اللي تبي تضعف وفيها شده رجيم بو وجبه وحده :p

[w0o0dy cullen]

هـــاي يا حلوووات ويا رشيقات المستقبل المشرق لوووول

اللي فيها حيل وشده رجيم شووي قاسي خل تشترك معاي بهالقروب واللي مافيها حيل تخلي عندها شويه اراده ههههههههههههه



بنات بهالموضوع بحط كل يوم شنو اكلمت وشنو خربطت وشنو لعبت وشلون حركت جسمي شوي
جييين

اول شي انا ماخليت نظام رجيم ماجربته ماخليت دكتور مارحت له
اضعـــــــــــف وارجع امتـــن لووول
بس لا متنت تصير حالتي زفت زفت زفت اتعب نفسيا خخخخخخخخ

فـ دايم اسوي رجيم وارجع وابطل وارجع اسوي مرة ثانيه
المهم اني ما اوقف
لآ يـآس مع الحياه ولا حياه مع اليـآس


اول شي خل اقولكم على نظامي

والحمد الله ماشيه عليه بس ساعات تاخذني الشهوه وابلع لوول

:dddds:

اول شي

الصبـح : عصير برتقال فرش او قهوه
وبنات لا تخلون بنفسكم يعني اذا مشتهيه موكا مثلا شربيها مو مشكله لان راح تشوفين بهالرجيم ماكو اكل وايد لوووول

مع سكر تروبيكانا


على حزه الظحى : شاي اخضر او عصير تفاح وبسكوت دايجيستيف لايت

بعدين يا بنات ارجع من الجامعه تعباااااااااانه ويووووعانه بعد لووول
بس ما اكل اروح ع طول سرير وانام عشان ما اهجم ع الاكل وعقبها انام والاكل عقبه نوم يمتن

فـ ايي من الجامعه وانام ولما اقعد اتغدى واهو غدا واهو عشا

اشرب شوربه عدس او ماجي مع 1 شريحه توسته
او
خضرا مثل فلفل بارد وملفوف وجزر احطهم ع الملقى مع شووووووووويه زيت زيتون واكله واحط معاه شويه ماسترد ع نفسي لووول

او اذا مالي خلق اكل =حلوه مالي خلق اكل هههههههههههــآآي
توسته وجبن شرايح وحده لايت
طبعا كل هالوجبات احط معاهم عصير برتقال كددي او فرش

طبعا ما يمنع طبق سلطه خضرا من غير طماط لان الطماط ما يضعف هيك قال الدكتور
لول

او خضرا مثل جرجير وايد مهم وزين

بسسسس اهي وحده غدا وعشا لول

ما اكل شي عقب س 8
واذا حسيت باليوع كلللش اكل بسكوت 2 دايجيستيف
ومرات بس اشرب جاي اخضر
ومرات اذا مت من اليوع احط يمي دوولكت ماااي اشربها كلها هههههههههههههههههههههه

بس مع هذا كله لازم لازم حركه
امشي ع الجهاز يوميا من 30-60 دقيقه
واذا مالي خلق كلش ما اقول لا اليوم ما العب لا العب ع الاقل ربع ساعه عشان مااتحسف ثاني يوم لووول

وبنات عشان ماتحسون بالملل بالجهاز حطي الاب توب جدامج وشغلي افلام
انا كل يوم هذي حالتي ههههههههههههههههههه

وان شاء الله نضعف

انا تقريبا باديه من اسبوع

بس بحط هالموضوع من تاريخ اليوم البدايه عشان اللي تبي تشترك معاي
وانا شاء الله نضعف يااااااااااااارب :eh_s(6)::ggdw:


ها شرايكم ؟؟؟؟
_03BA:

 

[miss_lymoona]

موفقه اهم شي التزمي وانشالله تضعفين

 

[شيخه***البنات]

الله يوفقج حبيبتي معااااج ...

لأني مرات اقعد متأخر اشرب اول ما اقوم كوب حليب ..

بعدين وجبه وحده اساسيه بعدن العشا يكون شي خفيف

بسكوت او فاكهه أو روب جذي ...

 

[ضعيفه وعصله]

موووفقه يااااارب

 

[همي رضى أمي]

موفقه ..

