اللي ريلها مو كويتي ..تتفضل تدش

[norema-sarto]

اللي ريلها مو كويتي ..تتفضل تدش وتقولنا ...

1* شنو الصعوبات اللي قاعدة تواجهينها...
2* وشنو الشغلات اللي محرومه منها...
3* شنو تتمنين من الحكومة اليديدة تسويلنا...
4* وين حقوق المرأة الكويتية اللي قالو عنها...
5* عيالج (( أين هم من هذا التيار)) ما رأيهم ...
6* ما هي أعمارهم تحت السن القانوني أم فوق السن القانوني.....
7* فقد تساوينا مع الرجال...ولكن في السكن أين هم... لماذا ... نريد حلا
الأسئلة كثيرة ..نريد إجابات لها...
فأتمنى من كل كويتية تعاني هذه المآسي تتفضل بالدخول ... وإن نسيت شيء ذكروني...

******************************************
أنا كويتية...بس زوجي غير كويتي
تزوجته عن حب .. ولم أعلم ما هي الصعوبات التي ستواجهني...
ولكني تغلبت تقريبا على كل شيء ..

أريد سكنا ملكا لي .. سكن أشعر بأنه لي... ويكون لأطفالي من بعدي ... وليس إيجار مدى الحياة...
فهم يساعدون الكويتي بقرض حتى يبني أو ينتظر الإسكان... فلماذا تعطيل قرار بنك التسليف لقرض الكويتية....

أطفالي الذين هم بسن 9 سنين ودون... عندما علموا أنهم غير كويتيين ...عن طريق البطاقة المدنية ..حيث سألوني لمذا بطاقتنا خضراء...أجبتهم ولم أعلم ما سيجري...
هل تعلمون ماذا فعلوااااااااااااااااااااا؟؟؟؟

لقد بكوا...نعم بكوا بكاءا لم يبكوه من ضربي لهم بالعصا... بكوا لأنهم مستصعبين الفكرة فقط ...كيف ... ولماذ...وإلى متى؟؟؟

مع أن حماتي التي هي أخت زوجي متزوجة من كويتي .. وأطفالها يتكلمون لغة الأم والغة الإنجليزية... ولا يعرفون اللهجة الكويتية على الإطلالالالالالالالالالالاق... ويتعلمون بمدارسها الحكومية ... ويعانون الصعوبات فيها .... ولكن؟؟؟؟؟؟؟؟ إلى متى... إلى متى؟؟؟

هل الجنسية حلالا للمرأة الفلبينية التي تلد أطفالا أشكالهم فلبينية.... أم الهندية التي أشكالهم هندية وووووو...

لا أريد تجنبس زوجي ... بل أطفالي اللذين لا يعلمون أي شيء عن بلدهم الأم حيث ترعرعوا في الكويت .. ولهجتهم كويتية ويتعلمون مدارسها ...


أريد أن أرى تعليقاتكم
مع حبيييييييييييي
شكرا​

 

[^ليلاس^]

انا كويتيه وزوجي غير كويتي

بس انا برايي اللي تتزوج غير كويتي تتبع زوجها

وانا بنتي اكيد بتتبع جنسيه ابوها وانا عارفه هالشي وعادي عندي

* شنو الصعوبات اللي قاعدة تواجهينها...:
:eh_s(10): ماواجهتني صعوبات يمكن مشاكل بسيطه روتينيه
2* وشنو الشغلات اللي محرومه منها...
الحمدلله زوجي معاشه زين وانا بشتغل وماشيه الحياة
3* شنو تتمنين من الحكومة اليديدة تسويلنا...
ما سألت نفسي الصراحه
4* وين حقوق المرأة الكويتية اللي قالو عنها...
تقصدين السكن وجذي؟

5* عيالج (( أين هم من هذا التيار)) ما رأيهم ...
بنتي صغيره مادشت المدرسه ولا وديتها حضانه بعد
6* ما هي أعمارهم تحت السن القانوني أم فوق السن القانوني.....
سنتين

 

[ii DareeN ii]

