اللي ريلها مو كويتي ..تتفضل تدش

[شكليطه]

اختي سما الله يعينج حبيبتي

انا كلامي نفس اختي زين

اوكي ياالغاليه.......انتي تقولين انج تفاجئتي بوضج (((((برا)))

طيب الدولة شنو دخلها....؟؟؟؟؟شنو ذنبها بهالسالفه مو معقوله بتتابع عيالها بره حدودها
وتتشرط على باجي الدول يراعونهم

حبيبتي.....اعطيج اياها من الاخر
الحمدلله رب العالمين الكويت ديره عز وخير
الله يديمها علينا

عشان جذي الكويتيه تحس بنقص اذا خذت اجنبي
لان ديرته ما فيها مثل الكويت الله يحفظها

يعني الكل حاط عينه على هالجنسيه ومميزاتها

يعني بذمتج حبيبتي شفتي اجنبيه ماخذه كويتي تطالب حكومتها ان يعطونها بيت ...!!!!!!!!!!!



يعني بالعقل.....انتي اقامتج تكون في ديره زوجج....يعني اذا يتي الكويت راح يكون بشكل زياره

مو معقوله اللي يبي ايي زياره لازم يكون عنده بيت والا فيلا

اتوقع يقزر حاله في اي شي

يعني فلانه من الجنسيه الفلانيه ماخذه كويتي وساكنه بالكويت........تهقين تطالب ديرتها يوفرون لها بيت عشان تسكن فيه اذا يت تزور اهلها؟؟

اي ديره تسوي جذي؟؟؟؟؟


وبعدين سالفه مساواة الرجل بالمرأة
مع ((((( احترامي)))) للجميع......هذا كلام فاضي
وين راحت قوامه الرجل؟
ليش تتحلطمون اذا حطيتوا فلس حمر بالبيت....مو انتوا تبون المساواة مع الرجل؟؟

والا السالفه بس تبون تاخذون بدون لا تعطون!!

يعني اللي معروف بالدين وبالعرف ان الرجل هو القوام بالعايله
وهو المسؤول الرئيسي عشان يوفر لها حياه كريمه

عشان جذي اهو من حقه انه ياخذ بيت.....

اما اذا تبون المساواة.....فتحملوا المصاريف كااااااااامله اللي كان يتحملها الريال

 

[سما الكويت]

مع احترامى لرايك حياتى ومن الاخر...

انا ابيهم يعاملون زوجات الكويتين غير الكويتيات مثل ما قاعدين احنا نتعامل بالخارج...

ولاتقولين مو معقول الحكومه تطالب الدول يراعون عيالها بره...

ايه معقوله..ليش كل هالوزارات؟؟والسفارات..ومجلس الامه ..مو علشانا ؟؟؟

ليش تسمح للخليجيه تدرس وتتوظف هنيه وانت تدرى ان بنات الكويت مو مسموح لهم يمارسون هالحق هناك...

هذا مربط الفرس...

وصدقينى الديره كافله لنا حقوقنا..

بيت وتجنيس للعيال..


بس متى !!

اذا مات الزوج ((اسمله عليه)) او انا تطلقت..((الله لايقوله ان شاء الله))

وهذا شي بصالحنا والحمدلله على الاقل نحس اننا ماراح نضيع..

وانا يا قلبى الحمدلله عايشه عيشه ممتازه هنا فى ديرة زوجى ..

بس فاقده الوظيفه وان يكون لى كيان..

وصدقينى ما اطالب بحرية المرأه ومساواتها بالرجل..اعوذ بالله..

وأسفه على الاطاله ..واذا كلامى ضايق احد او اثار تحفظكم ..سووورى..

