اللي فيها اعراض غريبه و كل الدكاتره ماعرفو لها تدش

[ضوءالقمر]

الله يشفيك من المرض ويشفي كل مرضى المسلمين
عليك بالصدقة فقد قال رسول الله صلى الله عليه وسلم داوا مرضاكم بالصدقة

 

[ريمه الكويت]

يارب يشفيج ويشفي كل مريض والله لما تشوفون هالمراضى بالمستشفيات تحمدون الله على الصحه عايشين على الله وعلى دعوات المؤمنين

 

[shorok]

سلامتج حبيبتي و ان شاء الله يارب تطيبين و تصيرين احسن من أول ، خلي ايمانج برب العالمين كبير و تقثج كبيره بان الشفاء بيكون من رب العالمين وحده ، داومي اختي على الأستغفار بنية الشفاء من هالمرض و اكثري من الصدقات و ان شاء الله اسمع عنج كل خير يارب

 

[sanyoreta]

الله يشفيج

مشكوووره حبيبتي

:tek:​

 

[اسوووره]

الله يسلمكم خواتي و ربي لا يبلاكم يارب العالمين .......
اختي ريمه الكويت حبيبتي اكييييييد الواحد يحمد ربه و يشكره على كل حال و ربي يشفي كل مريض .....
و اختي ام الشيوخ حبيبتي رحلتي مع المرض كانت اول شي بسيطه من جذي ماكانت اهتم اول شي كان جفن عيني ينزل بشكل غريب و كانت امي كله تقولي هذا سحر و هذا سحر و لازم اوديج عند احد يقرى عليج و انا مالي بهالسوالف فكنت اتهرب منها لان احنا ندري امهاتنا كله عندهم يا سحر يا عين ....
المهم الحاله قامت واااايد تأثر على نظري اني صرت انحول و هم ما اهتميت لين اوصلت حق ايدي اللي صرت الاغراض تطيح من ايدي و ريلي فجأه ما احس فيها و اطيح و كل هذا كنت اروح حق دكاتره عاديين و كانو ما يهمون حق الموضوع و يقوليلي يمكن نفسيه لين يون من الايام قريت عن مرض التصلب المتعدد جان اروح اسوي رنين مغناطيسي و الحمدالله ما طلع فيني مرض التصلب .....
عقب هالسنين و الدكاتره اللي ماعرفولي الحاله واااااااايد تدهورت و خاصه عقب وفاة ابوي بحضني صرت كل يوم اختنق و ماقدر حتى ابلع الاكل اللي اكله اهني لا خلاص قررت اروح دكتور مختص فعرفت عن دكتور سهيل الشمري و رحتله و من اول زياره شخصلي المرض و بعد الفحوصات اكدلي اني مريضة Mg ......
بس المشكله اللي ضايقتني بدكتور سهيل ان ماكان يقعد معاي وايد ولا كان يريحني عن حالتي ....
لين عرفت عن دكتور هشام الخياط بدار الشفا و صراااااحه واااااااااايد ريحني و قعد معاي واااايد و شرحلي المرض عدل و نصحني بوااايد اشياء اذا اسويها تكون افضل لي .....
و الحين انا لازم اسوي عمليه و صراااحه دكتور سهيل عيزني و ما كتبلي التقرير حق العلاج بالخارج لان العمليه بالكويت مو متمكنين فيها و يسوونها جراحه بس بالخارج يسوونها بالمنظار فمن جذي ابي تقرير عشان اسويها عن طريق وزارة الصحه و التقرير صراحه ما كتبه لي الا هشام الخياط .....
حبيبتي ام الشيوخ انشالله افدتج بالشرح و اي استفسار انا حاظره و اتمنى ان الكل يقرى الموضوع عشان يستفيد .....

