اللي خطبت حق ولدها تفيدني ولها الدعاء مني

[شمعة*البيت]

عشقي حمد الله يجزاج خير

 

[شمعة*البيت]

القصمنجيه
الله يوفق وليدج عروستكم شكلها من السعوديه وبالعاده السعوديات ما يتشرطون وايد اهم شي عندهم الاتفاق على زيارة اهلهم على اساس الزوج ما يقطع وصلهم اما ((بعض )) بنياتنا الله يصلحهم فتهمهم الشكليات (العرس الكوشه الشبكه من اي محل مجوهرات ) والله هذي امور زائله اهم شي اخلاق الولد واهله والامور المعيشيه مثل السكن بس شنقول الله الهادي
مره ثانيه الله يوفق وليدج ووليدي واولاد المسلمين

 

[شمعة*البيت]

حبيبة امي
دانه
روحي زوجي
احلى سما
بنوته تكانه
مزيان
ملح وسكر
غمزه وابتسامه
صحفيه
الله يوفقكم ويهنيكم اللهم امين

 

[جوك احلى جو]

من ناحيه السوال عن البنت سالي المعارف لكن الدوام لانهم مومقياس ممكن وحده تكون حاقده علي البنت وتخرب لانهم بالنهايه مو اهل لا تنسين الدوام الناس اجناس مختلفه واصلا الولد اللي يسالون ممكن عنه بالدوام اما البنت ترا مه حلوه يبتذ انها تنخطب وماصار ليلحين شي ولا تنسين الاحقاد والحسد

بس حبيت انبهج من هالناحية

والله يكتب اللي فيه الخير ان شاءالله ومبروك مقدما

 

[monmon12]

الله يسلمج على هذي الدعاء واشنالله يكتب حق ولدج المره الصالحه السنعه

 

[monmon12]

أحب اقول حق الي يقولون ال5 اشويه او فشله
لا مو فشله ولا عيب وتذكرو اقلهن مهرا أكثرهن بركه
والا ما تبي الريال الزين عشان المهر 4 أو 3
ما تشوفين شر الله
مع السلامه والله يعوضه بالي أحسن
واللله العظيم طرااره على افا هالمسكين الي بيتزوج ما سوت عليه مهر وعرس وشبكه ودبله واثاث وسفر وطلعات ومطاعم وشقه بروحها
لايكون عبالكم الشباب بس قاعدين على بنك

 

[شمعة*البيت]

Marymary
الله يوفق اخيج
واكيد بسأل عن البنت انا يهمني السنع والركاده ما ابي مطيوره ولا ام بوز طناقير ( اشوف بناتنا الله يهديهم لا تقولين لها ردي على وراج الا زعلت اسبوع اللهم يكافي ) على ادناة الدون ولا الاخلاق هذا امر مفروغ منه واهلها اهم الاساس (قبل لاتضمها اسأل عن امها) وهذا اللي مخليني استفسر منكم شلون اسأل عنها
دعائكم الله يسر المور ويرزقنا ببنت الحلال

 

[شمعة*البيت]

bnt_7waa
الله يجزاج خير
اي ان شاء الله بستخير انا معاه والله يكتب ما فيه الخير والصالح

 

[شمعة*البيت]

جوك احلى جو
صاجه الله يجزاج خير رايح عن بالي هالشي الدنيا تخرع
الله يوفقج يا قلبي

 

[monmon12]

أهم شي الأم
اذا الأم زينه البت زينه
واذا الأم شينه حتى لو البنت زينه راح يتعب ولدج

 

[شمعة*البيت]

monmon12
يا عمري شكلج صار عندج خبره ميخالف ان خليت خربت وادري ان الله سبحانه بيعطينا على قد نيتنا والله ما يرد عبده ابد
وانا طالبه ربي بالزوجه الصالحه والذريه الصالحه لعيالي وعيال المسلمين
لا تحرمونا من دعاكم

 

[شمعة*البيت]

ما رديتوا علي شنو هذا حفل التعارف ؟
ومنو يسويه اهل العروس ولا اهل المعرس؟
ولازم فندق وبوفيه ولويه ؟

 

[monmon12]

monmon12
يا عمري شكلج صار عندج خبره ميخالف ان خليت خربت وادري ان الله سبحانه بيعطينا على قد نيتنا والله ما يرد عبده ابد
وانا طالبه ربي بالزوجه الصالحه والذريه الصالحه لعيالي وعيال المسلمين
لا تحرمونا من دعاكم

