اللي تبي تصير رشيقه حياها ..(انتهت المده!)

[om moOody]

السلام عليكم

يا بنات يا حلوين انا ودي اسوي تجمع وتحدي حق اللي صج تبي تلتزم معانا بالرجيم وبالمشاركات
انا كنت في تجمع وايد زين البنات ماشالله ملتزمين بالرجيم بس ماكو وايد مشاركات يوميه :0bee2e8d89:
احنا اهني نبي دايم في مشاركات على الاقل ثلاث مرات في اليوم ادشون اتشجون بعض ووتحمسون وتتشوقون _03BA:
وطبعا تلتزمون بالرجيم هذي اهيا الشروط فقط لا غير :eh_s(6):

اللي تبي تشارك حياها الله :eh_s(6):

وطريقة الرجيم وايد حلوه انا راح احط لكم انشالله بليل كذا رجيم وراح انسوي تصويت عليه واللي ياخذ تصويت اكثر اهوا رجيم الاسبوع اللي يبدي انشالله يوم الاحد

ناطره مشاركتم وتشجيعكم :ggdw:

وانا اول متسابقه :eh_s(6):
ام موودي
الوزن 66 كيلو
الطول 162
الهدف 55 كيلو انشاااااااااااااااااااااااالله :eh_s(6):

 

[7aalawa]

رد: اللي تبي تصير رشيقه حياها ..

السلام انا احب اشارك والله محتاجه احد يشجعني وايد يزاج اللله خير
خوش فكرة التصويت
انا 7aalawa
الوزن 68 كيلو
الطول 160
الهدف 60 وايد زين
وناطرينانصوت للرجيم

 

[om moOody]

رد: اللي تبي تصير رشيقه حياها ..

حياج الله حبيتي حلاوه نورتيني

وانشالله ابتوصلين حق الوزن اللي تبينه


انا انطر مشاركات البنات وتالي بحط لكم كذا رجيم حق التصوييييييييييييت

 

[7aalawa]

رد: اللي تبي تصير رشيقه حياها ..

الله يحييج مشكوره

يلا يابنات وينكم سجلوا معانا تعالووووووو

 

[om moOody]

رد: اللي تبي تصير رشيقه حياها ..

شاركونا يا رشيقات يلا حياكم

 

[shoo.osh]

رد: اللي تبي تصير رشيقه حياها ..

هاي هاي
انا ابي اصير رشيقه وابي اضعف وايد قبل رمضان انشالله
ممكن اشارك معاكم

اسمي شوووش
وزني 69
طولي 158
هدفي 58

 

[نبض الغلآ]

رد: اللي تبي تصير رشيقه حياها ..

هااااااي
انا بعد معاكم وبخاطري اضعف بشهر لان وراي عرس
شنو رجيمكم !!
انا طولي 173
ووزني88
هدفي70

 

[om moOody]

رد: اللي تبي تصير رشيقه حياها ..

حياج الله shoo.osh انشاالله بتصيرين رشيقه وبتضعفين قبل رمضان بس خليج معانا وبتتشجعين

حياج الله نبض الغلا خلاص انتي معانا وبتضعفين حق العرس والكل بيقولج متغيره وملوه وضعفانه انشالله بس خليج معانا

اهم شي الالتزام بنات اذا التزمنا بنتغير وابنضعف في شهر انشالله

deal gairls

 

[om moOody]

رد: اللي تبي تصير رشيقه حياها ..

يلا بعد انا ناطره المتسابقات ينضمون معانا وتالي انزل لكم كذا نوع رجيم وانسوي تصويت والنتايج بليل انشالله

 

[shoo.osh]

رد: اللي تبي تصير رشيقه حياها ..

الله يسمع منج بارب واضعف قبل رمضان وانا معاكم اكيد
وناااسه انا حدي متشوقه حق الرجيم عشان صج ابي اضعف

 

[نجمة على الأرض]

رد: اللي تبي تصير رشيقه حياها ..

آنا بعد وياكم ....أبي أنزل بس 3 ك ..عشان ويهي ما يضعف .