والله الله يعينج اختي على الصعوبات الي تواجهينها بس اختي اي انسان لازم يفتخر في اصله يعني المفروض تاقلمينهم على ان اهو بلده الام جذي وتعلمينه عليها عشان مايحس ان ناقص بالعكس كل اصول الناس والنعم فيها
بعدين اختي يوم تزوجتي اكيد تعرفين ان العيال يتبعون ابوهم هذا دينيا وقانونيا انتي

 

[خبيرة اعشاب]

و الله ما ادري بس انا اختي زوجها مو كويتي ..( ما شفنا خير من الكويتين)
المهم هي عايشة ويا زوجها في دولة اوروبية و عيالها عندهم جنسيه زوجها بالاضافه للجنسية الاوروبية ..و هم عايشين برة فما تواجههم مشاكل بالكويت الحمد لله يعني يجون شهر سياحة و يروحون ...

بس بالنسبة للكويتية الي تتزوج اجنبي الله يعينها صدج في نواقص كثيييييييييييره في القانون الكويتي الخاصة بمساواة الرجل بالمراه و هم يبتدون من منطلق ان الرجل الكويتي اذا تزوج اجنبيه اكيد عياله رح يكونون كويتين بس الكويتيه اذا تزوجت اجنبي عيالها يتبعون جنسية ابوهم فمو معقول انهم يعطون اسرة معظمها اجانب قسيمه و جذي ....
فانا اول شي اقترح تجنيس الزوج الغير كويتي ..يعني نفس ما الرجال يجنس زوجته سواءا كانت فلبينيه او مصريه ..الخ فهم بعد الكويتيه ممكن اتجنس زوجها

لاشاره في الدول الاوروبيه و امريكا اي مولود يولد على تراب الدولة و لو ان ابويه ما عندهم جنسيه المولود تطلع له جنسيه الدوله هاذي و ممكن يجنس امه و ابوه بعد ...عقبال الكويت

 

[شكليطه]

السلام عليكم ورحمه الله وبركاته

اذا سمحتوا لي اخواتي الافاضل ابدي رايي بهالموضوع بدوووون تحيز او قصد لكلام اي عضوة
لان هالكلام اللي انقال هني عام والكل قاعد يردده


حبيباتي انا ابي اسال ليش مهتمين بالجنسيه الكويتيه لي هالدرجه؟؟
ليش ما تتبعون جنسيه الزوج الغير كويتي؟
شنو فرقها عن الجنسيه الكويتيه؟؟

تخيلو الوضع
الكويتي يتزوج غير كويتيه......ويعيشون بالكويت شي طبيعي....
لكن الكويتيه اللي تتزوج غير كويتي.....ليش ماتعيش في ديره زوجها؟؟
ليش ما تطالب بحقوقها عند حكومه زوجها؟؟؟

ليش ماكو حمد ولا شكور حق هالديره الطيبه

انا ما أأيد زواج الكويتي من غير الكويتيه
لكن المنطق يقول ان عيال هالزواج بالاخير راح يصيرون كويتيين
فبالتالي الحكومه تهتم بالنوع من الزواج

لكن اذا الكويتيه عيالها مو من جنسيه بلدها......بالعقل الحكومه ليش تصرف على عيال غيرها؟؟؟

يعني بدون احتقار للجنسيات ومع احترامي الشديد لها
الحكومه شكو تصرف حق عيال (المصري) والا (الهندي) والا (الاسباني) والا (الايطالي) ؟؟؟
لان اهما اساسا ما يحملون اسمها.....