اووووف خبرة من البيوت الي دشينها أول كنت مااعرف وامي كانت نفسج ماتدري شالطبخه خخ
وبالنسبه حفل التعرف
والله فنتق يديد
بس فكرة مو بطاله لنا فيها تعراف
حبيبتي كيفج سويييه وين ما تبين عزمي فيه أهلج وأهلها انتي ووذوقج
بس هذا سووه عقب كل شي يكون متفق عليه وفي فترة الخطبة
عشان تتواصولن أكثر
ويااااااااااا رب الله يرزقكم

 

[صمت المرافئ]

رد : اللي خطبت حق ولدها تفيدني ولها الدعاء مني

الله يوفقكم ويسعدكم
هذي اجابة اسئلتج

اخذ منو معاي للخطبه (امي واخواتي وخالتي وحمواتي)؟
اخذي معاج وحده أوثنتين من أهلج بس

من اول مره ولدي يدخل معانا؟
لا يا حياتي أول انتوا الحريم تشوفون البنت تكلمونها تعجبكم والا لا

اخذ طبق حلو معاي؟
لا ما تاخذين

شنو نوعية الاسئله اللي اسألها ؟
اخذي الامور ببساطه سوالف عامه
ومنها تدرجي للأسئله اللي تبين معلومات عنها

متى احسن وقت نروح بعد صلاة المغرب ولا العشا؟
بعد صلاة المغرب فشله بعد صلاة العشا جنكم تبي تتعشون عندهم

اذا البنت طالبه شلون نسأل عنها يعني اذا موظفه الاغلب يسألون زميلاتها بالخفا بس اذا طالبه شلون ؟
عادي يا حياتي سئليها عن تخصصها شنو تحب تشتغل فيما بعد

اذا عجبتنا البنت نرد على اهلها على طول ولا نثقل وننطر جم يوم مثل بعض الناس ؟
النقطة هذي أهم شي
إذا البنت ما عجبتكم سلموا وطلعوا
أما إذا عجبتكم تعطينهم تلفونكم ليش ؟
لان هني ينتهي دوركم
اهم الحين يسئلون عنكم وعن ولدكم
إذا عجبتوهم يتصلون عليكم
إذا ما اتصلوا عطيهم مهله اسبوع أو عشر أيام واتصلي شوفي الرد
إذا وافقوا عليكم اهني تقولون الولد يبي يشوف البنت
تزورونهم معاكم الولد علشان يشوفها
يقعدون مع بعض بعيد شوي عنكم يتكلمون مع بعض
تشوفون إذا اعجبته ...إذا عجبها
تستأذنون وتروحون بيتكم تتصلون بعدها تشوفون رايهم
يمكن البنت وافقت يمكن لا وولدكم بعد يبيها والا لا

جم تقريبا اسعار المهور هلايام ( احنا حضر) ؟
في هذي ما أقدر افيدج شوفي أهلج والمقربين منج

لازم دزه وشبكه مع المهر ؟
بالنسبه لنا لا المهر وممكن نزيده ألف أو شبكه

شكثر تطول الخطبه يقولون كل ما طولت احسن ؟
مو شرط تطول اعتقد قصدج الملجة ؟؟؟
لا تزيد عن شهور على ما يجهزون بيت الزوجية

الله يوفقكم ويهنيكم يا رب​

 

[أهداب]

رد : اللي خطبت حق ولدها تفيدني ولها الدعاء مني

ماحبيت اطلع بدون ماارد
الله يوفق ولدج في بنيه الحلال
وعساها تجمعكم ماتفرقكم

 

[عادت ذكرياتي]

الله يرزقق ولدج بالزوجة الصالحة اللي تربيله ذريته احسن تربية

 

[Nokia N95]

الله يرزقه الزوجة الصالحة و الذرية الصالحة البارة يارب ....

 

[فقـدتـك حيــل !]

رد : اللي خطبت حق ولدها تفيدني ولها الدعاء مني

الله يوفقكم وييسر لكم ..
ويلاقي بنت الحلال اللي تريحه ..

المهر ما يتشرطون فيه أغلب العوايل ،
انتوا واللي تعطونه والدارج 5 وخاتم الماس (الدبله) وساعه ..
والروحه ويا الوالده واختج الكبيره ،
ومن اول مره خلي الولد موجود ، عشان ما تصير طوالة ..
اكيد اهو له نظرته ..
والبنت بتعرفون مايتها من اول قعده ..
مريحه ولا لأ ؟
طريقة كلامها واسلوبها ؟
جريئة ولا تستحي ..
اكيد لكم نظرتكم ..

