 ولا 200 لمه المعاش اللي وراه

لاتقولون انتي ماتصرفييييييييييييييييين
انتي ماتكشخين

احلى بدل اللبس واحلى جناط واحلى ساعات بتقولون شلوووووون؟؟؟
لاني اعرف اصرف الفلس ووين احطه ما اصرفه على الخماجير والبلعه والاشياء الاستهلاكيه اللي بتخلص بدقيقه

والحين ويا الزياده 870 ورحت البنك وسويت استقطاعي 400
ويبقالي 470 نععععععععععععمه ووايد علي بشهر

الحمدلله بس المشكله الواحد لازم يعرف وين يحط شقا الشهر الكامل كرف

رفيجتي تقول انا اخر المعاش اتسلف من امي؟؟؟
قلت لها وين معاشج تقول لي يروح ومادري شنو
وياريت اشوف عليها لبس حلووو؟؟ ولاشي استفادت منه

شوفوا اخذوها مني قرنتي اللي تعرف تتصرف بالفلوس تقدر تفكر عدل وتلبس احلى لبس وتوفر
بس اللي تقول ماقدر ومادري شنو هذي ماحاولت واذا حاولت اتوقع ماعندها اراده واتكاليه وتحب تعتمد على الغير وماتعرف تتصرف ولحد يزعل مني هذا رايي

عدل والله كلامج أختي 1000%
عين العقل والله لا يغير عليج




اختي الكبيرة والغالية الدروازه خليني اقول لج طريقتي

بس لا تفهميني غلط .. أو تحسبيني بخيلة .. أو مقصرة مع نفسي

بالعكس والله مرتاحه وكل شي بخاطري قاعده اسويه "بحكمة"

- احط لي جدول اولويات .. وكل شهر اشوف احتياجي منه

خليني اعطيج بعض الأمثلة :
- مطاعم وخرابيط وفاست فود ووجبات وعروض وهدايا اللي مسوينها ماتهمني
بالعكس كل ماشفت دعاية قاطينها عند باب بيتنا او مع الجريده آخذها واشققها وتكرمون بالزبالة .

- احاول اخلص اللي عندي من اقلام مثلا ولزاق وتعرفين سوالف القرطاسية هذي ..احافظ عليها عدل ولا اشتتها بكل مكان وتضيع علي .. يعني عندي اقلام ناشفة ورصاص مثلا ليش اشتري زيادة !!!
وتعالي شوفي الدثرة بعدين بكل صوب .. أنا وحده ماحب الدثرة كلش
ونفس الشي العطور والميك اب .. اخلص اللي عندي وبعدين اروح اشتري اللي أبيه ..
والحمدلله الجمعيات مليانة عطورات والعروض ماتخلص كل فترة والثانية مسوين عروض.
محد يدري عنج ان مكياجج يديد ومحد يدري عنج ان العطر قديم مثلا والقلم اللي تكتبين فيه رايح موديله أو يفشل .

- اذا رحت الجمعية اشوف اللي أبيه واللي مسجلته عندي وبس ..
يعني ماتهزني مندوبة تقص علي بعرض اخذي 2 والثالث مجاني !!! طيب اذا كان عندي ال2 شامبو وبلسم بالبيت اشتري العرض كامل ليش ؟! على الاقل اخذ الي مو موجود عندي بقيمة أقل ولا اسبب دثرة عندي وفوضى شرائية بحياتي .. يعني مو كل عرض يستاهل اني اقط عليه .. في عروض تسوى وفي عروض مقصه على المستهلك

- السوق: أنا وحده دعله اشوي ماشتري اي لبس وخلاص .. أركز على الخامه نفسها وموديلها وأقيم سعرها اذا فيه يستاهله اشتريه واذا لا ما أخذه طبعا ولا اتحسف عليه.
بالاضافة اني مفتكة هالسنة من شراء الجنط .. مادري شفيني كرهتهم بس اشيل بوكي وتلفوني معاي
يعني اهني وفرت قيمة الجنط مرة وحده ههه وللعلم اختي والله فرقت معاي واااايد بميزانيتي

- عجبني ميلونير امريكي نسيت اسمه بس ذكر شغلة عن توفيره وهي .. يشتري كل شي بحجم التوفير مثل معجون الاسنان .. شامبو وحتى رول القصدير للمطبخ ----> قاعده اطبق مثله في بيتي ولاحظت الفرق

- استقطاع شهري للتوفير لا بد منه ولا أرجع له .

- صدقات شهرية بيدي اسلمها للجنة مسلمي افريقيا وان شاء الله ما انقطع عنهم
يمكن تسألين ليش اسلمها بيدي ولا اسوي استقطاع شهري من البنك على طول لأني احس بالمتعة اختي والفائده وقاعده استشعر بالعمل اللي اسويه وبنفس الوقت مابي انسى ان هناك فقاره محتاجين على الأقل ابي احس فيهم عشان ما ابذر .
للعلم قاعده أعلم ولدي فارس يقط خرده بنفسه بحصالتهم كل فترة والثانية

- المواجب "استقبال .. عروس .. ولادة .. عيد ميلاد .. قدوم من السفر .. والخ ما شاءالله ماتخلص يبيلها فتح موضوع ثاني بصراحة.

- بوكي: ما اخليه فيه الا 10 او 20 بالكثير



ادري هذرت وايد سوري بس حبيت احط لكم طريقتي

 

[الكرملين]

انا الحمدلله بديت اوفر واسوي طريقتج اختي الدروازه جزاج الله كل خير


11 سنه موظفه ماجمعت فلس مبذره جدا بس الحين ماسكه نفسي وماقمت اطلع واجد من البيت

تصدقون صج اكتشفت الطلعات للسوق والمجمعات والله هي سبب الاسراف وضياع المعاش