اعتقد بعض الامور تتطلب (بعض) التضحيات

والانسان قبل لا يتخذ قراره لازم اهو يحدد (اولوياته) ويشوفها هل تستاهل التضحيه والتنازلات والا لأ


يعني يمكن وحدة عادي عندها تغترب عن ديرتها وتنتسب لجنسيه زوجها
عشان جذي رضت بغير الكويتي

لكن وحدة ثانيه...كانت اولويتها انها تتزوج وبس.....وما فكرت في باجر او بعدين
او ما حسبت لتوابع هالخطوة اللي قامت فيها...
هني المشكله


وسلامتكم
واعذروني اذا سويت زحمه والشارع فاضي

 

[norema-sarto]

انا كويتيه وزوجي غير كويتي

بس انا برايي اللي تتزوج غير كويتي تتبع زوجها

وانا بنتي اكيد بتتبع جنسيه ابوها وانا عارفه هالشي وعادي عندي

* شنو الصعوبات اللي قاعدة تواجهينها...:
:eh_s(10): ماواجهتني صعوبات يمكن مشاكل بسيطه روتينيه
2* وشنو الشغلات اللي محرومه منها...
الحمدلله زوجي معاشه زين وانا بشتغل وماشيه الحياة
3* شنو تتمنين من الحكومة اليديدة تسويلنا...
ما سألت نفسي الصراحه
4* وين حقوق المرأة الكويتية اللي قالو عنها...
تقصدين السكن وجذي؟

5* عيالج (( أين هم من هذا التيار)) ما رأيهم ...
بنتي صغيره مادشت المدرسه ولا وديتها حضانه بعد
6* ما هي أعمارهم تحت السن القانوني أم فوق السن القانوني.....
سنتين

مشكورة حبيبتي على الرد....
تعليقي على كلامج...
لو كان الزوج خليجي فماكو مشكله .. بس المشكله لو الزوج مو خليجي ...أعتقد الوضع عندج راح يتغير...
وتدرين إن المرأة الإيماراتية ألحين تجنس ريلها مهما كانت جنسيته...
وإحنا مو أقل منهم...
والحمدلله أنا أشتغل وريلي هم يشتغل .. ما كو مشكله بالفلوس..المشكلة بالسكن..
أعرف وحدة سورية .. أولدت بس بكندا... تدرين ... عطوا عيالها جنسية كندية ... ويمشيلهم معاش شهريا ...وتملكوا بيت بكندا... وهي عايشة بالكويت مع عيالها ...​

 

[norema-sarto]

والله الله يعينج اختي على الصعوبات الي تواجهينها بس اختي اي انسان لازم يفتخر في اصله يعني المفروض تاقلمينهم على ان اهو بلده الام جذي وتعلمينه عليها عشان مايحس ان ناقص بالعكس كل اصول الناس والنعم فيها
بعدين اختي يوم تزوجتي اكيد تعرفين ان العيال يتبعون ابوهم هذا دينيا وقانونيا انتي

حياتي..ردج حلو وبمكانه...
أنا قاعدة أتكلم على اللي قاعد يصير... بما إنهم قاعدين يجنسون البدون .. واللي عنده أحصاء 65.. فأنا ألأولى ... كويتية اللأصل وأبي أعيالي يصيرون كويتيين... يعني البدون أحسن منهم...
على فكرة أنا أتكلم بالنيابة عن بعض البنات اللي قابلتهم وطلعنا بنفس الفكرة ... يعني مو بروحي....
وحدة كويتية وريلها بدون...وتشتغل بمكان راقي جدا ومحترم ...ومعاشها تقدر تشتري سياره كاش .... يعني ممكن تشتري جنسية أجنبية لعيالها وهي قاعدة بمكانها..مثل ما الكل قاعد يسوي ألحين من البدون أو الفلسطن أو أو أو... يشتري أي جنسية ..ويدخل الكويت ويشتغل بأحسن وضيفة وبراتب ؟؟؟؟؟ خيالي
ليش...؟؟؟؟​

 

[norema-sarto]

و الله ما ادري بس انا اختي زوجها مو كويتي ..( ما شفنا خير من الكويتين)
المهم هي عايشة ويا زوجها في دولة اوروبية و عيالها عندهم جنسيه زوجها بالاضافه للجنسية الاوروبية ..و هم عايشين برة فما تواجههم مشاكل بالكويت الحمد لله يعني يجون شهر سياحة و يروحون ...