و ربي يشفينا و يشفي جميع مرضى المسلمين يا رب العالمين ........ز

 

[rayoomah]

حبيبتي ماتشوفين شر انشالله، آنا فيني مرض الms وأعالج عند د. سهيل الشمري فيني المرض من 14 سنه وآنا آخذ علاج يوم وترك ابر واذا تعبت ويتني انتكاسه انام بالمستشفى ويعطوني كرتزون.
الله يشافي كل مريض يارب.

 

[اسوووره]

حبيبتي ريومه ربي يشافيج يارب العالمين .... عورتي قلبي لان ادري ان حالتي و اعراضج واااايد متشابهه مع حالتي و اعراضي .....
بس ممكن حبيبتي اذا امكن تقوليلي شنو الاعراض اللي حاشتج و شنو تعانين منه و انتكاست حالتج عباره عن شنو يعني شنو تحسين فيه ؟؟؟
عشان نفيد و نستفيد لان للاسف هالنرضين واااايد نادرين بالكويت و الحمدالله ان مرضج Ms صار نوعا ما معروف بالكويت و يعرفونه و قامو يتكلمون عنه وااايد و للاسف ان ال Mg ليلحين ماياله الدور عندنا بس انشالله انهم يسلطون عليه الضوء اشوي ....
لان انتكاسات هالامراض تيي فجأه و تروح فجأه بس وين تلاقين اللي يفهمج و يقدر مرضج ....

وااايد شكرا حبيبتي و ناطره ردج .... تسلمييييييين

 

[rayoomah]

اسوووره حبيبتي اول شي حاشني بعيوني ماكنت اشوف الا غشاوة بيضه وبعدين خدور بجسمي ايدي وريولي على مايسوولي الفحوصات بس ماقدرت امشي على الويل جير 3اشهر بعدين عطوني كرتزون بكثره والحمدالله مشيت والحبن اتعب اتحوشني الاعراض وعلى طول اروح آخذ الكرتزون والحمدلله اصير متينه دبدوبه وبعدين ارجع اضعف والحمدلله احسن من غيرنا نمشي نشوف ناكل نطلع هذا اهم شي . اسووووووره حبيبتي وبالمرض اهم شي النفسيه والله باعتقادي ثلاثة ارباع المرض. ودكتوري بامريكا قايلي لاتشوفين البيت الا وقت النوم حاولي تلهين نفسج وتستانسين وتنسين المرض واي شي تبينه من عيوني انا موجوه وماتشوفين شر يارب

 

[*سكون*]

الله يشافيكم حبيباتي .. وكله بأجره ان شا الله

 

[Artya 【ツ】●]

بعد عمري والله

الله يشااااااااااااافيج يارب

 

[إمرأة مثالية]

سلامات واهم شي عرفتي شنو فيك ما تشوفين شر يالغالية

 

[اسوووره]

حبيباتي ما قصرتو و الشر ما اييكم انشالله و ما قصرتو .....

حبيبتي ريووومه ربي يعينج و يشفيج يارب العالمين و يشفي كل مرضى المسلمين ....
حبيبتي ما قصرتي و انا مابي منج اللا انج تكونين بخير و صحه و عافيه .... كان ودوي تقولين لنا قصتج مع المرض و دكتورتج بالكويت و اشلون اكتشفتي المرض عشان نستفيد و نفيد اللي يقرى الموضوع ...
و بالنسبه حق النفسيه فاحنا ندري هالامراض نسبه كبيييييييره فيها متعلقه بالنفسيه و هم الحمدالله احسن من غيرنا على الاقل احنا انتكاسات و تروح مو مثل اللي يتموم على حالتهم الله لا يبلينا يارب و يشفيهم ربي انشالله ....
و انشالله يتشاركون معانا اللي نفس حالاتنا من مرضى ال Ms & Mg عشان يكون بينا حوار في بمنتدى ديرتنا و يكون لنا صوت ينسمع و اهتمام خاص بالمستشفيات و الدكاتره ....
و مريووومه حبيبتي ديري بالج على روحج و حاولي تطوفين كل شي يضايقج و تبعدين عنه و ادري ان هالشي مو بيدج بس حاولي تخففين من الشي اللي تقدرين انج تخففينه عليج ....

