اللي تبي تصير رشيقه حياها ..(انتهت المده!)

[لورا الغرام]

رد: اللي تبي تصير رشيقه حياها ..

بنك دريييم حبيبتي اشلونج الله يوفقج ياارب
واشلونج حياتي حنان الروح مشكوره حبي على الدعوه الحلوه ولج مثلها يااارب
وافا عليج انا معاااج انشالله لي 12 عشان نوصل للوزن المثالي انشالله بس ما ودج اتسوين وجبه فري انا الحين واايد حارمه عمري 3 ايام بس رووب ولبن اكتيفيا وباجر ببلش فواكه فمتى بتسوين وجبه فري عشان اسوي معاااج
وصج ام موووودي شكلهاا ازعلت بعد عمري ام مووودي حبيبتي سامحينا بس شفتي ظروفنا وانشالله احنا منكملين معااج يالغاليه كلش ولا زعل الحلو باحلو

 

[FuLL.MooN]

رد: اللي تبي تصير رشيقه حياها ..

السلام عليكم صبايا بشرونا شلونكم مع الريجيم انا وزني مو راضي يبيض ويهي

 

[لورا الغرام]

رد: اللي تبي تصير رشيقه حياها ..

هااااي بنااات
اشلونكم حبيباتي
اشلونج حياتي فوول موون لا تيأسين الحال من بعضو
انا بعد موراضي ينزل معني والله ذابحه نفسي رجييييم قاسي بس واااقف مو راضي
بس هم راح اكمل وما اخرب لان يقولون فجأه ينزل الوزن مره وحده ميخالف لو اقعد 3 اسابيع مايتحرك هم بكمل
وبشووووف وآخرتهاا مع هالجسم العله الي والله حدي تعبانه نفسيا والسبه الرجيم ما اطلع مكان من الكليه لي البيت بس
لان تخيلي كل ما ارووح مكااان ما يقولولي متغيره بالعكس يقولون سوي رجيم
يحسسوني اني جني ولا يوم مسويه معني حاارمه نفسي بشكل مو طبيعي
مسويه 3 ايام روووف فقط لاغير تخيلي و5 ايام تمر وحليب وبسوي الحين الكورن فلكس طبعا هذا بعد رجييم الكورن فلكس الي بديته مع ام موووودي فديتهااا
وبس ادري قرقتج بس والله قاومي الاكل وصبري صبر ايووووب يمكن هالمره نضعف وانتي انشالله تودعين ال3 ارقااام

 

[حنان الروح]

رد: اللي تبي تصير رشيقه حياها ..

اوووووووف على هالموقع بديت افقد نفسي بسبته

يالله لوورا حبيبتي مادري شنو الرجيم نمشي عليه لاا تقولين روب ولبن الان مااحبهم محتاااره ابي رجيم بس موعارفه شنو واختي قالتلي انتبهي

لاا تردين اللى نزلتيهم شكلج رديتي نفس اول وانا خايفه اردهم يالله نبي رجيم حلوو ونبدأ فيه يوم الاحد شرايكم ولورا خلي يوم السبت يكون فري

ونبدأ ان شاءالله من الاحد باجر شنو قلتووا؟؟بليز ونبي رجيم فل مون حبيبتي لا تخافين ان شاءالله تنزلين وكلنا يارب ننزل

 

[FuLL.MooN]

رد: اللي تبي تصير رشيقه حياها ..

السلام عليكم صباح الخير صبايا شلونكم
والله صارلي يويمن امشي على ريجيم السعرات 1000 كالوري او 3 ايام بعد والله جنه ضابط عاي على يوم الأثنين يبين عدل انشاء الله
اكل اللي انا مشتهيته وكيفي بس ما اعدي 1000 وإذا لعبت رياضة راح اضعف بإذن الله اكيد اكثر بس لما الحين ما لعبت

 

[لورا الغرام]

رد: اللي تبي تصير رشيقه حياها ..

هلا بنااات اشلونكم
حنان الروح عااااد اتصدقين ماشفت انت قايله نسوي فري السبت وانا اساسا كليت اليوم خربتهااا
الصراحه استانست انج قلتي اليوم فري يعني مو بس انا مخربه كان ضايق خلقي
المهم انتي ابدي الاحد اي رجيم يعجبج بس بشرط لاتخربطين كلش
وانا ببلش رجيم بعد بس ما ادري شنو يمكن الكورن فلكس + شوربت السلري اكثر منها ولو اني ما احبها كلش بس شسوي ابي اضعف بسرعه احس مو مبين علي
ما اقول الا الله كريم انشالله والله يوفقنا وينزل وزنا بصحه وعافيه

 

[Pink Dreem]

رد: اللي تبي تصير رشيقه حياها ..