بس بالنسبة للكويتية الي تتزوج اجنبي الله يعينها صدج في نواقص كثيييييييييييره في القانون الكويتي الخاصة بمساواة الرجل بالمراه و هم يبتدون من منطلق ان الرجل الكويتي اذا تزوج اجنبيه اكيد عياله رح يكونون كويتين بس الكويتيه اذا تزوجت اجنبي عيالها يتبعون جنسية ابوهم فمو معقول انهم يعطون اسرة معظمها اجانب قسيمه و جذي ....
فانا اول شي اقترح تجنيس الزوج الغير كويتي ..يعني نفس ما الرجال يجنس زوجته سواءا كانت فلبينيه او مصريه ..الخ فهم بعد الكويتيه ممكن اتجنس زوجها

لاشاره في الدول الاوروبيه و امريكا اي مولود يولد على تراب الدولة و لو ان ابويه ما عندهم جنسيه المولود تطلع له جنسيه الدوله هاذي و ممكن يجنس امه و ابوه بعد ...عقبال الكويت

هلا والله بخبيرتنا...
شلونج وشلون حالج ... إنشالله ما نسيتينا بس....
شاكرة لمرورج وتعليقج...
أختج وزوجها وعيالهم ... ما يواجهون أي صعوبات لأنهم عندهم نفس جنسية الدوله اللي قاعدين فيها ... فلهم حق راتب .. وحق سكن ..وحق وظيفة..شنو أكثر من جذيه لو الكويت جنستهم ...جان إختج تركت ديرتها وراحت برة ​

 

[rainbow_brite]

انا اختي كويتيه ومتزوجه اماراتي في البدايه ظلت بجنسيتها واهي عايشه بالامارات بس بعدين تنازلت وخذت جنسية الامارات والحمد الله ماشيه الامور

 

[norema-sarto]

السلام عليكم ورحمه الله وبركاته

اذا سمحتوا لي اخواتي الافاضل ابدي رايي بهالموضوع بدوووون تحيز او قصد لكلام اي عضوة
لان هالكلام اللي انقال هني عام والكل قاعد يردده


حبيباتي انا ابي اسال ليش مهتمين بالجنسيه الكويتيه لي هالدرجه؟؟
ليش ما تتبعون جنسيه الزوج الغير كويتي؟
شنو فرقها عن الجنسيه الكويتيه؟؟

تخيلو الوضع
الكويتي يتزوج غير كويتيه......ويعيشون بالكويت شي طبيعي....
لكن الكويتيه اللي تتزوج غير كويتي.....ليش ماتعيش في ديره زوجها؟؟
ليش ما تطالب بحقوقها عند حكومه زوجها؟؟؟

ليش ماكو حمد ولا شكور حق هالديره الطيبه

انا ما أأيد زواج الكويتي من غير الكويتيه
لكن المنطق يقول ان عيال هالزواج بالاخير راح يصيرون كويتيين
فبالتالي الحكومه تهتم بالنوع من الزواج

لكن اذا الكويتيه عيالها مو من جنسيه بلدها......بالعقل الحكومه ليش تصرف على عيال غيرها؟؟؟

يعني بدون احتقار للجنسيات ومع احترامي الشديد لها
الحكومه شكو تصرف حق عيال (المصري) والا (الهندي) والا (الاسباني) والا (الايطالي) ؟؟؟
لان اهما اساسا ما يحملون اسمها.....


اعتقد بعض الامور تتطلب (بعض) التضحيات

والانسان قبل لا يتخذ قراره لازم اهو يحدد (اولوياته) ويشوفها هل تستاهل التضحيه والتنازلات والا لأ


يعني يمكن وحدة عادي عندها تغترب عن ديرتها وتنتسب لجنسيه زوجها
عشان جذي رضت بغير الكويتي

لكن وحدة ثانيه...كانت اولويتها انها تتزوج وبس.....وما فكرت في باجر او بعدين
او ما حسبت لتوابع هالخطوة اللي قامت فيها...
هني المشكله


