اللي خطبت حق ولدها تفيدني ولها الدعاء مني

[monmon12]

قورجس ميخالف يمكن انا انفعلت اشوي
بس انا شفت بناات واااايد رفضوا ريايييل والله انهم ذهبه عشان هالكماليات وتحسفو
بعدين حبيتي
لا تسؤولوني سؤلو الريايييل شوفيهم اشكثر متضاايقيمن من هالسوالف الي انتو تقولون عنها تقدير
التقدير عمره ما ايي من فلوس او ساعه او حفلة
انا الي اشوفه انا الناس بالخطبة تركز على هالمادايدات الي بعد 10 سنين محد راح يدري عنها والخلاجين الي انشرت انقطت من زمان
بعد 20 سنه زواج مني يطلع التقدير اذا الريال ما يهين المره يحبها يعطيها ما تزوج عليها لنا ترست عينه
المشكله ان هذي الفلوس عبالكم الريال يابها جذي من غير تعب
بعدين وين كلمة خذوهم فقراء الله يغنيهم
واقلهن مهرا اكثرهن بركه
والله ان الشباب لايعه جبدهم من شروط البنات وتطلبااتهم واذا انا جذابه روحو سالوهم
والعرف يا حبيبتي اذا جذي خله البنات الزينين عوانس والفليبنيات صارو أم فلان وعلان

 

[monmon12]

وعلى فكره مو الا تشتري كل شي في السوق خووو لاحقه لاحقه
ومو الا الغالي كل وحده على طاقة ريلها لاتشوف شنو بييد غيرها

 

[Marymary]

حبيبتي مشكورة ما قصرتي لان انا واحد من اهلي انقرص والي صارلنا نبهنا بهالشي

ما سألو عن البنت نهائيا البنت اطلعت خفيفة حيل وناس بعد ما تطلقو قالو انها مغصوبة عالزواج وما بغت تتزوج واظاهر كانت تحب واحد وطاحو عليها واول واحد يالها دبسووه فيها لانهم كانو حدهم مستعيلين والمشكله ان تزوجت وكانت حدها مراهقه
فسألو عدل عنها *

 

[Marymary]

اخت مون مون خل اقولج شغله انا طلبت مهر عالي الي اهوه 5 بس بالمقابل ما تشرطت بولا شي ثاني لا قلت ابي عرس ولا قلت ابي سفر ولا شي طلبت*يعني مو شرط الي تطلب مهر غالي ما تقدر الريال

 

[monmon12]

اخت مون مون خل اقولج شغله انا طلبت مهر عالي الي اهوه 5 بس بالمقابل ما تشرطت بولا شي ثاني لا قلت ابي عرس ولا قلت ابي سفر ولا شي طلبت*يعني مو شرط الي تطلب مهر غالي ما تقدر الريال

لا يا حبيبتي
ترى فاهميني غلط
شوفي انتي طلبتي مهر غالي بس ما ثقلتي بالباجي
انا اتكلم عن البنات الي تاخذ مقدم 5 ولازم مؤخر 5 أو 10 وايهي على فكره ماتدري انه هذا دين برقبة ريلها حبيبها بوعيالها
عبلاهم حبر على ورق او بس ضمان انه مايطلق
بعدين لازم عرس لازم سفر لازم شقه لازم شبكه لاززم لازم
اذا طلع لازم يشتريلها جنطه ماركه لازم كله 5 ستار
يعني حتى لو الريال معاشاه الف دينار بذمتكم حسبوها تكفي
يعني بالله فهموني البنت الي تطلب كل هذا تبي الريال والا عبالها انه بحبها أكثر لما تسوي جذي
الشباب فعلا فعلا متأذين من هالسالفه لنا الي يشتغل دوامين والا يروح من 8 لي 5 دوامه
والي دوامه خفارات
يعني تعب بالهلفوس تيي هذي تاخذ تاخذ تاخذ ولاااا فوق كل هذا شنو يعني تبيني غير عن البنات
أرجو اني وصلت النقطه :eh_s(20):

 

[توته شيطونه]

لا تقلولي هذا زواج وانا عروس وهالخرابيط كلها
بعدين شنو المره قيمتها شكثر يعطيها الريال عجيييب امركم يا بنات ديرتي
كله ماديااات هذي طراره مو زوااااج
وبعدين الصراحه بنت العز والخير ما تتطلب كل هذا وما تصدقون مهره يمكن يكون اقل من 4 بعد
وتشوفوين ريلها عاازها ورااازها ومايبي غير رضاها
وفي بنات 10 مقدم وعرس وهدايا واخر شي كشيش بالمحاكم
هذااااااااااااااااا زواااج مو صفقة تجاريه ولا شغل طراارة
ادري انهديت عليكم بس والله عيب الي قاعدين يسوون البنات ويا اهلهم بالريال عبالهم اذا دفع يعني مضمون أكثر الا حمااار أكثر

انا مو معاج بالنقطه هذي لانه اسال مجرب ولا تسال طبيب انا ما طلبت وايد وفوق هذا شقه عاديه وكل شي