والله ييسر ان شاءالله ،

 

[Miss McDonald]

رد : اللي خطبت حق ولدها تفيدني ولها الدعاء مني

,
آلله يوفقه يآرب .. وتششوف عيآل عيآله ..

 

[gourges 1]

رد : اللي خطبت حق ولدها تفيدني ولها الدعاء مني

الله يوفق الجميع
بس سؤال لي اتقول المهر 5 وطالع
يعني ايهو شرط من شروط الزواج والا ما يصير؟؟ واذا ما عنده الا 4 اشلون يعني تفلها عشان الف دينار
الحين ما فكرتو الا بالهدايا والفلوس
ما فكرتو البنت والولد لايقين على بعض متفاهين يعجيهم اسلوب بعض طبايع بعض حتى طريق الأكل تأثر
بعدين رحمو حااااال الشباب من وين اييب كل هذا
ترى انتو ماتفكرن
يعني الشباب يقعدون يطحسون في دواماتهم يكدون يكدون ويخش ويمع بيزه على الثانيه عشان اخر شي يتزوج وحده تاخذهم كله
هاااااااااااااا والله قهر
وين أقلهم مهرا أكثرهن بركه
انا الصراحه
البنت الي تتطلب واااايد وتفكرون بالهدايا والعرس وهالخرابيط كلها هذي مو مالت زواج
ماتشوفون الريايييييل تقب

عزيزتي

بخصوص كلامج عبالج انا البنت الي خاطبينها ؟ :080402ask_prv:

لوووول

يعني انا شكو اهيا سالت وانا جاوبت بوجهة نظري

ويكون بعلمج احنا مانتشرط بس احنا نشوفها بمنظور الذووق يزيدون عن الفلوس الي يعطونها لهم الحكومه تبي تعطي الف تبي تعطي الفين شي راجع لها محد فرض على احد شي ...

وبعدين الهدايا من السنع ... يعني انتوا عندكم يحطون الفلووس بظرف ويعطونها اهل البنت؟؟؟ :bbbiu:

احنا الحمدالله عمره ماكان المهر ثمنا ولكن فيه تقدير لنا ...

والناس بكيفها تعطي شخباري الي يتشرطون الحين العالم تشتري الناس

وهم الناس تقدر البنت وتعطيها شي يجملها .
وبعدين شفتي المهر الي من 5 وطالع ؟

ترى ماايسوي شي .. خصوصا اذا ماعطوها شبكه ..
تخيلي الشبكه الحين مو باقل من 4 الاف ... جم يبقالها الف ؟؟؟

شتسوي فيهم نفنوف عرس ولا صالون ولا مصوره .. ولا تجهيز مثل الاوادم @@

فوق المهر الي يعطونه والله الاهل يزيدون معلومه يعني

اهلنا مايقصرون فينا

واذا على سؤااالج اختي بخصوص ان لو ينقص الف مايتم الزواج؟

عيل انا برد عليج السؤال بسؤال

هل لوو مااتصير خطبة حريم وبعدين رياييل هل راح مايتم الزواج؟؟
:080402ask_prv:

هل هلشرط انذكر بكتاب الله ولا رسوله ؟؟؟

لا بس هذا عرف .. والعرف من القوانين الي نمشي عليها ...

والعرف الحين من ال5 وطالع ... وهذا مو شرط من شروط صحة الزواج ..

كل وحده وكيفها

لا تقلولي هذا زواج وانا عروس وهالخرابيط كلها
بعدين شنو المره قيمتها شكثر يعطيها الريال عجيييب امركم يا بنات ديرتي
كله ماديااات هذي طراره مو زوااااج
وبعدين الصراحه بنت العز والخير ما تتطلب كل هذا وما تصدقون مهره يمكن يكون اقل من 4 بعد
وتشوفوين ريلها عاازها ورااازها ومايبي غير رضاها
وفي بنات 10 مقدم وعرس وهدايا واخر شي كشيش بالمحاكم
هذااااااااااااااااا زواااج مو صفقة تجاريه ولا شغل طراارة
ادري انهديت عليكم بس والله عيب الي قاعدين يسوون البنات ويا اهلهم بالريال عبالهم اذا دفع يعني مضمون أكثر الا حمااار أكثر

احد قالج العروس بدش بالمهر البوورصه :080402ask_prv:

اسلوبج مو عاجبني بصراحه ...