 

[om moOody]

رد: اللي تبي تصير رشيقه حياها ..

حياج الله نجمه على الارض معانا امنورتنا
التصويت يبدي بعد ساعه لما انزل الرجيم
وانشاالله ابتضعفين الثلاثه اللي تبنهم
حطيلي بيانتج بليز

 

[om moOody]

رد: اللي تبي تصير رشيقه حياها ..

بنات يبتلكم انواع واشكال من الرجيم ومن تجارب البنات بالمنتديات , كل وحده سجلت او بتسجل معانا اتصوت واتحط رقم الرجيم اللي تبيه واكيد اللي ابياخذ اكثر نسبه تصويت اهوا اللي بنسويه يوم الاحد انشالله , التصويت ليه بليل الساعه 12


رجيم (1)

رجيم الكورن فليكس نتيجته في أسبوع تنقصي من 6 كيلو ...

و برنامج الريجيم كالاتي

الإفطار: كورن فليكس + حليب قليل الدسم
الغداء: كورن فليكس + حليب قليل الدسم
العشاء: كورن فليكس + حليب قليل الدسم

وممكن توزعي وجباتك على 6 أو 5 حصص يوميه و هذا الرجيم هو من رجيمات السعرات الحرارية المنخفضة ...

وممكن تتفنني في اختيار نوع الكورن فليكس الذي فيه مكسرات أو فواكه أو أي شيء وخاصة انه به كل الفيتامينات المفيدة مع حليب قليل الدسم

وممكن البراون أو الحبوب الكاملة ... يعني أنت وما تحبيه

ومن الاختيارات الموجودة :

الكورن فليكس أبو ديك
وكورن فليكس الرشاقة
والبراون كورن فليكس

بس بدون أي سكر والحليب لازم يكون قليل الدسم

هذا حسابي ل4 وجبات كورن فليكس = 724 سعرة حرارية في اليوم وممكن تكملي على راحتك بالفواكه والخضروات والعصائر حسب جدول السعرات الحرارية إذا كان متوفر لديك
واشربي الماء أي وقت بالإضافة إلى الأعشاب
والشاي بدون أي تردد إذا كنت تراعي انه الحليب خالي الدسم وسكر خاص بالرجيم


الوجبة الوحدة = كوب كورن فليكس 95+ كوب حليب خالي الدسم 86 = 181 سعرة


السعرات الحرارية في كورن فليكس كوب (25 جرام ) = 95 سعرة حرارية وممكن تشوفي اللي موجود على الجدول اللي أي على العلبة وتحددي ...

السعرات الحرارية في حليب قليل الدسم 1%
1 كوب
102

السعرات الحرارية في حليب قليل الدسم 2%
1 كوب 121

السعرات الحرارية في حليب خالي الدسم
1 كوب 86

ولازم الوجبات ما تزيد عن 5 أو 6 وجبات فقط في اليوم... توزيعيها براحتك...


للبنات اللي ما يستغنوا عن النسكافيه أقدم لهم هذا
الجدول الصغير..

إذا احتوى على 2 معلقه شاي سكر وكانت كل معلقه سكر تساوي 20 س صارت40

إذا احتوى على2 معلقه شاي حليب وكانت كل معلقه حليب تساوي 50 س صارت 100 س
إذا احتوى على 1 معلقه شاي نسكافيه و كانت كل معلقه نسكافيه تساوي 5 س صارت 5 س

يعني كوب الحليب بالنسكافيه = 145 سعرة هذا النسكافيه العادي

وإذا قليل أو منزوع راح تكون اقل بكثير..


والشي المهم في الموضوع انه شربه ابد ما يمدك بسعرات حرارية تمتن .. السعرات الحرارية موجودة في السكر العادي والحليب العادي ... ويمكن استبدالها على حسب مزاجك

ولا تنسي الرياضة لو نص ساعة 5 مرات في الأسبوعمنقوووول

 

[* Na3oMa *]

رد: اللي تبي تصير رشيقه حياها ..