وسلامتكم
واعذروني اذا سويت زحمه والشارع فاضي

شكليطه...أكيد أسم على مسمى...
أنا ما حطيت الموضوع ...إلا عشان الكل يشارك ويبدي رايه...
أنا ما تضايجت على تعليقج بس ......
1) أكيد بطالب بالجنسية الكويتيه لأني أفتخر إني كويتية .. ومن حقي المطالبة فيها .. وما يحتاج إني أتكلم عنها ...
2)...ليش ما أعيش بديرته....أنا ممكن أروح ديرته وأعيش.. بس ليما أولد وأرد...تدرين إني راح أرد بالياهل وجنسيتنا فوقه ...تدرين ليش لأنهم قدروا عيشتي عندهم ومن حقي إني آخذها.. من غير ما أتكلم...
ووالطفل يتلكم لغة أمه مو لغة أبوه .. ولأن الكويت ديرة طيبة لازم عيالي من نفس هالديرة هذه.. اللي إنولدوا.. وتربوا..وتعلموا بهالديرة مو بغيرها.. وطاقتهم لهالديرة مو لغيرها لأني الحمد لله والشكرلله (( كويتية)).
3)كلامج عن المنطق ..ok..
الجنسية للعيال ليش الزوجة؟؟؟؟
وأنا قلت بموضوعي أن الجنسيه لعيالي مو لزوجي..
وبما أن ألحين المرأة والرجل تساووا .. فالتساوي المفروض بكل شيء
أشكرج حبيبتي ..مع تحياتيييييييييي ​

 

[norema-sarto]

انا اختي كويتيه ومتزوجه اماراتي في البدايه ظلت بجنسيتها واهي عايشه بالامارات بس بعدين تنازلت وخذت جنسية الامارات والحمد الله ماشيه الامور

مشكورة حبيبتي على مرورج....
مثل ما قلت ...لو الزوج خليجي فما كو مشاكل حتى لو يو وعاشو بالكويت..لأنه يعامل معاملة الكويتي...​

 

[مهلبيه]

انا معاكم زوجي غير كويتي

وعندي ولدين؟؟


ودي يعيشون عادي حال الكل
طبعا انا زوجي سعودي

 

[مرت ريلي]

المفروض الولد بس يكمل الـ 21 يخيرونه بين الجنسيتين

وكيفه

أدري قطيتها عالبراد بس هذا اهو الحل

بصراحة انا زوجي كويتي بس بلاغة الشف اللي فيني صعبة

 

[سما الكويت]

جيتى على الجرح!!!!!:eh_s(14):

صج احنا متزوجات عيال ناس والحمدلله عايشين عيشه ممتازه...

بس من القهر اللى نشوفه...

انا مو ساكنه بالكويت..

بس القهر لما اكون كويتيه وما اتمتع بخير ديرتى...

تجى فليبينيه والا....اى جنسيه ثانيه وتتجنس وتصير احسن منى واهيا جنسيه مليون وانا الاولى بالتأسيس!!!!

موقهر!!!:eh_s(14):

وانا عيالى بعد تاثرو لما درو انهم مو كويتين!!!

مع انى ساكنه مع زوجى بديرته..

بس الحمدلله وضحتلهم ان كل واحد لازم يفتخر بجنسيته...

بس والله قهر!!:eh_s(14):

انا هنيه مو قادره اكمل دراستى..ولا اشتغل..لانى كويتيه..

ويقولون لى تنازلى عنها تشتغلين!!!

قلت لو اموت!!!

وانقهر لما اشوف بنات هالديره اللى انا فيها يتزوجون كويتين..

ويمشي لها معاش وتتوظف بجنسيتها..

واذا تبى تاخذ الكويتيه هذا شي راجعلها..

يعنى عايشات فوق الريح..

وانا الكمبيوتر يرفضنى لانى كويتيه!!!!

موقهر!!!:eh_s(14):

وانا والله دايم اقول لازم اعضاء مجلس الامه يفكرون فينا شوى...

يطالبون بتحسين اوضاعنا او يعاملون الجنسيات الثانيه مثل ما يعاملونا احنا خارج ديرتنا...