 

[المزيــونه]

انا بس قريت الموضوع كامل وانا مع الأخت شكليطه لان كلامها عين العقل
والصراح الي استغربت منه كلام الأخت سما الكويت واللي اهو
(انا ابيهم يعاملون زوجات الكويتين غير الكويتيات مثل ما قاعدين احنا نتعامل بالخارج...)
ليش ياقلبي جذي الرسول صلى الله عليه وسلم قال حب لأخيك المسلم ماتحبه لنفسك وانتي كل الي مضايقج بالموضوع انهم يعاملون زوجات الكويتين الغير كويتيات احسن منج بالعكس تمني الخير للناس مثل ما تتمنينه لنفسج عشان الله يوفقج ولا اطالعين لغيرج واتحسدينهم احمدي ربج على كل حال ولا تزعلين من كلامي بس هاذي نصيحه لوجه الله .
وترى انا مو متزوجه ولا لي شغل بالموضوع بس حبيت اشارك ومشكورين

 

[رفود]

حبيبتي الله يعينكم بس بالاول والاخير هذي غلطتكم انتو يا بنات فكرووووو عدل قبل لا تاخذون اجنبي لان الحياة اكيييد راح تكون اصعب عليكم
وانا مو متزوجه بصراحه بس دايم اشوف بالتلفزيون مشاكل الكويتيات الي ماخذين اجانب

 

[zeen_el_q8]

اختي سما

حياج الله عزيزتي

عندي استفسار بسيط ياريت تردين عليه

شنو الحقوق اللي الدولة ما كفلتها لج ككويتية ؟

و أتمنى ما تقولين لي ( بيت ) و الـ 70 ألف ولا ماادري شكثر صارت الحين و علاوات الزوجية و الاولاد ؟

لأن الرد بيكون و ببساطة

من المسؤول عن توفير مسكن ؟ و من المسؤول عن مصاريفج انتي و عيالج و واجب عليه يوفر لكم أساسيات الحياة و المعيشة ؟

لأن الدولة عساها بس توفر لعيالها .. هالدور تبون تلزمونها بالغُرب ؟؟

ما اظن احد يرضى بهالشي .. و اتوقع دولته اهو الللي ملزومة توفر له هالاشياء .. و توفرلج انتي بعد لأنج على ذمته .. و طبعاً هني لازم تشوفين شلون نظام المعيشة بدولته و اللي اقدر ابصم لج بالعشرة ان ماكو دولة عربية راح تقدم نفس اللي تقدمه الكويت

مشكلتكم اخواتي انكم راضين تلعبون دور الزوج و الزوجة بنفس الوقت و اللي اعنيه بكلامي انكم لازمين نفسكم توفرون كل شي مع ان في اساسيات الزوج مسؤول عنها و واجب عليه يوفرها

و ارجع و أقول .. انتي قبلتي فيه ( المفروض ) يكون قرارج بالارتباط انبنى على وعي بكل الظروف و كل شي ممكن تتعرضين له و ماتكونين قبلتي تتزوجين من ناحية عاطفية بس

و كل واحد يتحمل نتيجة افعاله و اختياره .. مو لما تطيح الفاس بالراس نقول تعالوا حلوها لنا ..!!

اما مسألة معاملة الكويتيات بالخليج من ناحية توظيف و دراسة و معاملة الخليجيات في الكويت

فانا على حسب علمي ان اتفاقيات مجلس التعاون اهي اللي ساوت الخليجيين بالكويتيين تقريباً و تظل الاولوية للكويتيين

اما دول الخليج شلون تتعامل مع الكويتيات بصراحة ما جربت

بس اذا بتتكلمين عن السعودية .. فعلى حسب علمي انهم يعانون من بطالة .. يعني مو قادرين يوظفون عيالهم .. شلون بيوظفون من الخليج ..؟؟


تحياتي للجميع

 

[^ليلاس^]

dahawi05

مادري انا اشوف وضع الخليجي وغير الخليجي يعني عربي او اجنبي نفس الشي

انا زوجي مو خليجي

 

[سما الكويت]

بنات انا ما طالبت بمعاش ..

وكلامى لما قلت ابى بيت..لان الدوله اصلا تعطينى ..بس بشرط السكن..

وانا ما احسد الخوات الغير كويتيات..معاذ الله..

بس ليش اهى تتمتع بخير ديرتى وانا منسيه لانى تزوجت غير كويتى!!!