هاااااااااااااااااااااي بنات

امس رجعت من دبي

خربت الريجيم طبعا اغير بلع بالمطاعم وبالكوفيات ^^ بس طبعا فراره السوق حرقت كل شي


اليوم شافتني وحده انصدمت قالت بنكوووووه حيل ضعفانه مع ان لبسي كان واسع حيل


صج استانست بس اختي تقول طلع لج خدود من السفره خخخخخخخخخخخخخ حطمتني


مشتاقه لكم حيييييييل

 

[لورا الغرام]

رد: اللي تبي تصير رشيقه حياها ..

بنك درييييم اشلونج حياااتي انا الي مشتاقتلج اكثر
عااااااد لاضيقين خلقي وتخربينها على طول والله الرشاقه حلوه وتصغر
كملي زييييين

 

[FuLL.MooN]

رد: اللي تبي تصير رشيقه حياها ..

السلام عليكم صبايا شلونكم وزني نزل كيلو بأقل من إسبوع مع ريجيم السعرات الحرارية وناسة حده يهبل من مخي أسوي الريجيم بس ما اعدب 1000 كالوري
وإذا حسيت اني عديت حركة جسمي أكثر

 

[حنان الروح]

رد: اللي تبي تصير رشيقه حياها ..

بناااااااااااااااات رديت شكلي 3 كيلووو يااقهري صايره امشي واكل واخربط مو قادره امسك نفسي وكل يوم بسوي رجيم رديت نفس امس

احس اذا ستمريت على جذي لين سبوع الجاي راح ارجع لعن من قبل يالله شنو اسوي عاد لالالازم اضعف قبل شهر 11 ضروووري

المهم اذا مادشيت بالايام الجايه راح اسافر اوكي وحاول اشبك ودش الموقع يلا ســــي يـــــووو

 

[حنان الروح]

رد: اللي تبي تصير رشيقه حياها ..

بنااااااااااااات بغيت اسئلكم اللى عندها رقم التوصيل حق لبس سونا حق الزنود يجي نفس الكمام تلبسينهم اللى عندها رقم لا تبخل علي حبايبي

ياليت تحطونه حقي او على خاص طرشونه المهم ابيه اليوم بليل اووكي ســـي يـووو

 

[FuLL.MooN]

رد: اللي تبي تصير رشيقه حياها ..

السلام عليكم شلونكم صبايا
الحمد الله الحمد الله أخيرا المنتدى دششني اووووووووف استغفر الله ماأدري اشفيه علي
شخباركم ولهتو علي ؟؟
سكتو انا منهارة بجهاز الوي امبيييه قمت العب رياضة انا اللي من زمان ما لعبت صارت عندي النص ساعة جنها 5 دقايق ما احس فيها
بس وزني مو قاعد ينزل يمكن عضلات من الرياضة ( أرقع حق نفسي )
بس صراحة ولهت عليكم صج

 

[حنان الروح]

رد: اللي تبي تصير رشيقه حياها ..

فل موون والله لج وحشه وام موودي ماشوفها ؟؟؟

وان شاءالله حبيبتي تضعفين ويبين اكثر انا امس استاانست حدي شافوني بنات عمتي قالولي ضعفاااااااااااااااااااااانه حيييل ويهبل جسمج خليج

جذي وهم بنت خالتي شافتني قالت لي جذي اوكي لا تنزلين بس انا من الوناسه مو مصدقه وحسيت اشوا ماارديت نفس اول يعني

الحمدالله ان شاءالله مايروح تعبنا خسااره ياارب المهم يااليت نتفق علي رجيم شراايكم انا بدور رجيم وارد احطه لكم ونمشي عليه ونبدأ باجر شنو

قلتووا طبعا اللى برجيم انا وفل مون وبنك دريم ولوورا وام موودي المختفيه مادري وينها ؟؟؟؟

يلا ســـــــــــــــي يــــــــــــــوووووووو

 

[حنان الروح]

رد: اللي تبي تصير رشيقه حياها ..