واسفه على الاطاله ..بس والله الموضوع طويل ويبط الجبد!!!!:eh_s(14):

 

[حروف]

موضوع حساس ....... انا رفيجتي ريلها سعودي ..... والحمدلله عايشين

بس بناتها وعيالها موراضيين يقتنعون ...... يقولون احنا عمرنا ماشفنا السعوديه ومانحبها ...... احنا من طلعنا على الدنيا واحنا بديرتنا واذا عالجنسيه هالورقه مانبيها اهم شي انا احنا متاكدين انا كويتين الاصل والمنشأ والتربيه والولاء والروح ......

والله يوم قالتلي جذيه عن عيالها خنقتني العبره ..... وطرى لى بالي

هالبيت .....

اللي يبينا( ديرتهم ) عيت النفس تبغيه
واللي نبي ( الجنسيه ).. عيا البخت لايجيبه

بس صاجين خواتي والله قهر هالاجنبيه اللي تاخذ كويتي والله والله ان ذاك اليوم رايحيين مراجعه الحوامل والا اشوف فلبينيه ...... تسولف كويتي مكسر لا وتكلمج بالسياسه وانا بنت الديره وانا بنت الديره ....... سألتها بلاغة شف قلتلها ماشاء الله تتكلمين كويتي عدل جنج كويتيه قالت اصلا انا كويتيه والله تقول ريلي كويتي وورتني البطاقه ........ قلتلها اقول .... حافظه النشيد الوطني قالت ها قلت لا سلامتك خلف الله على بناتنا الكويتيات
اللي متزوجين خليجيين

بس مااقول لخوات المتزوجات من غير كويتين ...... الا تباشرو بالخير وبتقولون حروف قالت

ولسوف يعطيك ربك فترضى

 

[سما الكويت]

الله كريم يا وخيتى...

مافى شي بعيد على الله..

بس والله كل شي مصعبينه علينا..

ابيلى بيت يضفنى انا وعيالى اذا جيت بالصيف..


مو معقوله عايله وهالله هالله وساكنه ببيت ابوى..

ويقولون القانون ما يعطيكم بيت الا بشرط السكن!!!

وزوجى ووظيفته؟؟وعيالى ودراستهم!!!

الله يرضى بجذيه؟؟؟

والله انا من القهر ماراح اصوت لاعضاء مجلس الامه ..توبه!!!

احس انهم ما قاعدين يقدمون شي لنا..

يقولون انتو اللى اخترتو مصيركم!!!

ياربى الاسلام قال اذا اتاكم من ترضون دينه وخلقه فزوجوه..

ما قال اذا اتاكم كويتى فزوجوه!!!!!

بس نستبشر خير ان شاء الله...

 

["الدرر"]

الله يعينكم ويكتب لكم الخير والصالح:eh_s(17):

 

[قمر ضاوي33]

موضوع وايد حلو وحساس


صديقتي متزوجة سعودي ... بالنسبة للصعوبات الي واجهتها اولاً المعاش الي ما يزيد 300 دينار من 11 سنة ولو انه ما يشتغل بمجال الإعلام جان علوم شغله بالإعلام يطلع له مدخول ممتاز ما شاء الله بس النتيجة انه كله مسافر تصوير ومونتاج ولا يومه من الصبح الي الليل بالتصوير ...

فعلاقته مع زوجته وعياله وايد تواجده قليل بالبيت ...

وعيالها بمدارس خاصة تدفع مبلغ وقدره ... ما شاء الله عيالها ثلاثة كلهم مدارس خاصة ...


وبعدين ما لها حق ببدل الإيجار وبالعلاوت الإجتماعية بحكم انها كويتية ...

ولا لها حق بسكن يعني طول عمرها بالإيجار ...

عيالها الحين صغار ما يعرفون انهم سعوديين عايشين بالكويت بس اذا كبروا اكيد راح يحسون انهم غير عن الباقي ... بس اهي لحين تفكر تروح بعيالها السعودية ...