شكر كبييييييييير لكل من علق على الموضوع .....
و شكر خاص حق مريوومه ربي يحفضج من كل شر ....

ربي يحفضكم من كل شر ...................ز

 

[rayoomah]

[هلا اسوره حبيبتي شوفي آنا بدا معاي سنة 1993 اول شي حاش عيوني قالولي لبسي نظاره ضعف نظر لبست ماكو فايده نظري كل ماله يضعف لما صار غشاوه بيضه.بعدين تخيلي سولي اشعة الرنين المغناطيسيه قالولي مافيج ولا شي بعدين استانست الحمدالله بعد 15 يوم عيوني رجعت علي وقمت اشوف 2 نوموني وعطوني كرتزون شافوا حالتي قاعده تزيد قالولي نعطيج ابره الظهر وناخذ عينه شافو النتيجه قالوا مافيج ولا شي تخيلي عقب الابره ماقدرت اتحرك 15 يوم ماخذينها مني بالغلط كل ما يرفعون راسي ادوخ واطيح .بعدين شافوا ماكو فايده ومو عارفيلي قالولي سافري.رحت امريكا قعدوا ياخذون التحاليل والاشعه بالوقت اللي كانوا يسوولي التحاليل بس طحت ماقدرت امشي على الويل جير الدكتور قالي لازم ناخذ ابره الظهر مره ثانيه تخيلي قزني الابره رحت الشقه مشي بعد نص ساعه !!!! وقالي فيج مرض الms عالجوني بالكرتزون 3اشهر الحمدالله مشيت ورجعت الكويت. عطوني ابر يوم وترك اخذهم وحبوب مسكنه حق عوار الجسم. طولت عليكم هههههههه. سنة1995 حملت بالغلط وقالولي خطر لازم نطيح البيبي كلمت امريكا نفس الكلام قال تاخذين ابر على البطن مايصير تحملين وطيحولي البيبي. الحمدالله على كل حال شي احسن من شي. والحمدلله قاعده آخذ ابره يوم وترك وعلى الحبوب واذا زاد علي انام بالمستشفى يعطوني كرتزون.ودكتوري سهيل الشمري بمستشفى مبارك . وسلامتكم كلكم من كل مرض يارب
ادعولي وادعو حق كل مريض ان الله يشفيه ويبعد عنا وعنكم الامراض

 

[Swan]

الله يشافيج يارب
شربي زمزم دايم مع الدعاء
وسوي حجامه ترى وايد مفيده لكل مرض

 

[rayoomah]

على فكره اسوره تقريبا نفس الاعراض التي تييلج الجفن الخدران ساعات مافيني حيل امسك ولا اشيل شي وكل شييطيح من ايدي
الله يشافيج يارب

 

[فجوره99]

انا حاسه فيج حبيبتي لان قصتي وايد تشبه قصتج نفس معاناتج مع الاطبه وكنت ابي اعرف شنو اللي فيني والحلات الغريبه اللي صير معاي ولما اروح حق الطبيب يقولي مو معقول ان يصير كل هذا معاج اكيد يتهيألج بس عشان نتأكد سوي تحاليل وانتي بعد الاحباط اللي يبلج ياه بكلامه اقول بعد ليش اسوي تحاليل اروح بيتنا وايد احسن لما تعبت من عمري وكثرة طيحاتي وتفشل حتى لو اصغر واحد بعيالي ادزني اطيح ونفس ما قلتي عدم توازن وازدواجيه بالرايه وصعوبه بالبلع يعني اغلب الاعراض اللي قلتي عنهم انصحوني اروح لسهيل الشمري اهو اللي عرف شنو فيني وقالي فيني مرضms وطبعا معناتي هذي من تقريبا 11 سنه او اكثر بس الحمدالله اني عرفت امراض غريبه تطلع توني اعرف ان فيه مرض اسمهmg بعد الله يشفيج يارب ويشفي جميع المسلمين