وانا ارجع واقول عيشتى ممتازه والحمدلله وزوجى مو مقصر معاى وأخر شي يفكر فيه جنسيتى..

بس انا ابى اتوظف واعيش حياتى..لاتقولين السعوديه تعانى من بطاله!!

حبيبتى احنا مو مسموح لنا نكمل دراستنا هناك..الا اذا كانت امك سعوديه!!

والوظيفه اغلسي ايدك..موعلشان البطاله مثل ما تقولين..لا ..لانك مو سعوديه..

حبيبتى مشكلة السعوديه مو البطاله وما فى وظايف..مشكلتهم ما كو شهادات لها قيمه..والتوظيف بمناطق بعيد عن الاهل..

قارنى كلامى بوضع البنت السعوديه بالكويت!!!

بغض النظر اذا تجنست او لا..

انا كل اللى ابيه..ابى اتوظف..واعيش حياتى..

وفيه مشاكل كثيره نواجهها هنيه بس تهون عند الوظايف!!!



والله يوفق الجميع..


وسوورى مره ثانيه..

 

[ليالي الكويت]

أنا مع كلام شكليطــه و زين الكوويت

وفي نفس الوقــت المفرووض ما يعاملوون اللي تتزوج كويتي مثل الكويتية
نعامل كل دولة مثل ما تعامل بناتنا اللي عنهدهم بالضبـــــط

أحس اني باطلع برا الموضــوع

ما ادرري ليش الكويتي يتزوج مو كويتيــة ؟؟؟!! :eh_s(14):

أنا أشتغل في مكان بالدولـة وتجينا تعينات اشكثرر من غير كويتيات ومتزوجين كوويتي

حتى تعيينهم يصير غير ما يحطون اساميهم بالجريدة علطوول تعيين وهذا ماشاء الله من صالحهم طبعاا

أدري طلعت من المووضوع بس فعلا هذا اللي أشوفـه
حتى آخر مرة زميلة لي بالدوا اخوها تزوج مو كويتية
سألتهااا هو اللي يبي قالت لا احنا اخترنا لــه ؟؟؟

 

[سما الكويت]

جزاك الله خير ليالى الكويت هذا اللى احاول اقوله..

 

[Mrs. Finance]

السلام عليكم،،
والله الموضوع جدا مهم و حساس..
تدرون بالسعودية عندهم قانون حلو ..ان الزوجة طالما انها بذمة سعودي تتبع جنسيتة و اذا طلقها تنسحب منها..
احنا بالهديرة هالاجنبيات يطمعون بالجنسية و اذا حصلوها تطلقوا و تنتعو بكامل حقوقهم و امتيازاتهم ككويتيات,, و يفتحون شركات و يترسونها من اهل ديرتهم
الاجنبية اذا خذت كويتي يابت كل اهلها و ربعها الكويت و يعيشون عيشة 5 نجوم ما يحلمون فيها.. ( هذا الي صاير عندنا بالعايلة )

انا مع خواتي الي يحسون بالظلم.. صح الوحدة تتحمل قرارها بس هم المفروض نصير نفس الدول المتقدمة دان ان العيال انولدو و تربوا و اكبروا بالديرة مافي شي يمنع حصولهم على الجنسية .. و الزوج مالنا شغل فيه !
حرام الكويتية تبتلش كل فترة باقامات عيالها و التامين الصحي و المدارس الخاصة !! حالها حال اي مقيم؟ جنه عقاب لها !