 

[zeen_el_q8]

السلام عليكم و رحمة الله و بركاته

انا يمكن عضوة يديدة بس متابعة من مدة هالمنتدى و بصراحة شدني هالموضوع و حبيت أدلو بدلوي فيه

و أتمنى كلامي ما يضايق أحد

موضوع مثل هذا موضوع حساس فعلاً

بس سؤال يطرح نفسه :

اللي تزوجت ( غير كويتي ) يعني ماكانت تدري بأن كل هالشي راح يصير لها ؟

انا وحدة ضد تجنيس ( الغير كويتيين ) سواء رجال أو نساء للمحافظة على ما تبقى من مجتمعنا و من الدخلاء اللي صاروا أكثر من الكويتيين الاصليين

لو نرجع للدين و للقانون

بنلقى أن الرجل هو المسؤول عن الزوجة و البيت و كل متطلبات الحياة واجب عليه يوفرها لعائلته .. و من هالمنطلق ممكن ( نبلع ) تجنيس ( الزوجة غير الكويتية )

اما تجنيس ( غير الكويتي ) لأن زوجته كويتية ..!!

اسمحولي

دامها قبلت تتزوجه .. معناته انها قبلت اصله و بلده .. و عيالها تابعين لابوهم سواء رضت أو ما رضت لأن هذا الواقع

و عمرنا ما سمعنا ابناء تابعين لامهم بالنسب او الاصل

هي تتمنى عيالها كويتيين .. انزين جان تزوجتي كويتي .. دامج قبلتي تتزوجين غير كويتي خلاص مثل مارضيتي بابوهم ارضي بجنسيتهم اهم

ما اشوف ان المسألة فيها جانب انساني مثل ما الاغلبية ادعت .. لأن اللي عيالها تأثروا .. فخلها تسمح لي اقولها الغلط منج سيدتي العزيزة ..

المفروض عيالج يتربون على اساس أصلهم و جنسيتهم الاصلية مو على جنسية غيرهم

هالديرة ما قصرت مع عيالها ابد .. بس هم بعد تبون تلزمونها بعيال غيرها ؟

ما اظن ان الكويت و الحكومة الكويتية ملزومة بأي شخص لا يحمل الجنسية الكويتية ولا حتى ملزومة تجنس احد !!

كل حكومة ملزومة بمواطنينها على ارضها و رعاياها خارج ارضها و هالشي ما يزعل احد اكيد

و ارجع اقول اللي قبلت بالبداية تقبل للنهاية .. بس ما تتهم الدولة بالتقصير و تجحدها


تحياتي

 

[سما الكويت]

هلا فيك ياقلبى...

اسمحيلى اكون اول وحده تعلق على كلامك..

اول شي انا معاك بضد التجنيس الزوج...

لان احنا بعد نقدر نتجنس على ازواجنا بس مانبى....

بس حلو كلامك لما قلتى ان كل دوله مسؤوله عن مواطنينها ورعاياها...

مدام الحكومه راح تتنكر لنا علشان تزوجنا غير كويتى...

ليش ما يحطون قانون يسحبون فيه جناسينا بمجرد الملجه!!!!!!!!!

ليش يقبلون تصويتنا فى الانتخابات؟؟؟

انا كويتيه بالتاسيس..وللاسف بالاسم فقط...

لامتهنيه بخير ديرتى ولاعايشه عدل بره..

بتقولين انتى رضيتى ..لايا قلبى..

انا لما رضيت اتزوجه كنت اقيس على مجتمعنا..عادى الخليجيه تدرس معانا..

وتتوظف..وتتعالج..ولها اثبات خاص فيها..

ماخطر ببالى اسأل شنو وضعى برا!!!!!

وتفاجأت ان حتى اثبات يحدد منو انتى...مافى!!!

ليش ما يكون فيه انصاف اكثر لنا؟؟؟

احنا هم كويتيات ..ما اقول جنسو عيالى وزوجى..

اقول ابى يكون فيه انصاف بيننا احنا الكويتات...وبين اى جنسيه ثانيه تتزوج كويتى..

القاعده هنا..تتزوجين كويتى تربحين..

تتزوجن غير كويتى انتى الخسرانه!!!

موضوع طويل يا خواتى ومتشعب وناس كثير ماراح يعجبهم كلامنا ..وناس راح يتفقون معانا..

بس هل راح يلاقى صدى!!!!والا مجرد فضضه وبس!!!!