هـــــــــــــــــــاي بنـــــــــــــــــات

يالله مالقيت رجيم حلوو وزين شنو راح نمشي عليه ؟؟؟؟

وبعدين تذكرت كل عام وانتم بخير والله يبلغنا رمضان ياارب ويتقبل منا صالح الاعمال >>طبعا يبيله رجيم رمضان خخخخ

يعني مو نطيح بالاكل علي اساس صايمين ونفطر

ســـــــــــــــــــــي يــــــــــــــــــــوو

 

[FuLL.MooN]

رد: اللي تبي تصير رشيقه حياها ..

السلام عليكم
ووووووووووووووووووول هلا حنونة واي رمضان الله يستر من الهريس واليريش والتشريب لوووووووووووول

 

[Pink Dreem]

رد: اللي تبي تصير رشيقه حياها ..

صباح الخير

وين ام مودي

عسى ماشر

انا مستمره على الرجيم

وعندي مناسبات وايد عقب العيد

دعواتكم اضعف ياااااااااااااااااااااااااااااااااارب



لورا الغرام

ان شااءالله استمر

 

[om moOody]

رد: اللي تبي تصير رشيقه حياها ..

شلونكم بنات انشالله ابخير

لورا الغراح , حنان الروح , pink dreem مشكوورين على السؤال فيكم الخير حبايبي

 

[لورا الغرام]

رد: اللي تبي تصير رشيقه حياها ..

السلااااااااااااااااااااااااااااام
وحشتوني بنااات التجمع وااايد
اشلونكم مع الرجيم ؟؟؟؟؟؟
اشلونج حيااااتي ام مووودي توه مانور التجمع حبيبتي عسى المانع خير انشاالله
وقوليلنا اشلونج مع الدااايت تماام ؟؟
انا عن نفسي الصراحه كنت بالويك اند حاجزه بفندق وسويت فري 3 ايام ادري وااايد بس اليوم بكمل الرجيم لاني اليوم صايمه وما ابي ارد اكل مثل اول وراااي عيد
وانتوا بعد بناات فكروو بالعيد وانكم راح تتيمعون مع اهلكم القراب والبعااد عاااد فشله اذا وحده مو شايفتج من فتره وتقولج @@ وااااااااااااي متناااانه <<< ياشينهم هالنوعيه
فشدوا حيلكم وفكروا بنفسكم وجمالكم من ورى الرشاقه
واحتمال اقطع هالفتره لان راح ابلش امتحانات فاينل عفييه ادعولي بالتوفيق لان هذا اخر كورس وراح اودع الدراسه

 

[FuLL.MooN]

رد: اللي تبي تصير رشيقه حياها ..

السلام عليكم مساء الخير شلونكم ؟؟شخباركم
واي بنات وزني نزل نص كيلو ينزل كل اسبوع نص كيلو مراح اخلص جذي شخلص 116 ....
ام مودي شخبارج لورا تقبل الله انشاء الله بنك وحنونة وكل البنات شخباركم

 

[لورا الغرام]

رد: اللي تبي تصير رشيقه حياها ..

هلا والله فول موون
منا ومنج ياارب
انا اقول لاتضايقين فكري فيها عدل نص كيلو تنقصين كل اسبوع ولا 3 كيلوات اتزيدين كل اسبوووع
والله احنا جسمنا حق المتن زاهب بس الضعف بالقصب خلج جذي ولاتخربين صدقيني قولي انا احسن من غيري والله اني اعرف وحده اتموت على الاكل وزنها 140 وقصيره حيل بس من قالولها احتمال اصابتج بالسكري لي درجة الابر قاااالت استوب ولا ترى كبيره فيها 48
المهم الحين قريب توصل سنه رجيم بس انزلت 20 كيلو بس والله بين عليهااا ولما ازهقت قالولها السكر مرتفع حيل ردت مره ثانيه وصارت تمشي على نظام التخفيف وبس
بس الي ابي اوصلج ايااه ان لاتخلين الرجيم بعدين غصبن عنج بسبب مرض الله يبعده انشالله واسمالله عليج
وخلج على النص ولا تزيدينهم
عيل انا شقول اسبوعين ونص ماتحرك حتى عشر معني ماشيه على رجيم بس هالمره بكمل وبشوف وتاليتهاا مع هالوزن
والله يوفقج ويوفق الجميع يارب