زوجها اجنبي كيفه بس عيالها المفروض يتمتعون بامتيازات افضل من اي اجنبي مقيم

 

[بنت الكويت العسل]

اللي ايده بالنار مو نفس اللي ايده بالماي

سما كلامها واضح وبصراحه هذا اللي يقهر فلسطن يلعبون ويسرحون بالديره متزوجين ضباط كبار وتلعب وتخرب وتفتن ومحد قادر عليها وبالاخير الوكيل يردها الدوام غصب عن اللي مايرضى شنو تقولون عنه هذا غير انهم يعطون ناس ماتستاهل للجنسيه خلوها تقول جمله كويتيه مفيده مافيه غير هاظ وشو وكيف وكلامها الوصخ اللي نفس ويها تروح مصر الديسكو وينهم عنها الاستخبارات قبل لايعطونها الجنسيه ؟؟؟؟؟؟؟؟مفروض يعرفون انه اغلب المتكوتات عن طريق ازواجهم خذوها طمع مو حبا في ازواجهم ولا حبا بالكويت عندي اكثر من مثال على هالشي والثانيه روسيه خايسه بديرتها مو لاقيه تاكل بالاخير تتزوج كويتي شوفي نفسها الخايسه مصلحجيه بدرجه غير طبيعيه تمشي ورا مصلحتها هذي على شنو جنسوها واهي ماتعرف تكتب ولا تقرا عربي ولا تتكلم كويتي حتى والاخلاق يابلاش متزوجه وتكلم وتطلع ونعم الشرف والثالثه هنديه تقول ناسر بدل ناصر سحرت الريال ولعبت فيه وماتعرف تتكلم جمله كويتيه مفيده وغيرهم وغيرهم على اي اساس تجنست ؟؟؟؟؟؟؟؟؟؟ ياللي تقول مايجوز يجنسون الغرب ويخلطون الكويت ليش مادريتي انه اهل الديره الاساسيين اصلا تخالطوا من سنين من قبل لا يطلع التجنيس جنسوا نفس الناس مو تجنسون خايسين وتقولون تستاهل الجنسيه لانها تزوجت كويتي اغلبيتهم جنسوا طمع وشوفيهم خصوصا الفلسطن وخليهم يسرحون ويمرحون اكثر طول ما اهم مستانسين فيهم جمعوهم لين تنترس الديره من الخمه اللي من هالشاكله شوفوا اللبس والحركات اللي صارت بالمجتمع من وين يت غير من هالخمه روسيات وفلبينيات وهنديات وفلسطن ولبنانيات وين اللي ماتتستر لصقوها وجنسوها
وعيال الكويتيه قانونا لهم حق التجنيس دام درسوا في مدارس الكويت لين خلصوا وبعدين اقامتهم بالكويت تكون لي حد فتره محدده هذا قانون بالجنسيه للي ماتعرف واضح وصريح وحتى المقيم الشريف اللي فنى حياته بالكويت اقروا الدستور وتعرفون هالنقطه وحصل ناس وايد على الجنسيه من هالموضوع واعرف ناس وايد من زمان بالكويت خذوها بشرف مو مثل هالخمه تتلصق بالكويتي عشان جنسيته ومصلحتها ابدى واي مشكله قالت طق والجنسيه بجيبها وتعالي شوفي بعدين والمحاكم فيها قصص ويريتهم يتنكلون

 

[& مــشــايــخ &]

الله يعين الجميع بصراحه هالموضوع الواحد مايقدر يجزم فيه لأنه شوي صعب بس ماعلى الله صعب لابد المشكله تنفرج ان شاء الله

 

[كندية]