 

[اسوووره]

ياربي نحمدك و نشكرك على كل حال يارب و يشفي يا فجوره و الحمدالله ربي العالمين انج عرفتي اللي في و لقيتي وحده نفس حالتج يعني الاخت مريومه معانا بالموضوع و فيها Ms اتمنى انكم تتبادلون معاي الاعراض و زيارات الاطبه و بما ان حالاتنا متشابهه و نحاول نوعي المساكين اللي مايدرون اشفيهم و الدكاتره يلعبون فيهم و انشالله هم انا الاقي احد يكون فيه Mg عشان يكون الموضوع شامل حق مرضى Ms و Mg ما انهم مرضين من امراض الاعصاب و يتشابهون بالاعراض و الحالات ..... والله يا فجوره حتى انا عيالي ساعات اخاف اشيلهم خاصة في بنتي الاخيره لمن حملت فيها ما كنت ادري ليلحين عن المرض بس كنت ماحب اشيلها الا وانا قاعده الحمدالله على كل حال .....

ربي يشافيكم و يشافينا و كل مرضى المسلمين يارب ....


بس بغيت اسالكم ريومه حبيبتي وينج ؟؟؟ من زمان ؟؟؟
المهم السؤال اهو انتو تحتاجون عمليه جراحيه ولا مرضكم عالعلاج و بس ....

ربي يشافيكم يارب العالمين ......

 

[المهرة الأصيله]

صباح الخير
أنا أعاني من اعراض وايد مشابهة لاعراضج واعراض الاخت ريوووومه، وراجعت د/سهيل الشمري والمشكلة ما توصل حق نتيجة وقاعد يرقصني وبالاخير يقولي بسحب ماء من ظهرج وانا الصراحة خايفة من هاذي السالفة لأن مافي دكتور شاطر للاسف .
وعلى فكرة ما في دكتور اختصاص مرض الــMS في الكويت الكل قاعد يجرب علشان أهو يطلع فيها مكتشف
وألحين بسافر امريكا للعلاج ابي معلومات من ريووووومه اي مستشفى تعالجت وشنو اسم الدكتور ؟؟؟؟ وشنو تعاني منه بالضبط
ارجووووكم المساعدة ضروري
وهذا الايميل الخاص فيني [email protected]

 

[اسوووره]

هلا حبيبتني المهره ربي يشفيج و يشفينا يارب العالمين ....
انا انشالله راح ادزلج ايميل بكل اعراضي و اللي احس فيه من عيوني و انشالله هم ريومه تتواصل معاج و فجوره لان حتى هيا فيها ms ....
حبيبتي انا اتمنى ان نتواصل اهني بهالموضوع لاني والله فتحته عشان افيد الناس اللي ما يعرفون شنو فيهم و ينقص عليهم بسالفة العين و السحر لان اعراضنا غريبه و نادره فيقتعون بكلام الدجله و النصابين و يضوعون لان للاسف هالامراض مافي وعي و ارشاد لها عندنا .....
و حبيبتي انصحج انج تروحين حق دكتور هشام الخطيب دكتور واااااااااااااااايد شاطر صراحه و يريح المريض وااااااايد و هو راح يعلمج وين تروحين بامريكا اذا ناويه تروحين لان اهو دكتور كان يشتغل اهناك و شهادته من اهناك بعد فماشالله عليه واااااايد فاهم روحليله مع تحاليلج و انا واثقه ان راح يفيدج انشالله .....


ربي يشافينا و يشافي جميع مرضى المسلمين .....

 

[فجوره99]

اسوره حبيبتي الدكتور هشام الخطيب وين مكانه واشلون اوصله

المهره الاصيله انا بعد مثلج مارضيت انه يسحب ماى من ظهري بس قالي من الاشعه والانتكاسات اللي تصير معاي ان فيني ms وحابه اني اتاكد بس ماني عارفه وين اروح واذا ريومه تنصح بامريكا شنو اسم المستشفى وعند اي دكتور