الله يوفقكم ويبيلكم جم كيلووو يعني مووايد لاتحرمون نفسكم وايد ..

 

[om moOody]

رد: اللي تبي تصير رشيقه حياها ..

رجيم (2)
عندي رجيم كيميائي::

ينزلك في 15 يوم 12 كيلو

أنا شخصيا مجربته في 5 ايام نقصت 4 كيلو منقوول

بس تركته لأني ماأستخدمت حبوب فيتامينات

وإذا في وحده بتبدأ لا زم تأكل حبوب فيتامينات

وقبل ماأكتب لكم الرجيم أمانه انكم تدعون لي أني اتزوج وأضعف أنا وأختي

لا تضحكون هذي امنية كل البنات صح ولا انا غلطانه؟؟

طريقة الرجيم

بسم الله نبدأ::

كل ثلاثة ايام يتغير مدته(( 15 يوم)) تنزلين بمشيئة الله(( 12 كيلو))

:الثلاثة الأيام الأولى:

زبادي ((((((خالي الدسم ))))))

غداء وعشاء وفطور

: الثلاث الأيام الثانيه :

فواكه بأنواعها طبعا غير((الموز- ولاتكثرين برتقال))

غداءو عشاء وفطور

:الثلاثة الأيام الثالثه:

الخضروات الخضراء ومن ضمنها الكوسه

:الثلاثة الأيام الرابعه :

البيض بأنواعه ((من غيييييير زيوت /إلا إذا زيت نباتي))

: الثلاثة الأيام الخامسه:

لحوم بأنواعها((دجاج-سمك-لحم-تونه)) مشويه بدووووووون زيوت

وانتهى البرنامج

لاكن ملاحظات ::

مو تخربطين بعدين تقولين مانزلت هذا رجيم ((كيميائي))

يعني لازم تطبقينه بحذافيره عشان تحصلين على نتيجه ترضيك

وطبعا الرجيم بدون رياضه ماينفع لازم تقضين نصف ساعه

رياضه تكون أغلبها مشي أو تصعدين وتنزلين على الدرج

وطبعا الماء وبالذات على الريج بمثابة غسيل للجسم والدم والكلى

لا تنسووووووووووووون الماء سر الحياه وكثروا منه

وأتمنى انكم تستفيدوا جميعا

وأذا بتنقلونه أنقلوه بس بأسمي

لأني تعبت على ماكتبته لكم

لاتنسون تدعون لي بالزوج الصالح وأني أضعف

دمتمــ كما تحبونــ



أختكم في الله



إمبراطوره


منقوووول

 

[om moOody]

رد: اللي تبي تصير رشيقه حياها ..

رجيم (3)

رجيم امجرب ينزل تقريبا من 4 الى 6 كيلوات بالاسبوع وهو يتكون من 21 تمرة و3 اكواب من اللبن بس
وتقسمين التمر واللبن على 3 وجبات

انا شخصيا جربته ما اتحسين ابيوووع كلشششش

مسموح بالشاي والقهوه

 

[om moOody]

رد: اللي تبي تصير رشيقه حياها ..

ادري بنات كل انواع الرجيم اللي حطيتها صعبه لس انا نبي نضعف وايد ونبي نضعف ابسرعه لازم انسويهم


التصويت بدا

 

[om moOody]

رد: اللي تبي تصير رشيقه حياها ..

مشكوووره نعومه كلج ذوووق والله يبيلنا وايد عشان انصير نفس هيفاا

 

[shoo.osh]

رد: اللي تبي تصير رشيقه حياها ..

الله وناسه ابي اضعف ابسرعه , يعطيع العافيه ام موودي



انا اصوت حق رجيم رقم 1 كووورن فليكسسسس حدي احبه اول مره ادري انه يصلح حق رجيم

 

[om moOody]

رد: اللي تبي تصير رشيقه حياها ..

حتى انا شووش اصوت حق الكورن فليكس حدي احبه

ننطر البنات وانشوف شنو يختاروون