اللي ايده بالنار مو نفس اللي ايده بالماي

سما كلامها واضح وبصراحه هذا اللي يقهر فلسطن يلعبون ويسرحون بالديره متزوجين ضباط كبار وتلعب وتخرب وتفتن ومحد قادر عليها وبالاخير الوكيل يردها الدوام غصب عن اللي مايرضى شنو تقولون عنه هذا غير انهم يعطون ناس ماتستاهل للجنسيه خلوها تقول جمله كويتيه مفيده مافيه غير هاظ وشو وكيف وكلامها الوصخ اللي نفس ويها تروح مصر الديسكو وينهم عنها الاستخبارات قبل لايعطونها الجنسيه ؟؟؟؟؟؟؟؟مفروض يعرفون انه اغلب المتكوتات عن طريق ازواجهم خذوها طمع مو حبا في ازواجهم ولا حبا بالكويت عندي اكثر من مثال على هالشي والثانيه روسيه خايسه بديرتها مو لاقيه تاكل بالاخير تتزوج كويتي شوفي نفسها الخايسه مصلحجيه بدرجه غير طبيعيه تمشي ورا مصلحتها هذي على شنو جنسوها واهي ماتعرف تكتب ولا تقرا عربي ولا تتكلم كويتي حتى والاخلاق يابلاش متزوجه وتكلم وتطلع ونعم الشرف والثالثه هنديه تقول ناسر بدل ناصر سحرت الريال ولعبت فيه وماتعرف تتكلم جمله كويتيه مفيده وغيرهم وغيرهم على اي اساس تجنست ؟؟؟؟؟؟؟؟؟؟ ياللي تقول مايجوز يجنسون الغرب ويخلطون الكويت ليش مادريتي انه اهل الديره الاساسيين اصلا تخالطوا من سنين من قبل لا يطلع التجنيس جنسوا نفس الناس مو تجنسون خايسين وتقولون تستاهل الجنسيه لانها تزوجت كويتي اغلبيتهم جنسوا طمع وشوفيهم خصوصا الفلسطن وخليهم يسرحون ويمرحون اكثر طول ما اهم مستانسين فيهم جمعوهم لين تنترس الديره من الخمه اللي من هالشاكله شوفوا اللبس والحركات اللي صارت بالمجتمع من وين يت غير من هالخمه روسيات وفلبينيات وهنديات وفلسطن ولبنانيات وين اللي ماتتستر لصقوها وجنسوها
وعيال الكويتيه قانونا لهم حق التجنيس دام درسوا في مدارس الكويت لين خلصوا وبعدين اقامتهم بالكويت تكون لي حد فتره محدده هذا قانون بالجنسيه للي ماتعرف واضح وصريح وحتى المقيم الشريف اللي فنى حياته بالكويت اقروا الدستور وتعرفون هالنقطه وحصل ناس وايد على الجنسيه من هالموضوع واعرف ناس وايد من زمان بالكويت خذوها بشرف مو مثل هالخمه تتلصق بالكويتي عشان جنسيته ومصلحتها ابدى واي مشكله قالت طق والجنسيه بجيبها وتعالي شوفي بعدين والمحاكم فيها قصص ويريتهم يتنكلون

والله كلامج على راسي هذا الكلام السنع ...والله العظيم حرام ناس زباله قاعده تاخذ الجنسيه ..وانا امي وابوي انولدو في الكويت وانا وخواني انولدنا في الكويت وعمري ماطلعت منها مااحصل شيء ..وهذول الفلسطن اللي باقوا الديره ايام الازمه يعطونهم جناسي ...والله حرام ...يعني لازم اخذ كويتي على شان جنسيه ..او قدم ونطر عاد 100 سنه لين اتحصل شيء ..وهذول الزباله ياخذونها مثل الورد....
والله حرام بنات العوايل متبهذلين بره الديره كل واحده بديره شكل ..والريال يتزوج خدامتهم وبعد جم سنه اتصير معزبه ...
واللى موعاجبهم تجنسين الغرب اقولهم روحوا شوفوا تاريخ الكويت وشوفو اهل الكويت من وين كلهم خلط ومافي شيء اسمه كويتي اصلي .... ومثل ماقلتي اختي اللي ايده بالنار مو نفس اللي ايده بالماي

 

[سعبولة نحله]

السلام عليكم،،
والله الموضوع جدا مهم و حساس..
تدرون بالسعودية عندهم قانون حلو ..ان الزوجة طالما انها بذمة سعودي تتبع جنسيتة و اذا طلقها تنسحب منها..
احنا بالهديرة هالاجنبيات يطمعون بالجنسية و اذا حصلوها تطلقوا و تنتعو بكامل حقوقهم و امتيازاتهم ككويتيات,, و يفتحون شركات و يترسونها من اهل ديرتهم
الاجنبية اذا خذت كويتي يابت كل اهلها و ربعها الكويت و يعيشون عيشة 5 نجوم ما يحلمون فيها.. ( هذا الي صاير عندنا بالعايلة )

انا مع خواتي الي يحسون بالظلم.. صح الوحدة تتحمل قرارها بس هم المفروض نصير نفس الدول المتقدمة دان ان العيال انولدو و تربوا و اكبروا بالديرة مافي شي يمنع حصولهم على الجنسية .. و الزوج مالنا شغل فيه !
حرام الكويتية تبتلش كل فترة باقامات عيالها و التامين الصحي و المدارس الخاصة !! حالها حال اي مقيم؟ جنه عقاب لها !