 

[w0o0dy cullen]

مشكوووورين يا حبايبي ماقصرتوا
انا ان شاء الله بلتزم

وشيخه البنات
اذا حابه تبدين معاي شرايج نكتب كل يوم اخر الليل ملخص اللي سويناه لوول
واذا وحده منا خربت رجيمها نهاوشها

 

[روعة خيال]

موفقة يااااا رب

 

[شيخه***البنات]

مس كويت ...

اي اي انا ازف هههههه لاتخافين ..

وان شاء الله راح اقولج شنو سويت وشنو ماسويت ..

بس انتي الوجبه الوحده اللي تاكلينها خفيفه حيل يعني موزين عليج جذي ..

 

[w0o0dy cullen]

اهلين بنات يالله خل اقولكم شنو اكلت امس بالتفصيل الممل

بما انه امس كنا بالبر بس كنت حدي حدي صامده لووول

اول شي اول ماقعدت من النوم لعبت 30 دقيقه ع الجهاز =س 10 ص

بعدين الساعه 3 تغديت اهو غدا واهو ريوق لوووول

شربت شوربه عدس بس ماحطيت وايد لان ماكنت مشتهيه شربت تقريبا كثر القلاس العادي اللي نشرب فيه ماي مع توسته وحده

وبعدين طلعت برا عن الدرابيل والبقصم والحلا العماني عاد انتوا تدرون سوالف البر ههههههههههه
ورحت امشي امشي واركض والعب حيله لوووول

لما رجعت البيت ع الساعه 9 كنت ميييييييته من اليوع رجعت شربت شوربه شووويه واكلت قطعه شمندره =حلو المفرد

وبس

ها شرايكم


*********
شيخه البنات اهي صج وجبه وحده بس انا مرات انوع يعني مرات اكل دجاج الجاهز القطع احطه بالشوايه لان مابي زيت واكلت 3 قطع
بس لازم احط ماسترد معاه لوول
ومرات خضرا مع زيت زيتون احطه ع المقلى

وشوفي انا من النوع اللي ايوع بالليل اما حزت الغدا مايهمني كلللش
فـ لما ايوع بالليل اشرب حليب وشابوره يسد نفسي ومرات لا يعني للحين ماشربت حليب بس بالايام اليايه راح اشرب

ويالله موفقه انتي بعد يا شيووخ خل نضعف لاعت جبدنا من المتن
انا هالمرة متحديه نفسي وعندي عرس لوول قلت اذا ضعفت الوزن المطلووووب بفصل تفصال غاااااالي واستانس بجسمي لووول

 

[w0o0dy cullen]

بنات ترا والله والله صارلي اسبوع مسويه رجيم بس الكل ملاحظ علي الضعف والله ينفع
يعني ضعفي يمكن وصل 5 كيلوات هذا شي وااايد زين بس لان الحين ياتني الدورة فـ مو مبين وزني عدل

لما اخلص بقولكم جم صار وزني

للعلم الحين وزني 82
وطولي 163

ان شاء الله اول هدف ابيه 75 ان شاااااء الله بقاوم بقاوم بقاوم لووول

 

[Ashoka]

موفقه وانا مستعده اكون معاج واحب هالنظام لان تقريباً نفس نظااامج لوول وهم نفس وزني تقريباً لوووول

بس جم كان وزنج ؟؟ قبل لا تنزلين

وانا نفسج اول هدف 75


بس انا نظامي اول ما اقعد > تفاحه خضرا + جاي اخضر او اعشاب

اروح الجامعه و و إلخ ارد تعبانه بس ماحب انام لان ارد متاخر ع المغرب فـ اتغدى واتعشى لووول الوجبه تكون شوربة كنور ملوت الدايت الي بمركز سلطان ولوولو هايبر وهالطقه لوول + صحن سلطه + 2 همبرغر مشوي او شيش طاووق او 3 كباب دياي

وبس اصك حلجي بعدها

واتم على السوائل الماي والجاي والكابتشينو طبعاً تروبيكانا دايت والاعشاب وهكذا

قبل كنت ابدع بالوجبه الوحده بس هالمره بلتزم بـ الي كتبته ومن امس متبعته

 

[شيخه***البنات]

مس كويت ..