واخرتها طلع الريال مو زين واخلاقه مو زينه وللمعلومه كل شي كان علينا

بالعكس خليهم البنات يدلعون عشان يرزها ويعزها بدال البهدله

 

[ولهااااانه]

البنااات كفوا ووفوا
الله يوفقكم

 

[monmon12]

انا مو معاج بالنقطه هذي لانه اسال مجرب ولا تسال طبيب انا ما طلبت وايد وفوق هذا شقه عاديه وكل شي

واخرتها طلع الريال مو زين واخلاقه مو زينه وللمعلومه كل شي كان علينا

بالعكس خليهم البنات يدلعون عشان يرزها ويعزها بدال البهدله

يا حبيباتي
مممم اشلون اوصلكم هالنقطه
هذا بالضبط الي انا ابي اقوله
بدااااال لا يحاتون البنات الهدايا والمهر وكل هالسوالف لنا هذي راح تيي مع الوقت اشنالله والريال كل ماحب المره عطاها زياده
بس اذا من بدايتها تحسسه انه ايهو كي نيت راح ينفر
المفروض الي يشغل المره في فترة الخطبة مو النفنوف
الريال الي بتااخذه مو الشبكه طباايع هذا الريال
موووو الساعه والدبله أمه وخواته اشلون صايرين
يا ريت انه يحااتون هالشي كثر المكياج والصالون والفلوس
وبالعكس خل تتدلع وتتطلب بس خل تشوف الي جدامها شنو الي يقدر عليه مو تخليه يتسلف عشان تلبس او تستانس :eh_s(22):

 

[وهج الخير]

رد : اللي خطبت حق ولدها تفيدني ولها الدعاء مني

الله يبارك لك بولدك ويبلغك فيه
ما قصروا خواتي الغاليات
عسي الله يرزقه بالعروس اللى تسعده وتحبك وتصير لك بنيه وانتي حسبت امها ويبلغك بعيالهم
دعوه صادقه واللحين بصلي العشاء وبدعيله
اللهم امين امين

 

[شمعة*البيت]

monmon12 فاهمتج يا عمري - الحمد لله ما عندنا مؤخر -الله يوفقج يا امي
صمت المرافئ عجبتني وجهت نظرج بالرد الله يوفقج ويرزقج كل امانيج واكثر
اهداب امين يا عمري الله يوفقج
Smilling امين يا قلبي الله يجزاج حير
Nokia N95 الله يجزاج خير -امين - الله يحبب الصالح من خلقه فيج
فاقدتك حيل! الله يسهل من عنده الله يسمح بالج وينولج مرادج يا عمري
Miss McDonald الله يجزاج خير -امين- الله يوفقج
gourges 1 انا فاهمتج يا قلبي وmonmon12 محروق قلبها على شبابنا اللي ماخين فلبن وسبت عدم قدرتهم على تكاليف الزواج ما الومها
Marymary الله يعوض عليه بافضل منها ويوفقه اللي يصير لكم عشان جذي قالوا الاولين( كل ما هان تبارك)
توته شيطونه الله يهديه ويسخره لج
ولهااااانه الله يجزاج خير
وهج الخير الله يتقبل دعاءج اللهم امين والله ويسخرج من يحبه ويرضاه يا قلبي

 

[شمعة*البيت]

الله يجزي الخير والتوفيج لكل وحده دخلت وجاوبت ودعيت لولدي ولي
ما قصرتوا بناتي وخواتي الكويتيات الله يشهد ان رايكم وايد نورني
مشكورين
ولا تحرمونا من دعائكم بظهر الغيب
:stars: أحببببككككممممم:stars:

 

[شمعة*البيت]

انا وعدتكم اني ادعي للي يفيدني وانا ان شاء الله ما نسيت احد واذا نسيت ولا غفلت اتمنى تسامحني

 

[مزيان]

رد : اللي خطبت حق ولدها تفيدني ولها الدعاء مني

بنات صح انا مااقول الواحد يرخص في بنته
السؤال لازم والواحد بنات الناس مولعبه
وبالزمن هذا حتى البنت لازم ينسأل عنها بعد
والتوفيق من الله
بس احنا نقول ليش التشرط الزايد على غير سنع
والله يوفق الجميع

 

[حنونه بطبعها]

سألت عن حفل التعارف
اهوا حسب ما سمعت يسوونه قبل الملجه بحفل محفوف للقراب من الاهل ( يسوونه بمزرعتهم ولا شاليهم ولا ياخورهم على غدى ) او عشا بالبيت حسب الظروف
وهي برايي شي جديد وايد حلو ( ولو اني افضل تكون بعد الملجه )
ان شاء الله افدتج

 

[شمعة*البيت]

مزيان الله يجزاج خير ويسعدج يارب
حنونه بطبعها موفقه يا عمري خوش عرفت الحين سالفة حفل التعارف حركه حلوه ان شاء الله الله يسهل واسويها
دعواتكم وموفقين يا قلبي