زوجها اجنبي كيفه بس عيالها المفروض يتمتعون بامتيازات افضل من اي اجنبي مقيم

صح لسانج قلتي اللي في قلبي:eh_s(15):

 

[سعبولة نحله]

تنبيه :الرجاء الالتزام بقوانين المنتدي و

الالتزام في اداب الحوار​

http://q8yat.net/showthread.php?t=48019

 

[zeen_el_q8]

خبري الموضوع يتكلم عن اللي ريلها مو كويتي

مو عن الجنسية

و الخوات اللي وايد شادين حيلهم

الظاهر من زود الحماس ما قروا ردودي عدل لأني من البداية قايلة ضد التجنيس للكل حتى زوجات الكويتيين

اما باجي الحجي و شوفوا شيسوون و ماادري شنو

هذا الكلام حبيباتي وجهوه لرياييلنا المحترمين و تدرون ان احنا عايشين بديرة واسطة


اما بخصوص البنت اللي تبي تتزوج لانها تبي الستر آمنا بالله حقها و محد قالها شي

و كل واحد ياخذ نصيبه من الحياة ولابد من التضحيات

نصيبها تاخذ مو كويتي .. خلاص عيل نصيبها عيالها مو كويتيين و يظل ريلها ملزوم يوفرلها كل متطلبات الحياة

ريلاكس شوي و لا تعطون المواضيع أكبر من حجمها ترى كله موضوع في منتدى و كل واحد يحق له يقول رايه بس بأسلوب أرقى


تحياتي

 

[بنت الكويت العسل]

ياواش ياواش

والله مااقول الا .......... بسوق الصفافير ضايعه

احنا نتكلم بموضوع شامل مايتجزا ومن قال انه اهو مايصرف عليها اهي مو قاعده تطالب بفلوس مثل غيرها اللي مايشبع بس الناس تطالب بحق مكتوب وكافله الدستور فتحي الدستور تلقين ماده تقول اي واحد عاش بالكويت بمدة معينه وفنى حياته فيها بشغل شريف له حق التقدم للجنسيه وعيال الكويتيه لهم حقوق بانهم ياخذونها اذا درسوا بكل مدارسها ماطلعوا عنها واغلبهم لهم ملفات بالجنسيه واعرف ناس خذوها مو سالفة طلاق الام ولا وفاة الاب الاب عايش وخذاها على الاساس اللي ذكرته سابقا وبعده اهم العيال تجنسوا عليه المشكله في ناس تتكلم من فراغ واهنيه المشكله اذا الواحد يتكلم واهو مو عارف شي عموما الكويتيه ماتطالب بتجنيس زوجها لانه حق كفله له الدستور ووايد خذوا الجنسيه على هالاساس لكن المشكله في زوجات الكويتيين واذا يت على زوج الكويتيه فهو ماياخذها الا بعد فتره معينه ولازم يثبتون ولاءه وخدماته لكن زوجة الكويتي هذي اللي تاخذها سلق بيض احنا نتكلم بشكل عام والقضيه متفرعه نقول ثور تقولون حلبوه

 

[ii DareeN ii]

تنبيه
الموضوع للمناقشه وياريت كل وحده تحترم راي الثانيه من غير تجريح ولا غلط ولاتجريح بالشعب الكويتي مو عشان وحده تبي تتزوج من جنسيه ثانيه وهذي حريتها الشخصيه تقوم تغلط وتشبه الرجل الكويتي بتشبيهات مافيها احترام ترا الكويتين ابهاتنا واخوانا وعيالنا ​

 

[zeen_el_q8]