شيخه البنات اهي صج وجبه وحده بس انا مرات انوع يعني مرات اكل دجاج الجاهز القطع احطه بالشوايه لان مابي زيت واكلت 3 قطع
بس لازم احط ماسترد معاه لوول
ومرات خضرا مع زيت زيتون احطه ع المقلى

وشوفي انا من النوع اللي ايوع بالليل اما حزت الغدا مايهمني كلللش
فـ لما ايوع بالليل اشرب حليب وشابوره يسد نفسي ومرات لا يعني للحين ماشربت حليب بس بالايام اليايه راح اشرب

ويالله موفقه انتي بعد يا شيووخ خل نضعف لاعت جبدنا من المتن
انا هالمرة متحديه نفسي وعندي عرس لوول قلت اذا ضعفت الوزن المطلووووب بفصل تفصال غاااااالي واستانس بجسمي لووول

عفيييه عليج ...

اميين ان شاء الله يا رب نضعف بصحه و عافيه ...

وكملي ماشاءالله دام مبين عليج الضعف كملي عشان تكونين احلى وحده بالعرس ان شاء الله ..

انا ابي انزل 5 واذا اقل مو مشكله الله يوفقنا ..


*
*
*

انا اليوم شووي خربطت ....


#الغدا# ..

ساندويش سموكد تيركي + دايت ..

بعدها .. كوكيــز مال هارديـز ..


*
*
*
*
قبل شوي #سناك#

قهوه + 2 ككاو بونجووم << مادري ليش اثنين :\ ..

<< زفيني ترى انا مدعه ..

ان شاء الله لي باجر ماراح اكل شي ...

 

[teenaa]

هاااااي بنوتات انا مثل حالتكم
دوامي من 8 لين 4 بس اشرب قهوه او اذا كلش كلش كليت حبتين بسكوت
وارد البيت اكل وجبتي الاساسيه (مشاوي او ناقتس بالفرن او هامبورقر مشوي )

واروح النادي او اقعد لين 12 الليل وانام
واليوم النفسيه زفت ما كليت ولا شي من قعدتي الساعه 9ونص الصبح

وبس

 

[شيخه***البنات]

ashokah

هلا و غلاا شلونج حبيبتي من زمان ماشفت مشاركاتج ..

ان شاء الله يارب تضعفين بصحه و عافيه ..

تيناا ..

الله يوووفقج ان شاء الله .. الله يعينج ذكري الله وان شاء الله تتعدل النفسيه ..

 

[qa6wa_]

موفقييين

 

[شيخة الغراشيب]

بالتوفيق يارب

 

[teenaa]

ashokah

هلا و غلاا شلونج حبيبتي من زمان ماشفت مشاركاتج ..

ان شاء الله يارب تضعفين بصحه و عافيه ..

تيناا ..

الله يوووفقج ان شاء الله .. الله يعينج ذكري الله وان شاء الله تتعدل النفسيه ..

هلا والله حبيبتي وين تتعدل وهذا حال الدنيا
خليها على الله سويتلي حليب وجاي ومو قادره اشربه

مغثوثه والله حسبي الله ونعم الوكيل

 

[القطانيه]

الله يوفقكم ياارب والفاال ليي انزل ال 8 كييلو بصحه وعافيه

 

[Ashoka]

ashokah

هلا و غلاا شلونج حبيبتي من زمان ماشفت مشاركاتج ..

ان شاء الله يارب تضعفين بصحه و عافيه ..

تيناا ..

الله يوووفقج ان شاء الله .. الله يعينج ذكري الله وان شاء الله تتعدل النفسيه ..

هلاا فييج بعد عمري والله
انا حمدلله بخير بالنسبه للرجيم اضعف وارد لوول وهذي حالتي :tomato2:
اجمعين ياارب والله تسلمين

 

[شيخه***البنات]

تيناا
افا عليج بس الدنيا ليلحين بخير صدقيني
عسى ربي يريح قلبج ان شاءالله

القطانيه

هلا وغلا شخبارج مع الرجيم مادري عنج
من فتره وان شاءالله تنزلين هال8 بصحه
وعافيه يارب

أشوكا


عساج دوم بخير شدي حيلج مانبي اللي
تنزلينه تردينه وموفقه