سلاما

 

[Smarties]

بنت الكويت العسل -- كلامج صح 100% :eh_s(15):

و احب ارد على البنات اللي يقولون لازم ما نساوي المرأة بالرجل !!! المساواة بالحقوق المدنية و الإنسانية شي و في الحياة الزوجية شي ثاني ... انا كويتية الجنسية و من حقي اني اتساوى بالرجل في جميع الحقوق و هذا حق كفلة لي الدستور الكويتي في المادة 29 (الناس سواسية في الكرامة الانسانية ، وهم متساوون لدى القانون في الحقوق والواجبات العامة ، لا تمييز بينهم في ذلك بسبب الجنس او الاصل او اللغة او الدين .) لكن للأسف اللي حاصل في الكويت انهم يميزون بين الجنسين و خصوصاً إذا تزوجت غير كويتي تكون كأنها مسويه جريمة !! و يعاقبونها بطريقة غير مباشرة و الشي اللي يحر كلام الأخوات في المنتدى ( انتي تزوجتي غير كويتي تحملي ) عيييب عليكم تقولون لها جذي !! هذا نصيبها و لو كنتي انتي مكانها ترضين هالكلام لنفسج ؟؟

احنا بس لو الله يفكنا من هالقبلية و الطائفية اللي منتشرة بالديرة أحنا بخير .. للأسف أعضاء مجلس الأمة و اللي المفروض يمثلون الشعب يتم انتخابهم لأنهم من نفس القبيلة و لا الطائفة ولا ولد فلان و كل شي بالديرة واسطة بواسطة و اللي ما عنده واسطة يضيع ... و يقولون الله لا يغير علينا !! لأ انا اقول الله يغير علينا هالوضع اللي كل ماله وبالنازل ...

الدول الثانية كانت أقل منا بكل النواحي و شوفوا وين وصلوا ليش ما نصير مثل الدول المتطورة ؟؟؟ دول أوروبا تكفل الحق لمواطناتها سواء من بيت أو وظيفة أو حتى راتب لما تكون بطالية بدون ما يقولون لها والله تزوجي من ولد ديرتج !! يعني كل حقوقها مكفولة من غير زواااااااج .. و حتى لما تتزوج حقها مكفول في البيت و المعاش و اذا تبي تقدر تجنس زوجها و عيالها ... و كاهي دولهم ما شاء الله متطورة و وين واصلة !!
و أحنا بس همنا نحارب بناتنا الكويتيات بسبب زواجهم من أجنبي !!!!!! شبابنا نصهم ما يبون يتزوجون بسبب حياة الفساد اللي عايشينها و النص الثاني ياخذون أجنبيات أو يكونون أصلا متزوجين كويتيات ... ما تقولون لي البنات شيسون بهالحالة و انتو تدرون ان نسبة الإناث أكثر من الذكور بالكويت ؟؟؟ يعني البنت تروح تنحرف لان ما يالها نصيب كويتي ؟؟؟ ولا الأحسن إنها تتزوج و تستقر باللي ترضى فيه بدينه و خلقه ؟؟

صج اللي ايده بالنار مو نفس اللي ايده بالماي

كويتيات عايشين برا الكويت و شايفين الويل وانتو اهني تستهزؤن فيهم !!!

تدرون ان الكويتية عيالها مالهم حق التعليم بالمدارس الحكومية إلا إذا كانوا عيالها مواليد الكويت !!!!!!! يعني اذا سافرت و ولدت برا الديرة ولدها ماله حق يتعلم بالمدارس الحكومية ؟؟؟

و كويتية أبناءها عايشين بالخارج طالبت فيهم إنهم يدخلونهم الكويت منعوهم بحجة أن أبوهم اللي مطلق امهم عليه قيد أمني !!! شتسوي الأم يعني ما تشوف عيالها ؟؟ وين الإنسانية ؟؟؟ شنو جريمتها عشان يعاقبونها هالعقاب ؟؟ كل هذا لأنها تزوجت (غير كويتي) .....

حسبي الله و نعم الوكيل